كلمة لا يكتبها الحاسب

[الياس طعمة]

روح على سطح المكتب اكبس الزر اليميني للفارة وسمّي الملف باسم con واكبس انتر رح تلاحظ انو الملف بيرجع لاسمو القديم يلي هوة ملف جديد

يا جماعة انا هيدي الشغلة حيرتني وما عم اعرف ليش وكيف ومنشان شو بقى يلي فيه يساعدني بكون قدم خدمة كبيرة لوطنو

[خليــل]

ما بدها شي اخي هالتسمية خاصة بملفات النظام يعني الموضوع عادي ومافي اي معجزة

[يوراميوم]

Con هي اختصار لكلمة Console وهي إشارة للوحة المفاتيح مثل مو Prn هي اختصار لـ Printer كإشارة للطابعة وال COM1 إلى 4 إشارة للمنافذ التسلسلية و LPT للتفرعية والـ AUX لمنفذ الكومبيوتر الخاص بالألعاب.
نظم التشغيل منذ أيام الدوس تستخدم هذه الكلمات لتوجيه الأوامر باتجاه الأجهزة، حتى أن لغات البرمجة المغرقة في القدم مثل الفورتران تتطلب تحديد الكونسول والخرج للأوامر (سأقدم مدخلات البرنامج الذي أكتبه من ملف جاهز أو من لوحة المفاتيح ، وأريد إخراجها لملف أو إلى الشاشة)

المهم أن النظام قد حجز هذه الكلمات لتزويد المستخدم بالقدرة على مخاطبتها.
دعني اخبرك عن معجزة أخرى:
افتح موجه الدوس
أكتب
copy con elias.txt
واضغط انتر ثم اكتب أي كلام وبنهاية الكتابة التي تكتبها ، اضغط F6
افتح القرص C ثم مجلد Documents and settings ومن ثم المجلد الذي يحمل اسمك ستجد ملفاً نصياً باسم elias.txt موجوداً بهذا المجلد
مافعلته هو أنك أخبرت النظام بأن ينشئ ملفاً محتواه هو ضربات لوحة المفاتيح التي قمت بضغطها.

اللهم هل بلغت .. اللهم فاشهد (اللي بده يكتب موضوع عن كلمة Con بدي أخنقه وبعدين شرحه وبعدين قوصه وبعدين ... مممممم يالله حاج)

[شاي]

ياسيدي أحلى تفسير لهذه الظاهرة انكتب مرة بالمنتدى قال شو : مافيك تكتب con لأنه الله عز وجل وحده بيقول للحاسب (كن) فيكون :)

[rdan]

اقتباس:الكاتب يوراميوم
((اللي بده يكتب موضوع عن كلمة Con بدي أخنقه وبعدين شرحه وبعدين قوصه وبعدين ... مممممم يالله حاج)

اقتباس: الكاتب سياب
(وأعلن أنه أي واحد يسألني رح قوصو بين عيونو )



شو قصة القواص اليومين دول بالمنتدى؟؟؟؟!!!!
رامي الشخص الثاني بعد سياب الذي يلجأ للقواص!!!!
هناك اتساع لدائرة العنف في المنتدى!!!!!
نطالب بلجنة تفتيش عن الأسلحه !!!

[SooS]

ياسيدي أحلى تفسير لهذه الظاهرة انكتب مرة بالمنتدى قال شو : مافيك تكتب con لأنه الله عز وجل وحده بيقول للحاسب (كن) فيكون :)

ههههههه مزبوط ، وفي معجزة تانية بس مالي متزكرتها منيح يلي هي بتكتب مدري شو عالوورد وبتحول الخط لإشارات بيقوم بيطلع نجمة يهودية وبرج التجارة العالمي وصورة طيارة

:asefff:

[Za3bour]

خخخخ

عجبتني تبع كون فيكون :)

يا اخي نحن شعب نهفة

[الياس طعمة]

بشكر الكل وخصوصا الأخ رامي الله يعطيك العافيو وبلغت

[الياس طعمة]

شكرا للجميع على المساعدة

[Nany]

أنا كل ما بجي لاكتب رد على هيك موضوع بيكون انحذف قبل ما لحق رد

هو الغريب بالموضوع انو الكومبيوتر ببيقبل يكتب كن بالعربي وبيكتب be بالانكليزي بس con هي يلي ما عم يكتبها ومع كل هاد اعتبروها معجزة وربطوها بكن فيكون sh:ohmy

[يوراميوم]

ياسيدي أحلى تفسير لهذه الظاهرة انكتب مرة بالمنتدى قال شو : مافيك تكتب con لأنه الله عز وجل وحده بيقول للحاسب (كن) فيكون :)

يعني زاهر بصراحة لما كتبت أنت هذا التعليق استغربت أنو يكون في حدا بيقبض هذا الحكي بين العرب وأنه يحوله ويوجهه لرفقاته بس اليوم اقتنعت

وصلتني هي الرسالة اليوم

السلام عليكم ورحمة الله وبركاته
كلمة كمبيوووتر بيل جيتس (صانع اول كمبيوووتر في العالم) ما يقدر يكتبها
سبحان الله لم يستطع علماء شركة مايكروسفت
الاجابه على هذا الموضوع فى البدايه, ولكن اخيرا عرفوا الاجابة
وان لم يعرفوها فهم ممن جحدوها واستيقنتها انفسهم
نجي للموضوع
جرب روح لسطح المكتب واضغط بالزر الايمن بالماوس
بيطلع قائمة اضغط على جديد (( مجلد))
بعدين بيطلعلك اسمه {مجلد جديد} "new foLder"
ثم حاول تغيير اسمه ل "con"
يرفض الجهاز ان يقبل هذا التغيير
ولكن لماذا؟؟؟
الاجابة ان الله هو الذى يقول للشي ((كُن)) فسبحان الله
"من جد سبحان الله انا شخصيا جربتها ومن جد ماجات
جربوها ماحد راح يقدر يكتبها "


أي شو هاااااااااااااااااااااااااااد يا لطيف

بس هذا التفسير خطأ، الحكمة مو بهذا الشي ، الحكمة هي أن الله قد خلق الـ Con في 6 أيام واستوى على عرشه في اليوم السابع، كيف بدنا نسمي المجلد بلحظة Con؟

عيب ! والله عيب

[GODFATHER]

بس هذا التفسير خطأ، الحكمة مو بهذا الشي ، الحكمة هي أن الله قد خلق الـ Con في 6 أيام واستوى على عرشه في اليوم السابع، كيف بدنا نسمي المجلد بلحظة Con؟


تفسيرك منطقي اكتر
راح آمن فيه
بركاتك مولانا

[كاناديان]

ياسيدي أحلى تفسير لهذه الظاهرة انكتب مرة بالمنتدى قال شو : مافيك تكتب con لأنه الله عز وجل وحده بيقول للحاسب (كن) فيكون

ياجماعة ياريت عدم الخوص في هذا الكلام فعن أبي هريرة مرفوعا { إن العبد ليتكلم بالكلمة ما يتبين فيها يزل بها في النار أبعد مما بين المشرق والمغرب } رواه أحمد والبخاري ومسلم

ياريت ماندخلش ربنا في الكلام دا لان دا نوع من عدم احترام الذات الإلهية اية دخلها في الحاسب وكن فيكون ؟؟؟ لا يجب ان نخلط بين الفكاهة والقرآن والذات الإلهية حتي لا نقع في خطأ الإستهزاء بدون أن نعلم ...

وياريت محدش يزعل مني ما أردت إلا الاصلاح وما توفيقي إلا بالله ... وشكرا عالموضوع المفيد :)

[يوراميوم]

هل قرأت الموضوع؟ إشارة المشاركين به لهذا الربط الفكاهي أتت مما وصلهم بالبريد، ولم يأتوا به من عندهم، وهم جميعاً يقف موقف الساخط منه كما تقف أنت.

[كاناديان]

أخي يوراميوم لم اري اي سخط هنا او حتي تلميح, انا فقط أحببت ان انبة بهذا الأمر خوفا علي المصلحة ليس أكثر انا لست داعية ولا شيخ انا بس حبيت انبة الأعضاء لشئ ممكن مش واخدين بالهم منو ... ومش تزعل مني وياريت محدش يزعل ... أحلي وردة ليك وللأعضاء الطيبين super

[نهى حسن]

ما اعتقدش ان فيها اى معجزات
اكيد ليها سبب غير انه معجزة

[سيّاب]

ما اعتقدش ان فيها اى معجزات
اكيد ليها سبب غير انه معجزة
لا فيها معجزات اختي نهى، إذا جيتي الملتقى بقلك وين الإعجاز.

[الياس طعمة]

شكرا للجميع على الردود الظريفة وشكرا ليوراميوم ولسياب تحديدا

سلامي

[Mooon light]

هههههههههههه

ما بعرف كيف الناس بتكتب الردود

أحيانا بحس كل واحد عم يحكي لحالوو مالو علاقة بالكلام الي انكتب قبلو نهائيا

فعلا شي بضحك

سلام