عم ئلك شو ولد ... [الأرشيف] - شباب لك شباب كل العمر

GOLDEN_#1®

09-12-2007, 05:41

إتحاد الجولدن الديمقراطي الشعبي
الإداره العامة لمختبرات الجولدن التقنية
فرع حشيش منتصف الليل

تقدم

عم ئلك شو ولد ..

سلسلة تحشيشية تفاعلية

البداية :

هادا يا سادة يا كرام ..

محسوبكن الجولدن قاعد عالكمبيوتر .. و الساعة تتجه ارقامها الديجيتال نحو الرابعة صباحا ً بتوقيت مختبرات الجولدن التقنية ..
لابس الشورت , كالعادة ..
و عم اعلك مسكة ..
و الهوا زمهرير و عم يقلع الشجر برات البيت , و عم يلعب لعب ..

و فجأة !!!

و من دون سابق إنذار ..

بتذكر شغلة صارت معي اليوم .. اي نعم ... تذكرت !! تصوروا !؟

حبيت جيب هالقصة , و حطها باحد الكمبيوترات بالمختبرات التقنية , و اعملي عليها شوية تجارب تحشيشية ...

و إليكم النتائج :

في واحد بعرفه بالشغل , درويش , حالته المادية كما يقول المتل :: عالحديدة ...

و انا بتصور , مو صفيان عندو ولا حتى .. حديدة !

المهم هاد الاخ الكريم الاكابر , اجا عم يقلي انو شافني بالمنام ( خير بالصلاة عالنبي )
قال كامش ابني الصغير .. و عم فتلو بالجنينة مع البطات , و قال هالولد شي حليوا كتير ( طالع لابوه:d )

المهم , و يلي هو لب الحديث .. انو هالزلمة هاد شلون كان وصفه للولد يا حزركن ؟

كان الوصف بأكتر شي هامه حالياً بالحياة , او خلينا نقول اكتر شي شاغل باله ,

يلي هو :: المصاري ::

فبإعتبار الاخ مستوي مادياً و الشغلة يلي كتير بتبهره هي المصاري ,, فقال لي :

والله يا معلم هالولد شو حلو ... عم ئلك ... متل الليرة !!

متل الليرة !

طيب ..

ياترى لو كان الاخ رومانسي , او كاتب اشعار , شو كان قال ؟
انا بقلكن ..

كان قلي :
والله يا معلم هالولد شو حلو عم ئلك .. متل الوردة !

حلو .. بلش التحشيش ياخد مجراه !

لو كان صاحبنا .. او خلينا نقول صاحبتنا , وحدة محجبة .. شو كانت قالت ؟
والله يا أخي هالولد شو حلو عم ئلك .. متل النقطة بالمصحف !!

لو كانت كمان صاحبتنا قائلة الجملة هي ست كبيرة بالعمر من هدول الشوام العتئ , كانت قالت :
والله يا تئبرني هالولد شو حلو عم ئلك .. متل فلقة القمر ..

طيب , خلونا ندخل شوية بئا لبعض الشخصيات العالمية ..

الرئيس الإيراني أحمد نجاد :
والله يا جولدن , هاد الولد شو حلو عم ئلك .. متل المفاعل النووي !

الرئيس الاميركي جورج بوش الاجدب :
والله يا معلمي و تاج راسي يا جولدن , your son is like the American flag

الرئيس الفرنسي :
مسيو جولدون .. ابنك طالع متل قنينة بارفان من كريستيان ديور !

الرئيس الروسي :
مئلم جولدينوف .. ابن حضرتكم متل صاروخ سكود 3 عابر قارات عم يلمع الستانليس تيل تبعو

بيل غيتس - صاحب مايكروسوفت
والله يا جولدن هالبابي تبعك متل الوندوز 7 الجديد ..

لينوس ترافولدا - مطور نظام لينوكس
غولدن باشا , هاد ابنك خزيت العين طالع متل الكيرنل kernel 2.7

طيب ,,, خلونا نعمل إسقاط على بعض اعضاء المنتدى :d

السّياف
أخي القولدن , هالولد عم ئلك ... طالع متل المثلث !aiii

Che-Guevara
سعوود .. هالولد طالع متل الكاميرا الديجيتال

همبرغر
ياسيدي هالولد بيتاكل أكل قد مو كربوج .... متل الهمبرغر !

snVchat_Admin
اخي سعيد , شفت ابنك بالمنام ما شاء الله , طالع متل المنتدى !

يوراميوم
اخي جولدن , ابنك طالع متل الـ Java Script كأنو ؟!

مارح حط اكتر من هيك ... لانو الطاقة الكهربائية بالمختبرات عطتني Alarm

رح اعطيكون القيادة و الكونترول .. ورجونا انتوا طلع معكن شي ؟

شلون شفتلونا الجولدن الثالث بالمنام ؟!

شلون شفتولنا ولي عهد مختبرات الجولدن التقنية ؟

سلامات

خليــل

09-12-2007, 07:38

الغولدن:
والله هالولد متل قنينة النيتروجين

dove

09-12-2007, 09:13

حشيشة

serenity

09-12-2007, 10:33

صفوان ...
والله يا معلم هالولد شو حلو ... عم ئلك ... متل المطاطه يلي بتربط الشعرات

عامر
والله يا معلم هالولد شي هيك متل الكزب

:)

Bona Fide

09-12-2007, 11:44

معلش رح نخرج عن القاعدة لو حكينا عن بنات ؟؟ شو بس ولاد ؟؟؟!!!

وهي انا اول من يشذ عن القاعدة ( بعد إذنكم ) ..

بائعة الكستناء :
عم قلك شو بنت .. متل الزبدية الصيني منين ما رنيتا بترن !!!!! lool

ظريف هالموضوع !!! lool

Bona Fide

Spartan

09-12-2007, 12:29

,والله هل الولد مأحلاه طالع متل الكبسولة الصغيرة

caser.net

09-12-2007, 20:00

خليل

والله هالولد شغلة مثل التكنو على آمبلي فاير مليون واط

حسن

10-12-2007, 00:41

7sam
أفكار أطفال, الله يسلمه يارب

يوراميوم
طفل جميل اخي غولدن, ومع طقم حفاضات 950 يصبح تصويره أدق وأجمل

hani-sa
الله يكبره ويفرحك فيه ويصير اكبر مكولك للادارة

النديم
اخ غولدن هل تتعمد وضع صورة ابنك هنا, كرسالة توجهها لخطيبتك السابقة ؟؟ لمعلومك هذه الحركات لن تمر علينا !

nathan
أي طفل جميل هذا أيها الغولدن ؟ تعمدتُ تهنئتك مبكراً, فالغولدن لا ينجب كل يوم طفلاً

nisreen a
تضرب انت وابنك طالع صلعتو متل الاركيلة, اصلاً حمودة وجوليا احلى منو يقبرو عمتن

سما
طفل بوجه مشرق كالشمس الساطعة ساعة الغسق, يحاكي املاً دفيناً بين السطور الغريبة

بيسان
تقول فيروز: أسامينا, شو تعبوا أهالينا تلقوها, فماذا أسميت هذا الملاك يا غولدن ؟؟

بائعة الكستناء

10-12-2007, 08:21

هذا أنا ..
المحبة والوفاء والبراءة ..

Bona Fide
الطوشة واللوجة والمكوك الحايك ..

شوكولا وسكر

( محمد علي كلاي ) على بنت lool

7sam

10-12-2007, 12:54

Sale7
الله يحميه، بس ليك كأنو عم ياخد على رجلو شوي. بلكي بتدبره خدمات ثابتة وبتدفع له بدل من هلق

عجوز السماء
والله ابنك صاير نحيف شوي، بلكي بتغذيه بشوية شاورما

GOLDEN_#1®

10-12-2007, 12:57

اووخ ...

و هي شمّة بودرة

قـاســم :
أغلقوا لنا مشافي دمشق ... فلم نعد بحاجة لولادات !

فتى الشام :
ابنك يا صهري ..
طيّب ٌ كوجبات ليالي الصالحية ..
مُفرح ٌ كشعورك بحذف مشاركات غيرك

candybar :
لك سمعو بكائه ... حنجرته أوبيراوية :d

شكرا عالمشاركات التحشيشية , و الغير تحشيشية

يوراميوم

10-12-2007, 13:39

:)
الدكتور حسن ناب

اللهم صلي ع النبي .. دير بالك عليه لأنو وباء لوفتهانزا الطيور مجتاح البلاد

GODFATHER

10-12-2007, 13:40

Admin
تلقينا خبر هذا الولد ونشكر الاخ جولدن على اهتمامه
وأحب أن أطمئنكم أن أحوال الطفل تتجه نحو الافضل ولذلك أرجو أن نحافظ على هدوئنا

Love for all, hatred for none

أحلام

10-12-2007, 14:22

nisreen a
اي ما بيأسر...مبروك

فتى الشام
الله يسلمه يارب
ويارب الله يسلمه

7sam
مشكلس حاله عالآخر

seemo :
آه ؟؟ اي فهمت يعني بس شو الهدف من الموضوع ؟

serenity

10-12-2007, 18:24

سياب

الله يخليكون هالولد ... شو الجدوى الاقتصاديه لانجابو

R_A_Y

10-12-2007, 21:06

RMK
ياسمينة تفتحت وزهزهت عند ساعات الصباح الأولى ...
تعانق اشعة شمس اشرورقت على الياسمينات المتعربشة على جدران كوخها ...
كنقاء قطرة ماء تشرشر من درابزين شرفتها تلثم وريقات الياسمين العراتلي المتدلية من سطح جيرانها ...
ثغر كحبة الفستق يعانق بربيش اركيلةٍ منسية في أرض ديارها ...
صباحك ياسمين مغطس بالشوكولا السويسرية ...
( صورة فيها كمشة ورد وعصافير)

طائر بلا اجنحة
جميل جميل
غريب امرك يا غولدن ... أين الفائدة من الموضوع ؟ رابط صورة الطفل لا يفتح .. اريد الرابط هنا

سياب
غولدن .. شفتو للولد ... لي عودة للحديث بالتفصيل عن رأيي ووضع تصوري وتساؤلاتي المشروعة عن مستقبل الطفل
تحياتي

عضو ما صرلو عشر دقايق مسجل وعدد مشاركاتو 33 بعد المئة :
مشكوووووووووووووووووووور
مشكوووووووووووووووووور
مشكوووووووووووووووور

عضو مسجل بعد بخمس سنين من تاريخ الموضوع :
اخوي الكراك لا يعمل

HAZEMOVE

10-12-2007, 22:18

R-A-Y
عم ئلك شو رظيع .. متل ميحد حمد تمامن .. مبروك بو سعدو

allways-free
عم ئلك شو ولد .. حيث جاء في العهد القديم سفر الخروج أن طفلا يدعى جلدونيوس سيخرج الى العالمين

free woman
عم ئلك شو ولد .. متل سعادة .. و هل كان سيختلف الأب باختلاف الأم يا ترى ؟

عجوز السماء
عم ئلك شو ولد ..

برايفت (مين الجولدن ؟)

السياف
عم ئلك شو ولد .. حبيب اللوز حبيبنا

شباب دائم
عم ئلك شو ولد .. سأغلق الموضوع ريثما أتحقق من صحة النسب

عمر
عمُ ئلّلكُ شو ولد .. عَطيني أدللّة وَ أنا مُستعد للحوّار بالبَراهين و الحُجج المُقنعَة

أنووس
عم ئلك شو ولد .. ربي يسر

بائعة الكستناء
عم ئلك شو ولد .. ايمت عيد ميلاده ؟

السبكي
عم ئلك شو ولد .. عجائب الأطفال في غياهب الأدغال لشيخنا الدكتور محمد عبد الباسط رسلان حفظه الله تعالى من كل مكروه و شر .. آمين اللهم آمين
رابط المحاضرة

خالد
عم ئلك شو ولد .. هل الجولدن و الولد معرفين لشخص واحد !!

Hani-sa
عم ئلك شو نزار

the professional
مشاركتي ال 73088880000 هدية للأعضاء ( عم ئلك شو ولد )

caser.net

10-12-2007, 22:41

يحرء حريشك يا بو ظرغام على هالحشيشة بالفعل أبدعت عشرة على عشرة

وكمان أنت أبوالريم تقبشو قلبي إنتو الجوز

RMK

10-12-2007, 22:46

أنـس

10-12-2007, 23:29

أنووس
عم ئلك شو ولد .. ربي يسر

يحرء حريشك عهل المسوية ... sh:hi

بو ظرغام ...

بما أنو الولد انضم للحياة فلازم نطلق عليه لقب بو شي ... بو غولدن ...شنو لأنو موظوع ال"بو" موظوع حساس ...

R_A_Y

شو مشان انو لازم ندخل الولد عالروم مشان التربية الصحيحة ... ويتربى على يد أعمامه وأخواله ... المعنيين وهم نحنُ ...

RMK

ياسمينة تتهادى ... على صفحة الدنيا ...
أهلا بك في منتدانا ... في بيتك الثاني ... وبانتظار عطر مشاركاتك الياسمينية ...

بائعة الكستنا

بما أنو الولد جديد ... لازم نبلش نطعميه كستنا ... لأنو اثبتو بالهونولولو انو الكستنا مفيدة ... هيك قاللي دكتور المعلوماتية ... اسألوا بونافيد مشان الاستزادة ...

caser.net

والله يا عزيزي غولدن ... بدك تعطيني فرصة ...
مشان أختلي بحالي ...
واطلعلك قصيدة وصف بهل الولد ...
صحي ماني شايفو ... بيكفي شوفتك يا غولدن ... أنا شايفك ما ؟

يوراميوم

الرجاء من العضو غولدن وضع رابط لنقل الموضوع والا سيتم اغلاق الموضوع ونقله للمحذوفات واغلاق المعرف وحذف المنتدى ... (سوري راميsh:hi )

ابو ابراهيم

11-12-2007, 02:21

اشو خوش ولد متل البيفر الكندي beaver

ياسـر

11-12-2007, 07:39

جورية :
بسم الله الرحمن الرحيم
أصدقائي الغاليييييييييين

عم ئلك شو ولد بياخد العئل اسم الله وحواليه بدر مصور

وعجبي

redface

بائعة الكستناء

11-12-2007, 08:57

فتى الشام : عم قلك شو ولد .. الله لا يسلطو على حدا ( عالدءرة ) بيهريك تفئيس shaitan !!!

أنوووس : عم قلك شو ولد .. عليه كل نفس أركيلة بورجيك حشيشات الـ ربي يسر:cool: ..

Rmk : عم قلك شو ولد .. هالولد ياسمينة على شكل Rmk مزروعة 24 ساعة بالمنتدى :shlon: !!

Hazmove : والله لو بعرفو لهالولد كنت ما خبرتكن عنو غير انو ... تاج السر الخطير sh:scared !!!

جورية : أما شو ولد .. يا أخي فاطمتو إمو عالزوق بالردود مو بإيدو redface !!!

سنفور مفكر : عم قلك شو ولد .. ولدان وماسك بإيدو كتاب .. بتحسو قاموس عم يمشي sh:questio !!

m7mad al7LBI

11-12-2007, 10:29

cuty-lu : شو هالولد خرج اني اتخانئ انا وهو كل يوم والعب معو واطعميه لبنة بأيدي

سندس الربيع : والله ياعزيزي هالولد حلو ياااااسر وانشالله يتهلا بعمرو

بائعة الكستنا : لازم تحطولو بالببرونة مع الحليب كستنا

ابو الخل : شو هالولد لازم ناخدو ونفتلو بكل العالم منشان يتعرف عالحضارات

فري بوي : خود هالحشيشات وصلو هن مني الو

بائعة الكستناء

11-12-2007, 16:48

:

بائعة الكستنا : لازم تحطولو بالببرونة مع الحليب كستنا

محمد الحلبي شو هالولد .. يخزي العين إيصنص (بيرفيوم ) ظرافة وخفة ظل :shlon: !!! aiii

aiii

سَفَر

11-12-2007, 17:20

ولك شو صاير معكن انتو .. إنو شو قصة هالولد الأعجوبة بقا لعما ... iblis

إي والله شغلة هي ما شفتو وهيك .. لأ والأنكى إنو كلو شقفة منام شافو الزلمي لعما .. lool

serenity

11-12-2007, 17:46

لا لا لسا في عندكون ام الرور

اي شو هالولد خزيت العين متل البنادول :)

GOLDEN_#1®

27-12-2007, 01:10

R_A_Y

عضو ما صرلو عشر دقايق مسجل وعدد مشاركاتو 33 بعد المئة :
مشكوووووووووووووووووووور
مشكوووووووووووووووووور
مشكوووووووووووووووور

حلووووووة معلم .. ملعوبة :d

المباركات شغالة , و صلني بمناسبة العيد بعض الاتصالات من شخصيات هامة

فؤاد السنيورة
لا تعليق .. يجب عليي ان استشير كونوليزا رايس اولا ً

جنبلاط
شوف .. انا رح فوت ضغري بالموضوع معك
إن اي تحرك لابنك مع الكريجية او بدونها , مع اللهاية او بدونها سيكون له عواقب وخيمة
و نحن نعلم مسبقا ً ان طفلك هذا سيكون له دور بعد 24 عاماً بتنفيس إطارات سيارة النائب هشتك بشتك .

أحد قراء موقع سيريا نيوز
يعني والله قصة , لسا بتعيشنو باحلام و اوهام
نحن لساتنا عم نحكي بالطفل , في حين العالم بأميركا و صلت عالقمر !

بابا نويل السابع عشر
We wich you a merry christmas and happy new year
الجولدن : لك حبيبي نحن بسيرة الولد و انت عم تقلي كريسماس ؟
بابانويل : يمكن انت ما سمعتني منيح , اناعم قول we wich you a merry christmas and happy new year

جورج بوش
ليديز ان جينلمنز , الـيونايتد ستيت انتيليجنت سايبر أرمي ايجنسي اكتشفت انو هالولد هو غطاء
يخفي تحته مشروع انقلابات خطيرة في بعض الدول المجاورة , و سنرفع طلبنا بفرض عقوبات على مختبرات الجولدن التقنية غلى الامم المتحدة

ساركوزي
إن العلاقات بين فرنسا و مختبرات الجولدن التقنية ليست على ما يرام
لكن هذا لن يمنعنا من تهنئتهم بمناسبة المولود الجديد

عضو في الكنيست
يجب على العالم أن يدرك بأن لأطفال اسرائيل الحق ايضا بان يكون لديهم مواضيع في المنتديات العربية
وهذه الخطوة ستكون هامة نحو التطبيع مع إدراة مختبرات الجولدن التقنية .

لا تدفش !
طالع لحالي .. :d

caser.net

27-12-2007, 11:13

واحد سوداني
والله يا غولدين .. الولد يشبهك عديييييييييل تقول ولدك ... آآآآآآآآي

أنـس

27-12-2007, 11:30

جنبلاط
شوف .. انا رح فوت ضغري بالموضوع معك
إن اي تحرك لابنك مع الكريجية او بدونها , مع اللهاية او بدونها سيكون له عواقب وخيمة
و نحن نعلم مسبقا ً ان طفلك هذا سيكون له دور بعد 24 عاماً بتنفيس إطارات سيارة النائب هشتك بشتك .

بعد زمان ... تحشيشة عهل الصبح ... غييير ... sh:eye
أحييك ... sh:hi

مندوب صندوق النقد الدولي
سوف نرسل مندوب من قبلنا لمعاينة الولد ... وسنقرضه قرض بفائدة 300% على مدي ال3 سنين مع امكانية رفع معدل الفائدة حسب السوق العالمية ... وأسعار النفط ...
وهذا كله كتهنئة على قدوم الطفل ...

مندوب الطاقة الذرية : مستر برداعي
لا دلائل حالية على استخدامات للطفل في نشاطات نووية غير مشروعة ...
ولكن ...
سيزور وفد من الوكالة المختبرات ويعاين عن قرب الطفل للتأكد من خلوه من أي نشاط اشعاعي ...

FANTASTIC MOBIL

28-12-2007, 11:59

سَفَر
اي اشبكن ماشفتوا يعني ولد حستوا يما للزلمة حلوا عنوا بقى

m7mad al7LBI

29-12-2007, 11:18

اميل لحود
يا أخوين شو هيدا الولد لازم يتربى حسب الدستور اللبنيني ويكون اختيار الاسم المناسب لالو بطريئة دستوريي

shababdaim

14-01-2008, 03:01

R-A-Y

شباب دائم
عم ئلك شو ولد .. سأغلق الموضوع ريثما أتحقق من صحة النسب

sh:ohmywaww

يعنى هذى هيا فكرتك عنى بعد كل هالعشرة ....... انى بغلق في المواضيع objection objection

طيب :akeeed:

مبروك الولد جولدان يتربة في عزك وعز والدته .....بس شو هالتهانى اكيد ولد على غير العادة

تحياتىsh:happy

FANTASTIC MOBIL

14-01-2008, 07:17

انووووس
عبقلك شوا ولد ......حيطلع مراسل النشاطات الرزمانية ....

فتى الشام
شكرا على الولد لآنوا الولد شي خيلة ولوا...... بس عبئلك شوا ولد .....

sh:hish:hish:hi

Damascus Girl

03-07-2008, 23:14

Damascus Girl
يعني شفت الموضوع متأخرة كتير..بس خزيت العين..شو ولد...الله يحميه لشبابوو
تحياتي لكافة المحششين..
وبتحشيشة رايقةةة...مزيد من التحشيش لكمـــ
خبصنا نبلش...:yaturaa: