مو مدح فينا بس ..

[Nany]

يعني عن جد مو مدح فينا .. بس عنجد انا معجبة فينا وكتير شايفة حالي فينا..

مرة قرأت لأحد الأعضاء نسيت مين هو بالتحديد كان وجهة نظرو انو البنت يلي ما بتلاقي حظها على ارض الواقع بتلجأ للنت .. وقتها صراحة زعلت لهيك رأي عند شب سوري فايت عل نت..

بس بعد كل جمعة بنجتمعها بيزيد فخري فينا "" مين فخري "":yaturaa:
يعني كل الصبايا يلي عم اتعرف عليهن كاملات الكمال لله بس علم وعمل واخلاق.. كلو من درجة مهندسة ومحامية وصحفية وخريجات أداب ماشاء الله حولنا.
الكل من عائلات كبيرة ,, الكل بمستوى ثقافة بيشهي ,, الكل عندهن من الهوايات الراقية شي بيرفع الراس,, حتى انو اعجبت اكتر واكتر بصبايا حافظين اجزاء كبيرة من القرآن "" اعجبت وغرت redface ""

بقى ما قدرت ما بئ هل بحصة وقول انو مو مدح فينا بس عنجد نحنا غير..

بس السؤال انو كل المنتديات هيك ولا بس عنا :yaturaa:


:akeeed: شو رأيكن

[Nourate]

معك حق ناني..

بصراحة بعد لقائنا الأخير أنا كمان شفت حالي فينا (مع أني ما كان عقلي معي، بتعرفي بشو كان مشغول بالي)

فعلا نحنا غير
بس السؤال انو كل المنتديات هيك ولا بس عنا

بعتقد أنو بس عنا

وهالشي واضح من مستوى المواضيع يلي عم تنطرح عنا بالمنتدى وبغير منتديات

بصراحة شبابلك هو المنتدى الوحيد يلي أنا بفوت عليه

حتى لو كانت ردودي قليلة ومواضيعي أقل

بس أنا عن جد أنا بفتخر أني شبابلكاوية super

[*Rose]

ناني ما بعرف ليش حاسستكم متنشطين كتير بعد هالجمعة الساويتوها sh:eye

بس السؤال انو كل المنتديات هيك ولا بس عنا لا بس عنا وبكل فخر منتدانا الأفضل

شبابلك شباب كل العمر

الله يخلينا ياه ويديمو لكل العمر

باقي المنتديات كلن من جماعة ربي حياك ومشكور ومافي ثقافة او وعي ومافي نقاشات جادة وكلو لعب وعلاك فاضي مالو طعمة وكلو عبسعى بس لعدادت المشاركات تركد على الفاضي.

تحياتي الك ناني .
يما كلنا هون شبابلكاوين arada

[ياسـر]

بس السؤال انو كل المنتديات هيك ولا بس عنا :yaturaa:

هلئ انا مشترك بكتير منتديات وبشارك بس طبعا شبابلك اله نكهه تانية وبصراحة بحسه انو بيختلف 360 درجة عن المنتديات الاخرى من خلال طرح المواضيع والمشاركات بالاضافة انو معظم الأعضاء الموجودين مثقفين وواعيين ..
ومنشان ما نظلم شي منتدى ممكن في منتديات احسن من شبابلك وأنا مابعرفه ..

بس بالفعل وحسب وجهة نظري ( شبابلك غير ) .

تحياتي أم قصي

[ام يارا]

اي والله فعلا شبابلك غير
انا منزمان بقرأ فيه وماكنت عم أققدر سجل وبيلي حببني فيه انو مواضيعو مو منقولة وكوبي بست متل باقي المنتديات انا شاركت بأكتر من منتدى حتى عندي منتدى بس فعلا ماعندهن هالروح يلي عندكن ياها

انا بقول هالسبب بيعود لانو كلنا سوريين على بعض ومنفهم على بعض وكلنا فاتحين قلوبنا لبعض بعيد عن التكلف و الحدود

الله يعطيكن العافية ياااارب

[الملك@@@@]

مابدها حكي منتدى شبابلك مااااااا في منوو
والمميز بمواضيع شبابلك انو بيعالج مشاكل من الواقع بتواجه كل شخص
والاحلى من هيك انو الواحد اذا عرض مشكلتو هون بالمنتدى بتتقابل باحترام وبيتلقى الواحد آراء لحلها
باختصار شبابلك غييييييييير شكل

[يوراميوم]

بشوف الوعي والنضج والعلم والفهم والأدب بصفوف صبايا المنتدى أكثر من صفوف الشباب، إذا عملنا مسح للأعضاء الفعالين بالمنتدى رح تكتشفوا هذا الشي مثلي، بالنهاية كل الناس خير وبركة

معك حق ناني بما قلته

[Sale7]

برأيي التميز بمنتدانا راجع لعدة أسباب منها :

_ عدم نقل المواضيع بشكل عشوائي و خصوصاً أن الجو العام يفرض على العضو إذا أراد أن يثبت وجوده بيننا بأن يحاول أن يبدع و يعبر عن نفسه لا أن يلجأ إلى الكوبي بيست ..

_ الوعي و النضج و الثقافة عند مجموعة كبيرة من الأعضاء ( شباب و صبايا ) ..

_ أيضاً هناك عامل هام جداً و هو شبكة العلاقات الاجتماعية التي تربط بين أعضاءه و التي تعدتها إلى الحياة الواقعية أي ليس في العالم الافتراضي فقط .. هذه العلاقات الاجتماعية برأيي أضفت على المنتدى جواً من الألفة و الود ..

و لا يمكننا أن ننكر أن شبابلك أصبح يشغل حيزاً في حياتنا ..

تحياتي للجميع

[ابوعمار]

هلئ انا مشترك بكتير منتديات وبشارك بس طبعا شبابلك اله نكهه تانية وبصراحة بحسه انو بيختلف 360 درجة عن المنتديات الاخرى

بس بالفعل وحسب وجهة نظري ( شبابلك غير ) .

تحياتي أم قصي

اذا صار الاختلاف 360 درجة رجع متل ما كان, انا شاركت بكتير مواقع و اجتمعنا بس شبابالك في روح تانية مختلفة عن جد يا جماعة انا ما لي زمان هو بس في فرق

ام بمكن انا يلي تغير

سلامي

[عصام ديب]

أنا لفيت منتديات كثيرة وما وجدت افضل من شباب لك ولا أشارك الا به مشكلتي هي عدم وجود أصدقاء لي في المنتدى

[clin d'oeil]

ناني ما بعرف ليش حاسستكم متنشطين كتير بعد هالجمعة الساويتوها sh:eye



سؤال يطرح نفسه
أيمت التقيتو؟؟؟
وليش أنا وينiblis

[thesyrian]

سؤال يطرح نفسه
أيمت التقيتو؟؟؟
وليش أنا وينiblis

والله طرح نفسو وخلص هلكونا فيه هالاجتماع aiii

يطعمك الحجة والناس راجعة كبسي هون (http://www.shabablek.com/vb/showthread.php?t=55984)


منيح مو كل اجتماع شبابي بيعملولو هالطنة والرنة كان ماصفي بالمنتدى غير موضيع الاجتماعات ..
yaiii

سلام

[شامي معتق]

أية والله على سلامة كل الأعضاء بشباب لك يعني فهم وفكر واخلاق و....و.....
بس مابدي أمدح أكتر من هيك بعدين بحس حالي اني عم مسح جوخ
بس فعلا وجدت بهالمنتدى المقالات المفيدة والمساهمات الممتعة للفكر وللنفس
الله يحفظ الكل ..