المساعد الشخصي الرقمي

عرض الإصدار الكامل : يا بتلحقوا ... يا ما بتلحقوا .... دعوة special لجميع الاعضاء

SHANT
01-08-2002, 16:15
يعني يا اعضاء شبابلك المهضومبن ... خدوا استراحة نفسية

صيفية غير شكل ... الجو بجنن ....
يعني معقولة كل واحد قاعد ببيته .... شي انترنت ..شي هكر... شي تلفزيون....
يعني شي مو طبيعي

مشان هيك كلكن مدعوين لاحلى قعدة و سهرة ما صار متلا ...

المكان : على سطح البناية ....


الزمان : لما تقرا هالرسالة .....

يعني كل واحد او وحدة بدو يشارك بالقعدة لازم يجيب معو شي شغلة ...... شو ما كان .....
القعدة حلوة و الههوا طاير طاير ....

انا من عندي الكراسي و الموالح .... و نشوف انتو شو راح تجيبوا معكن ;)

ما بدها شي ... شوية خيال و فكر نضيف و حسبوا حالكن انكن بالقعدة
و لو قعدة افتراضية ... و شاركونا لتصير قعدة غير شكل

حضور المشرفين ضروري ... و لا يسمح بالتأخير ... :D :D :D


ناطركن ... sh:hi
noonef
01-08-2002, 18:22
انا فيني اجي و جيب معي معلقتي

عشان آكل

تخصصي
أبو الميز
01-08-2002, 19:17
بسم الله الرحمن الرحيم

تحياتي shant
أول شيء بدي أسألك أنا فيني جيب حبيبتي معي و لا لأ مسموح من غير الأعضاء يجي معانا؟؟؟؟؟؟؟
بس رفيقتي الله يوفقك مشان الله هيك:( شو سمحتلي هيييييييييييييييييييييييييهsh:happy لأنو أنا بدونها ليك حالتي:

http://www.mazenmazen.4t.com/yoy.jpg

mazenmazen.4t.com/yoy.jpg
==========================
أول شغلى راح جبلكن ياها هيك ساحر على كيف كيفكم شوفوا معي:

http://www.mazenmazen.4t.com/skelmagic.gif

mazenmazen.4t.com/skelmagic.gif

=========================


ثاني شغلة النكت علي و هي هنن:

سمع حمصي عن توفر الجوال في سوريا فذهب الى أبوه و صار ينق عليه بابا أشتري لي جوال أشتري لي جوال فقال الأب حسنا أشتري لك جوال بشرط بتركب أخواتك معك
----------------------
ماهىقمةالادب؟
ان يدق باب البراد قبل فتحه
----------------------
قام صعيدي بقتل أبنه الرضيع فستغرب الناس ذلك و سألوه لماذا قتلت أبنك الصغير فاجاب: عصفور بالجنه و لا حمار على الأرض.
-------------------------
سمع أهل حمص عن توفر الموبايل في سوريا فأخذوا بحفر الشوارع لتمديد خطوط الموبايل.
------------------------
اتصلت إحدى الزوجات من حمص بزوجها على الهاتف الجوال و صادف وجوده عند الحلاق فعندما أجاب ,سألها مستغرباً :كيف علمت بوجودي عند الحلاق ؟
---------------------------
دخل رجل عجوز إلى الحلاق يريد أن يحلق ذقنه, و بعد محاولة الحلاق عدة مرات حلق أعلى الخد و فشل,قام بإعطاء الرجل العجوز كرة صغيرة ليضعها في فمه عند المكان المطلوب حلاقته، فذهب إلى ذهن الرحل العجوز أن يسأل الحلاق:ماذا يحدث لو أنني ابتلعت الكرة خطاً,ماذا ستفعل؟ أجاب الحلاق :ببساطة سأنتظرك غدا صباحا لتأتيني بهاكما فعل جارك هذا الصباح ,حيث ابتلعها البارحة و جاءني بها اليوم صباحا.
---------------------------
حمصي اشترى خليوي... مرة كان جالس عندخطيبته فجاة رن الخليوي وبعد ما خلص كلام على الخليوي مع رفيقه قال!؟ عجيبي يه شو عرفو إنو أنا هون.
-----------------------------
واحد مامعه مال و جوعان كثير دخل إلى المطعم وقال للجرسون يابتجيب عشاء يابعمل مثل مع عمل أبي الجرسون خاف منه كثير وجاء إليه العشاء وبقي الرجل على هذا المنوال ثلاثة أيام وثم تضيايق الجرسون منه كثيراً فسأله الجرسون أبوك فأجابه الرجل نام من دون عشاء.
-------------------------------
قال واحد كان ماشي بالشارع فدعسته سيارة فطلعت روحه إلى السماء وهي فالطريق طرقتها طيارة ..هاها!!!!
-------------------------------
ليش الحمصي بيحط حماتو على الآنتبن
من شان يشوف افلام رعب
----------------------------------
في واحد حمصي عم يلحق حرامي آم سبقه
----------------------------
أثنان يحضران فيلم كاوبوي في السينما
الأول: بتراهن ان البطل سيقع عن الحصان الأن
الثاني: براهن انه لن يقع من خمسمئة ليرة ل خمسمئة ليرة
في الفلم وقع البطل عن الحصان
الثاني : خود المصاري لقد ربحت الرهان
الأول :لا عم يأنبني ضميري لأنو انا شايف الفلم للمرة الثانية
الثاني : لا خود المصاري لانو أنا شايف الفلم ثلاث مرات و كنت مفكر أنو البطل رح ينتبه ها المرة
---------------------------------
أعلن عن فرض حظر التجول في حمص أبتداء من الساعة السابعة مساء فخرج أهل حمص الساعة السابعة ليتفرجو على حظر التجول.
أمر الضابط عناصره اطلقوا النار على كل من تروه في الشارع أبتداء من الساعة السابعة مساء فقام أحد العناصر بأطلاق النار على شخص يسير في الشارع عند الساعة السادسة و النصف فسأله زميله مستنكرا هذه الفعلة قائلا قالو لك عند السابعة و الساعة لم تبلغ السابعة لماذا فعلت ذالك فأجاب هادا جارنا و بعرف انو بيته بعيد ما بيلحق يوصل على الساعة السابعة
-----------------------------------
دخل المدير الى الصف فوجد الأستاذ يضرب احد التلاميذ و هو يسأله من قتل صلاح الدين ولاه , الصبي لا أعرف
فسحب المدير الأستاذ الى جنب و قال له:
حرام أستاذ بلكي مو هو
-----------------------------------
فلسطيني من الأنتفاضة تزوج من حمصية
جابو ولد بيضرب حجار لورا...ها ها ها هو هو هي هي
-----------------------------------

سفينة في عرض البحر تكاد أن تغرق,
وقف القبطان في مكان عال و صاح على كافة الرجال أن يقفوا على جهة اليمين و النساء على جهة اليسار,
وقف أحدهم في وسط السفينة و نظر الى القبطان قائلا:
كابيتين أنا وين بدي وقف......
----------------------------------------

و بالنسبة للعلك و لا يهمكم علي العلك أديش بدكم كم طن؟؟؟؟؟؟
ههههههههههههههههههاي sh:hi

=========================
أخوكم مازن إن شاء الله يكفوا الغراض اللي أنا جبتهم
آآآآآآآآآآه تعبت من حملن آآآآآآآآآه طيب تعوا ساعدونيsh:ohmy أووووووووف شاطرين تآكلوا بسsh:angry
=========================
ههههههههههههههههههههه
باااااااااااااااااااااي
========================
أخوكم مازن


meesenger: mazen890@hotmail.com (mazen890@hotmail.com)
رنـا
01-08-2002, 20:27
لك ابوووس روحك اخي شانت على هالفكرة
انا من ناحيتي رح جيب معي فرقة موسيقية لحتى نغني ونرقص للصبح
وانا اللي بدي اشرف عالاغاني
لانو انا بحب حسن الاسمر رح سمعكم ياه طول السهرة ونتأجج سوى
وازا بتحبو بسمعكم شعبان عبد الرحيم الواد الحلو الظريف
ونغني سوى اغنيتو الخالدة
حابطل السجاير
sh:hi
sh:questio
VODOO
01-08-2002, 20:43
أخواني و أخواتي الأعزاء

حبيب الئلب شانت الفكرة كتير حلوة و بتجنن بس يا ريت تسمحولي جيب أركيلتي لأنو عن جد ما بئدر أقعد بلاها و ان شاء الله لح ننبسط كتير بهي القعدة.



أخوكم VODOO.NO2



sh:hi sh:hi sh:hi sh:hi
SHANT
02-08-2002, 13:29
يعني كانت قعدة ظريفة ... مو هيك

نبلش بالدومري لك مو بس جيب معلقة جيب العدة كلها و الف صحة .... بس بلا سئلة اديش وزنك .. اذا بتحب الاكل هلقد;)

ابو الميز اهلا فيك و بالحبيبة..
و عن جد بيضتها مع هالنكت ... ولسه السهرة باولا


و يا عيني عليك يا متأجج ...
فكرة كتير حلوة الفرقة الموسيقية بس ... في مشكلة صغيرة
هالمطربين اللي رح تجيبهن شي صرعة عالاخر......
sh:happy بس متل ما بدك.....

و حضرتك voodoo احلى اركيلة و معسل بحريني ... و لا بدك تنباك ...

أهم شي انو القعدة لسه باولها ... يعني لسه بتلحقوا واللي ما اجا و شاركنا هي فرصة تانية ..... شفتو اللي اجو شو كيفوا مو هيك
sh:happy sh:happy
freedom
05-08-2002, 01:35
شانت انشبيسيس؟؟؟
ايه ليك اخوي المتاجج....بصراحة انا جهزت عدة الديسكوتيك و جاي..
بقا انت شوي مع الفرقة و انا شوي عل ديسكو ...شننو انا dj
..
بعد يوم بكون عندكون...

ياللا طالع جهز الغراض:D
RMK
06-08-2002, 13:13
و خلص ر ح جيب الأورج وأجيsh:hi
noonef
07-08-2002, 09:49
وزني حبيبي


63 ونص

بعدين انا مبطل التدخين حديثا من شان هيك لازم تخلوا الاراكيل بعيدة عن انفي حتى ما اتضايق