عرض الإصدار الكامل : الصداقة بين الرجل والمرأة
sweety-girl
14-12-2007, 15:46
الموضوع يحتاج للجديه .. والجرأة في الحديث .. والجرأة هنا مطلوبه جدا .
سؤال:
أيمكن ان نبني صداقه حقيقية وجميله مع الجنس الآخر , أم ان اي علاقه بين الجنسين محكومة بأن تكون عاطفية غرائزيه؟
وهل يمكن ان تنشأ, بين الذكر والأنثى علاقة انسانيه مجردة من اي (( اطماع )) اخرى ؟
البعض يقول : " بلى يمكن ان تقوم صداقه بين الرجل والمرأة , كالصداقه بين افراد الجنس الواحد".
وآخرون يؤكدون : " ان هذا النوع من الصداقه مجرد وهم كاذب".
وبين الطرفين , نطرح بدورنا السؤال: ايمكن ان تنشأ صداقه حقيقية, بين رجل وامراة؟
فما رايك انت في هذا الموضوع .... وهل لك تجربه فيه .. ماذا كانت نظرتك لهذا الموضوع . وهل لازالت هذه النظرة مستقرة.
بتمنى تشاركوني آرائكن.......
تحياتي ....................;)
بنت موووووووون
14-12-2007, 21:37
انا معك الموضوع بدو جدية بالمناقشة بس صدقيني ما رح توصلي لنتيجة لأن عمري ما بتصور ذكر يرضى بأن يكون ما يسمى بصداقة فقط مع الأنثى بس نحنا منقدر بدون سؤال ما بعرف ليش
وكتجربة شخصية أنا لما فكرت إنو أحي مع أخد زملائي بدورة كمبيوتر سبق وسجلت فيها وانو نكون أصداق بس فشلت العلاقة والسبب هو
وهاد شي بصير كتير وللأسف لما منكون عزاب ما منقدر نكون هي الصداقات لأن رح نعجب ببعض
و إلا ما هنالك وبس نتزوج ما بعتقد رح يهون عليكي انو تتصل وحدة البيت وتطلب تكلم زوجك بصفة صديقة إلو sh:eye
sweety-girl
15-12-2007, 18:08
اي عنجد مظبوط كلامك يابنت مون يعني أغلبية الشباب بيتعرفو على بنات مو لأجل الصداقة بس بيكون عندن أهداف تانية طبعا مو كل الشباب بس أنا حابة وصل صورة أنو ليش ماتكون في صداقة بين الشب والبنت يعني ليش هدف الشباب بس يعملو علاقات حب مع البنات؟
و أكيد مابخفي أنو هالزمان صار بيخوف ماعاد في أمان يعني من زمان كانت الصداقات بريئة بين الشب والبنت و ماكان في تفكير خبيث متل هلأ.
عموما شكرا كتير على ردك.
Old Story
15-12-2007, 19:39
لا شيء في الواقع يسمى بالصداقة بين الرجل والمرأة !! مسمى أخذناه عن الغرب ولا وجود له واقعياً بيننا !!
قصة قديمة .. أو Old story
سامر زهير
16-12-2007, 01:54
يعني ليش البنات مصرين على انه الشاب بس هو يللي مابيتصاحب مع بنت الا لشيء يتعدى الصداقة؟؟؟؟؟؟؟
ايه أصلا أي علاقة بين شاب وفتاة لن ولن ولن تكون علاقة بدون تتطور لأنه المرأة خلقت لتكون زوجة والرجل خلق ليكون زوج ..طبعا هناك الأخ والأب والخال والعم إلخ من المحارم
فكيف تريدون صداقة بين الجنسين بشفافية؟؟؟؟؟؟ ايه مابتزبط عمي اذا الشاب فكر لبعيد بعلاقته مع البنت ؟؟؟ والبنت بتفكر مثله كمان ليش هي مالها انسانة كمان؟؟؟؟
فإذا هذه العلاقة خلينا نرجع للدين الإسلامي فنلاقيها محرمة (لأنه مااختلا ذكر وانثى إلا وكان الشيطان ثالثهم) هذه هي الحقيقة يمكن تكون لبعض الناس مره لكنها الحقيقة الشفافة
هذا رأيي الشخصي وتربيتي ونقلت هذه التربية لأولادي وبناتي والحمد لله على الستر
سامحونا :sa7mohekk
انا بالواقع المعاش بشوف كتير علاقات صداقة بين المرأة و الرجل حى لو كان احد الطرفين او الطرفين مو مرتبطين الموضوع كتير طبيعي بس لا ننسى انو في موروث اجتماعي حسب كل بلد و الثقافة و مفهوم العلاقات الانسانية
اتوقع انو مو موجودة هيك نوع من العلاقات عند العرب لانو الرجل الشرقي لا يرضى الا بادوارالبطولة
و لكن العلاقات موجودة و كتير ناحة و محترمة و راقية الى حد كبير
بس كمان في شي كتير مهم انو في علاقات كتيرة مو مفهومة بيفضل الكتير انو يدرجها تحت عنوان الصداقة
Seogyeon
16-12-2007, 17:19
أكيد مابخفي أنو هالزمان صار بيخوف ماعاد في أمان يعني من زمان كانت الصداقات بريئة بين الشب والبنت و ماكان في تفكير خبيث متل هلأ.
Sweety Girl
عزيزتي يللي بيسمع كلامك بفكر إنو نحنا منفتح من زمان؟؟؟؟؟ أي صداقة كانت بين الشب والفتاة من زمان... موضوع الصداقة بين الفتاة والشاب هو موضوع حادث دخل على المجتمع العربي متل ما دخلت الثقافة الغربية.
بعدين الصداقة بين الفتاة والشاب بالمجتمع الغربي تختلف تماماً عن مفهوم الصداقة بمجتمعنا يللي غالباً ما تنتهي بارتباط. أو فشل وحتى على فرض إنو في صداقة بين البنت والشاب فا بالنهاية واحد منن إلا ما يفكر بالتاني بمعنى حب من طرف واحد. عدا كمان عن المجتمع نفسه يللي بيثير التساؤلات لما بيشوف البنت طالع وفايته مع الشب ؟؟
وفوق هاد كله بحب اذكر الشاب عنا شرقي يعني إذا عمل مع البنات صداقات بس ليتباهي أمام أصدقائه بمعنى مو كل الشباب بكون صادق بهالموضوع؟؟؟
تحياتي
سينيو
sweety-girl
17-12-2007, 22:36
شكرررررررررررا لإلكن جميعا وبحترم وجهة نظر كل واحد وانا برأيي أنو ممكن تكون في صداقة بين الرجل والمرأة بس طبعا بحدود وبما يتناسب مع ديننا وتقاليدنا الشرقية..........;) ........ وكل عام وانتو بخير
زهرة القدس
25-12-2007, 13:12
بشكرك سووويتي على الموضوع الحلو وانا برايي انو لا الشب والبنت بيعرفو معني الصداقة مزبوط لانو كل واحد بكون يسرح بافكارو لبعـــــــــــــــيد وبعدين بدينا الاسلامي ما في شي اسمو صداقة بين شب وصبية , اخوة ممكن ايه ومو اي اخوة لانها برضو على الاغلب ما بتزبط
انا برايي ممكن تتكون علاقة بين شب وصبية حلوة وصادقة وشفافة بس تندرج بمضمون او بمسمى ( الأخوة بالله ) فالطرفين ما بكون في من ورا هاي الاخوة الا النصح والتوجيه وكلو بما يرضي الله
ما بعرف هادا رأيي وما بعرف اذا بتوافقوني عليه
super تقبلو مروري super
من السهل ان تضحي من اجل صديق (لكن) من الصعب ان تجد صديقا تضحي من اجله
السلام عليكم ..
بالرغم من غيابي الطويل بس بزكر انو هالموضوع طرح قبل هيك...
الموضوع بالنسبة إلي انا ..
بما انو الناس اراء واجناس ...
وكل واحد إله رأيه الخاص..ولازم نحترم كل الآراء..
الصداقة شي اساسي بحياتنا ..
العادات والتقاليد بتحكم انو ما في صداقة بين الجنسين لانو هاد اسمه عزمان أول غلط او عيب ...او ما بيصير متل ما كلنا بنعرف اهل زمان واقوالن ...
الصداقة وبحياتنا وعصرنا هلأ ..كتير مهمة ..
يعني انت او انتي بنكون بالشغل بالجامعة بالمعاهد بالندوات المولات بالمدرسة...وين ما كان
بحياتنا هلء تتطلب الصداقة او العلاقة بين ذكر وانثى ..في ناس بس تسمع صداقة بين جنسين مختلفين ..كانه مصيبة وبيروح فكرن للحب والغرام والذي منه ..هدول الناس الي عندن عقلية زمان ..
ومتل ما بيقولو زمان اول تحول ...
يعني بشغلي بدراستي بجاممعتي وين ما كان متطرة او بحياتي في اصدقاء ..
مثال بسيط ..نحنا هون بالمنتدى شباب وبنات ..مو معقول علاقتنا كلنا مع بعض حب وعشق وغرام ..يعني بنفوت عالروم مو معقول كون انا بحب كل الشباب كحبيب صح ؟
والعكس صحيح ..حياتنا متطلبة الصداقة ..
وانا بالنسبة الي عندي اصدقاء شباب ....
ومع هيك الحذر مطلوب ..:asefff:
وحلوة الصداقة البريئة الشفافة الصادقة ...
سلام ..
smile*_*
السلام عليكم ..
بالرغم من غيابي الطويل بس بزكر انو هالموضوع طرح قبل هيك...
الموضوع بالنسبة إلي انا ..
بما انو الناس اراء واجناس ...
وكل واحد إله رأيه الخاص..ولازم نحترم كل الآراء..
الصداقة شي اساسي بحياتنا ..
العادات والتقاليد بتحكم انو ما في صداقة بين الجنسين لانو هاد اسمه عزمان أول غلط او عيب ...او ما بيصير متل ما كلنا بنعرف اهل زمان واقوالن ...
الصداقة وبحياتنا وعصرنا هلأ ..كتير مهمة ..
يعني انت او انتي بنكون بالشغل بالجامعة بالمعاهد بالندوات المولات بالمدرسة...وين ما كان
بحياتنا هلء تتطلب الصداقة او العلاقة بين ذكر وانثى ..في ناس بس تسمع صداقة بين جنسين مختلفين ..كانه مصيبة وبيروح فكرن للحب والغرام والذي منه ..هدول الناس الي عندن عقلية زمان ..
ومتل ما بيقولو زمان اول تحول ...
يعني بشغلي بدراستي بجاممعتي وين ما كان متطرة او بحياتي في اصدقاء ..
مثال بسيط ..نحنا هون بالمنتدى شباب وبنات ..مو معقول علاقتنا كلنا مع بعض حب وعشق وغرام ..يعني بنفوت عالروم مو معقول كون انا بحب كل الشباب كحبيب صح ؟
والعكس صحيح ..حياتنا متطلبة الصداقة ..
وانا بالنسبة الي عندي اصدقاء شباب ....
ومع هيك الحذر مطلوب ..:asefff:
وحلوة الصداقة البريئة الشفافة الصادقة ...
سلام ..
smile*_*
هاد الكلام المنطقي ............
انا عندي كتير اصدقاء بنات و بعمره ما فكرت بشي اكتر من هيك ....................
الفكرة انه الي بيشك بالناس
و مو كل الناس متل بعض
vBulletin v3.6.4, Copyright ©2000-2009
Translated by SyriaNobles