بعد 16 سنة [الأرشيف] - شباب لك شباب كل العمر

عرض الإصدار الكامل : بعد 16 سنة

m7mad al7LBI

12-12-2007, 12:45

لما كنت صغير وكان بوئتها عمري 6 سنين كنت العب لعبة كتير كنت حبها وبتذكر اني كنت العبها كتير وكل يوم هي يمكن تكون مو لعبة على ئد مو بسيطة بس مابعرف ليه كتير كنت حبها وهي اللعبة على الخرزات تبع الخرازة اللي كنا نخرز فيها الاوراق مع بعضهون يعني كنت افتح الخرزات من العلبة واعملهون صف طويل متل القطار وحدة ورا وحدة وحدة ورا وحدة وهيك لحتى يصيرو طوال بعدها مشيهون عالطاولة شو كانت امي تعيط علي وتئلي العب غير هاللعبة يعني تكون شغلة تفيدك انا كنت مافهم شو عبتئولي.
من يومين يعني بعد ما صار عمري 22 سنة اتذكرت هاللعبة اللي كنت العبها و كنت بالشغل ولحالي بالمكتب فتحت السحابة طلعت علبة الخرزات وجيت لحتى ارجع اعمل متل ماكنت اعمل من 16 سنة بس هالمرة لاحظت تغير شغلتين مهمات
اول شغلة اني امي ما شافتني !!!!!!!!!!!!!!!!!!!
تاني شغلة ما حسيت نفس الاحساس بالفرح والمتعة اللي كنت حسها من زمان !!!!!!!!!!!!!

ليه كل شي تغير ليه ما ضل فرحة ولا بهجة لكل شي بهالحياة يعني السبب ال16 سنة يعني مين اللي تغير انا الا الواقع الي عايشينو ؟؟؟؟؟؟؟؟؟

ابو ابراهيم

12-12-2007, 15:01

سبحان الذي يغير ولا يتغير
يااخي من سطاعش سنة كنت ولد لهم ولا غم ومخك فاضي راضي لا كيف بدك تاكل ولا كيف بدك تشرب ولا هم البيت ولا ولا و هكذا .............................. والي تغير نحن والواقع سوا لا نا انا ولا انت انت حلوة هاي ما هيك

serenity

12-12-2007, 15:08

ممممم

يمكن لانك كبرت .... يمكن مو متأكد!!!!!!

m7mad al7LBI

12-12-2007, 16:40

ابو ابراهيم : معك حئ هلأ صار الواحد يفكر بألف شغلة وشغلة

شفيئو : عجب هلأ انا كبرت !!!! ؟؟؟؟؟؟؟؟؟ مابعرف شو بتئول

Seogyeon

12-12-2007, 18:08

تخيلت أول ما فتحت الموضوع وعم إقرأ تخيلت الشخص يللي قدامي عمرو شي 30 سنة. فلما وصلت إنو هلا صار عمري 22 سنة ما صدقت، لأنو حسيت كأنو واحد صار عمرو شي 30 أو 35 سنة. يمكن السبب إني حسيت إنو مافي تفاؤل. مع إنو واحد بعمرك لسه في بداية حياته يعني لسه ماشفت شي من الحياة ومصاعب الحياة بمعنى لساتك ببداية الطريق وما خبرت شي من الواقع بعد، يعني أنت بعدك عم بتقول يا هادي يا كريم....

أنا بتخيل مافي وقت إلا وله مصاعب، حتى أهالينا مرت عليهم مصاعب في أيام كانت حلوة وأيام كانت مره. ونحنا نفس الشي بس المشاكل تختلف من زمن لآخر.

تحياتي
سينيو

سَفَر

12-12-2007, 18:25

تخيلت أول ما فتحت الموضوع وعم إقرأ تخيلت الشخص يللي قدامي عمرو شي 30 سنة. فلما وصلت إنو هلا صار عمري 22 سنة ما صدقت، لأنو حسيت كأنو واحد صار عمرو شي 30 أو 35 سنة.

عن جد أبو حميد كلن 22 سنة شو قول أنا 29 سنة

لكل عمر ألعاب ومتع تختلف عن العمر الآخر لكن أنا كان عندي حلم وأنا صغير بامتلاك سيارة ريموت وللأسف لم أتمكن من الحصول عليها في طفولتي ..
هلاء والحمد لله عندي سيارة ومن فترة 5 أشهر اشتريت سيارة جديدة ولكنني لا أستمتع بها بقدر ما استمتع بالعب بسيارة الرموت كونترول .. لدرجة إنو مرتي جابتلي سيارة فيراري ريموت هدية على عيد ميلادي ...

شكرا

Seogyeon

12-12-2007, 20:00

ضحكتني سفر عن جد دمك خفيف..

أخ محمد ...على فكرة مافي شي بعوض عن أيام الطفولة..ومافي شي بعوض عن سن العشرين والثلاثين كل يوم عم بيمر من عمرك عم بيروح بعض منك.. لذلك استمتع بحياتك وحصل الدين والدنيا. يللي ما بتقدر تحصل عليه اليوم بتحصل عليه بكرة وإذا ماحصلتو بالدنيا فأجرك بالآخرة.

المهم إنو أي شي بيمر عليك مصاعب أو مآسي ما تخليها تيأسك وإنت بعدك صغير والطريق أمامك طويل فخلي عندك أمل إنو بكرة أحسن وإن شاء الله أحسن إلك ولكل الشباب الله يفرج عنكم.

تحياتي
سينيو

shaam

12-12-2007, 23:30

مسا الخير
بس انا عندي سؤال...انت مغترب...اذا اي هيك بفهم ليش هيك عم بتحس

asayl

12-12-2007, 23:55

أخي محمد للأسف نحنا عم نكبر وهي حقيقة لازم نعترف فيها
بس مافي أصعب من انك تكبر والعالم كل مالوا عم يرجع لورا

منيح عندك وقت تتذكر في أيام الطفولة
لأن حتى الوقت صار عم يمشي وماعم نحس في

تحياتي
ه

أصــــــــــــــــــــــــــــــــــــــــــــــــ ول

asayl

12-12-2007, 23:56

أخي محمد للأسف نحنا عم نكبر وهي حقيقة لازم نعترف فيها
بس مافي أصعب من انك تكبر والعالم كل مالوا عم يرجع لورا

منيح عندك وقت تتذكر في أيام الطفولة
لأن حتى الوقت صار عم يمشي وماعم نحس في

تحياتي

أصــــــــــــــــــــــــــــــــــــــــــــــــ وله

amr.h

13-12-2007, 02:19

والله يا شباب الهم والحزن مو مرتبط بالعمر يعني لما كنا صغار كنا نحزن بس ما كنا نعرف نعبر ولما بقلولك يالله بكرة بتنسى اكتشفت أنو لأ الحزن بيكبر معك وأنته صغير وكل ما كبرت سنة بكبر هو سنة
أنا بستغرب احيانا من حالي كمان بتذكر الشغلات اللي كنت اعملها لما كنت صغير بس الشي الحلو لما من كون صغار من كون ما عمنفكر بالمستقبل وأكثر شي بخوف الإنسان هو المستقبل
لأنو بخوفك أنو تفقد ناس كتير بتحبهم وعدم ثقتك بالناس بتفعد لمزيد من الخوف
على قولة Sepeltura في ألهم غنية اسمها
No Hope = No Fear
أنا هي باعتبرها حكمة مو غنية
والله يستر

amr.h

13-12-2007, 02:27

m7mad al7LBI

13-12-2007, 10:24

سنيو : منسمع من اهالينا او من الاكبر مننا اني الحياة ئبل 50 سنة كانت احلى يعني كان في صدق بالتعامل وثقة بين العالم بمجرد كلمة وفي محبة بدون مصالح بس هلأ سلامتك هدول شغلات صارت اثرية ومالازم الواحد يحكي فيا منشان العالم ما تضحك علي هاد واقع اليوم . على فكرة مع كل هالشي انا شعاري التفاؤل اني بكرة احلى من اليوم .

سفر : صديقي الغالي مبروكة سيارة الفراري تبعيت الريموت . انا هاد ئصدي يعني انت فهمتني تمام اني الواحد وئت اللي بكون صغير بحس اني الاشياء الصغيرة حلوة اما هلأ الشغلات الكبيرة والغالية مو كتير بتفريئ معانا

شام : والله انا عايش بالبلد اللي ولدت فيو . بس انا بئول اني الغربة انك تعيشي وما يكون تغير عليكي البلد بس الناس اللي معك تغيرو هاهي معنى الغربة ببلدك مو تغير المكان

اصولة : بعد زمان واشتئنا لمشاركاتك.الشي اللي خلاني اتذكر الصدفة اللي وئفت بين ايدي خرزتين من الخرازة لما علئتون ببعضون رجعت بالذاكرة لورا شي 5 دئايئ واتذكرت هديك الايام الحلوة

عمور : شو هاد والله كلامك مظبط وهالغناي جاي مناسبة جدا سمعانا ئبل هالمرة

serenity

13-12-2007, 10:32

شفيئو؟؟؟!!!

m7mad al7LBI

13-12-2007, 10:55

شفيئو؟؟؟!!!

لك له ولو شو مفكر حالك ئليل :yaturaa:

serenity

13-12-2007, 11:04

مممم

مين شفيئو .. بلا صغره .... يعني انا ما اسمي شفيئ

الا ازا حدا كاشش عليك هالكشه

m7mad al7LBI

13-12-2007, 11:12

مممم

مين شفيئو ..

عجب بتئول خطأ مطبعي !!!!!!
يلا مشيها اذا كان هيك ....

crossinganonym

13-12-2007, 18:57

يا ليت ارجع صغيرة ....والعب واركض وفكر وشوف الدينا حلوة

ربما احساسك لم يعد هو بسبب كثر المتاعب والانشغال

ربما لأن الواحد منا لما يكون صغير يحس بالمتعة اكثر يكون فاضي البال

ربما لأنك بمرد تذكرك هذه الايام أيام الطفولة شي جميل ورائع .........

اتمنى لك حياة سعيدة

زهرة القدس

30-12-2007, 18:46

خيو محمد والله ياريت ترجع ايام زمان كانت احلى بكتيييير من هلأ بس

بتعرف شي هاليومين لمى اجت اختي لعندنا جابت لولادها لعبة كنت العبها

وانا صغيرة ويااااااالله شو كنت استمتع فيا ورجعت لايام طفولتي وصرت

العب فيا مع ولاد اختي وهاي اللعبة اسما (فريرة) على زماني وهلأ بعيطولا

(بلبل)

تقبل مرور اختك

من السهل ان تضحي من اجل صديق (لكن) من الصعب ان تجد صديقا تضحي من اجله