تعرض الشباب السوريين للاستغلال من قبل سعوديات

[snow night]

كثرة الحوادث التي وقع الشباب السوريين هنا بالسعودية للاستغلال من قبل بعض السعوديات خصوصي عندا يكون الشب شخصية شوية حيث ان معظم الشباب الذين يقعون ضحية هذ الموقف هم من يعملون في مجالات الأزياء والديكور حيث يتم استجرارهم لإقامة علاقات مع هؤلاء النساء علما بأن الشاب يكون ملتزما لكن كيدهن عظيم لأنهن يهددن الشاب بان يدعين أنه تعرض لهن وحاول اغتصابهن وطبعاً بما أنك مقيم ولس سعوديا فالحق عليك ديما وقديكون الشاب في مكان عام وتعجب فيه إحداهن وممكن أن تلقي له بورقة فيها رقمها وطبعا عندما تكون عايش ببلد فيها تحرر متل سوريا وتنتقل للسعودية بتحس انو في ضغط نفسي كبير وممكن تستجيب لهاد الشي بدافع التسلية أو تقضية الوقت ولكن بعدين بيتطورط وبيستغل أبشع استغلال

فادعو معي الله يغنينا عن ها الغربة



من ليل جدة الموحش

[رنـا]

اشكرك اخي على هالموضوع لانو موضوع كتير مهم ولازم ينطرح بشكل
اكبر واوسع لحتى الكل يستفيد من أخطاء الغير
اهم شي انو الواحد يبعد قدر الامكان عن الشبهات
والاماكن المشبوهة واللي ممكن يجي من وراها وجع راس لانو المغترب
ما رح يلاقي بالغربة مين يوقف معه ولا مين يدعمه بضل غريب
لازم تكونو قد حالكم شباب وامشو جنب الحيط وقولو يا رب الستر
الواحد قد ما بيسمع سمعات صار يخاف من اي شي
وأغلب الاوقات المشاكل بتجي من وراء البنات ...........احذرووووووووهم
**********
تحياتي لكل المغتربين
sh:happy

[snow night]

الحقيقة الموضوع مرير ومؤلم ووجدت ضرورة طرح هذا الموضوع لكي يتجنب البعض الأخر الوقوع بمشاكله ومطباته لكي لايخسر بعض الشباب رزقهم وربما كانوا يعيلون عائلات من اجلة عبثية وشهوة انسانة مغرورة تافهة

[رنـا]

لك يسلم هالتك اخي سنو نايت
اصلا مشاكل الشباب كلها من ورى البنات
لك ربنا يكفينا شرهم
مو كلهم طبعا بس اغلبهم
بضلو ورى الشباب ليحرفوهم

انا بتمنالك اخي الكريم انك تتوفق بحياتك وربنا يصبرك عالغربة ونشوفك بيناتنا بالشام ولا تنسى حبيبي

( إن مع العسر يسرا )


:D مع خالص محبتي

وانا بتمنى من كل الاعضاء المشاركة بفعالية بهالموضوع


شبااااااااااااب
اصحو وينكم
sh:ohmy

[خلدون]

ليكون الدين الفيصل
ليضع الانسان ربه دائما بين عينيه
ولتكن صلاته رادعه
ثم ليتذكر ان الله في كل مكان

اخي هل تجيز لاحد فعل ما اردته في سوريا ؟

بأي حق تدافع على من اخطأ
لو كنت في المانيا واغرتك واحده وصديقها شاهدك معها ربما لقتلت
ولو كنت في سوريا لحصل الامر نفسه

ارجوك العفه سلاحك في وطنك وفي غربتك
والله يحمي الجميع


واشكرا على موضوعك

[رنـا]

اول شي اخ خلدون تفضل هي فنجان قهوة لترووووووووق
تاني شي وين الخطا بطرح الموضوع مو شايف اي خطأ
sh:ohmy
شو بناااااا
الموضوع كتير حلو ولحد هلا مالي شايف اي خطا
روقنا خلدون :eek:

[Gar_Al2mr]

تسلم ايديك اخي على الموضوع وانا معك وبكل صراحة انا شاب سوري عايش بالرياض من عشرين سنة تقريبا وبشوف هاد الشي وبلاحظو وعما يصير كتير وفي قصص شي بيشيب الراس بس ليك خيي مو عما احكي عن حالي انا بالذات هلاء انا عما احكي بشكل عام
الشب الي قد حالو ما بينخاف عليه هاد واحد وانا براي بهيك مواقف لما يكون الشب قد حالو بيعرف شلون يتصرف وبيعرف شو بيعمل لانو الشب حلو كتير كتير بتقلو ومو حلوة الدلقة يعني والله بشوف شغلات بتشيب شعر الراس يا رجل وصلت بتاخد اهلك على السوق والله بيصيرو البنات دون تحديدي هوية يلطشوك مو انت تلطش وامك بتكون جنبك وبيصير وشك احمر قد ما كان ولو واحد امو حدو وها الشي مو عام يعني من فترة اجتني زبونة على المعرض هي وزوجها والله يا جماعة ما تصدق على الله زوجها يدير وشو عنها وتصير تبحلق فيني ما بعرف ما بنجمل نحنا هون في منيح وفي عاطل بكل شي بالدنيا وهاد كم مثل من يلي عما يصير



اخوكم

[snow night]

انت نظرت إلى الموضوع بشكل سطحي وبدون أن تكون اي فكرة عن المجتمع السعودي والحرمان الذي يعيشه الشاب السوري والانحلال الذي تعيشه لفتيات السعوديات فالشاب السوري انسان أولا واخيرا ولن يستطيع اغلاق عيونه امام هذه الاشياء وهو معرض للضغوط وخاصة العازبين منهم عندما تعمل 14 ساعة يوميما ومن البيت للشغل ومن الشغل للبيت وأنت مسؤل عن البيت الذي تعيش فيه من تنظيف وترتيب ومن تامين طعامك لأنك لن تقضيها بالمطاعم لأنو رح تطلع مكسور أخر الشهر ومارح تبعت أوعيك على الكوى وبدك تعد تشتغل لما ترجع من الشغل 5 ساعات كمان بتكون انسان مضغوط نفسيا لأبعد الحدود وما عندك أي شي تفرغ فيه عن عواطفك ولما بتكون مسؤل عن عيلة بالشام وبدك تحول كل راس شهر الريالات على الشام رح تعرف انو اللي عم ياكل العصي مو متل يلي عم يعدها وسط كل ها الشي وما عم قول أنو الشباب السوريين هنن عم يلحقوا البنات بس البنات هو بالسعودية مطلقين الحيا و ما عندن مانع يزتوا كلام لشب ويتحركشوا فيه مشان يقضوا وقت معوا
بس لازم نلفت نظر الشباب لمساوئ ها الشي ومضاره ونحط الاسباب يلي عم تسمح بتكرار ها الحوادث

[رنـا]

لك يسلم هالتم اخي snow-night
والله اللي بياكل العصي مو متل اللي بعدها

وشكرا لمشاركتك اخي جار القمر

بدنا كمان يالله هاتو لشوف :D
sh:hi