المساعد الشخصي الرقمي

عرض الإصدار الكامل : أنظمة التشغيل >>>

Greater
30-08-2002, 01:37
مرحبا بالآول،
أرجو أن تباركوا لي في تاني مشاركة إلى في المنتدى.
ومنفوت بالموضوع،
تعددت أنظمة التشغيل في كل العالم، ولكن عندنا في سوريا كما معظم الدول العربية ركز الجميع على استخدام نظام ويندوز بأشكاله وألوانه.
ولكن هناك أنظمة كثيرة جدا كأبيل ماكنتوش ويونكس ولينكس. والأخير هو النظام الذي أعمل عليه اليوم أنا .
لذلك أرجو منكم أن تعلموني أن كنتم ترغبوا في استخدام هذا البرنامج.
وما هي معلوماتكم عنها، وأذا أردتم أن تعرفوا عنها أكثر أعلموني.
أرجو منكم أن تشاركوا في التصويت، وشكرا لكم على مشاركتكم.
:p
Greater
30-08-2002, 01:41
I have Win98Se, and Linux...
But I like Linux because it is better...
Tell me about yours Please,... :D
Moutaz
30-08-2002, 03:21
بالاول انشالله الف مبروك....مشاركتك الخامسة صارت هلأ:D ....وانشالله رح بتكون بين اهلك واخواتك
تاني شي.....متل ما قلت اغلب الناس هون بتستخدم منتجات مايكروسوفت...لهيك يا شرييك يا ريت تعطينا شوية فكرة عن..هالانظمة بشكل عام وخاصة حابب اعرف شوي اكتر عن الماك لأنو معلوماتي الحمد الله زيرو عنو......


ولك من الشاكرين:)
Greater
31-08-2002, 23:52
أولا شكرا على الترحيب بالمنتدى،
وأما تانيا ،
فيا سيدي، أنظمة التشغيل وإن تعددت ، فاالهدف واحد.

بالنسبة للويندوز،
كلياتنا منعرف ومنأرف من مشاكلوا، وبيعطي الرسائل "قام البرنامج بأداء عملية ممنوعة، الرجاء الاتصال بموزع البرنامج..." وبتكون نسخة الويندوز أو البرنامج شارينا الشباب بخمسين ليرة....
المهم أنو حتى النسخة الآصلية من نظام ويندوز بتعميل مليون مشكلة، وأنا هيك لاحظت.... فشركة مايكروسوفت الله يديما كانت تعمل أنظمة تشغيل متل دوس أو ويندوز 3.11 أخت أختا، يعني تمام التمام ولا مشاكل ولا شي، بس بعد ما سلموا البرمجة للمبرمجين الصغار الي بيعتنوا بالشكل مو بالمضمون، صارت الإظهارات مبهرة، ولكن الداخل مشاكل بمشاكل.... هلء ما رح إحكي أكثر من هيك على مايكروسوفت من شان الله ما يساويني متلون.... وصير أقبض اتنعشر ألف دونار بالشهر.....

بالنسبة لماكنتوش، المشكلة أنو مو مشهور ( عنا فقط.) وغالي علينا كثير كثير ، وبرامجوا وسيدياتوا هلء لبلشوا يصسيروا بخمسين ليرة .... يعني بلشنا نتعلم عنوا شوي شوي مع أنو لس جهاز الماكنتوش غالي... والطلب قليل... بس نظام الآبل ماكنتوش ما بيعمل مشاكل أبدا، وأحسن شي بالعالم ممكن تستخدموا للتصاميم ، وكمان للسيرفرات، يعني لا ملك الهاكرز ولا غيروا بيعمل هاكرز عليه " سمعانين..." بس بيتم بدوا يكون واء ها الكمبيوتر العظيم نت ورك أدمن غظيم من شان يعرف كيف يبرمجوا منيح ...

بالنسبة للينكسLUNIX العظيم.... الله يخليلي أياه ألهي ولا يحرمني منوووا.... هذا هو نظام التشغيل لكل كمبيوترات المستقبل، سألني ليش ...


سألني ...
Greater
31-08-2002, 23:52
يا سيدي هيدا نظام لينكس العظيم نظام " منكم وإليكم..." بيعمل على مبدء الآوبن سورس يعني الملف الآساسي مفتوح وقابل للتطوير... وملكية الحماية فيه ملكية من نوع خاص ما بعرف كيف بترجموا للعربي... بس ها النطام الحلو الآمور يعني ، قادم من كل مبرمجي العالم الهاوين والمحترفين المحبييين للأبداع البرمجي ... يعني انت بتاخد نسخة من السورس من على الآنترنت ببلاش ، وبتشتغل عليها وبتدرسا وبتطورها أذا كان عندك شي فكرة جديدة، وبتبعتلون أياها وبيحطوا اسمك من بين المبرمجين للنظام ، وبيضيفوا التطوير للنسخة الجديدة... من أجل أن يستفيد منها كل مستخدمي النظام....
من ميزاتوا ... للشبكات لطة بلطة ، ولك ما في منوا لا بلبنان ولا بالعالم كلوا، يعني أسرع من هيك ، وأمن من هيك ما في...
ولا بالنسبة أذا كان لينكس ويب سيرفر ، يا سيدي أنا بظن أنو كثير منيح بالنسبة للي عندون خبرة منيحة ، وللي بدون يبلشوا بنفس الوقت...



على كل حال أنا هيك بكون حكيت بشكل عام عن البرامج ...
بدكم تخصص اكتبولي وأنا بلبيكم.....



بس نسيت قول أنو كل أنظمة ها التشغيل معمولة بأطيب وأجمل وأقوى لغة برمجة بالعالم،،،، مس اليونيفرس للبرمجة كولياتا" ++C" وبس
Moutaz
04-09-2002, 12:58
ولك على راسي حارتك ولك خيو.....طيب اسئلة تانية...زهات لنشوف
اول شي شو الاختلافات بين unix&Linux
هي اول شغلة....شغلة تانية بlinux شو بتختلف نسخة الريد هات عن ماندرك سوفت لأني بصراحة نزلتlinux 7.1 for windows
ما عجبتني كتير وبالنسبة لليونيكس...ممكن تشتغل عليه برامج مايكرو سوفت.......... .والاسئلة الباقية قادمة.........
:D


انت علقت حالك ها.sh:eye
Bluerose08
04-09-2002, 13:42
مرحبا أخي الكريم ..

عندي بعض الأسئلة عن لينكس طالما أنت خبير بهالأمور ..

أولا : هل بإمكاني نزل لينكس و ويندوز م ي على جهاز واحد ؟
ثانياً : ما هي نسخة اللينكس الت يجب علي تنزيلها ؟
ثالثاً : هل يدعم لينكس العربي اللغة العربية دعماً مطلقاً ؟
رابعاً : في حال أردت تشغيل برنامج ويندوز على اللينكس .. ما الحل .. و هل - على حد علمك يوجد برامج للينكس تكفي لكل تطبيقات الكمبيوتر ؟
خامساً و أخيراً : هل لينكس أسرع من ويندوز في الانترنت ؟

أخي الكريم .. أكيد زعجتك معي ..و شكراً لألك ..

و السلام .
علاء نت200
05-09-2002, 12:01
أنا عندي عدة انظمة تشغيل وأحب واحد على قلبي هو هذا النظام

المتعدد المهام والرائع لينكس كل كام شهر انزل نسخ جديدة منه والآن وأخيراً عندي آياه بالعربي المطلق يعني قوائم خطوط كل شي

وعندي أيضاً ويندوز 2000 سيرفر للسبكات

وأرجوا منك أخي العزيز أن تضع لي وصلات عن برامج للينكس

وأرجوك أيضا أن لا تنسى موضوعي يلي خبرتك عنه
MR.WALAD
05-09-2002, 13:01
أولا شكرا كتير ألك على هل سؤال المهم هادا
بس بكذب عليك اذا قلتلك أنو بعرف لأنو أنا ماجرت غير الويندوز والونيكس
وبظن أغلب الشباب متلي يعني مافي يكون كلامنا دقيق
ياريت تسأل شخص مختص بدراسة الأنظمة وشكرا
ر@غب
05-09-2002, 14:45
يسلمو عهالمعلومات الحلوة والقيمة بس سؤال

انا ما بعرف غير الويندوز ابتداءا من ال 95 وحتى ال XP بنوعياتو الهوم والبروفيشنال

بس بصراحة سمعت كتير عن الينكس وقوة اداءو وسرعة استجابتو بس حابب اعرف شوية شغلات وشوية اسئلة بتمنى منكون يا اصحاب الخبرة تجاوبوني

1 - اذا ردت انزل الينكس هل تنزيلو عالجهاز صعب ولا بسهولة ويندوز
2- ما هي انظمة الملفات الي بيدعما اللينكس يعني fat .fat32.ntfs الخ
3- هل يقوم بالتعرف على مكونات الجهاز ولا بدك تعرف كل قطعه بتعريف خاص لهالنظام ولا تعاريف الويندوز بتشتغل عليه
4- سؤال انطرح هل يدعم اللغة العربية ولا انكليزي محض يعني عالقليلة اققدر شوف واكتب عربي
5- كيف بامكاني الاتصال بانترنت وهل بدو متصفح خاص ولا فيو متصفح جاهز
هي بعض الشغلات الي بهمني اعرفها و فعليا انا حابب جرب هالنظام بس خايف من الامور الي بجهلها فيه يا ريت تخبروني وتفهموني ولكم جزيل الشكر
bccline
05-09-2002, 15:42
مرحبا شباب

طبعا لينكس هو اقضل نظام تشغيل على الاطلاق انا اهمل كل اعمالي على الكومبيوتر تقريبا تحت النظام التشغيل سوزي لينكس وللعلم لينكس الان اصبح معربا ويمكنكم زيارة موقعي (منتدى ) على الانترنت لمشاهدة طريقة تعريب لينكس وبعض المعلومات عته مع العلم ان الموقع تجريبي الان وسيكون مخصص لنظام لينكس بشكل اساسي تقريبا
www.aunyx.org
www.bccline.com
GOLDEN_#1®
08-09-2002, 04:50
انا عندي 5 انظمة
Windows XP (1) / Windows XP (2)/ Windows 2000Server/ Linux Redhat 7.2
موصولين على شاشتين و 2 كيبورد و 2 ماوس
ب الاضافة ل/محمول Compaq WinME


000000000000000000000000000000000000000

1- اذا ردت انزل الينكس هل تنزيلو عالجهاز صعب ولا بسهولة ويندوز

Linux تنصيبه اصعب لانك بحاجة لانشاء Partation خصوصي و المشكلة ب الوقت و بتعريف الكروت Drivers and Cards


2-سؤال انطرح هل يدعم اللغة العربية ولا انكليزي محض يعني عالقليلة اققدر شوف واكتب عربي

KDE عربي موجود فيلينكس العرب (http://www.linux4arab.com)


3- كيف بامكاني الاتصال بانترنت وهل بدو متصفح خاص ولا فيو متصفح جاهز

NetScap هو المتصفح الافتراضي و يمكن تنصيب I.E


4-هل بإمكاني نزل لينكس و ويندوز م ي على جهاز واحد ؟
نعم


5-ما هي نسخة اللينكس الت يجب علي تنزيلها ؟
جرب الاحدث RedHat 7.3


6-في حال أردت تشغيل برنامج ويندوز على اللينكس .. ما الحل .. و هل - على حد علمك يوجد برامج للينكس تكفي لكل تطبيقات الكمبيوتر ؟

يمكن تشغيل النظامين معا عن طريق برامج منوعة تقوك بهذا العمل و يوجد برنامج باسم Lindows و متوفر بالاسواق السورية
و لكل برنامج في الWindows بديل في Linux تقريبا

7- هل لينكس أسرع من ويندوز في الانترنت
بالنسبة للتصفح و الاستخدام العادي .. ليس هنالك فرق
bccline
08-09-2002, 11:43
1- اذا ردت انزل الينكس هل تنزيلو عالجهاز صعب ولا بسهولة ويندوز

ليس صعبا ولكننا اعتندنا على تنصيب ويندوز لذا سنشعر ببعض الغرابة ..


2- هل يدعم اللغة العربية ولا انكليزي محض يعني عالقليلة اققدر شوف واكتب عربي؟؟

نغم يدعم اللغة العربية وتفضل بزيارة موقعنا لتتعرف على طريقة تعريبه www.aunyx.org

بالمناسبة اكتب هذا الرد تحت نظام susel inux8

3- كيف بامكاني الاتصال بانترنت وهل بدو متصفح خاص ولا فيو متصفح جاهز

الانترنت عالم آخر ورائع مع لينكس يوجد مع كل نسخ لينكس اكثر من ثلاث متصفحات على الاقل netscape mozilla konk.. ,>>>
واعداد الاتصال بالانترنت سهل جدا
4- هل بإمكاني نزل لينكس و ويندوز م ي على جهاز واحد ؟
نعم وبكل بساطة ...

5- ما هي نسخة اللينكس الت يجب علي تنزيلها ؟

هناك عدة توزيعات للينكس ولكل توزيعة اصدارات متلاحقة الاشهر : redhat 7.3 mandrake 8.2 Suselinux 8.0 ولعل نسخة سوزي هي الافضل حسب تقديري ....

6-في حال أردت تشغيل برنامج ويندوز على اللينكس .. ما الحل .. و هل - على حد علمك يوجد برامج للينكس تكفي لكل تطبيقات الكمبيوتر ؟

هناك عدة برامج لمحاكاة برمجيات ويندوز على لينكس من اشهرها حزمة wine

ولكن صدقني مع لينكس يوجد مجموعة ضخمة من البرمجيات الاحترافية التي تغنيك حتما عن بريمجات ويندوز...

7- هل لينكس أسرع من ويندوز في الانترنت؟

لينكس نظام مستقر جدا امنا بالنسبة للسرعة فهذا يعتمد اصلا غلى اتصالك وبشكل عام لينكس رائع للانترنت ؟؟

8- هل يقوم بالتعرف على مكونات الجهاز ولا بدك تعرف كل قطعه بتعريف خاص لهالنظام ولا تعاريف الويندوز بتشتغل عليه؟
تقريبا لينكس يقوم بكل شيء واذا كان جهازك حديث كفاية فستجد ان كل مكونات جهازك تقريبا تعمل احسن بوجود لينكس ولكن هناك مشكلة قد تواجه الجميع وهي تعريف المودم وهذا ساتحدث عنه في مرة قادمة
GOLDEN_#1®
08-09-2002, 16:39
تقريبا لينكس يقوم بكل شيء واذا كان جهازك حديث كفاية فستجد ان كل مكونات جهازك تقريبا تعمل احسن بوجود لينكس

الحقيقة اكثر من 70% من الModems و اغلبية كروت الشاشة للتتعرف بRedHat 7.2

Redhat 7.2 يحوي اغلاط برمجية Bugs اكثر من RedHat 7.1

لينكس يتعرف عل جميع الاجهزة HardWare مع رقمها و موديلها انما لا يتعرف عليها من ناحية الSoftWare يعني المشكلة بـ Driver لكل كرت.


لا يوجد فرق في الاداء بل ان MicroSoft Windows يدعم ما يسمى PlugInPlay اكثر من Linux و معظم الشركات تدعم WIndows
Bluerose08
08-09-2002, 20:36
مرحباً أخي غولدن ..

فهمت من حديثك أنو أنت بترفض العمل على لينكس .. لأنو ألو عدة مشاكل .. متل ما ذكرت أنت ..

لكن أنا عم بستنى رد الأخ بكداش (Bccline) لنعرف معلومات زيادة
GOLDEN_#1®
09-09-2002, 02:53
اخ omegahm

انا لست ضد Linux انما افضل العمل بشكل عام مع بيئة Windows لانها افضل و اسرع و ملائمة للمنازل و المكاتب و الشركات لعملها الطبيعي ;)
Greater
30-01-2004, 23:46
من أنظمة التشغيل التي نعرفها:

ويندوز،
أو أس
ولينكس

ولكن هناك أنظمة تشغيل أخرى وهي ... ( بالانكليزية)

AIX
AS/400
BSD/OS
DG/UX
Cisco
Compaq Tru64
FreeBSD
HP-UX
IRIX
Linux
MacOSX
NetApp NetCache
NetBSD/OpenBSD
NetWare
NT3/Windows 95
NT4/Windows 98
OpenVMS
OS/2
OS/390
SCO UNIX
Solaris (both Solaris 2 and Solaris 7)
Solaris 8
Solaris 9
SunOS 4
VM
Windows 2000
Windows Server 2003
Windows XP

سنتأتي أليها بالتفصيل قريبا...