عرض الإصدار الكامل : يوري مرقدي .. ظاهرة سلبية يجب تحطيمها
مسا الموسيقى والألحان الجميلة إلى كل القراء ....
قد أكون في عنوان موضوعي هذا متحاملا قليلا على هذا الشئ الذي يسمى يوري مرقدي ... لكنني وبصراحة الأمر .. أنا قلق على وضعنا الفني وقلق أيضا على حسنا وذوقنا بشكل عام ....
على كل حال ... سأذكر سبب موضوعي هذا ...
اليوم وفي حوالي الساعة التاسعة شاهدت وبالصدفة على التلفزيون أغنية لهذا (( يوري مرقدي )) والأغنية بعنوان (( المرأة العربية ))
وكالعادة ... الألحان مسروقة ومنتقاة من أرشيف الموسيقى الغربية
وكالعادة أيضا ... الشكل الغريب من شكل الشعر إلى الثياب إلى الديكور المحيط إلى الوشم الموجود على كل بقعة من بقاع صاحبنا يوري بيك ..... كل هالحكي مااختلفنا عليه ....
بس الغريب والمزعج بالموضوع ... كلمات الأغنية ....
أتمنى من الجميع أن يستمعوا بأنصات إلى هذه الأغنية التي تسخف من المرأة العربية .. وتضعها في أسؤا وضع ... وكبرهان على كلامي ... مايقوله هذا اليوري... بأن الناس تخلت عنه .. وتركته .. وسيحكمون عليه .... لماذا ..؟؟؟؟؟ لأنه أحب أمرأة عربية ....
وهذا الكلام ظاهره خبيث وباطنه أخبث....
صدقوني أنا لا أتحامل على هذه الظاهرة .... ولكنني أحاول أن أشرح معانيها لكي يسهل تفكيكها والقضاء عليها وعلى أمثالها... وبالأضافة إلى ذلك فأنا أعتذر من جميع مشجعي هذا اليوري ... لكنني أدعوهم لنقاش صريح ومحايد ....وبداية هذا النقاش هي... ( من هذا يوري مرقدي الذي يتكلم على المرأة العربية ) ...المرأة العربية والتي أجمع العالم بأكمله على أنها أجمل أمرأة كشكل وأحلاه كلأخلاق .... وأكثر نساء العالم أنوثة ...
صراحة أنا منزعج جدا من الأمر .... ولذلك أنا سأحاول أن أقوم بخطوة فعالة تجاه هذه المهزلة .... أذ أنني شاهدت اليوم وبالصدفة أيضا أعلان لمقابلة سيجريها هذا يوري. على شاشة المستقبل وفي برنامج رلى على الهوا ,,, وأنا سأرسل أي ميل مشابه لهذا المقال ...سأشرح وجهة نظري... انا أعرف أني لن أستفيد لكنني على الأقل سأعترض وأساعد على تحطيم هذا الكائن الضار ....
أنا بانتظار آرائكم ........ واعذروني أن كنت غاضبا قليلا ...وشكرا
:) sh:angry sh:hi sh:happy sh:questio :(
واحد ترباية ملاجىء و انتوا عارفين الملاجيء برا شو فيها
واحد رضع و شرب و اعتاش على فتات و موائد الغرب ماذا تنتظر منه
ان يرفع السيف و يغني لك الارض بتتكلم عربي
يعني من اولوا لآخروا الرجال شواذ بشواذ فلا تئيموا من أرضوا حتى مايصيرلوا قيمة
باي
ياحبيب ألبي أنا مابدي ياه لا يرفع سيفو ... ولا يغنيلي الأرض بتتكلم عربي ... انا اللي بدي ياه أنو يحترم حالو .... ويعرف أنو عبارة عن ظاهرة سلبية ..... مشان هيك أنا برأي أنو مالازم نبقى ساكتين ونعارض ولو شوي .....
لك واللي بيزعل أكتر أنو عم بيعمل مبيعات ... يعني في كتير عالم عم تشتري أغانيه ... وأنا كلامي موجه لهدول العالم ......... وشكرا على الرد ياترافل
:(
تحية إلك،،،،
لست وحدك المتحامل عليه وعلى هذه المهزلة
التي يقودها باسم العروبة....
المرأة العربية أسمى من أن يتكلم عليها وفيها
شخص كهذا (مرقّدي)...
ألق نظرة هنا (http://www.shabablek.com/vbforms/showthread.php?s=&threadid=9310)
سلام،،،،sh:hi
و الله ياعمو اللي عميشتري شرايطو و يسمع اغانيه أسخف منوا
يعني بتعرف بنتي صف خامس قالتلي ببراءة
يعني شو ساويلوا اذا مرتوا عربية هادا واحد مجنون
بتعرف انو اعتقد انه داسوس
و بعدين شلون بدو يحترم حالوا و هو غير محترم شو نسيت هو منين وابن مين باعترافوا
الله يستر
هادا يوري مرقدي متل الرتى كل كلمة منو بلون وما لا علاقة بالتانية واغانيو كلها بلا معاني
تحية للكل،،،،
أوافقك أخي خالد، وأنا معك في فكرتك
عسى ولعل يصل الصوت الآخر.
فإذا بدأتم بها فأعلموني رجاء.
سلام،،،،sh:hi
يا جماعة كنت مفكرة انو بس انا يلي ما بحبو لهل زلمة طلعنا كتار يلي ما بنحبو
انا مشتهية اعرف كيف بيزبط اللحن مع الكلمات مع شكلو هو مع التصوير تبع الفيديو كليب
والله شغلة هل زلمة
انا الحمد لله ما بسمعلو بس الله يعين يلي بيسمعلو
طيب صح هو مصروع و مجنون...و هي الأغنية كتير غلط...
بس مع احترامي الكم...انتو سمعتو بقية الكاسيت؟؟؟
بصراحة أنا بحب الأإنية يلي بتكون قصيدة أو نثر...و أغنية المرأة العربية هي الوحيدة الغلط بكاسيتو...
ما بعرف كل واحد زوقو شكل...
بس مو كلكم هلأ تخانقوني :D
على كل حال في شغلة تانية كمان...
في أخ من المشاركين بهالموضوع...قال :(واحد رضع و شرب و اعتاش على فتات و موائد الغرب ماذا تنتظر منه )
هي الشغلة غلط...لأن يوري عاش أسوء فترة طفولة كانت بزمن الحرب الأهلية بلبنان...يعني ما كان عايش بره...
و كمان في كتير شباب ملونين شعرهم و حاطين وشوم يعني مو هو الوحيد...
و أخي أسامة مع احترامي الشديد لرأيك هو صح ما حرر فلسطين ...بس مين حررها؟؟؟يعني ازا الجنود ما حرروها مطرب بدو يحررها...
انتو فيكم بكل بساطة ما تسمعو أغنيه...و بصراحة بدل ما تشغلو بالكم بقصة محاربتو...في أشياء أهم منو لازم نهتم فيها...
بعدين بصراحة...و بدون زعل انتو شو رح تقدرو تعملو؟؟؟يعني هو ما رح يوقف غني و الفضائيات و الازاعات ما رح يوقفو بث الأغنية ازا نحنا اعترضنا...
يعني طنش تعش تنتعش sh:eye
بعدين أنا كتييييييييييييييييييييييييير بحب أغنية مازا أقول لأزني...صحيح عنوانها بشع...بس كلماتها كتير حلوة
سلاااااااااام
يعني يا توتي اكيد ما رح نعملو شي
واكيد طالما في مصاري رح يضل ينشر كاسيتات هو
بس معقول ما يكون الواحد الو حق يحكي رأيو فيه
هي بالاخص ماذا اقول لاذني بيتدايئني كومايات لك في اغنية محترمة اسمها ماذا اقول لفمي قصدي لاذني والفيديو كليب مالو علاقة بشي من الاغنية
سامحيني توتي المدللة بس هاد رأيي
وبعتقد الا ما يوم من الايام يكون رأيك كمانsh:eye
يعني الصراحة أنو يوري متلو متل هالفنانين التانين بس هو زايدها شوي بشعروا ولبسوا يعني عم يحاول يغير شكل بس عن جد متل ما ئالت توتي في أغاني ئلوا مو مصورة ظريفة و خرج تنسمع أكتر من أغاني غير فنانين و بالنسبة للسيف اللي بدو يرفعوا ويحرر فيه فيعني ما بعتقد أنو فنان لح يئدر يحرر شي بالوقت اللي عجزت الأمة العربية عن انجاز هادا الشي مو هيك ولا انا غلطان.
أخوكم #POWER#
sh:hi sh:hi sh:hi sh:hi
شكرا لهذة المشاركات الجميلة
اخواني الاعزاء
نحن عرب ونعتز بكوننا عرب
والعربية لا تاتي بخلط المقادير و المفاهيم
هذا المغني مشكلتة الوحيدة هي انه خرج عن قالب المعقول
وكما يقال من يخرج من محيطة فقد مات سلفا
ذكر أخي خالد قطاع كلمات ذات صدى
ولكن اختي توتي ذكرت انها لا تحب المطرب ولكن له اغنية تحبها
دونا ندقق على مقياس الجمال الذي هو نسبي
المطرب الخطا فية مظهرة
ولكن الكلمات أحيانا تكون جميلة ولكن عذرا أخي العربي ماذا تعني بكلمة
بغنية انا عربي ؟
" رمح مخملي ؟ "
لمشكلة انه يتقصد وبشكل مباشر إهانة التقاليد العربية منطلقا من لغة عربية لا تملك أدنى موقومات الصحة
وقولة أن اعربية لم تخلق لنزار او لكاظم الساهر .
أردفة بقولي أنة لا يحق له أن يتفوة بكلمة إذ إن كل الكلمات لا تحمل مقومات الإعراب العربي.
هذة نقطة النقطة الأخرى
نعم اللحن السريع هو ما تفتقدة الأغنية العربية وقد برع فية هو
أنا شخصيا أعجبت بالتلحين
لكن بالمعاني لا جمال وحتى الاداء لا ينم عن كونة إنسان عربي .
نحن أولا و أخيرا بشر ننتهج ما ربينا علية وهو التقاليد العربية التي نفتخر بها ما دامت ترفع من إسمنا .
ولكن التشبه بما هو ليس بعربي ونسبة إلينا فحتى الطفل الصغير لن يتقبل الكلام بمنطقية فما بالك بطبقة المثقفين
وهذا الإنسان ببساطة يستخف بعقول المثقفين زيجري وراء الإذاعات
لان العرب الأن مو شاطرين غير يسقفوا ويرقصوا متناسين معنى الكلمات
هذا ما في جعبتي .....
ودمتم
مسا الخير للجميع .... بحكم أني من طرح موضوع يوري فأنا أشكركم على ردودكم جميعها .... لأنها جميعها على الأغلب كانت تشبه رأيي.... مع أختلاف بسيط من بعض المحبين ليوري.... وأنا لا ألومهم ....... لأنهم يتبعون مايصدره لكن وللأسف دون وعي...... ياشباب وياصبايا ....أرجوكم أنا لا أطلب منكم إلا أن تسمعوا كلمات أغنيته( المرأة العربية ) ... وكمان قلت في رسالتي الأولى ... كلمات أغنيته ظاهرها خبيث وباطنها أخبث....
أما بالنسبة للذي يقول بأن أغاني شريطه جميلة ...... أرجوكم وأرجوكم..... ناقشوني ..... أنا زلمة شغلتي الموسيقى .... صدقوني .... ألحان أغنيته ( ماذا أقول لأذني ) ... صدقوني .. ألحان هذه الأغنية مزيج من موسيقى (لزياد الرحباني ).. وموسيقى لمؤلف فرنسي أسمو¬( بول دي سنفييل) وهيك كل أغانيه .... يعني وباختصار ..أنا مابدي طول عليكم ... بس نحنا ليش بنصرف أموالنا على شراء كاسيت أو سي دي لواحد متل يوري....
لك إذا الألحان ملطوشة ... والكلمات هي عبارة عن مزيج غير متناغم من الكلمات العربية ....
يعني وبصراحة ... هادا الزلمة بدو يعملم حالو شاعر ومؤلف موسيقي وبالزور ......
أما بالنسبة ياللي بيقول أنو في أهم من يوري لتحطيمه ... فيمكن هذا الكلام شوي غلط .... لأنو وعلى الأقل نحنا قادرين على أنو بكرة الأربعاء أنو نجتمع وبوقت واحد ونرسل عدة رسائل ضد هذه الظاهرة ...... انا بصراحة بدي اعمل هالخطوة حتى ولو كنت لحالي... لأنو الأنسان موقف .... وأنا عم حاول أني دافع عن موقفي
والسلام من بيانيست .......
sh:angry
osama_brd
17-09-2002, 23:56
والله برأيي أن الجراثيم كثيرة في هذه الأيام التي تحاول أن تضعف وتمرض العرب وذلك من خلال المدعو يوري ومن خلال من هم على شاكلته ....
أنا بصراحة لا أحب يوري هذا ولا أحب أن أسمع له أي أغنية فهو لا شكل ولا صوت .... وطبعاً لا اعتراض على خلقة الله ولكنه هو قد أوجد نفسه بصورة مسخ بشع وهو يظن أنه جميل بهذا المنظر ...
أفكر أحياناً بأولاد هذا الشخص .... من هو مثلهم الأعلى ..... شخص ليس عنده أية قيم ولا مفاهيم صحيحة ...
لنعد لأغنيته ...
أنا بصراحة لم أسمعها ولن أسمعها وإن تكلم عن المرأة العربية التي أنجبت أشجع الشجعان والتي كانت تدفع ابنها للحروب دفاعاً عن الحق وفي سبيل الحق ....
من هو ليتكلم عن المرأة العربية ..... أهذا يحق له ذلك ...
علينا التصدي لهؤلاء الأشخاص الذين هم أدوات لينة وطيعة في أيدي الغرب ليشوهوا العرب وهيهات أن يتم لهم هذا ...
أسامةsh:angry
shameiah
18-09-2002, 00:39
سلام
انا جدا بشكرك على طرح هل الموضوع
حتى و لو ما بدنا نعمل له قيمة
بس المشكلة اننا لازم نخاف انه يصير مثل اعلى مو بس لشباب لينان
و المشكلة هي انه عم يشوه صورة العربي و المرأن العربية و الأصالة الشرقية
انا و الله مبارح كنت حاببة اطرح الموضوع ... بس انت اشطر مني
بالنسبة للطناش
فانا رأيي على الأقل نستنكر هل الشي بقلبن و لساننا
لاننا لازم نحاول نعمل شي على الأقل بيينا
يعني لا شكل و لا منظر و لا معنى و مغزى
شو بدنا نحكي بس مو معقول ابدا يصور وضعنا العربي بهل الشكل
!!!
ان سبب فتحي لهذا الموضوع ( موضوع يوري مرقدي ) هو أني أرغب في أن يشاركني أكثر عدد ممكن من الأصدقاء في أرسال أيميل احتجاج على برنامج رولى على الهوا ( قناة المستقبل الفضائية )وخصوصا حلقة اليوم الأربعاء والتي تستضيف فيها يوري ........
على كل حال ...... شكرا لمشاركاتكم ...... وبصراحة أنا عادت لي ثقتي بنفسي وثقتي بابناء جيلي ..... لأني ومن كثرة الضياع الذي حولي ظننت نفسي بأني أنا الغلط والباقي هو الصحيح ....
وإلى اللقاء في مواضيع قادمة من بيانيست .............
sh:hi sh:hi sh:hi sh:hi sh:hi sh:hi sh:hi sh:hi sh:hi sh:hi
سؤال بسيط ؟؟
وياريت تكون الإجابة صريحة
ماذا تشعرون عندما ترون وتسمعون هذا الشيء اللي اسمه يوري مرقدي
سلاماااااااااااااااااااااااااااات
سؤال بسيط
بس بدي إجابة صريحة
ماذا تشعرون عندما تشاهدون وتسمعون هذا الشيء اللي اسمه
يوري مرقدي
سلاماااااااااااااااااااات
نار البحر
18-09-2002, 17:43
الاخوة الاعزاء تحية طيبة
انا قرات الموضوع و اشكر الاخ pianist على مبادرته الطيبة و لقد لفت انتباهي بعض الردود التي تقول ما لنا و له ...يعني و كاننا اذا راينا الخطا يجب ان نسكت ...او لا يجب ان نعبر عن راينا على الاقل
انا لا اريد ان اتشعب في هذا الحديث كثيرا لانه لم يبقى لي مجال فكل الاخوة اعطوا رايهم و الذي انا معهم فيه
و لكن اريد ان اخبركم قصة صغيرة انا احد شهودها
قبل ان تظهر للعلن اغنية عربي انا ...شاهدت الاغنية قبل شهرين على قناة mtv للموسيقة التي تصدر من الهند على قمر نايل سات ...الاغنية كان يغنيها مطرب هندي و له نفس اللباس و نفس التصوير و الموسيقة و و و و حتى المنطقة الجبلية و طريقة الاخراج ...و بعد فترة ظهرت اغنية عربي انا
و من السخرية
موقع عليها
كلمات و الحان و اخراج يوري مرقدي
هل يضحك على نفسه ام علينا
تقبلوا فائق احترامي
نار البحر
MR.WALAD
18-09-2002, 17:58
لك كير غليظ
قال العرب كانوا متل الهنود يرقصون حول النار
مفلسف حبيب القلب
مسا الخير للجميع 00صار لي كم يوم مافتحت النت 00 واليوم وعلى عجله فتحتت على شبابلك00وشفت العنوان انشديت الو وأريت كل الردود ونسيت حالي اني مستعجل وحبيت ابعت هل رد00
طبعا المشكله ليست في يوري وحده 00المشكله هيه بيلي عم يخربو الحس الجميل عند الناس وللأسف الشديد الناس عم تسمعلهن غاية الفن والموسيقى والصوت الجميل خلق حس جمالي رائع بيخلي المتلقي يتفاعل مع الموضوع اللي عم تحكي عنه الفنيه والمطربوالأمثله كثيره 00أديش في أغاني قوميه يمكن صار عمرها أكتر من خمسين سنه وصاحبها مات وشبع موت00بتسمعها بتشعر بنشوة وعزة بأنك عربي(لكن بدون رمح مخملي)00وفي أغاني عاطفيه بتدوب يلي عم يسمعها00أما إذا بدكن الرومانسيه 00وهي يلي مخليتني دوب00
فما في أكتر منها وفيها لحن بيطير العقل00وكلمات بتجنن00وصوت بيطلع فيك عالسما000لأ000لأ000مالي عم بالغ واللي مالو مصدق
يسمع مثلا غنية فيروز (في أهوه عل مفرق)00ويخبرني عن احساسه
واللي جايه على باله يرقص على نغم راقي يرقص على غنية (كان عنا طاحون)0000منرجع لحديثنا المشكله مو بيوري وحده المشكله برأيي
هيه تهافت اغلب الفنانين على المال وبيفكر واحدهن انو إذا استورد
صرعات من برة وسرق شوية ألحان وخربطها مع بعض وغير بشكله وابتعد عن القيم بيوصل أسرع000لك ياجماعه فـــنـــان تاني شوفو أديش متواضع كان في لقاء معه وعل مستقبل سألته المذيعه وين انته
من العالميه000رد عليها وآل مو أنا اللي بدور عل عالميه هيه اللي بتدور علي0000إي شو هل تواضع 000وشو هل غرور00لك كيف بدي صدئه هوه ولا يوري بيك لما بيحكي عل مبادئ والقيم00لك كيف بدو يكون عندي نفس اسمعو00
برجع بئول الحق مو عليهن 00الحق علي بيسمع لن وبيساوي معهن مقابلات بيقزم فيها رسالة الإعلام00
لك يييي تأخرت000خاطركن00
ما الحلو بالموضوع والي جذبني لألو.... هو حماس الشباب الموجودين هووون...
يعني شبابنا جميعا، (والله محييهم) ما يفلتولون على واحد اسرائيلي - يا رب - ليكون الله يعينوا. ولك طولوا بالكم .... يعني انا بذكر أنو في من خمسين سنة في عنا اغاني من التراث صرعة راسنا منها :
" يا صبحة .. هاتيلي الصينية ... ودم ددن دوووم..
صبي الشاي ... ليكي ولي .... دوم دون دوووم...
والهوا يا صبحة طاب يا صبحة طااااااااااااااااااااااب ... "
هلء علقتوا على يوري .... يا حرام واحد وحداني ومالو حدى بها الدنيا ... حبيباتي ..
بعدين انا عندي عتب على أحد الأخوة....
واحد ترباية ملاجىء و انتوا عارفين الملاجيء برا شو فيها
من شان الله حبيبي ، الله لا يوقعك بالظروف هي ... لأنو حرام الحكي عن الآيتام بها الطريقة .... يعني الله يجيرنا ويجيركم.... والله قشعر بدني وقت الي سمعت كلامك ...
أنا بعرف أنو انت ما بتقصدها ... بس حرام عليك من الله... مو هيك حبيبي .... لأنو قرأت لك اكثر من مشاركة
يعني بطلب منك، ورجاء أخ انو تحذف ها السطر، لا كأدمن ولا كمراقب ، طلب أخ ... بس لأنو حرام من الله ... وحبيبي انت ...
شكرا لكل اللي كانوا معي ...... واللي ماعجبتهم بعض العبارات ... فمافي مشكلة ..يوم من الأيام رح يكتشفوا بأنهم كانوا على غلط ..... لأنو نحنا عرب ... ومعتزون بعروبيتنا .... ولن نسكت أبدا طالما مازال في عقولنا صدى فكر ... وفي قلوبنا أنتماء..... ولن نسمح لأحد أن يلوث أرائنا ومعتقداتنا حتى لو كانت بأغنية بسيطة وقتها عبارة عن 5 دقائق....
شكرا للجميع .................................................. ...........
شكرا لوعيكم ...... وشكرا لأنتمائكم ......
وإلى لقاء قريب
حرام عليكم يا شباب
اي حرام عليكم تتسرعوا هيك بالحكم عليه منشان الشكل ..........هلا كل المطربين والفنانين بكل العالم عم يعملوا هيك
ومنشان الأغاني ............ما فيكن تحكوا ولا كلمة على غنية عربي أنا أو غنية خطيرة أنت أو ماذا أقول لأذني.........
هلا معكن كل الحق تحكوا على غنيتو الجديدة امرأتي عربية
بس ما بيصير تاخدوها قاعدة
أنا أعتذر عن كل من أساء لهذا الفنان بقصد أو بدون قصد
عندي سؤال بسيط وبدي جواب صريح عليه
ما هو شعوركم عندما تشاهدون أو تسمعون هذا الشيء اللي إسمه يوري مرقدي ؟؟؟؟؟؟؟؟؟؟؟؟؟؟؟؟؟
سلامااااااااااااااااااااااااااااااات
SaD AnGeL
19-09-2002, 15:35
انا برأيي انو نحنا نبدا من حالنا شوي شوي
وبعدين نخلي همنا يوري مرقدة
انطر حولك قليلا"
تحياتي بالشباب ....
بعد مرور أكثر من ثلاث سنوات لظهور هذا الفنان على الساحة العربية ة....
هل لا تزال صورته هي ذاتها "الفنان المائع" أما الحال قد تغير بعد ظهور مزيد من الفنانين أكثر ميوعان منه ؟؟؟
تسأل فقط
vBulletin v3.6.4, Copyright ©2000-2008
Translated by SyriaNobles