حزورة خفيفه وسهله يلي بيعرف الجواب بيربح ..........؟

[ياسـر]

صباح الخير

امبارح صديق حزرني هالحزيرة بالبداية ماعرفت الحل بس بعد ما اخدت صفنه عرفت حلها lool
وكان الشرط على عشا بس راحت عليي objection لاني كنت ملتزم مع بيت اختي وعازمن على العشا عنا بالبيت .

المهم الحزورة :

( عنا 3 ثعالب بياكلوا بـ 3 دقائق 3 خرفان

بساعة ونصف كم ثعلب يمكنه أن ياكل 90 خروف ؟؟ ) الجواب مع الشرح

ويلي بيعرف الجواب بيربح صحن حلاوة الجبن بالقشطة الحموية yaiii


تحياتي ....

[*Rose]

بعتقد الجواب :ممممم

اذا قلنا ساعة ونص يعني 90 دقيقة
على 90 ثعلب
90 خروف

اي 90 ثعلب لأنو كل ثعلب بياكل خروف بالدقيقة الواحدة
ما هيك:yaturaa:

melody

[لميس]

مرحبا ياسر
بس امانه اتوصي بالقشطهlool


كل ثعلب بيستغرق 3دقايق في أكل خروف
يعني 90 دقيقة لكل خروف 3 دقايق
بيكون المطلوب3 ثعالب
لكل ثعلب 30 خاروف

[Damascus Girl]

قربتوا من الجواب المزبوط حبيباتي...arada
قلت تلت ثعالب بياكلو تلت خواريف بتلت دقايق..
طيب الساعة ونص يعني 90دقيقةةة..;)
وعنا 90خاروف لياكلهن ...مممممممم:yaturaa:
ازا قلنا كل 3 بياكلهن واحد...
يعني 90 تقسيم 3 بيساوي 30ثعلب
ازا هيكــ..
30تعلب بياكلو 90 خاروف بــ90دقيقةةةsh:eye
مزبوووووووووط؟؟؟redface

super
لاتنسوا تخبروني ازا مزبوط الحل تبعوني مشان الهديه هه

[حسن]

كل ثعلب بيستغرق 3دقايق في أكل خروف
يعني 90 دقيقة لكل خروف 3 دقايق
بيكون المطلوب3 ثعالب
لكل ثعلب 30 خاروف

عمي ابو اليسر, سبقتني الحـGـّة لميس عالجواب الصحيح, فرح اتبرعلها بصحن الحلاوة تبعي...








ما بحب القشطة ولا الجبنة redface

[Damascus Girl]

يه يه يه..
يعني طلعت فهمانة السؤال غلط ؟؟؟؟؟؟؟؟
ياعيب الشوم
خلص سحبت مشاركتي انا...
بطلت فكر..
ومبروك وتتهنوا ياربحانين..
ماشالله عليكن..

[HAZEMOVE]

لكل ثعلب 30 خاروف



معلش .. بس هاد يلي بدو يطلع ب 30 خاروف بساعة ونص اسمه حوت مو ثعلب ..

وجب التنويه !!

[*Rose]

sh:ohmysh:ohmysh:ohmy
يا عيبو
قال حطيت 90 ثعلب قال redface
ياعبشوم.:o

برافو لميس
sh:hi

[rasha_s]

لميس لاتنسي تبعتيلي كم قطعة انا كتير بحب الحلاوة بس بالجبن مو بالقشطة

[لميس]

يالولييييييييييش زغرطو يابنات أول مره في حياتي اشترك في مسابقه اكسب أحمدك ياربwaww
حسون خلاص أنا هخلي ياسر يبعتلي حوالة بالمبلغ ونقسمة مابين بعضينا قسمه العدل
انا 99%من المبلغ وانت 0,999999
شو ريك ماشفت كرم متل هيك مو؟aiii

رشا خلاص ياسيتي انا بس اقبض الجائزة وهعهزمك اني و البنات علي غدا وعشا بالمطعم السويسري ولا يهمك;)

حازم احلي حاجه اني فرحانه اوي اني كسبت وحليت وتخيل تطلع الإجابه غلط منظري هيبقي وحش أوي أوي
روزي وDamascus Girl ميرسي ميرسي
يجماعه مقلتوليش أمتي هتصورني هطلع قبل الأخبار ولا بعد

[عصام ديب]

يا اخي نحنا كلنا شباب هون مو حلوة تجيب النا هيك حزورة !

[ياسـر]

ياعيني ياعيني

ألف مبروك لميس والله بتستحقي أحلى صحن حلاة الجبن بس لسا ما خلصنا

انا انسيت خبركن انو يلي بدو يربح صحن حلاوة الجبن لازم يجاوب على الحزوره التانية arada

نلتقي مساءً
منشان اعطيكم الحزورة التانية واذا اربحتي بيطلعلك أحلى صحن حلاوة الجبن وبالقشطة الحموية لعيونك . yaiii

[ياسـر]

عصام
يا اخي نحنا كلنا شباب هون مو حلوة تجيب النا هيك حزورة !

كيف يعني مافهمت عليك ممكن تفسر ..!!

[ياسـر]

بائع حليب لديه وعائين كل وعاء يحوي 40 ليتر من الحليب
جاء شابان
الشاب الاول معه وعاء سعته 5 ليتر
الشاب الثاني معه وعاء سعته 4 ليتر
طلب كلاَ منهما 2 ليتر فقط من الحليب

السؤال :
كيف يبيع البائع للشابان 2 ليتر من الحليب لكل منهما بدون استخدام اي وعاء آخر ؟



وهي صورة حلاوة الجبن للي مشتهي yaiii
http://www5.0zz0.com/2008/03/15/20/135699157.jpg

[fefeeeee]

الحل كما أتوقع
البائع بملأ الوعاء أبو 5 لتر وبفضيه بالوعاء أبو 4 لتر بصير عندو لتر
برجع بكرر العملية اربع مرات

[ياسـر]

fefeeeee
الحل كما أتوقع
البائع بملأ الوعاء أبو 5 لتر وبفضيه بالوعاء أبو 4 لتر بصير عندو لتر
برجع بكرر العملية اربع مرات
http://www.cheesebuerger.de/images/more/bigs/c022.gif
الجواب خطأ

[*بيسان*]

من وعاء ال 40 ليتر ل وعاء ال 5 ليتر لو عاء ال 4 ليتر بيبقى 1 ليتر بوعاء ال5 ليتر بنرجع بنحطو بوعاء ال 4 ليتر بعد ما نفضيه للأخير.
بترجع منحط من ال40 ل لتبع ال 5 ومن تبع الخمسة ل تبع ال4 اللي فيه واحد ليتر وهي بيصير بيبقى عنا 2 ليتر بتبع الخمسة
يعني هيك شي ..

[ياسـر]

بيسان
من وعاء ال 40 ليتر ل وعاء ال 5 ليتر لو عاء ال 4 ليتر بيبقى 1 ليتر بوعاء ال5 ليتر بنرجع بنحطو بوعاء ال 4 ليتر بعد ما نفضيه للأخير.
بترجع منحط من ال40 ل لتبع ال 5 ومن تبع الخمسة ل تبع ال4 اللي فيه واحد ليتر وهي بيصير بيبقى عنا 2 ليتر بتبع الخمسة
يعني هيك شي ..

http://www.cheesebuerger.de/images/more/bigs/c022.gif
الجواب خطأ

[blueberry]

البائع بملي وعاء الشاب الثاني كاملا .. وبعدين الشاب التاني بيملي نص اللي عنده للشاب الاول

وهيك كل واحد بصير عندو لترين

يمكن مابعرف !!

[ياسـر]

blueberry
البائع بملي وعاء الشاب الثاني كاملا .. وبعدين الشاب التاني بيملي نص اللي عنده للشاب الاول
وهيك كل واحد بصير عندو لترين

يمكن مابعرف !!
http://www.cheesebuerger.de/images/more/bigs/c022.gif
له يابنت البلد تحليل وجواب غير صحيح

كيف بدو يملي نصف الوعاء منشان يضل مع كل واحد لترين :tasaaol:

[blueberry]

مابعرف :tasaaol:

[حسن]

تسميات:

A وعاء 40 ليتر الاول

B وعاء 40 ليتر الثاني

C وعاء 5 ليتر

D وعاء 4 ليتر

يملأ D من A

يسكب محتويات D في C

فيصبح لدينا:
A فيه 36ل
B كما هو
C فيه 4ل
D فارغ

يملأ D من A ويسكب من D إلى C حتى يمتلئ

فيصبح لدينا:
A فيه 32ل
B كما هو
C فيه 5ل
D فيه 3ليتر

نفرغ C في A ونفرغ D في C

فيصبح لدينا:
A فيه 37ل
B كما هو
C فيه 3ل
D فارغ

نملأ D من A ونسكب منه في C حتى يمتلئ

فيصبح لدينا:
A فيه 33ل
B كما هو
C فيه 5ل
D فيه 2ل

وهون صاحب الطشط D بيآثر انو يعطي اللترين تبعاتو لصاحب الطشط C لانو مستعجل, شوفو الرفقات ما احلاهن

نفرغ C في A, ونفرغ D في C

فيصبح لدينا:
A فيه 38ل
B كما هو
C فيه 2ل
D فارغ

خلصنا من C وصار فيه 2 ليتر وبيقدر يتيسر


هلأ, نملأ D من B

فيصبح لدينا:
A فيه 38ل
B فيه 36ل
D فيه 4ل

نسكب من D في A حتى يمتلئ

فيصبح لدينا:
A فيه 40ل
B فيه 36ل
D فيه 2ل

وهون بيحمل حالو صاحب الطشط D وبيزحط عالبيت


وعاش الجميع في سعادة وهناء


شكراً ابو اليسر, خليتنا نحرك مخنا شوي aiii

[السيدة ملعقة]

يا على قامتي كل هالشي بدو يعملو ب A B C D
لحتى يعبي لترين
إي بطلنا نشتري حليب على هالحالة شو بده يرجعنا للعصر الحجري

[blueberry]

طلع الشغلة فيها وعائين لكن .. ايوااا

بكل حال انقلب راسي مليون قلبة ..

[ياسـر]

ياعيني ياعيني

والله ياحسون بتستحق الجائزة وبجدارة مبروك خيو الحل صحيح ميه بالمية

هلئ على هالحالة صار عنا تنين فايزين حسن + لميس

يابعطيكم صحن حلاوة الجبن وبتقسموه بيناتكم يا بحزركم حزيرة جديده وبتكون هيه الفاصل arada

يلاااا اختاروا لشوف ...

[حسن]

يابعطيكم صحن حلاوة الجبن وبتقسموه بيناتكم يا بحزركم حزيرة جديده وبتكون هيه الفاصل

اخي حزيرة جديدة

بس غيرلنا الهدية دخيل عينك, لا بطيق الجبنة ولا القشطة

[blueberry]

اي هه .. هلأ صار فينو الواحد ينام مرتاح

شكرا فتى sh:hi

يابعطيكم صحن حلاوة الجبن وبتقسموه بيناتكم يا بحزركم حزيرة جديده وبتكون هيه الفاصل


برأيي ( ومن بعد إذن حسن ولميس) بدنا حزيرة جديدة .. . يعني صحي ماعرفت جواب الحزورة بس عالأقل يعني شغلت مخي شوي .. شوي هه

وبالنسبة للشباب الطيبة انا براسي ببعتلن صحون الحلاوة .. اسمنو قربت نزلتي يعني .. خطي مابدي احرمن من الهدية

[*Rose]

اقتباس :فتى الشام
فيصبح لدينا:
A فيه 40ل
B فيه 36ل
D فيه 2ل


هلق كأنو في خطأ
بعتقد ال A لازم تكون 45 ما هيك:tasaaol:

لأنو بالاخير منصير منضرب
انا هيك طلع معي والكم الطريقة

وعاء اول 40
وعاء تاني 40

نفسم الأوعية
40÷5=8
40÷4=10

ممنزيدن على بعض

18÷2=9

نضرب
9×5=ل45
9×4=ل36
18÷9=ل2
******
وهيك ما استخدمنا وعاء رابع


arada

[ياسـر]

لا لا روز جواب حسن مزبوط ميه بالمية

راجعي الحل بالظبط ..

[جورية]

بسم الله الرحمن الرحيم
اصدقائي الغالييييييييييييييين
السلام عليكم و رحمة الله و بركاته



سسسسسسسسسسسسسون
اي هه اذا ما بتحب القشطة ولا الجبنة و هنن اطيب شي بالعالم
بعدي شو بتحب لكن...........؟؟ الفستق و الجوز مثلاobjection


اي اخي ياسر عطينا حزورة مع الحل بالمقلوب منشان ناكل حلاوة بالقشطةyaiii
الحموية وليييييييييييييي شو طيبة

و عجبي

[ياسـر]

اجى دور الحزورة التالته والأخيره كمان سهله :sa7mohekk

كم عدد الاشخاص ؟؟

هناك امرأه خلف كل رجل ورجل خلف كل امرأه

السؤال :

برأيكم شو أقل عدد من الاشخاص لتحقيق ذلك ؟

:akeeed:

[حسن]

رجل واحد وامرأة وحدة عمي ياسر

واقفين وعاطين ظهرهم لبعض :asefff:



اي هه اذا ما بتحب القشطة ولا الجبنة و هنن اطيب شي بالعالم
بعدي شو بتحب لكن...........؟؟ الفستق و الجوز مثلا


بحب الله واهلي ورفقاتي (وش آدمي)

[ياسـر]

ياسلام عليك ياحسسسون باشا اجابه سريعة وصحيحة yaiii

اي ألي شو بتحب ربحك بما انك ما بتحب حلاوة الجبن :yaturaa:


الى اللقاء مع مسابقة جديدة وربح جديد بس بدي حاول صعب المسابقة شوي شو رايكم !!

يلااا سلااامsuper

[حسن]

الى اللقاء مع مسابقة جديدة وربح جديد بس بدي حاول صعب المسابقة شوي شو رايكم !!

اي والله بمعيتك عمي ابو بسام, مشان يصير في تنافس يعني مو متل هدول السهلين (وش قابض حالو زيادة) :D


اي ألي شو بتحب ربحك بما انك ما بتحب حلاوة الجبن

خرج ناشف اخي, وانا بشتري اللي بحبو sh:hi

[*بيسان*]

اي والله بمعيتك عمي ابو بسام, مشان يصير في تنافس يعني مو متل هدول السهلين (وش قابض حالو زيادة) :D


خرج ناشف اخي, وانا بشتري اللي بحبو sh:hi

بس بدك القبض بالدولار ولا باليورو؟؟

[حسن]

بس بدك القبض بالدولار ولا باليورو؟؟

مممممم

سؤال صعب !!!

(وش عم يرفع سماعة التلفون)..


- مروق لعندي عالمكتب شوي



يالله اتصلت بمستشاري الاقتصادي سيّاب :d هلأ بيجي وبينصحني انو الاحسن اقبض باليورو ولا بالدولار.....

[لميس]

كوسه
انا احتج واعترض وأشجب وأدين
يسلام ده مش عدل
انا افتكرت انك هتنزل واحده كل يوم الصبح
وانتو عارفين النهارده الجمعه يعني فطار وفول ومسبحه وجلي
امتي أحل انا بقي؟
انا مليش دعوه لازم تحدد وقت معين تنزل السؤال ونشوف مين هيكسب

[*Rose]

يعني عمي ياسر

فتى الشام منين مستورد هالمخ:yaturaa:
(ويش تجول مهوش هوينج ابدا طلعج بالمرةَج):)

[حسن]

كوسه
انا احتج واعترض وأشجب وأدين
يسلام ده مش عدل
انا افتكرت انك هتنزل واحده كل يوم الصبح
وانتو عارفين النهارده الجمعه يعني فطار وفول ومسبحه وجلي
امتي أحل انا بقي؟
انا مليش دعوه لازم تحدد وقت معين تنزل السؤال ونشوف مين هيكسب

اي يا زنكلوني دا يا زنكلوني ؟؟؟

هنئطّع على بعض ولا ايه ؟؟

يا ناس يا شر كفاية أر

يعني عمي ياسر

فتى الشام منين مستورد هالمخ:yaturaa:
(ويش تجول مهوش هوينج ابدا طلعج بالمرةَج):)



طولي بالك روز, مابدها شي القصة سهلة :D

[سيّاب]

يالله اتصلت بمستشاري الاقتصادي سيّاب :d هلأ بيجي وبينصحني انو الاحسن اقبض باليورو ولا بالدولار.....
يورو استاز يصرف سوري اكتر . . ويخسر أب بسام دراهم أكتر :d

[ياسـر]

سياب
يورو استاز يصرف سوري اكتر . . ويخسر أب بسام دراهم أكتر :d

له له ياعبود أنت معه ولا معي aha
فكرتك اتقول لحسن مابدك لا دولار ولا يورو اتنين مهددين بالزوال خليه على الروبية الهنديه shaitan

[شامي معتق]

كوسه
انا احتج واعترض وأشجب وأدين
يسلام ده مش عدل
انا افتكرت انك هتنزل واحده كل يوم الصبح
وانتو عارفين النهارده الجمعه يعني فطار وفول ومسبحه وجلي
امتي أحل انا بقي؟
انا مليش دعوه لازم تحدد وقت معين تنزل السؤال ونشوف مين هيكسب

أنتي اكتبي عريضة احتجاج ونحن كلنا منوقع عليها وشو ماطلع منها منتقاسمه arada
الا اذا طلع من وراها شي مشكلة ساعتها بتلاقي الكل يا فكيكobjection

[لميس]

أنتي اكتبي عريضة احتجاج ونحن كلنا منوقع عليها وشو ماطلع منها منتقاسمه arada
الا اذا طلع من وراها شي مشكلة ساعتها بتلاقي الكل يا فكيكobjection
ومتل ماقلت ياشامي
هي وصلتي من قصر العدلي
رفعت قضية تزوير في صفحات نتية بهدف السطو علي صحن الحلاوة بالجبنة بدافع بيعة وتقسيمة في مزاد علني أمام أعضاء ضيعة شباب لك المشكلة ان القاضي معرفش يعني إيه منتدي
بس أستنو عليا هستدعيهم واحد واحد وهخليهم يتحكامو في ميدان عام
بقي انا دينا بنت ام دينا تسطو علي صحن الحلاوة تبعي طيب انا وانتو والزمن طويل والمحاكم أطول

حسن انا هبعتلك المحامي بتاعي يتفاوض معاك وانا مستعده أسكت واطنش عن حقي مقابل كيت كات شانكيredface

[شامي معتق]

ومتل ماقلت ياشامي
هي وصلتي من قصر العدلي
رفعت قضية تزوير في صفحات نتية بهدف السطو علي صحن الحلاوة بالجبنة بدافع بيعة وتقسيمة في مزاد علني أمام أعضاء ضيعة شباب لك المشكلة ان القاضي معرفش يعني إيه منتدي
بس أستنو عليا هستدعيهم واحد واحد وهخليهم يتحكامو في ميدان عام
بقي انا دينا بنت ام دينا تسطو علي صحن الحلاوة تبعي طيب انا وانتو والزمن طويل والمحاكم أطول

حسن انا هبعتلك المحامي بتاعي يتفاوض معاك وانا مستعده أسكت واطنش عن حقي مقابل كيت كات شانكيredface
خلص وصلتي يا اخت لميس انا راح اتوكل عنك بالقضية باعتباري محامي معتق كمان والك عليي خليه يدفع يلي قدامه ويلي وراه!! waww قصدي يدفع كلشي بيملكه !!yaiii
شو هية غلطة جسيمة انه يستولي على صحن الحلاوة يلي كان من حقك انتي خص نص !!iblis
واعتبري من هاللحظة هية انه الصحن صار من نصيبك والك وحدك بتحبي تاكليه او تشاركيه مع اي حدا تاني انتي حرة ..!!
بس ملاحظة على جنب يا لميس(وش عم يفاصل على الاتعاب ) بدي اتعاب الدعوى شي كم كيلو حلاوة بالجبنة!!! وبالتقسيط مو مشكلة melody

[لميس]

وأنا وكلتك يامتر:)
أما عن الاتعاب فانا من أكتر المشجعين علي طريقة الري بالتنقيط;)