المساعد الشخصي الرقمي

عرض الإصدار الكامل : في أحد ينصحني؟؟؟

مسيو حسامو
15-08-2002, 09:23
"بسم الله الرحمن الرحيم"

أعزتي الشباب لكيوون...

تحية طيبة و بعد...

كيفكم..

ممكن أحد يساعدني..

انا بدي أشتري موبايل بس محتار شو أخد..

محتار بين Siemens SL45I و Nokia 9210....و Nokia 6510

فرجاءا في أحد ممكن يساعدني..

انا بدي اياه من جهة مواصفات و ميزات..

أوكي..

وتقبلوا فائق إحترامي

مسيو حسامو
engafw
17-08-2002, 15:57
أنت طبعاً بتعرف شو بيلزمك من الموبايل...........بس لح أعطيك رأيي.....

هلأ الموبايل بنصحك أول شي بالنوكيا لتوفر الإكسسوارات وقطع التبديل والتصليح ورخيصة تصليح بالسوق السورية.............هي أول شغلة.....

شغلة تانية إذا كان بدك تاخد 9210 فنص ميزاته ما بتشتغل بسوريا......أما بالنسبة للسيمنس فهادا الموبايل حظوظ يعني كتير ناس حملوه وأنا منهم طقيت من الموبايل لأنو كتير عطل معي.....بس في ناس حملته وطار عقلها فيه.......ميزاته رهيبة.......بس ما فيك تستقبل صور من نوكيا.......أو نغمات...........بعدين نغمته واطية.....بس ميزاته رهيبة ورائع............
بالنسبة لـ6510 هو أحسن واحد وأنا بنصحك فيه.........بس فيو مشكلة صغيرة أنو ما فيك تخزن لكل اسم أكتر من رقم واحد على عكس 6310 أنو فيك تخزن لكل اسم أكتر من خمس أرقام.......

يعني من بين اللي كتبتهم أنا بنصحك بالـ6510 بس بدك نصيحتي 6310 أحسن جهاز ممكن تشوفه بحياتك...........
ChoCaholiC
17-08-2002, 16:17
لك شو نوكيا ما نوكيا...
صحيح النوكيا قطع تبديله متوفره و رخيصه نسبياً..بس بلالك ياه..
شوف نصيحة مجرب..ال سوني كتير منيح..يعني أنا لما بكون بأخر الدنيا.. و كل العالم يللي معي موبايلاتن ما عم تلقط 93 او 94 أنا بقدر احكي..سحب السوني خيلة... sony z7 هاد يللي أنا عم استعمله.
بس المشكله انو ما فيه عربي..و مع انو الصور يللي فيه كتير حلوه بس بيبعت و بيستقبل لسوني بس..
و النغمات مهضومه كانو عم تلعب ماريو...
بس الأهم انو مين ما سألت ح يقللك انو السوني أعطاله كتير قليله...
و أنا هاد الشي يللي شجعني على أخده..
و ما ندمت..

و في السوني اريكسون..بعد ما اندمجت الشركه نزلوا موبايلات خيله..بجودة السوني و ميزات ال ايريكسون..
والسيمنس كل يوم بدو يتعطل..بالأول بتفرح عليه.. وبعدين للكب..


و طبعاً انت أسأل و شوف و مبروك الجهاز سلفاً
GOLDEN_#1®
17-08-2002, 18:14
المسيو حسامو

انا جربت كتير موبايلات و كل يللي حكيت عنهم نفس الشي بسورية و ذلك لعم استخدام الميزات

انا بستعمل و بنصح بال NOKIA 9210 لكن اول شي تاكد من Version

اذا NOKIA 9210_i رح يكون ال Version 5.5 ويدعم العربي و بكون منيح بس اغلى من 9210 الفرق ان Version يللي اقل من 4.00 رح يعلقو كتير و الحل اما Clear Log او UpdateVersion
ميزتته متل MP3 MPEG VIDEO PLAYER WAV FAX GAMES
طبعا هاد النوكيا رقم واحد بلعالم لان فيه كل شي

SIMENS SL45 يجب ترقية ال version لل5.5 و ذلك لدعم العربية و تقليص الاعطال البرمجية
من ميزاته MP3
SLM
17-08-2002, 19:08
أنصحك بهالموديل , لأنو أوجه لألك قدام عملائك أذا كنت من أصحاب العلاقات العامة , وإلا خود نوكيا بشكل عام أحسن برأيي , (خليك مع الزعيم)

وشوف السامسونغ تبع أصالة نصري شو أخباره بطريقك
engafw
17-08-2002, 19:16
السوني على قمة الأجهزة لكن............نوكيا مخدم أكتر......بكرة بتدور على نغمات ما بتلاقي غير للنوكيا........بتدور على برامج ما بتلاقي غير للنوكيا.......بتدور على صور ما بتلاقي غير للنوكيا...........
من شان هيك أنا اشتريت نوكيا.........بس السوني z7 رائع.......
مسيو حسامو
17-08-2002, 23:25
"بسم الله الرحمن الرحيم"

تحية طيبة و بعد::

أول شي حبيت ألفت نظركو لشغلة مهمة...

هون قطع غيار النوكيا نفس الشي رخيصة ....و ضمانهم للجهاز كويس..

انو انا ماني بسوريا...انا في السعودية...و كامل مواصفات الكوميونيكاتور بتشتغل هون..

و شغلى تانية...

الكوميونيكاتور الي بدي أخدو 9210_i ....حقو بيجي 2800 ريال..

السيمينس برضو SL45 I و حقو هون 1120 ريال

و النوكيا...6510 حقو هون حوالي 1050 ريال..

فرجاءا يعني مين يساعدني لأني محتار...و مش عارف ايو بدي أخد..

و لكم خالص تحياتي

مسيو حسامو
engafw
18-08-2002, 01:25
أوكيه ما عليك غير بالكوميونيكيتور............أحسن موبايل لح تشوفه بحياتك........بيجنن........بدون مقارنة مع أي واحد تاني.....اشتريه ولح تدعي لي...........;)
أمير عربي
20-08-2002, 19:33
يا زلمة و الله انا شخصيا ما بعتقد انو في مقارنة بين الكوميونيكيتر و بين اني جهاز تاني
لا تحتار و طالما انت بالسعودية معناتا راح تستفيد من معظم خدماته
توكل على الله و هي نصيحتي
تحياتي مسيو
ChoCaholiC
20-08-2002, 20:17
يعني مدام كل الميزات بتشتغل عندك..معناها بس بقيت قصه النغمات و الصور.. يعني انا بشوفها مو مهمه..بس يللي بيسال عنها لازم يهمه شكل الموبايل..و الله النوكيا مو حلوووووو..إي متل اللعبه..

عن جد خود السوني..

و أنا بشكر الأخ engafw
لأنو مدح بالسوني..عن جد أكتر موبايل عملي شفته بحياتي..
zourba
07-09-2002, 01:12
sh:hi والله يا معلم ما إلك إلا النوكيا لأنه رائع بكل المقاييس و لا شك أن الـ9210 هو الأعظم لكن أيضاً أي نوكيا بيخدمك إذا أردت أن تستفيد من الميزات التقنية أحصل على 6310 أو 6310 I و إذا على بالك أن يكون أقل شوي أختر 8310 أو 6510 لأنه يتمتع بالراديو و بعض الميزات المرحة و نزل جديد على السوق 3510 يتميز بأن موسيقاه هارمونيكس و به ذواكر لكل أسم خمس أرقام و به خمس ألعاب و الكثير ...
و إذا على بالك تستنى سينزل قريباً 6610 و 7210 و هؤلاء الأثنين ذوو شاشة ملونة عالية الدقة و له منظر رائع و جميع الميزات.
على كل زور الموقع التالي
http://www.nokiame.com/arabic/6610_features_ara.shtml
باي.....