سؤال حلو..و أتحدى أحد يجاوب إجابة صحيحة..

[مسيو حسامو]

"بسم الله الرحمن الرحيم"

أعزائي شبابا و صبايا

تحية طيبة...وبعد..

هذا موقف يجبرك على التصرف فى نفس اللحظه ولا مجال لتفكير

اليكم هذه القصه وعيشو الموقف نفسه واجعل نفسك فى مكان هذا الشخص فماذا تعمل



كنت تقود سيارتك في ليلة عاصفه .. وفي طريقك مررت بموقف للحافلات , ورأيت ثلاثه اشخاص ينتظرون الحافله :ـ
1. امرأة عجوز توشك على الموت
2. صديق قديم سبق ان انقذ حياتك
3. الرجل أو المرأة المثالية والتي كنت تحلم بها طوال العمر

كان لديك متسع بسيارتك لراكب واحد فقط .. فأيهم ستقله معك ؟
**************
كان هذا احد الاسئلة التي تستخدم في استمارة طلب الالتحاق بأحد الوظائف ..ـ
يمكنك ان تقل السيده العجوز لانها توشك على الموت ,وربما من الافضل انقاذها اولا , تستطيع أن تأخذ صديقك القديم لانه قد سبق وأنقذ حياتك وقد تكون هذه هي الفرصه المناسبة لرد الجميل ,وفي كل الاحوال فانك لن تكون قادرا على ايجاد حب احلامك مرة اخرى ..ـ
كان هنالك شخص واحد فقط تم ترشيحه لهذه الوظيفه ( من بين 200 شخص تقدموا ) وذلك لإجابته التي لاغبار عليها ..ـ

فكر في اجابه مناسبه للسؤال و انا راح أكتب الجواب عنو بعدين

بعد ما انتو تحلوه و تورونا شطارتكم؟؟

وتقبلوا خالص تحياتي

مسيو حسامو..ـ

[ابو السوم]

والله شوف لقلك حبيب....

يعني بالفعل سؤال صعب ...وبدو تفكير لحتى الواحد يجاوب عليه...

بس الجواب البديهي..بالنسبه الي على الأقل...

بنزل من السياره...

وبخلي صديقي يسوق السياره ويركب معه السيده العجوز التي توشك على الموت...

وانزل انا من السياره وابقى مع حب عمري ...وحلم عمري...

وهكذا ...

أنقذ العجوز المسكينه...وأخلص صديقي من العاصفه...وابقى مع حب عمري وحلم حياتي...

بالتأكيد سوف أكون سعيد معها حتى لو بخيمه بالصحراءsh:ohmy

باعتقادي هذا هو الحل المثالي....sh:eye

:cool:

sh:questio

[أبو الروض]

عن جد عن جد مو معقول لك شو القصة هون كمان يعني أنا أريت

السؤال وجايي جاوب علي وإز بلاقي حبيب قلبي أبو السوم ...........

حاطط الجواب يلي كنت بدي أكتبو .........

يلا مسيو حسامو هي صرنا تنين على هالجواب........

هات أسئلة أصعب المرة الجاية أووووووكيييييييي

[engafw]

حلوة فكرة التحدي..........من شان تجذب عدد أكبر من الناس لقراءة والمشاركة بالموضوع.............

المهم أنو جواب أبو السوم هو المنطقي أكثر شيء...........

إذا كانت فكرة تحدي وذكاء فأبو السوم جابها بأرضها........بس إذا كانت الفكرة الشخصية فعندي أنا رأي تاني........
;)

[مواطن شريف]

شو فراس قلتللي عندك راي تاني مو هيك ؟؟؟؟ :rolleyes:

صرنا تنين :D

انا اؤيد فراس و بشدة ( بلا منطق بلا علاك sh:eye )

[ChoCaholiC]

لك و الله والله كنت بدي جاوب نفس الشي...
منيح ما كنا مشتركين بمسبقه العمل...كانوا احتاروووووووو....

[أبو الميز]

http://abualmeez.jeeran.com/animation2.gif

أول شيء أبو السوم يعني آخ لو رحت إنتي على هي الوظيفة كنت إستحقيتها بجدارة و الله

بس بصراحة و علشان ما يكون الموضوع بجواب واحد راح أقول شو كنت بعمل أكيد أكيد الجميع راح يتفهموا أنو العجوز اللي راح تموت أحق بالطلعة بالسيارة و صديقي اللي أنقذ حياتي سيكون على إستعداد أن ينقذ حياة إنسان آخر و هي العجوز و فتاة أحلامي تلك رب العالمين سيعوضني بالأفضل لأني إخترت الحل الأفضل إن شاء الله كون جاوبت بطريقة و لو إنها غلط و جواب أبو السوم هو الصح بس يالله شوية تغيير






سلماااااااااااااااااااااااااااااااااااااات


أخوكم الصحفي مازن

[Nany]

الجواب بديهي مسيو حسامو

كلنا فكرتنا وحدة والجواب واحد وابو السوم حكا بلسان الجميع لانو اول فكرة منطقية وبديهية هي هي الفكرة

[مسيو حسامو]

"بسم الله الرحمن الرحيم"

أعزتي الشباب لكيييون..

تحية طيبة و بعد..

أول شي منشان التحدي انا ما كان قصدي التحدي بمعنى الكلمة..

ولكن حطيت أتحدى في الموضوع لجلب أكبر عدد ممكن من الشباب لكييوووون..

لأنو هادي الأيام عم أكتب مواضيع بالملايين بس ما في أحد بيجي و بيقرأ..

بتلاقي مشاركة مكتوب عليها"هاي انا عضوة جديدة هون"

بتلاقي الشباب كلهم هربوا وراحوا عليها..

بتلاقي في أكتر من 100 رد و مواضيعنا يا حرام رد ردين 5 بالكتييير..

و منشان إجابتكم...أجابة أبو السوم صح...يعني كلكم أجابتكم صح..

بري عليكو....تسلمولي كلكم..

و الجائزة هي سيارة فورد حلوة لعيونكم الحلوة..

كل 2 يركبوا مع بعض و إفتلوا فيها بالمنتدى متل ما بدكن..

http://www.home4arab.com/members//arts/hhmb/K.JPG

و تقبلوا خالص إحترامي

مسيو حسامو

[ابو السوم]

شكرا شكرا.....

هاد ابني الحربوق سمسوم هو اللي جابها بأرضها...

تعا سمسوم تعا شوف هالسياره تعا...

اذا بتشتغل ليل نهار انت وابوك وعيلتك السمسوميه كلها ما بتطالعو حقها مو بابا....

مشان هيك رجاع اندفس نام ....

ايه شباب ...هاد التصرف المنطقي ...

ابو الروض...يك يك يك يك...هي الضحكه الخاصه...سبقتك هون كمان...
بس ما نسبقكون بكره بالدوري...؟؟sh:eye
المهم ابو شريك انا وانته وكل الشباب واحد...
قولتك سهله الأسئله ما؟؟؟sh:happy


أخي انكافو...
قلتلي عندك حل تاني انت ومواطن شريف...
اييييييه اذا هيك المواطنين الشريفين عملو لكن نحنا شو نعمل؟؟؟
قلتلي مواطن شريف ...
حبيبي انت وياه كل واحد يتركها بعبو...ايه
قلتلي علاك...
sh:ohmy


أختي ChoCaholiC شو هالاسم هاد ...مابيكفي انكافو...ههه
أهلا وسهلا بالغاليه...
قولتك منيح ما عملو المسابقه...
طيب أنا بدي أعمل مسابقه جديده..
مين بيعرف شو معنى اسم ChoCaholiC
عطيا....
بانزين مابيا...
وشكرا لتنبيهي...ولو نحنا لبعضناsh:eye

أهلين ابو الميز....كمان فكره معقوله...

ومتل ماقلتي ناني أنا جاوبت عن الكل ..حكيت عن الكل...

بس اللي ماني فهمانو انو ليش تزعمت هالموضوع وصرت رد على كل واحد واحد...مابعرف الله وكيلكون مع اني مو انا صاحب الموضوع..
المهم كتبت ومابدي امسح ايووااااااااااااااااااااا

نظريا ساعدت العجوز المريضه....
ونظريا ساعدت رفيقي المسكين...
ونظريا ضليت مع ام السوووم...
ونظريا أخدت سياره الفورد ...

هههههههههه sh:questio

sh:ohmy
:eek:sh:eye

[CUBRA]

بالفعل جواب أبو وسووم خيلة

[spring]

في طريقة تانية
السيدة العجوز بتقعد
والفتاة بالصندوق
والصديق على سقف السيارة
وهيك تدبرت للكل بدون ماحدا ينزل :D

[ابو السوم]

حبيبي كوبرا...هاد انت الخيله ....

معلم يا spring ....بس في عندي حل تاني

بما أن الجو ماطر وعاصف ...

وبما أن معي سياره...

فتطبيق مبدأ : أنا ومن بعدي ما تنبت ولا حشيشه ...هو الافضل ...

يعني طنش الكل ولحق وصول مبكر لبيتك...

وتدفى....

هههههههههههههه مزحه طبعا

بس مين جاب سيرتو لحشيشه؟؟؟

[spring]

معك حق ابو السوم
هو بيقعد فوق السقف ورفيقه اللي بيسوق
وبالنسبة للمطر محلولة شمسية واذا مافي بيمشي حاله بجريدة:D
هي حليناها مشان المطر


بس في مشكلة انا مقاطع الفورد
اذا في بيجو بيمشي الحال كجائزة ترضية
سلامات

[مسيو حسامو]

مرحبا شباب..

كيفكم

هو في حل واحد أحسن شي...

سيبهم كلهم تحت المطر و هذ هو القرار العادل...ما ظلمت ولا أحد و أخدت واحد و سيبت الباقيين...

خليهم كلهم تحت المطر...

ادعس البنزين..و صفي التابلو....و امشي بسرعة

لحق الدفاية في البيت..

و منشان البيجو راح أعطيك فيراري...

http://www.home4arab.com/members//arts/hnet/f2.jpg

و لكم خالص تحياتي..

مسيو حسامو

[spring]

بيمشي حالها هالسيارة بس ماعندك شي برنامج بيحول
الصورة لواقع

على فكرة أخ حسام ماعم ينجح الدحول على الياهو والبروكسي اللي معي مانفع
عندك موقع عالمي مجاني تاني بالشطرنج

سلامات