إلى اللقاء و ليس وداعاً ان شاء الله [الأرشيف]

عرض الإصدار الكامل : إلى اللقاء و ليس وداعاً ان شاء الله

shameiah

30-07-2002, 04:18

اللي بيوصي شي من مصر يا جماعة !!!!
sh:eye
لح اشتاقلكم و الشام و غرفتي و رفقاتي
انتو لح تضللو معي
احزرو ليش !!!!!!
لاني لح ضل ان شا الله مشرفة هون
........ باذن الله
ادعولييييييييييييي
اكتبولي و خليكم معي و انا معكم و بتابعكم اد ما بقدر
شكرا
sh:hi

الألم

30-07-2002, 04:54

يسعد مساكي اختي :

ربي يسعد كل عمرك و ايامك بالخير و ان شاء الله تقضي ايام سعيدة

دايما

لك مني كل الاحترام و الطيبة

اخوكي

الألم

Moutaz

30-07-2002, 05:21

صباح الخير اول شي
تاني الشي انشالله تروحي وتجي بالسلاامة يا رب.........اما منشان التوصاية ياريت تجيبيلي معك ابو الهول وام الهول وهوووولsh:ohmy
بدنا سلامتك اختي شامية بس سلميلي عليهم
:D

osama_brd

30-07-2002, 07:37

الأخت شامية ....

إنشاء الله بتروحي وبترجعي بالسلامة ولا تطولي الغيبة يعني كل واحد بيطلع من المنتدى ولو لمدة صغيرة بنشتاق له ...

مشان الطلبات من مصر مافي شي بس بدي سلامتك وإذا مافي إزعاج بدي هل كم غرض :

1- صور ورق البردي شي 8 وحدات .
2- شي 6 أو 7 كيلو منجا مصرية .
3- 5 كيلو جوافة مصرية .
4- كل شيء بتلاقيه ظريف بدنا منه شي 4 أو 5 قطع .

يعني مشان ما تقل عليكي الحملة حاجة هيك :D ...

برجع بقلك في أمان الله وحفظه

أسامةsh:hi

جورية

30-07-2002, 07:42

اصدقائي الغاليننننننننننننننننننننننن

اختي شامية الاصيلة
لك يا رب بكل خطوة سلامة
و ربي يحميكي و يحمي الطيارة تبعك
و حبيبتي ما تطولي علينا هه منشتقلك
و شوفي يعني بدي كم شغلة مو كتار يعني شوي بس
بدي شناتي جلد
و بدي اكسسوار مصري
و بدي شمع
و بدي جلايل طاولة اغباني
و بدي زنوبا مصرية
و بدي حنة
و بدي ملوحية بالارانب
و بدي غلابيات مصرية
و بدي عيش
و بدي شويت سمك من الاسكندرية
و يعني هدول يلي متذكرتهم
و يعني شوفي انتي شو بتلاقي شي حلو جيبي
انتي كريمة و انا بستاهل
و يا ريت لو تجيبيلنا شي هرم يعني منشان
نشوفه بس و منرجعه بعدين;)
و ان شاء الله ترجعليلنا بالسلامة
و تحياتي

Soooon

30-07-2002, 09:28

الاخت شامية...
اتمنى لك سفراً سعيداً.. وعقبال ما نكتبلك Welcome Home بعد عودتك من رحلتك.. وبالتوفيق.

اخوك
سووووووووون

Eagle

30-07-2002, 18:08

تروحي وترجعي بالسلامة

يارب تنبسطي وتروئي ويكون سفرك مريح ورحلتك تاريخية ولا يهمك القسم أكيد لح يكون بغيابك متل وجودك ولا تاكلي هم هي الشباب الطيبة كلها هون بدير بالها منيح

مو هيك شباب؟؟؟

بخبرك لا تخليه محل بمصر ما تفتليه وخصوصا شوارعها المعجوئة مشان تشوفي الشام أديشها فاضيةةةةة

وتروحي وترجعيلنا بخير وسلامة sh:happy sh:hi

أهلاوي

01-08-2002, 03:45

الاخت الغالية شامية :

الحب والشوق والكلمة الطيبة والاحساس المرهف الذي تمتلكيه اضاف لمنتدانا الشيئ الكثير

انت في القلب كما انت بين اهلك لذلك ان طال غيابك فعذابنا كبير

وان انت عدت الينا ولو بعد حين لكان شوقنا اليك اكثر

دعوتي لك بان تعودي سالمة من كل مكروه وشر وغانمة بالحب والخير والحنان

the angel

01-08-2002, 06:00

بالسلامه انشاء الله..

دعواتي الك برحله سعيده وعوده حميده ..

انبسطي كتير وزوري كل الاماكن مصر كتير حلوه وفيها اماكن خرج تنزار.

بس ديري بالك على حالك..

بالنسبه لموضوع التواصي..

بوصيكي بطاعة الله..

وبس..

مسيو حسامو

01-08-2002, 20:39

مسا الخير

كيفكم....

ايه ممكن طلب أختي شامية؟؟؟؟

طلب واحد بس

تروحي و ترجعي بالسلامة مش أكتر علشان ما تقل عليكي اوكي؟؟؟

لا تطولي كتييررر.....لأاني مش قادر أتصور المنتدى من دونك

و بكرر تروحي و ترجعي بالسلامة

مسيو حساموsh:hi

VODOO

01-08-2002, 21:41

أخواني و أخواتي الأعزاء

عزيزتي شامية تروحي و ترجعي بألف ألف سلامة
انبسطي كتير و لا تخلي ئرنة ما تروحي عليها ولاتنسيلي علبة المعسل <تفاحتين> متل ما ئلتلك اذامافيها سئلة ,بس شوفي شامية أنا بس طلب واحد مو متل بعض الناس متل جورية طبعا بدون ذكر أسماء 1000000 طلب عالعموم شو بدك تساوي أمرك لله هدول أصدقائك و مو حلوة ما تجيبيلهم اللي و صوكي عليه يعني لأنو مو حلوة.

بعدين لحظة شوي حبيبي مسيو حسامو اللي مسافرة لمصر هي شامية مو جورية لأنو جورية سافرت و مشي حالها و بطلت ترجع بس شامية رايحة وراجعة بالسلامة ان شاء الله و بدها تجبلنا معها هدايا sh:happy فهمت عليي شلون أخي حسامو.

أخوكم VODOO.NO2

sh:hi sh:hi sh:hi sh:hi

voodoo

01-08-2002, 22:25

يارب تروحي وترجعيلنا بالسلامة

الي عندك طلب اذا بتقدري تلبيه ؟؟
بوصيكي ديري بالك ع حالك و لا تخلي محل بمصر ما تفتلي فيه وسلميلي ع كل ابو هول بتشوفيه بطريقك وكل ما تشوفي نهر النيل أتذكري نهر الأمازون هههههههه مالها علاقة موووووو بس ميسرة

ويارب تكون سفرة موفقة وتنبسطي وتروحي وترجعيلنا بالسلامة sh:hi sh:happy

wasim

02-08-2002, 00:13

نصيحة يا شامية ..

أنا كنت بمصر الصيف الماضي ..
روحي ع شرم الشيخ .. احلى بكتير من القاهرة العاصمة ..

و لا تشتري شي من الناس يللي بيوقفوا ببانوراما الأهرامات لأنو السعر 50 % زيادة !!!!

أشتري من خان الخليلي .. ارخص بكتير و فاصلييييييييهن كتير ..

لا تنسي تدوقي الكشري ..

سلام .
وسيم الحلبي

shameiah

02-08-2002, 15:12

يا جماعة أنا مبسوطة عني و عن أجدادي و عمامي و عماتي من ايد لايد
مالي ملحقة و الله
البلد صح شوب بس تعودت شوي
مشتاقتلكم كلكم بس sh:eye
المهم قلبي معكم و شكرا كتيييييير الكم
دقت العنب البناتي و المنجة .. شغلة sh:happy
وااااااو
الاسكندرية كبيرة و روعة
يا رب اقدر روح الاهرامات ساعتها ليعونكم ابو الهول .... بس ما بعرف اسمه قبل ما يجب الهول
المهم ادعولي
شكرا
لا اله الا الله
انا معكم على تواصل خليكم متابعين معي
لا تتركوني لحالي ;)
سلااااام
صحي الكشري و الطعمية اليوم او بكرا
هههههههههههه
بس شوووووووووووووووووب

الألم

03-08-2002, 15:10

تحياتي اختي :

ربي يسعدك بحياتك و يجعل كل عمرك خير و سعادة و اتمنى لك من

كل قلبي السعادة و الهناء و الحياة التي تملؤها الهناء و السعادة

اخوكي

الألم

Nany

03-08-2002, 15:14

شامية نحنا بانتظار التعليقات ونقل الاخبار من عندك انتي صرتي هلا مراسلة شبابلك في مصر

بقا لا تطولي علينا باخبارك الحلوة ولا تنسي تتصوري كتير

لانو الصور هي يلي بتحفظ الذكرى

عم نستناكيsh:eye