عرض الإصدار الكامل : " لماذا يدخن الأغنياء السيجار دوما "
yasser & yasser
17-07-2008, 20:59
" لماذا يدخن الأغنياء السيجار دوماً "
نعم بريستيج
لكن بما أنهم أغنياء و الحياة ملونة ومشرقة أمامهم, وهم بغاية الفهم لكل مداركها, وصحتهم غالية جدا عليهم لأنهم يجب أن يبقو على قيد الحياة,
مهما كانت المشاكل النفسية أو الدينية,
nisreen a
18-07-2008, 01:40
شو دخل المشاكل الدينيه او النفسيه والله مافهمت ,,,,
بعدين السيجار مو بس للاغنياء ... هديك اليوم كنت مارقه جنب النوفره ..(الجامع الاموي )
لقيت واحد عم يشحد وحاطط سيجار بتمو .. وعلى فريز كمان ... يعني من النوع الفاخر ...
فمادخل هالشي بالحاله الماديه ... لانو السيجار للجميع ... حق مشروع ...
وحشش ماتشتهي نفسك ولبيس مابيليق بالناس ....
شعارنا دخن سيجار على طول .. عمرك بيطول وبتصير مهيوب
GODFATHER
18-07-2008, 08:39
بس وين الموضوع ؟
راح مع اول سحبة
Cigar لفافة تبغ معدة بطريقة وعناية خاصة تستخدم فيها أوراق التبغ الكاملة فترطب وتعالج وتلف باليد من قبل عمال متخصصين بعملهم.
من أشهر أنواع السيجار هي المصنوعة في هافانا بكوبا, وهناك أنواع من السيجار أقل جودة أو مقلدة تصنع في العديد من دول العالم وفي بعضها تستبدل أوراق التبغ بأوراق نبات الملفوف (لهانة) للغش أو لخفض الكلفة.
يصنع السجار في كوبا يدويا حيث يجلس العاملين في معامل خاصة وأكثرهم من النساء بصفوف طويلة وبجانبهم طبقات من أوراق التبغ المخمرة والمعالجة بطريقة خاصة فيقومون أولآ بنزع العروق من وريقات التبغ ليحصلوا على ورقة صافية ونظيقة من كل شائبة مصنفين تلك الوريقات حسب تدريجات لونية متشابهة معطين عناية وأهمية خاصة لورقة الطبقة الخارجية للسيجار وبخبرة فائقة يشكلون السيجار بشكله النهائي ليكون كل أنتاجهم بالمواصفات نفسها ثم يقومون بتغليف السيجار بالسولفان والأوراق الملونة والذهبة واضعين أياه بعلب فاخرة غالية الثمن ليصل إلى نخبة من الزبائن المميزين.
من مدخني السيجار المشهورين في العالم ونستون تشرشل و فردريك نيتشةو من العالم العربي صدام حسين و محمد حسنين هيكل .و عبدالله زارع
juventus
18-07-2008, 13:06
" لماذا يدخن الأغنياء السيجار دوماً "
نعم بريستيج
لكن بما أنهم أغنياء و الحياة ملونة ومشرقة أمامهم, وهم بغاية الفهم لكل مداركها, وصحتهم غالية جدا عليهم لأنهم يجب أن يبقو على قيد الحياة,
مهما كانت المشاكل النفسية أو الدينية,
يعني حاولت إربط السيغار بالأغنيا ما لقيت رابط كتير كبير ومتل ما قالت نسرين يعني الشغلة بمتناول الجميع ومالها علاقة بالمادة .........
عنا هون بالمنطقة الحرة بمطار الكويت شتريت مرة هدية علبة سيغار ( Camacho ) من أفخر الأنواع وأغلاها طلعت العلبة علي على حسب ما بتذكر 22 دينار يعني حوالي ( 70 ) دولار
علبة خشبية راقية كتير فيها أربع قطع فقط .....
بس أكيد في شغلة حكيتها صحيحة يلي هي البريستيج
ولا تنسو السيغار إلو برستيجو الخاص ....... :asefff:
شهيتني بوحدة yaiii ........... حاكم الشيشة ما عاد عبت الراس
[quote=juventus;461134]يعني حاولت إربط السيغار بالأغنيا ما لقيت رابط كتير كبير ومتل ما قالت نسرين يعني الشغلة بمتناول الجميع ومالها علاقة بالمادة .........
عنا هون بالمنطقة الحرة بمطار الكويت شتريت مرة هدية علبة سيغار ( Camacho ) من أفخر الأنواع وأغلاها طلعت العلبة علي على حسب ما بتذكر 22 دينار يعني حوالي ( 70 ) دولار
علبة خشبية راقية كتير فيها أربع قطع فقط .....
بس أكيد في شغلة حكيتها صحيحة يلي هي البريستيج
ولا تنسو السيغار إلو برستيجو الخاص ....... :asefff:
بمعيتك لكن وانت نازل جبلنا واحدة لانو سيجار الفانيلا و الشوكولا والتوت ماعد عبا الراس
عصام ديب
18-07-2008, 14:20
Cigar لفافة تبغ معدة بطريقة وعناية خاصة تستخدم فيها أوراق التبغ الكاملة فترطب وتعالج وتلف باليد من قبل عمال متخصصين بعملهم.
من أشهر أنواع السيجار هي المصنوعة في هافانا بكوبا, وهناك أنواع من السيجار أقل جودة أو مقلدة تصنع في العديد من دول العالم وفي بعضها تستبدل أوراق التبغ بأوراق نبات الملفوف (لهانة) للغش أو لخفض الكلفة.
يصنع السجار في كوبا يدويا حيث يجلس العاملين في معامل خاصة وأكثرهم من النساء بصفوف طويلة وبجانبهم طبقات من أوراق التبغ المخمرة والمعالجة بطريقة خاصة فيقومون أولآ بنزع العروق من وريقات التبغ ليحصلوا على ورقة صافية ونظيقة من كل شائبة مصنفين تلك الوريقات حسب تدريجات لونية متشابهة معطين عناية وأهمية خاصة لورقة الطبقة الخارجية للسيجار وبخبرة فائقة يشكلون السيجار بشكله النهائي ليكون كل أنتاجهم بالمواصفات نفسها ثم يقومون بتغليف السيجار بالسولفان والأوراق الملونة والذهبة واضعين أياه بعلب فاخرة غالية الثمن ليصل إلى نخبة من الزبائن المميزين.
من مدخني السيجار المشهورين في العالم ونستون تشرشل و فردريك نيتشةو من العالم العربي صدام حسين و محمد حسنين هيكل .و عبدالله زارع
عم تعمل دعاية للدخان :yaturaa: بدك تضر بالصحةsh:angry
juventus
19-07-2008, 09:10
[quote=juventus;461134]
بمعيتك لكن وانت نازل جبلنا واحدة لانو سيجار الفانيلا و الشوكولا والتوت ماعد عبا الراس
لعيونك أحلى أبو محمد
بس عنا ما في غير صنفين متوفرين حاليا" سيغار على برياني (( هاد مستورد ))
وسيغار على رز بسمتي (( صناعة محلية ))
إنتي خبرني أي نوع ولعيونك .....
(( بس ما تقلي التنين لأنو بيعملو نفخة مع بعض )) arada
GODFATHER
19-07-2008, 09:28
اخر سيجار وصلني .. كان هدية من واحد برازيلي اسمو ريكاردو (مدرب نادي رياضي)
واكد لي انو هذا هو (السيجار) الملفوف بهديك الطريقة متل ما منسمع
yasser & yasser
19-07-2008, 21:49
كتبت هذا الموضوع بعد ان شاركت في موضوع يدور حول "هل يفيد التدخين في تخفيف الغضب والتوتر"
و شو علاقة المشاكل النفسية و الدينية, فذلك كي أبين أن مهما كان الانسان متوترا هل سيلجأ الى السيغار الذي يقتل الانسان
للأسف انحرف الموضوع عن مساره,
nisreen a
19-07-2008, 23:22
الموضوع لم ينحرف لانه بالاصل شبه منحرفyaiii
(اذا كان يعتبر موضوع عنجد) ... لان وقت بدك تحط موضوع بدك تكتب اكتر وتشرح اكتر ... وتوضح
اكتر ... مو بس سطرين ... هدول السطرين بينفعوا يكونوا اضافه رد على موضوع ...
نظرا لان اسم الموضوع وحجم الخط يلي مستخدموا مالو متناسق مع يلي بقلب الموضوع ... aiii
بس ولايهمك هي فيكتوري دعملك الموضوع .. من حيث المعلومات والشمول ...
بس لهلا مازلت في طور عدم الفهم .. المشاكل الدينيه شو دخلها ..؟؟!!:yaturaa:
GODFATHER
19-07-2008, 23:28
بس لهلا مازلت في طور عدم الفهم .. المشاكل الدينيه شو دخلها ..؟؟!!:yaturaa:
انو صحيح كيف يعني مشاكل دينية راح تخليك تدخن السيجار حصرا مو سيجارة عادية رفيعة
يعني اذا الواحد راحت عليه الصلاة بيروح يضرب سيجار لحتى يستشعر الندم !!
ولا قصدك انو السيجار يؤدي الى بطلان الوضوء مثلا
ولا ليكون قصدك بالمشاكل الدينية بين المذاهب وانو كل مذهب له طريقة في تعاطي السيجار
وبمناسبة الحديث عن الدين في حديث شريف (من كان يؤمن بالله واليوم الاخر فليقل خيرا او فليصمت)
Yasser S
20-07-2008, 10:45
شايفلك هالموضوع يللي هوّه مو موضوع شط و مط و صار بدها كام سحبة لينفهم مشان هيك امبارح اشتريت كام سيجار من تبعات الدراويش مو الأغنياء يعني تبع الستة ب 150 ليرة.
blueberry
20-07-2008, 20:51
الله وكيلك من كتر ما قرأت الموضوع مبارح بالليل و انا عم حاول افهمه قمت الصبح عم هلوس بالسيجار ..
انو يحرق شو دخل تدخين السيجار بالصحة وبالبقاء على قيد الحياة و اهم شي المشاكل الدينية !!!!
yasser & yasser
20-07-2008, 23:47
مشان الله حدا يحذفلنا هالموضوع
ببوس ايدكم
كمان لازم ينعرض الموضوع على زعماء المنتدى حتى يأخد تقيم أدبي و فكري و محتوى و قبول اجتماعي ورد فعل جماعي ....
يعني مو واضح قصدي أن السيجار يعتبر وسيلة لقتل النفس و الاضرار بالصحة أكثر بمليون مرة من السيجارة العادية.
رجاء .. رجاء
اذا في مجال
حدا يتكرم ويحذف هالموضوع...
nisreen a
21-07-2008, 00:09
طول بالك ياباشا ليش هالتعصيب..؟؟
انت صاحب الموضوع لازم تتحلى بالصبر والسلوان ...
وكمان لازم تدير الموضوع والافكار بشكل هادي
وتتعاطى سيجار... قصدي تتعاطى مع الردود بروح HI
بس عالهامش انو عنجد المشاكل الدينيه شو الها علاقةaiii
blueberry
21-07-2008, 00:33
زميلتي قيمك هلأ من المشاكل الدينية ..
اللي محيرني هالكم جملة ..
وصحتهم غالية جدا عليهم لأنهم يجب أن يبقو على قيد الحياة,
يعني مو واضح قصدي أن السيجار يعتبر وسيلة لقتل النفس و الاضرار بالصحة أكثر بمليون مرة من السيجارة العادية.
طيب شلون يعني انو الأغنياء مشان يبقوا على قيد على الحياة لازم بدخنوا سيجار ..
وبالجملة التانية قلت انو بيقتل النفس .. بحضي فوتني بالحيط !!
ياريت لو تفهمنا أكتر
وبالجملة التانية قلت انو بيقتل النفس .. بحضي فوتني بالحيط !!
و بحضي انا كمان
عابر الزمن
21-07-2008, 22:09
اخر سيجار وصلني .. كان هدية من واحد برازيلي اسمو ريكاردو (مدرب نادي رياضي)
واكد لي انو هذا هو (السيجار) الملفوف بهديك الطريقة متل ما منسمع
كنت اسمع عن هل الشي بس تأكدت من المختصين
مافي هيك شي ..هاد الكلام للترويج..متداول هل الحكي بدول الخليج..
أخي لا تصدق.مافي هيك سيجار ..بعدين اذا بدور هديك البلاد كلها ..
ما بتلاقي شغيل واحد ..بيحمل هيك مواصفات من يلي ببالك...;)
عند قرائتك لل"موضوع"، لديك عدد من الفرضيات المسلمة من قبل الأخ ياسر يجب أخدها بالحسبان مسبقاً:
1- الأغنياء و التظاهر وجهان لعملة واحدة" نعم البريستيج".
2-تعج حياتهم بالسعادة والفرح وراحة البال "بما أنهم أغنياء و الحياة ملونة ومشرقة أمامهم"
3- ترفهم المالي يسمح لهم بمتابعة حالتهم الصحية و آخر الأخبار الطبية طبعا ليس حبا للعلم، بل لتعلقهم بالحياة المادية ورغبة منهم البقاء على قيد الحياة بأي ثمن... "وصحتهم غالية جدا عليهم لأنهم يجب أن يبقو على قيد الحياة" ومنه نستنتج معرفتهم لمخاطر التدخين على صحتهم ومع ذلك يدخنوا السجار "وهم بغاية الفهم لكل مداركها" بالإضافة لإدراكهم لبقية مجالات الحياة..ومع كل ذلك بيدخنو .
4- "مهما كانت المشاكل النفسية أو الدينية," شقان لفهم معنى الجملة :
أ- على الرغم من كل مشاكلهم العائلية أو المادية يسعون للبقاء بأفضل حال دوماً
ب- لجوئهم في وقت المصاعب إلى "السيجار" للتنفيس عوضا عن لجوئهم للعبادة .
الزبدة:يقوموا بتدخين السيجار كحالة للتمظهر بين أفراد المجتمع وهي بحد ذاتها مشكلة نفسية... ودينية للأبتعادهم عن واجباتهم الدينية متل إكرام الضيف وإغاثة الملهوف .
موضوعك شيفرة أخ ياسر، على كل حال حصل خير
yasser & yasser
22-07-2008, 22:54
يدور حديث في المنتدى حول "دور التدخين في تخفيف الفضب و التعصيب"
في موضوع بعنوان "اذا كنت معصّب اتفضّل"
و ناقش أعضاء المنتدى هذه الفكرة, وقال البعض أن التدخين لا يخفف التعصيب, وقلت أن التدخين بيخفف التعصيب لكن هناك بدائل غير "التحشيش", واقترحنا بدائل لتخفيف التعصيب.
وخطر ببالي سؤال
اذا كان غالبية الناس بيدخنو مشان ينفسو عن غضبهم, و يبعدو عن المشاكل ..
فلماذا اصحاب الأموال بيدخنو السيجار ؟؟
هل لينفسو عن مشاكلهم, هل بسبب ضغوط الحياة فقط, هل بسبب المشاكل النفسية المرتبطة بالأموال التي يملكوها, هل بسبب المشاكل الدينية بفرض ان اللي بيصير معه مصاري بينسى ربه, وبتضعف صلته بالخالق ويشعر أنه في ضياع دائم وعدم استقرار فيحاول التنفيس ؟؟
أو
لا يوجد مشاكل أبداً لدى هؤلاء, لكن مجرد "برستيج"
ااذا كان برستيج, فهم يضحون بصحتهم الغالية عليهم, ويقتلون أنفسهم, رغم أن مثل هؤلاء عادة يكونون شديدي الحرص على صحتهم.
في النهاية أرى أن الأمر لا يخلو من "الادمان الخارج عن السيطرة"
--------------------------------------------
مع الشكر للأخ alan , وبعتذر لأني أخدت كتير من وقتك في كتابة مشاركتك الجميلة.
GODFATHER
23-07-2008, 10:50
موضوعك شيفرة أخ ياسر، على كل حال حصل خير
اي من زمان يا اخي Alan تفضل وفك الشيفرة
يعطيك العافية ... انقذت الموقف sh:hi
اسمعو ياحلوين السيجار غالي كتير في سيجار 25 ليرة
سيجار 75 ريال واكتر انواع السيجار كتيرة انا بعرف سيجلو 6 هذا سعره معقول بالنص الله لايوريكم حدا يدخن السيجار خراب للجيب
vBulletin v3.6.4, Copyright ©2000-2009
Translated by SyriaNobles