الفرق بين الصداقة بين النساء و الصداقة بين الرجال

[Z.Killer]

هل تعرف الفرق
بين الصداقة بين النساء
و الصداقة بين الرجال


إليك الإجابة

الصداقة بين النساء

لم تعد الزوجة بيتها ذات ليلة . وفي اليوم التالي
قالت لزوجها أنها كانت
نائمة عند صديقة لها


اتصل الزوج بأفضل عشر صديقات لزوجته ليتأكد من
كلامها فأنكر الجميع رؤية زوجته تلك الليلة

الصداقة بين الرجال


لم يعد الزوج لبيته ذات ليلة . وفي اليوم التالي
قال لزوجته أنه كان نائماً
عند صديق له

اتصلت الزوجة بأفضل عشر أصدقاء للزوج لتتأكد من صحة
كلامه


ثمانية منهم أكدوا أنه كان نائماً عندهم تلك الليلة
فيما أقسم اثنان أنه لا يزال عندهم إلي الآن

;)

[سَفَر]

حلوة بس ترا الموضوع يختلف من مجتمع لآخر ... arada

[رشروشة]

يا سيدي أنا رح قلك ببساطة ليش؟
لأنو كل الرجال قصدي يلي من هل نوع يلي أنت عم تحكي عنو بستروا على بعضهن لأنهن كلهن بل هوا سوا والكل بيعمل نفس الشي مو مشان يحملك جميلة لا بس لانو الا مايعتاز ينام عندك قدام مرتو طبعا بشي يوم مشان هيك الكل حلف و أكد لمرتو أنو هو نام عندهن

[honey moon]

حكيك صحيح يا رشروشة نوع ما...
أنو الرجال بتستر على بعض لانها تعمل نفس الخطأ و نفس الكذبة ....
النسوان بين خوفوا من بعض ...ليش ما بعرف ...سر..
هذا لا ينطبق في هذه البلاد أو في بلاد عربي...لان المرأة لا يسمح لها بالصداقة الا ضمن حدود..يرسمها زوجها....

[رشروشة]

أكيد نحنا عنا بمجتمعنا مافي هيك شي بشكل علني بين النساء أو الرجال بس هل شي منتشر بشكل كبير بمجتمعنا وبل مجتمع العربي قصدي أنو الصداقة عم تتخطى الحدود يلي هي مرسومة الها وخصوصا الصداقة بين المتزوجين ويلي بصراحة أحيانا عم تتعدى لحدود الخيانة

[الملك@@@@]

للأسف هاد واقع مجتمعنا بس اذا كان كل شي متوفر بالحياة الزوجية للرجل أو للمرأة ما بتصور في شحص بيفكر هيك تفكير بس الرجل أو المرأة وقت واحد منن بيفكر يخون التاني معناها الطرف التاني مو قادر يلبي طلبات الطرف الاخر او احتمال يكون هاد الشخص هو الشريك الخطأ
اما موضوع تستر الرجال لبعضن هاد بيدل على انو كمان الرجل اللي بيستر عندو نقص وناطر فرصة ليعوض فيه هاد النقص الموجود بحياتو والمرأة ما بختلف كتير عن الرجل اذا ما اخدنا بعين الاعتبار معتقدات مجتمعنا بس المفروض تكون الحياة الزوجية كاملة والنواقص اللي فيها بتتعالج مع الايام وما يحاول اي شخص يدور ليملأ النقص الموجود بحياتو برا

[JOJO121]

هاد الكلام صحيح الرجال دائما بحاولو يغطو على بعض بعكس البنات دائما بينشروا غسيلهن الوسخ
يمكن هاد الشي بيرجع لحب بعض البنات بالظهور بالمظهر اللائق أمام العالم حتى لو على حساب سعادة رفيقتها

[love story]

بالفعل أخي الكريم
كلامك مظبوط و واقعي
و السبب متل ما اتفضلوا الأخوة انو الأكير من الرجال بيطبق المتل ( حكلي لحكلك )
يعني وحدة بوحدة أما النساء ما عندهم الجرأة الكافية ليقوموا بهالعمل
و احتمال ما تكون كل النسوان بهالطبع
كرا لك أخي على موضوعك الرائع







تحياتي