المساعد الشخصي الرقمي

عرض الإصدار الكامل : تصويت لأحلى موبايل

engafw
25-01-2002, 03:48
مرحباً
شو رأيكم كل واحد يصوت لأحلى موبايل عجبه!
أو أنه يحكي عن ميزات الموبايل اللي يحمله ويحكي عن الموبايل الأحلام اللي يريده
Del piero
25-01-2002, 07:47
MOTOROLA

تجد فيه ما تريد
engafw
25-01-2002, 08:04
هو جهاز ممتاز، بس أنا بعرف أنو كل جهاز له مواصفات تجعله مميز عن غيره، فما اللذي يجعل هذا الجهاز مميز أكثر من غيره؟
أنا من ناحيتي بصوت لـ Alcatel 701 هو جهاز ممتاز بيمتاز بالأوامر الصوتية وبتحدث عن بعد يعني handsfree وإشارته قوية جداً إضافة إلى أنه نسبة السعر إلى الأداء لديه ممتازة
وله نفس مواصفات جهاز Nokia 6310 بس بيتميز عنه بأنه أصغر بالحجم وبميزة handsfree
أمير عربي
28-01-2002, 12:50
أنا أيضا سأصوت لأجل alcatel 701 و ذلك للاسباب الموضحة ...
و أريد رأيكم في تصويت أيضا لأفضل مقدم خدمات خليوي في سورية سواء كان من شركتي سيرياتل أو 9 4 و ذلك من المقدمين المحليين و ما يضعونه من عروض تنافسية !!
شو رأيكم؟؟
مع تحياتي
engafw
28-01-2002, 15:01
مرحباً شباب

بالنسبة للأجهزة فقد سبق وصوت لجهاز alcatel 701.
أما بالنسبة للـ OPORETOR فأنا بصراحة وجدت المعطيات التالية:
بالنسبة لشبكة تسعة أربعة فإنها في أثناء قيام الشبكة التجريبية قامت بتغطية المناطق خارج المحافظات، أما شركة سيريتل فقد قامت بتغطية داخل المدن وكان هناك اتفاقية بين الشركتين تدعى ROAMING بحيث أنك إذا دخلت مناطق تغطية سيريتل فإن موبايلك يعطيك شبكة SYR01 أما إذا دخلت على منطقة تغطية تسعة أربعة بإن موبايلك يعطيك شبكة SYR02.
والوضع الراهن هو كما في الشبكة التجريبية فلذلك إنا أنصح من له الكثير من السفر وبحاجة إلى تخديم على كافة المحافظات بأن يستخدم شبكة تسعة أربعة، أما من ليس له حاجة بالسفر فإن خدمة سيريتل في داخل المحافظات أفضل حتى بالتجريب حيث أنه في كثير من الأحيان إذا استعملت موبايل مع بطاقة تسعة أربعة ففي كثير من المناطق تقطع الإشارة وتنقطع المكالمة أما بالنسبة لسيريتل فإن الصوت أوضح والإشارة أقوى، حتى خدمة الزبائن في شبكة سيريتل أفضل من خدمة زبائن تسعة أربعة.
أنا شخصياً أستعمل بطاقة من شركة سيريتل.
أمير عربي
28-01-2002, 15:16
أنا رأيي من رأيك و لو أنني أذكر بأن هناك الكثير من المحلات و الموزعين المعتمدين يقدمون عروض سخية
كمثال
شركة زحلاوي في حمص تقدم خط سيرياتل و جهاز ericsson و ستيريو أيوا مقابل 27 ألف ليرة سورية
و كمثال آخر :
تقدم محلات .net أيضا خط تسعة أربعة و جهاز نوكيا و ذلك مقابل 25.500 و بالتقسيط
و هناك الكثير من العروض المغرية الأخرى التي تساهم في تغيير رأيك عند شرائك للموبايل..
فلا تتعجل
مع تحياتي
engafw
29-01-2002, 02:37
مرحباً

كلامك صحيح، ويمكن أنك أنت بتلاحظ أنو دعاية شركة سيريتل أقوى بكثير من دعاية تسعة أربعة.
وأنا بصراحة مهندسين في سيريتل قالوا لي أنو شبكة تسعة أربعة أحسن، بس أنا على التجريب وجدت سيريتل أحسن.
أمير عربي
29-01-2002, 14:36
عزيزيengafw:
كلامك مظبوط تماما
بس كمان يبدو أنك مجرب الموبايل في مناطق مأهولة بالسكان
أما في الجبال و المناطق البعيدة فأنا أرى أن تغطية تسعة أربعة أفضل و على كل حال فنحن لا نتمنى إلا المنافسة بين الشركتين و هذا بالتأكيد ليس لمصلحة أحد إلا نحن:D :D
و لا كيف؟؟;)
مع تحياتي
basil_dgh
29-01-2002, 15:41
موبايل الضفدعة على قول ياسر العضمة...

السلام عليكم..أنا هيك..كلاسيكي و بحب القديم...

موبايلي T20 Ericsson
مميزاته:

صوت و ارسال 100% و ذبذباته أخف من غيرو...
هي شغلة الذبذبات ما حدا تطرقلها بحديثو!
اللألكاتيل بيعمل صداع على كثـــــــــــــــــــــرة الإستخدام..مثلي يعني.
بس ارسالو حلو والله.

برجع للإركسون:
حجمه صغير نسبيا.. وزنه لابأس به لولا البطارية الدبجة.
هزاز و أصواته لابأس فيها..
الأحسن من هيك..بنوصل عالكمبيوتر.
بيكتب و بيستقبل عربي. بالنسبة لل SMS
160 حرف عربي..أحسن من النوكيا.
لون الضو حلو.
ممكن تحجب رقمك لما تتصل بحدا..."على حسب الشبكة"
ممكن ترد على مين بدك و تعمل نغمة مشغول على الي مابدك ياه.
وهي ميزة لل إركسون من 10 سنين لحاله.
مابعرف شو نسيت!!

بالمقابل.. سيآته.:
أنا لاحظت سيئة وحدة تقريبا.
انه نغماته قصيرة و غير حقيقية


شكرا.:rolleyes:
أمير عربي
29-01-2002, 20:08
ليس القديم دائما سيء
و الدليل على ذلك تلفزيونات سيرونكس;)
فالتلفزيون موديل 1992 ألوانه أجمل بكثير من موديل 2000
أليس كذلك؟؟
على كل حال نحن هنا للرأي و الرأي الآخر و هذا مغزى التصويت
engafw
30-01-2002, 02:24
كلام حلو كتير.
أنا بصراحة من الناس اللي ما بيحبوا تغيير موبايل يعني بحس الموبايل متل البيت يعني تغييره شغلة صعبة لأنو بتغير أرقام التلفونات وتنقلهم على جهاز جديد والمواعيد الخ...... يعني وجعة راس.
من شان هيك أنا أؤيد فكرة أنو الشخص يحب موبايل معين متل السيارة!
أنا بحب بهذا الموبايل على الرغم من أنو ميزات t39 أحسن منه بس شكله أحلى من t39 بكتير وأنا جربت الإيريكسون هو بيتميز أنو أنظف صوت يعني متل ما قلت حضرتك أنو أقل ذبذبات.
وبالفعل من مشاكل Alcatel أنو إذا حكيت بالموبايل حوالي ربع ساعة بيصير راسك بيجعك كأنك آكل خبطة على راسك.
يعني الموضوع خطير بس على حسب الشبكة في سوريا فالألكتيل أحسن لأنو ما بيقطعك. ومو ضروري الواحد يحكي على الموبايل غير الضروري.
مجرد رأي لا أكثر.
أمير عربي
01-02-2002, 14:22
يا شباب كلامكم جميل جدا
و بالنسبة للـ Alcatel فالكلام مظبوط
مع تحياتي
basil_dgh
01-02-2002, 20:16
شغلة نسيتها...

الإركسون الجديد بيدعم توقيت الإنترنت العالمي
SWATCH BEAT
أمير عربي
02-02-2002, 14:28
أدعو المزيد من المشاركين للتصويت فليس لدينا حتى الآن سوى 3 موبايلات
و بالمناسبة إذا كان عندك فكرة عن أي موبايل فلا مانع من طرحها حتى دون تصويت
و بالنسبة للنتيجة مازال Alcatel 701 في المقدمة
مع تحياتي
أبو وليد
03-01-2004, 10:54
لا تئلولي الكاتيل ولا سوني أريكسون و ما بعرف شو ....

يا شباب بعد النوكيا مافي ...لا ببرنامجه و لا بصورو و لا بجمالية الكتابة بالعربي فيه...

غير شكل يا جماعة
خصوصاً موديل 6230 يلي بدو ينزل بأخر شهر كانون الثاني ...عن جد فلجة...
شو بيخطرلكن ميزات موجودة فيه ....

ولمزيد من المعلومات اطلعوا على موقع نوكيا
www.nokia.com
helwanif
05-04-2004, 18:21
صحي الحكي !!!!!

شايف كلو الكاتل أو اريكسون ، والله مافي متل النوكيا ، بكل شي ، و شو ماطالعت الشركات التانية أجهزة شو ماكانت ، رح تلاقي بالنوكيا منافس قوي ومتفوق عليه ، وبيكفي إنو صيانة وبرنامج وتطبيقات النوكيا معباية الدنيا ، بالله ، كام محل بأي مدينة سورية عندو برامج أو نغمات أو حتى تطبيقات للأجهزة كلها غير النوكيا ، وكدليل على الحكي ، هلأ النوكيا اشترت نظام تشغيل السيمبيان تبع الاجهزة 7650 - 3650 - 6600 - سوني اريكسون P800 - P900 والسمينس Sx1 يعني خلينا بشوف هالشركات بكرة شو رح تعمل بحالها

أنا جهازي 6600 وبصراحة ، بحس إني حامل جهاز كمبيوتر بجيبي ، بعملو شو مابدي ، لدرجة قتالة بق ، فبعد هيك مابتصور إنو في مجال منافسة

هذا رأي ، وآسف إن كنت متعصب
yazan1111
09-04-2004, 11:51
و الله أنا مع الأخ helwanif لانو فعلاً أفل الاجهزة هو نوكيا 6600 !
من حيث الصورة فصورتو و الوانو احلى من هيك مافي و بالنسبة للنغمات فصوتو كتيير عالي و كمان زووم عدا عن ذلك يمكنك وضع أغلب ملفات الكومبيوتر فيه .doc, ram.rm.sis.avi.wav...................
و أنا أصوت لصالحه !!!!!
الاميرة تومي
09-04-2004, 12:27
انا بصراحة مابستخدم الموبايل الا للاتصال
فمابعرف كتير لا عن الموبايلات ولا السيارات
بس برايي ولاني استخدمت الاريكسون والنوكيا فالنوكيا افضل بككتير


تومي