عرض الإصدار الكامل : شعبان عبد الرحيم....مسجوووون
مسيو حسامو
18-09-2002, 17:28
الحكم بسجن الفنان شعبان عبدالرحيم بسبب
حكم على الفنان شعبان عبدالرحيم بالسجن ثلاثة اشهر .. بسبب بعض الابيات اللي غناها في شريطة الجديد .. وهي
مبروك يا عم بوش البرج اللي اتضرب *** ان شاءالله كمااان صارووخ ونفرح كل العرب
وشعبان عبدالرحيم هذا أصبح مضحكة للقنوات الفضائية ولمذيعيها كان يعمل مكوجي قبل احترافه " الهجص الفني " وهو ذكر لايقرأ ولايكتب ولديه خمسة من الأولاد لم يدخل أحدا منهم المدرسة رغم ماأنعم الله عليه من ملايين خلال فترة وجيزة بسبب مافيا الكاسيت الذين يسرحون ويمرحون داخل مصر وغيرها من دول الخليج ـ والله العظيم أن من يشتري شريطا لفنان فهو مشترك معه في الإثم لأنه يقوم بدعمه ـ وهذا الشعبان الذي تجاوز عمره الخمسين سنة حيث لايزال يواصل ظهوره في حفلات الغفلة وإعلانات ترويج الكاسيت وهو يتقلد السلاسل الضخمة حول رقبته والأساور حول معصمه مرتديا الثياب الافعوانية أو أزياء الهشك بشك لمن هم دون العشرين والأدهى من ذلك أن مثل هذه الإعلانات تبرزها صحفنا المحلية ـ حسبي الله ونعم الوكيل ـ
ويقول أنه سافر إلى مكة في رمضان من أجل أداء العمرة هو لايريد أداء العمرة لكن من أجل الحجة "أمه "ذهب للعمرة وطلع فوق السطح للحرم المكي وهاله عدد المعتمرين وزوار المسجد فدعا الله أن يجعل عدد جمهوره مثل عدد هؤلاء!!!
ولكم خالص تحياتي
مسيو حسامو
لك الحمد لله سبحان مين ريح
ولي هاد لا صوت ولا صورة
اللهم لا شماتةsh:angry
مرحبا:
سبحان الذي خلقه هالشعبولا :
لك هاد مطرب ولا مكرب ومتل ما قالت ناني لا صوت ولا صورة
يعني مابعرف مين الي سمحله بالغناء ؟
ولا الازياء الي بيلبسها رهيبة عن جد رهييييييييبة:p :p
سلام من دينا
osama_brd
18-09-2002, 22:28
أضم صوتي لصوت الجميع في أنه مكرب وليس مطرب وأظن أنه لا علاقة له بالغناء ولا الصرب ...
ولكن أنا أسمع أغانية لسببين :
الأول والله لأضحك من تصرفاته فهو كالمهرج والفاشل أيضاً ...
ثانيا : عنده كلمات ظريفة مثل هذا الذي أدى لسجنه ...
مرة سمعت معه مقابلة في قناة دريم فسألته هالة سرحان عن سبب وجود ساعتين في يده فأجابها :
واحدة من أجل إذا سألني أحد عن الساعة والثانية حتى إذا هو أراد أن يعرف كم الساعة .... فساعة الناس غير ساعته ...
يعني شخص غريب فعلاً وليس له أي معنى غير السخف ...
أسامة
هذا الرجل أخر ما توصل إليه الإعلام العربي التافه
عنجد حبسوووووه ؟؟؟؟؟؟؟؟
يعني والله بيستاهل اكتر من هيك
:)
والله يعطيه العافية اللي حبسو :)
بتعرفو هالشعبولا هدا مجنون رسمي
هو صحيح انيق كتير وانا شخصيا معجب بزوقو الراقي بأختيار الالوان!!
وصحيح كمان انو دايما يحرص على ان يكون لون الحزام على لون الحذاء !!
وصحيح كمان انو مشلشل دهب (( مشلشل مزبوطة ولا لأ ؟؟)) :)
بس في شي ناقصو
شي صغير كتير
لو يكتمل هالشي عندو بيصير افضل من مايكل جاكسون
هالشي انو دايما بنطلوناتو طويلة وعم تجر عالارض
ههههههههههههههههههههههههههههههه
لك يرفعهم شوي .. يخرب بيتو يقصّرهم !! يعني خايف انه يطول ......ويقصرو عليه البنطلونات وما يقدر يلبسهم مرة تانية ؟؟؟
عنجد مطرب خيلة
وهو اكتر مطرب بيقدر يخليني اتسمر قدام التلفزيون وضل اتأمل فيه لاخر لحظة ...... معجب بجمالو
خصوصي لما بعد كل جملة بقول
ايييييييييييييييييييييييييه
اييييييييييييييييييييييييييييييييييييييييييييييييي ه
واحب عمرو موسى واكره اسرائيل
واحبك يا سووووون لكلامك الموزووووووووون
و هييييييييييييييييييييييييييييييييييييييييه
sh:eye
بتعرفو انو المذيعة مرة سألتو
المذيعة : شو الشي اللي جنيتو من الشهرة ؟؟؟؟
شعبان : اني اخيرا صرت اكل فراخ وبط
فراخ اللي تعشش ببطنو انشالله
وبالمناسبة
حبطّل السجاير
واصير انسان جديد
ومن اول يناير
خلاااااص حشيل حديد
هيييييييييييييييييييييييييييي
واصحى الصبح بدري
واشرب لبن حليب
و ووو
و
ونسيتها
sh:questio
يلا اسمعوها انتو وتسلو فيها
sh:ohmy
اسمعو اجمل اغنية .. حابطّل السجاير (http://music.6arab.com/sha3ban..haba6al-sagayer.ram)
أنا بكره اسرائيل و بكره ارييل شارون و بحب عرو موسى بكلامو الموزون هيييييييييييييييييييييييييييييي
حابطل السجاير في أول يناير و هيييييييييييييييييييييييييييي
كزاب يا خيشة هييييييييييييييييييييي
لا تفكروني بحبو و حافظة أغانيه أعوز بالله...
بدكن تعرفو لكن ليش كتبتلكم قسم من أغانيه؟sh:eye
بالله شوفولي هالكلمات...ما فيها لا حلاوة و لا وزن لك يعني كلام عامي مطبقو على موسيقى و قاعد عم يغنيهم و يزعجنا فيهم
أصلاً لا صوتو حلو و لا بيعرف يغني كل أغانيه هييييييييييييييييييييييي
و الله ما بعرف كيف نقش الحظ معو و انشهر...
سلاااااااام
انا ماني مبسوط لانو حبسوه
لأ لأ ما لأني بحبو بس لأني بعتبر انو الحق مو عليه هوي ما هوي بالأصل متل ما بتعرفو واحد أمي بسيط
بس كل الحق على وسائل الإلام وعلى الشعب المصري بالدرجة الأولى اللي عطاه هالأهمية وصار يحضرلو حفلاتو ويشتريلو أشرطتو
مسيو حسامو
19-09-2002, 06:21
"بسم الله الرحمن الرحيم"
تحية طيبة و بعد...
والله يا جماعة...كل أرائكن بمحلها.....
كل كلامكم سليم مية بالمية...
و تعرفوا وقت بأسمع لهالصوت و الشكل (إسمحولي بهالكلمة) الصوت النشاااااااااااااز...
يعني ينتابني شعوووور.....شعووووور بانه ليس مطربا أو مكربا....
ولكنه مهرجا لا يفقه شيئا في التهريج....لا في الإضحاك...ولا في الإمتاع....يعني لو راح إشتغلو شي شغلة تانية..كان أشرفلو...ول بقي مكوجي..كان أريح للمخ و التفكير...و للبيئة كمان
بس بيخبص....
و ماشي على قولة المثل....ضربة الأعمى صيد...
فيعني مهرج متل هيك...مكانو السجن مشان يفرح المسجونين المساكين...الي مالن حدا يواسيهن....(ولا شو رأيكم؟)
و متل ما قال الأخ ضياء و بضيف شوي على كلامو(هذا الرجل هو أخر تكنولوجيا توصل إليها الإعلام العربي...جديد في الأسواق...المنتج الجديد شعبان عبد الرحيم)
و في الختام....الرجال إنحبس....
ولكم خالص تحياتي
مسيو حسامو
يعني هلء انتو كلكم حكمتوا على هادا الزلمة بانو سيء و رديء
و مابيفهم بالطرب و امي و هادا الحكي كلوا .
بعدين اذا انسجن الله لا يردو لانو غتى ضد البرج .
مالي طالب الرد من حدا ابدا بس لاتنسوا انو عندو 5 اولاد .
لا تتسرعوا بالردود. مع احترامي لردودكم و آرائكم كلها .
ارجو عدم الرد على تعليقي و لكن فقط للتذكير
اخوكم
الألم
يا جماعة انا متلكن
كتير بكرهو وكل اهلي بيعرفو هل شي بس لما بقلب بالقنوات وبيطلع بوقف شوي
لنفس الاسباب يلي ذكروها يلي قبلي يعني بضحك شوي وبتعجبني رقصتو بتنسيني همي شوي
والدهبات يلي بيلبسن
هداك اليوم شافتو ماما بالصدفة قام قالت شو هل عالم هي لك عم شوف صح انا ولا غلطانة مالكن معي انو هل اكسسوارات بناتية
يعني مو خرجو
بالنسبة للالم بدي الك انو هل كم شهر يلي انحبسن مو كتار بس بركي بيمشي حالن وبيقتنع انو ما خرجو يجرح سمعنا بصوتو
على فكرة انا ما كنت منتبهة لبنطلونو كان في شغلات غير تسحرني بس اليوم ان شاء الله بدي دور عليه بشي قناة لشوف بنطلونو:D
osama_brd
19-09-2002, 10:57
سمعتوا آخر غنية لشعبان عبد الرحيم ....
رح نقضي على البنات ******** عشان هم مصيبة الحياة
ومش حقول واعيد ******* وعليكن أطول وازيد
وحضرب لخمة وطناش ****** وحعيش حياتي بلاش
وهيييييييييييييييييييييييييي
هيييييييييييييييييييييييييي
:D :D :D
هي من عندي بس أنا لما بده يطلع من السجن رح أعطي الغنية مشان يغنيها
أسامةsh:hi
في مقابلة معو مع برنامج على ورق سأل المذيع شعبان قال له :
هل أنت قلت في جريدة أنك لن تغني لنزور قبوني
قال :نعم
المذيع:هل تعرف من مكانة نزار قباني وشو بيشتغل
قال:أظن أنه مطرب ويكتب أغاني
وبعدين طلب منو المذيع انو يغني اغنية لأم كلثوم وبعد ما خلص اتسلى عليه المذيع وقال:
كويس أنها ماتت قبل ما تسمعك
فشو رأيكم بهيك نمرةsh:hi
حبيب قلبي طارق الامل
حسستنا يا شيخ اننا متوحشين وعم نشمت فيه :)
عزيزي هن 3 شهور بس ... متل ما قالت ناني
يعني مو حرزانين ...... يعني خليه يتأدب شوي
وصدقني ولادو اكيد فرحانين بهالخبرية لانو انسان متخلف ومن العصر الحجري وما بدهم هيك أب بالناقص عنو
بتعرف انو في أحد المقابلات في بيتو
طلب من مرتو وقدام الجمهور المشاهد انها تشلحو جراباتو و كندرتو
(( أجلكم الله )) وطلب منها تغسل رجليه بالطشت (( على رأيي المصاروة ))
يعني بالله عليكم هاد انسان ؟؟؟
ولا حتى بقدر زوجته
المفروض يورجي انه بيحترمها وبقدرها ويحطها على راسو من فوق
بيكفي انها متحملة تشوفو وتتصبح بوجهو المقرف
وانا حاسس من تقاطيع وجهو انه السجن مو جديد عليه واكيد له اسباقيات كتيرة ( هي مو متأكد منها )) مجرد تخمين
تحياتي طارق ... sh:happy
وللجميع
SPIDER_MAN
19-09-2002, 13:50
شعبان عبد الرحيم ..
له العديد من الاعمال والالبومات التي طرحت بالاسواق ...والاغنية التي أدت الى شهرته أكثر هي أغنية :أنا بكره اسرائيل ...واليكم كلمات هذه الأغنية:
انا بكره اسرائيل اقولها لو اتسال
وان شا الله اموت قتيل او اخشي المعتقل
احب حسنى مبارك عشان عقله الكبير
لو خطا اي خطوه يحسبها بضمير
باكره اسرائيل وباكره الدمار بتعشق الخراب
وبحب ياسرعرفات وغالي يا ناس عليه
والدمعه رايحه جايه
وباكره اسرائيل وشيمون ويا شارون
واحب عمرو موسى بكلامه الموزون
ايه ذنب الاطفال اللى يوماتي تموت
الناس ماسكين سلاح وناس ماسكين زيتون
باكره اسرائيل واحنا كلنا
الكل زعلنين دالقدس بنتنا
الدرة لما مات الريس كان حزين
وقلها في الجرايد من يرضي الظلم مين
من يرضى الظلم مين
باكره اسرائيل واكرة يهود باراك
عشان دمك تقيل والناس كلها كرهاك
طول عمر مصر راسيه وبتستحمل كتير
ولكن لما تغضب اهى سحبة السخير
بكرة اسرائيل
واسال دم الشهيد
اسال اللى عبروا في اكتوبر المجيد
انا باكره اسرائيل عشان جنوب لبنان
والقدس والعراق وسوريا والجولان
وباكره اسرائيل اقولها لو اتسال
وان انشا الله أموت قتيل او اخش المعتقل
.................................................. .......
وبالنهاية ..تحقق حلم شعبان عبد الرحيم ودخل المعتقل.
وهيييييييييييييييييييييييييييييييييييييييييييييييي يييييييييييييييي
sh:ohmy
مسيو حسامو
19-09-2002, 15:17
"بسم الله الرحمن الرحيم"
كل أرائكن يا جماعة صحيحة..
ولكن نحنا ما شمتنا فيهه....
كلها شغلة 3 شهور و بيطلع.....مش مشكلة...
و أغنية انا بكره إسرائيل..
صحيح هي سبب نجاحو....ولكن عليها بعض المأخذ...
مثل...يعني أي واحد بدو يغني ضد إسرائيل و ما شابه ذلك...
و بالذات اذا كان رجل...هل يلبس ذهب؟؟؟
يعني دهباتو حرام يلبسهن...و بيقولك فوق هيك انا بكره إسرائيل..
ياااااااااااااااااي شو حنون.........ما لقى تعبير أحسن من أنا بكره إسرائيل...
و متل ما قلت..هو غير متعلم يا دوب على قد عقلاتو و على قد فهمو..يعني اتركوها عالله...
و منشوف شو رح يصير فيه بالأخير...
ولكم خالص تحياتي
مسيو حسامو
vBulletin v3.6.4, Copyright ©2000-2008
Translated by SyriaNobles