المساعد الشخصي الرقمي

عرض الإصدار الكامل : ترقبوا ....الجمعة 23 آب

أبو الروض
15-08-2002, 14:48
يوم الجمعة بعد القادم

أول منتخب لشبابلك يرى النور..............

ترقبوا تشكيلة الفريق ومعلومات عن الجهاز الفني و الإداري

واللاعبين....قريبا والرجاء ممن يريد المشاركة التسجيل في قسم

الرياضة.....موضوع منتخب شبابلك..... خلال مدة أقصاها أربعة أيام من تاريخه...

و شكرا
ابو السوم
15-08-2002, 19:51
أكيد أكيد.....

الجمعه ..أبو السوم نازل من حلب للشام كرمال اللعبه...

أرجوكم ياشباب حاولوا تساعدونا ليكون الحلم حقيقه...

ياليت الكل يلتزم بالموعد...اللي سجل مو اشكال اذا أكد تسجيله هون ...

واللي بيحب يلعب أهلا وسهلا وميت مرحبا...

وبلا معسكر بلا قاق...

بيصيرو معسكرين سنة الجايه شو صار يعني؟؟؟؟؟


أنا بسجل اسمي...

وللسهولة...من يريد التسجيل...

منتخب شبابلك هنا... (http://www.shabablek.com/vbforms/showthread.php?s=&threadid=7289)
voodoo
15-08-2002, 20:08
انا برجع بأكد مشاركتي بأذن الله اذا الله خلانا احياء لح كون معكون بس يا ريت تعتمدوا الوقت والمكان بشكل منيح

انا بقترح نلعب بمقر نادي الوحدة شو رايكون؟؟؟ وتكون اللعبة المسا ع الأضواء الكاشفة

بس لا تنسوا تجيبوا الفطبوللللللللللل sh:eye

عن جد باكد مشاركتي وبانتظار باقي الشباب sh:hi
basil_dgh
15-08-2002, 20:28
هي اجيت وثبتت مشاركتي بازن الله...

جاهزين شباب..

يلا
Haloul
15-08-2002, 21:59
طيب البنات شو بدهم يعملوا:(

يالله بنعمل فريق مشجعات:p

بس انا لاعبي المفضل لسه ما سجل، تعال يا .........;)
wasim
15-08-2002, 22:19
يا haloul ليش مستحية ؟؟

قولي : بس انا لاعبي المفضل لسه ما سجل، تعال يا ......... وسيم

يعني معروفة .. بدها نقط .. انتي التانية ؟؟؟


و تكرم عيونك يا هلوول اذا بتحبي بسجل ....
ابو السوم
16-08-2002, 04:32
كمان هون ياشباب.....!!!!!!!!!!!!!

لك والله الشغله جد ...الله يعطيكون العافيه...قلبتوها مسخره كمان؟؟؟

هلاء اذا واحد حب يشارك...بيفتح الموضوع بيشوف هالردين الحلوين...بيقوم بيفكر الشغله مزحه...ومابيشارك...

منيح هيك يعني؟؟؟

بتكونو قتلتو فكره جديده متل العاده...

هاد بدال ماتدعمو الموضوع...؟؟؟

ممكن شوي نتصرف على قدر المسؤوليه؟؟؟

شباب الشغله جديه ميه الميه..

واللي بيحب يشارك بنرجع بنقول ميت مرحبا...

الموضوع حقيقي ...

وبدال ما تخربو عليه وتحطموه

ادعموه...اوكي؟؟؟؟؟

sh:angry sh:angry
Haloul
16-08-2002, 14:50
على مهلك ابو السوم طول بالك، الموضوع مبين جدي، و مافي حدا تصرف على غير اساس، و لا لازم يعني الشباب يوقعوا حضور بدون ما يقولوا ولا كلمة.:rolleyes:

اذا كان ردي قد نزع عليك الموضوع و فرطت المباراة مشانو، اخبرني و سأمحيه.

بس ماحبيتها منك هي ممكن تتصرفوا شوي على قدر المسؤولية، ياريت كل المسؤوليات اللي بحياتنا من نوع هالمسؤولية.
:mad:
ابو السوم
16-08-2002, 15:24
مو هيك....

لا تمحي الرد ولا شي...

بس بدي فهمك القصه...

حطينا موضوع بقسم الرياضه شو رأيكون نعمل فريق كرة قدم...
مشي الموضوع تمام التمام وبعدين فرطوها وقلبوها مزح وضحك...

رجعنا حطينا موضوع منتخب شبابلك..
وكمان الشباب الله يعطيهون العافيه قلبوها مزح وضحك...
طيب اللي بدو يشارك يقول أنا بدي شارك واللي مابدو خلص ...مافي داعي يعلق...
يعني هلاء ياهلول ...يامتعسفه...اذا أجا واحد جديد عالمنتدى...مثلا...وقرأ الموضوع...وشاف ردك ...وشاف رد ابو السيم..
أكيد رح يتردد ويفكر القصه مزحه ...
واذا مشان كلمه ياليت كلنا نكون على قدر المسؤوليه...انا ماحكيت مع شخص معين..أنا قصدي للعموم...نصيحه وبس...شو ممنوع انصح؟؟؟
على كل حال انا اسف اذا زعجت حدا...
بس يا هلول ...وقت بنحط موضوع رياضي وبدنا الناس تشاركنا فيه...مابنشوفكون ...
وقت بنحط موضوع جدي وعاجل متل هالموضوع...بتخربو علينا؟؟؟
حكم....

وعلى قولة جوريه....عجبي...

يلا شباب مين لسا بدو يشاركنا....
Haloul
16-08-2002, 16:58
"بس يا هلول ...وقت بنحط موضوع رياضي وبدنا الناس تشاركنا فيه...مابنشوفكون ... "

والله اخ ابو السوم ماعندي اهتمامات رياضية، و بحياتي ما كنت مهتمة بالرياضة إلا وقت المونديال، يعني يمكن انا آخر واحدة بالمنتدى بينعتب عليها لأنو ما بتشارك بقسم الرياضة.

"وقت بنحط موضوع جدي وعاجل متل هالموضوع...بتخربو علينا؟؟؟ "

يعني وقت حبينا نشارك بمجال بنقدر نقول فيه كلمة، صرنا عم نخرب عليكم..............
:rolleyes:
والله حيرتونا.

فعلاً ارضاء الناس غاية لا تدركsh:ohmy

على فكرة انا فعلاً كنت أتمنى لو كان بإمكاني المشاركة في المباراة، و ما كنت عم بمزح.
جـــووي
16-08-2002, 17:33
ايه ابو الروض شو عليه لعيونك لحنا جاهزين
وانا من ناحيتي بأكد على الموعد والمكان والزمان
وبتمنى تكتر اللعيبة والمشاركين بالتشكيلة
ويالله ياشباب بدنا اداء فني
لهلق ما وصلتوا ؟؟؟ sh:eye
sh:happy sh:hi
voodoo
17-08-2002, 00:16
يعني الموضوع أروء من هيك يا حبايب ألبي

هلول خانم فيكي تشاركينا حدثنا الرياضي لأنو حيكون باذن الله حدث جميل ورائع ولح ننقل لكم البث بشكل مباشر من أرض الملعب

ع كل يلي أخد جد ياخد ويلي أخد مزح ياخد طولوا بالكون يا جماعة كل واحد فيكون الو وجه نظر صحيحة بالنهاية بدنا نلعب يعني نلعب ومنتخب شبابلك لح يصير وترقبوا المفاجاة والخسارة الفادحة لفريق الخصم :)

ومنتمنى من الشباب الرياضي التوجه لأقرب مخفر أصدي أقرب تعقيب لأئبات أشتراكه معنا

يلاه يا شباب sh:eye وين اللعيبةةةةةةةةةةةة رايح حمي شويsh:eye
أبو الروض
17-08-2002, 18:05
شوفي يا شباب روقوا ............

هلول الموضوع مو هيك بس عن جد أبو السوم الحق معو ......

مو أنت الغلطانة بس نحنا حطينا هالموضوع حتى نشوف مين بدو يكون معنا بالفريق.........

بس في شباب ألبوها مزح ...ما عرفنا بدهن ولا لأ...

عرفتي كيف...........

وبما أنك متل ما ألتي مالك كتير بالرياضة.........شرفي لعنا على قسم الرياضة وخلال يومين تلاتة بتصيري متلنا ...مدمنة عالرياضة

ما هيك أبو السوووووووووم

وشكرا كتير للشباب يلي سجلوا..............أبو الفووووووود جهزلي حالك

سلام
GOLDEN_#1®
17-08-2002, 18:40
يعني اذا الموضوع مو فائس ... ان بجي

عندي مهارات فردية و صانع العاب من الجناح الايمن

بس اللياقة ضعيفة كتير لقلة الممارسة و المتابعة


شو رئيكم الساعة 10 الى 12 و انا معك ابو الفود ان ملعب الوحدة منيح
و ممكن نلعب بمدينة الشباب بالمزة (الارض بلاط )


شو رائيكم و ارجو انو ما اتكون فائسة

الاخت هلول نحن بيلزمنا 6 بنات لكل فريق منشان التشجيع ;)
فياريت تعملي اتصالاتك التعسفية و اتساهمي لئنك من يللي بعملوا المشاريع ناجحة متل دعوة الى العشاء يللي ما حسنت اني شارك فيها و بتمنا انة نعيدها ;)


سلام
ابو العز
17-08-2002, 18:59
حطو اليد فوق الايد ------------ وخلو همتكم حديد
الله يعطيكم قوة ----------------ويبارك فيكم ويزيد

عزيزي ابو الروض :انا كنت بتمنى شارك خاصة واني لاعب قديم ومعلم بس الله ينعن ابو الغربة انا بالسعودية بس ممكن شارككم باي طلب ممكن تطلبوة مني حتى حس حالي معكم


sh:eye sh:questio ;) ابو العز:p
ابو السوم
18-08-2002, 05:44
أكيد مو فائسة باذن الله ...بتشرفنا أخي غولدن...أهلا وسهلا...

حتى الآن لاعبو شبابلك هم:
1- ابو الروض..
2- ابو السوم ...يعني أنا..
3- ابو الفود ...
4- أبو البيس..
5- جووي...
6- غولدن..

ويبقى الغموض حول مشاركة مواطن شريف ...ودارك نايت..حيث انهم سجلو بالمنتخب ولكن لم يشاركو هنا للأسف...

بقي عليك أبو الروض أن تحدد المكان والزمان ...

وأخي ابو العز سنستفيد من خبرتك ..وان شالله مع عودتك لأرض الوطن تشاركنا هذا المنتخب...
ويمكن حاليا تدعمنا فنيا وخططيا...
مدرب فني للفريق...
يلا شباب ...
بسم الله...:rolleyes:
أبو الروض
18-08-2002, 18:13
عزيزي غولدن : شكرا لمشاركتك وأكيد الموضوع نحنا يلي من خلي

جدي بمشاركتنا في وأزا بتحب تكون معنا فأهلا وسهلا بس عطينا

شوية معلومات عنك.

شكرا كتير أخي أبو العز ونشالله المرة الجاية بتكون معنا...عن قريب...................ودعيلنا

بالنسبة للمكان أزا حدا عندو اقتراح ...يقول ومنشوف الشباب وين بتعتمد.
sabwood
18-08-2002, 21:10
لك على راسي احلى ابو الروض شريكي العزيز

ولا يهمك معلم انا جاهز و بيشرفني انو العب مع الشباب وحتى لو مالقيتولي مكان مو مشكلة بمشي حالي متفرج

انا شو بتلعبوني مو مشكلة

مشكورين كتير شباب
ابو العز
19-08-2002, 00:17
عزيزي ابو الروض مجرد راي انكم تجتمعوا سوى قبل اللعب ويا ريت يكون في تمرين وتحددوا واحد مسؤول عن الفريقاي رئيس فريق ليس للرفعة بل لان المركب بلا ريس لاتمشي0 وانشالله بالتوفيق
أبو الروض
20-08-2002, 17:59
المباراة يوم الجمعة 23 آب الساعة العاشرة والنصف ليلا في نادي الوحدة....................

الرجاء ثم الرجاء من جميع الراغبين في المشاركة إرسال رسالة خاصة.........

وشكرا