المساعد الشخصي الرقمي

عرض الإصدار الكامل : أمة الحكى ..و اللعي ..شي بطفش و الله

Kitty
03-08-2002, 03:38
أمة الكلام .. الحكي و اللعي
فاضي ملان بنحكي .. و بنطحششششش ...
و .. انا من هالأمة .. و بحب اللت و اللعي كمان.. ايييييييييه دنيا

هل هي عادة .. ام قصور عام في ادراك اهمية الوقت ..
أم لمجرد اننا حاسين اننا ما بنقدر نساوي شي ..
اجلس مع نفسك ... فكر شوي .. كم ساعة بتقضيها حكي فاضي باليوم ..

بنحكي ساااعة عالقضية الفلسطينية .. الحق على هاد لأ على هداك
بنتخانق .. يمكن توصل للضرب ..و الزعل ..
بتخلص القصة .. تحررت فلسطين شي .. ؟

بنطحش أول ما تجي سيرة الدين .. كل واحد صار علامة .. حرام و حلال
كفر ايمان فسق .. الى جهنم و بئس المصير .. وين طاحش عمي
شو مفكر حالك .. قللي اذا كانت صلاتك راكزة أول ما عم احكي عالسنن
عم احكي عالفرض .. .. بتفيق على صلاة الفجر..؟؟؟

دريتو شو صار بالهونولولو .. .. و بناقش القضية أحسن من أهل البلد ..
بينتقد .. هاد مو عاجبه .. و هاد عاجبه ..
لك شووووووو دخلك .. !!!!!! لك صلح حالك أول .

المشكلة انو هادي المساخر ما عادت تنطرح بالسهرات و الاجتماعات المغلقة
العيلة بين بعضن .. رفقات مع بعضن ..
صرنا كل يوم بنلاقي عشرات المحطات اللي بتفرض علينا هادي المواضيع ..
اللي عم تتكرر دائماً .. نفس الحكي .. نفس الناس ..
طيب ما بيتعبوا ما بمللو

طيب تناقشنا ..تغير شي .. حدا غير رأيو .. حدا اقنع التاني أو اقتنع
لأ طبعا .. كلو متمسك برأيو .. مستحيل يتراجع ..؟؟!!!!!!!!
شو هالحكي .. يتراجع آل .. صحيح انو رأي التاني صح ...
بس شو بدن يقولو عليي الناس خروق ..
لا أعوذ بالله انا ما بتراجع عن شي... هه ..

لك آآآآآآآآآآخ لايمتا بدنا نضل هيك آه ..
ما قدرت ما فش خلقي ..شي بطفش .. اي و الله

و سلامي ..
sh:hi
shameiah
03-08-2002, 16:22
و الله جد طرحك بمكانه لأن الشعب العربي كله هيك
حتى اذا بدك ترن تلفون تسلم على حدا
ساعة : كييفك و شو أخبارك و أهللك بالاسم فلان ؟ و فلان ؟
و شو عاملين ...ييييييييييييييييي

أنا بالنبسة إلي ما بتعامل مع الناس الفاضية إلا رسمي
و متل ما قلت على الأغلب مناقشةأي موضوع هو لإثبات رأي علىحساب آخر مو للتفاهم و لا للوصول للحق
فتعودنا و ما لح نغير شي
بسعلينا نقول كلمة الحق بأبسط و أحلى أسلوب


كلهم بياخدو المظاهر و بس
يعني فان بيروح عالجامع ..........م معناها صاحب دين
عادي
روق و لا تاخد علىبالك
sh:hi
Dr.F O X
03-08-2002, 18:54
نحن كمجتمع عربي نعاني و بشكل عام من الجهل و التخلف بأعلى درجاته و مع الأسف الشديد , السبب أن هناك مَن يريد لنا ذلك -لأنهما أي الجهل و التخلف- بيئة مناسبة و تربة صالحة لزرع النباتات السامة و الأعشاب المتطفّلة التى تخدم مصالح أعدائنا فقط.

غالباً ما نجد أن من يستطيع الفعل لا يتكلم ولن يتكلم أما الذي يدّعي القدرة على الفعل فيقول الكثير الكثير عن امكانياته و عن مواهبه و قدراته التى قد لا تكون موجودة أصلاً .

بداية الكلام و أقصد الكلام الذي طرح في الموضوع تكون بسبب الفراغ و عدم القدرة على تغيير الواقع بشكل فعلي, من هنا تبدأ محاولة الكثير تغيير ذلك الواقع كلامياً بأحلام يتمنون تحققها تكون في أغلب الأحيان مجرد رغبات شخصية لا أكثر .

على الصعيد السياسي نفس الوضع تماماً لكن بمبالغ تدفع و تكون في بعض الأحيان باهظة جداً لترويج فكرة أو قضية ما , ربما عن طريق صحيفة أو مجلة , أيضاً من الممكن استخدام محطة فضائية بما يخدم تلك الأغراض من خلال اتاحة فرصة الكلام علناً لمن يرغب بذلك ويكون غالب الأحيان عبارة عن سجال و مهاترة لا تقدم و لا تأخر , تروي شغف الكثير من الأشخاص الأمر الذي يرفع أسهمها لدي المتلقي .

بما يخص الدين فالأمر مختلف من ناحية وشديد الحساسية من ناحية أخرى لأننا أمام عدة ديانات نحن كمسلمين نحترمها جميعاً ,أيضاً ضمن الديانة الواحدة ليدنا عدد من المذاهب التي قد تحدث بعض تصلبات الرأي بين أطرافها و كل طرف لا يستطيع التنازل....... و في حال تفاقمها قد يحدث ما لا يحمد عقباه......

النقاشات لا تعتبر بحال من الأحوال افحام للآراء أو على الأقل لا يجب أن تكون كذلك ومن خلال هذا المنتدى وضمن مشاركاتي المتواضعة لاحظت الكثير من تصلب الأراء حول بعض الأمور لمجرد أننا سمعنا من فلان أو قال علان و كلاهما -أي فلان و علان- يحملان صفة علاك اللبان و لا يمثلان بأي حال من الأحوال مصدراً موثوقاً يحتذى به.

هذا ردي عن موضوعك أخت Kitty وانا مستعد أن أغيّر أي فكرة منه في حال اقتنعت بذلك ضمن حقائق و حقائق فقط , وطبعاً في هذه الحالة لن ينتقص من شخصيتي شيء بل على العكس.....
Kitty
06-08-2002, 02:07
خليني كون صريحة ..
أولا .. شامية انا بقلك بصراحة بحكي كتير على التلفون بس مع صديقة وحدة يعني مرات توصل بيننا للساعة التلفونية انا بعترف انو هادا الشي غلط ..بس صديقتي هي بالذات حتى لو كنا مع بعض طول النهار
لازم نحكي مع بعض على التلفون .. ليش ؟؟ شو بنحكي؟ .. لا تسأليني ..
عن جد ما بعرف كيف بتمضى الساعة .. لعي فاضي ... اكتشفنا المشكلة و صرنا نعير لحالنا قديش لازم نحكي بالنهار
و ما عادت تلفوناتنا تتجاوز النص ساعة مع هيك لسا حاسينها كتير .
على كل حال شي طبيعي انو يكون في جزء من الحكي اللي نحكيه فاضي ترفيهي بس لازم نعرف ايمتا نوقف اللعي الفاضي حتى ما تتحول كل حياتنا للعي فاضي ...

AN@S لا تستغرب .. هادا عصر العجائب .. البناااات ما عاد يعجبن اللعي الفاضي .. غريب .. عجييب :D :D

و لكن كانت النقاط الاساسية التي ارغب ان اركز عليها الضوء ...
هي النقاط اللي ركز عليها DR.FOX و التي أوافقه عليها 100 %
انا اتكلم عن "اللعي الفاضي" .. الذي نضطر ان نسمعه في كل نشرة اخبار مفصلة و في كل برنامج يدعي طرحه الهادف لـــــ"أحداث الساعة" .
لماذا تتكرر المواضيع السياسية و الدينية بالذات على القنواة الفضائية ... و في الوسائط الاعلامية .. لماذا نناقش قضايا عقيمة لا فائدة منها بل انها توسع الفجوة بيننا .
الا توجدقضايا أهم تستحق أن نناقشها ..
الكل يتكلم .. صح غلط .. يتكلم .. مختص غير مختص .. يتكلم ..
لماذا لا يعرض اعلامنا سوى المهاترات التافهة المثيرة للشفقة بكل معنى الكلمة ..
و التي للأسف يعاد طرحها و مناقشتها في معظم جلساتنا المسائية ..
لتزرع الخصام بين افراد العائلة الواحدة .. او الاصدقاء .

و أنا أحيي فيك Dr. Fox روحك المرنة و تقبلك للاقتناع بالرأي المنطقي
أشكرك ...

و سلامي
sh:hi