برنامج محاسبة بسيط مجاناً"محاسب الإحسان"- نسخة كاملة

[m7mad al7LBI]

السلام عليكم ورحمة الله وبركاته

برنامج محاسبة بسيط مجاناً"محاسب الإحسان"- نسخة كاملة
** الزبائن - المواد
** اليومية(دفعةمن - دفعة إلى - شراء مادة - مبيع مادة)
** كشف حساب زبون - الصندوق - المبيعات - المشتريات
** حركة مادة - جرد مادة
** ميزان المراجعة
---- البريد الالكتروني: m.kadi@isoftcenter.com
يمكنك الحصول على نسختك من :
http://www.zena-web.com/AccountantSimple20071215.zip


أرجو ان تقوم بنشره لمن تريد

[سَفَر]

مشكور أبوحميد .. جار التحميل وسأوافيك بالنتائج لاحقاً

[Aquarius]

الله يعطيك العافية

[m7mad al7LBI]

سفر : شو رأيك انشالله يكون عجبك شريك والله وأحلى مدير

اكواريوس : الله يعافيكي

[caser.net]

شو مشان الكلمة السرية؟

[m7mad al7LBI]

caser. net
في مستند نص اسمو كيفية الاستخدام وموضح فيو كل شي
اسم المستخدم : المدير
الباسورد : المدير
بتحطون وبيدخل انشالله

[nanet]

عنجد شكراً عالبرنامج بس ألله يعينك أزا بتنسى تجبلي ياه بكرة على فلاشة:yaturaa:

[سَفَر]

أبو حمييد .. إيش هاي الرسالة ولك خييو ..


file:///C:/Documents%20and%20Settings/R1/%D8%B3%D8%B7%D8%AD%20%D8%A7%D9%84%D9%85%D9%83%D8%A A%D8%A8/1.jpgfile:///C:/Documents%20and%20Settings/R1/%D8%B3%D8%B7%D8%AD%20%D8%A7%D9%84%D9%85%D9%83%D8%A A%D8%A8/1.jpg


الظاهر انو في ملفات ناقصة

[يوراميوم]

البرنامج يعمل بشكل جيد جداً وهو بسيط كما ذكر صاحب الموضوع

يعتمد على تسجيل يومية فقط وفواتير المبيع والشراء به بسيطة على أساس أنك ستعيد معلومات الزبون ومعلومات المادة لكل سجل بيع أو شراء

أي إذا أردت بيع أحدهم 4 مواد علي أن أذكر سعر المواد في كل مرة أدخل فيها المادة وكذلك يجب أن أذكر اسم الزبون أو أن أختاره وأن أذكر آلية الدفع

البرنامج جيد وينفع في حالة محل بسيط ليس عليه ضغط عمل (حتى 30 عملية باليوم)، الشكر للقائمين عليه

[m7mad al7LBI]

سفر : شو اي رسالة ئولي شو طلعانلك خيارات فيا

نانيييييييييت : هي جبتلك فلاشتي بس انشالله تنسيها يوم الجمعة الجاي وانتبهي ما تتبدل مع فلاشتك

caser.net : مشي حالك

يوراميوم : شكرا لرأيك بالبرنامج لأني بهمني ومتل مائلت هو البرنامج بسيط لأني هي النسخة الاولى ونحن نملك بإذن الله الامكانيات المحاسبية والبرمجية والمالية الكاملة لتطويره

[m7mad al7LBI]

برنامج محاسبة بسيط مجاناً"محاسب الإحسان"- نسخة كاملة
الرابط الجديد:
http://www.zena-web.com/Acc.zip
أو من:
http://www.upload10.com/up/download.php?file=c349171cbc32b92da83b7e251fbc62c3

[yasser & yasser]

الان عم نزل البرنامج .. وسؤال
شو طريقة الجرد المستخدمة فيه fifo او lifo او AC

[m7mad al7LBI]

حبيب ئلبي ياسر
شكرا لمشاركتك وبهمني رأيك بالبرنامج على اعتبارك طالب بالاقتصاد
بس يمكن في شغلة انت ما انتبهت عليا
يعني يمكن انا حكيت البرنامج بسيط
وانت بتئولي عالوارد اولا صادر اولا
والوارد اخيرا صادر اولا
متل ما حكيت فيفو وليفو
ويمكن دكتوركون ما حكالكون على طريئة المرجح الافاريج بس المهم
الفيفو والليفو شو دخلون بال الاي سي
الا الاي سي طريئة جديدة ؟؟؟؟؟؟؟؟؟؟؟؟؟؟؟؟؟
وانا رح ئولك اني برنامجي ما رح خليه بس ينحصر بموضوع المستودعات
ومو شرط البرنامج يعتمد ببرمجتو على طريئة وحدة يعني برأيك مو ممكن نعتمد كل الطرئ متل اكتر البرامج؟؟؟؟

[yasser & yasser]

AC = average cost
نحن بنقصد "المتوسط المرجح" بالكميات ..
انا حسب ما شفت .. اغلب البرامج الجاهزة تعتمد المتوسط المرجح فقط ..

البرنامج ما نزل عندي لأنه الاتصال بطيء بدي روح على الكوفي نت حتى نزّل ..

شكرا للكلام الجميل
بس يعني معقول خمس سنين اقتصاد و دكتورنا ما قلنا على المتوسط المرجح .. ؟؟ زعلتنبي منك ..

[يوراميوم]

قبل أن يخرج الحوار عن سياق الموضوع :

أتمنى أن يكون الحوار ضمن إطار البرنامج وشكراً

مشرف القسم

[caser.net]

طيب أبو حميد هلأ أنا اليوم هيك رئت للبرنامج وفتحتو وحاولت أعرف الحسابات
بس اللي شفتو بالبرنامج أنو ما بيطلع دليل حسابات وما بتقدر تفوت وتعدل عليه بأى في طريقة لهيك رغم أني قرأت دليل الاستخدام أكثر من مرة وما مشي الحال
على المقلية أنو نقدر نحط حسابات للمصاريف مشان الأرباح والخسائر ..
شو رأيك بالموضوع يا ريت تجاوب؟

[m7mad al7LBI]

caser.net : اخي شاعر الاحاسيس في دليل للحسابات انت ئلت انك عرفت اسماء الزبائن وبعد كل عملية عملتا على اسم هالزبون باليومية بتئدر تشوف اثرها المزدوج اذا كانت عملية بيع او شراء او دفعة نقدية او ......
بانك ترجع للصفحة الرئيسية وتطلب كشف الزبائن رح تشوف قائمة باسم الحسابات اللي انت دخلتون بتختار اسم الزبون اللي بدك هو بيعطيك كل العمليات المتعلئة في وبيعطيك الرصيد الاخير الو واذا بدك تعدل اي شي بتعمل عملية معاكسة منشان تصحح او تعدل الشي اللي بدك تعدلو

ومنشان الارباح والخسائر بتئدر تفتح اسم حساب جديد وتسميه ارباح وخسائر وتحط فيو اول شي حساب النقدية وبعدا تنئص منو كل ايراد او مصروف وبالاخير بتئدر تشوف الرصيد تبعو متلو متل اي زبون

ويسلمو كتير على اهتمامك بالبرنامج

واسف لاني تاخرت عليك شوي بالرد

[caser.net]

مافي مشكلة عمي محمد الله يعطيك العافية ..

آمنا بالله وقلنا ماشي الحال وشدينا على أساس هالبرنامج وقلنا منستخدمو وبنجربو بركي بفيدنا بالنظام المحاسبي .. مثل ما بتعرف أني محاسب..

بس المشكلة شو .. إنو البرنامج لما بدك تضيف أي عملية باليومية ما بيقبل يحط فاصلة مشان الكسور العشرية؟؟ شو حلتها هي معلمي؟

وبانتظار ردك إذا طلع معي شي ثاني مباشرة بنسألك

[m7mad al7LBI]

http://www.upload10.com/up/download.php?file=cc2bab73b4cc94cb71158a68c5e78364

هي رابط لأحدث نسخة للبرنامج

caser.net : شكرا ئلك على اهتمامك بالبرنامج وهي النسخة متضمنة الفواصل منشان الكسور العشرية

[ثائر ba]

شكرا كتير عالبرنامج
لكن هل استطيع احكي معك aha