حمص الحبيبة .. أُريدكُ - صور

[سَفَر]

أبعدتني الأيام عنك أيتها الغالية ،أربع سنواتٍ من الحنين إلى صوتك العذب ونسائمك العليلة

أزورك .. نعم ،أقبل وجنات شوارعك .. نعم ، الدبلان الغوطة الملعب البلدي السفير طريق الشام

ولكن لاترويني أيامٌ قليلة

أنشودتي الغالية .. خيالاتي الحبيبة .. حبيبتي الأولى .. بيتي جامعتي أمي أصدقاتي حارتي حبيبتي ..... اشتقت لك .. أُريدكِ.

عزيزتي الغالية هذه محاولة بسيطة للإعتراف بجميلك
بعض صور مميزة لحمص الغالية
أرجو منكم المشاركة بما عندكم من صور للغالية


http://hussami.jeeran.com/images/ice.jpg

http://hussami.jeeran.com/photos/337392_l.jpg

http://hussami.jeeran.com/photos/337391_l.jpg


http://hussami.jeeran.com/images/clock.jpg


http://www.moveed.com/data/media/140/Homs.jpg

[سحاب الخير]

عندما اشاهد اي منظر جميل من اي بلد عربي فإن العيون تملئها الدموع والقلب يأن بالحنين والقلم يتوقف عن الكتابة فكيف اذا كانت المناظر سوريا الحبيبة وخصوصاً من حمص الأبية
فلك يأخي العزيز كل الشكر

[السوري الدمشقي]

مناظر جميلة لمدنية حمص ... مشكور عليهون .....

[سَفَر]

عندما اشاهد اي منظر جميل من اي بلد عربي فإن العيون تملئها الدموع والقلب يأن بالحنين والقلم يتوقف عن الكتابة فكيف اذا كانت المناظر سوريا الحبيبة وخصوصاً من حمص الأبية
فلك يأخي العزيز كل الشكر


الله محييك سحاب الخير آآآآآآآآآآآآآآآآآآآآه منك يا الحنين

[~^*lilas~^*]

شكرا لك على هذه الصور الرائعة
يعني فعلا حمص جنة على الارض وانا بكل فخر بقول اني حمصية
يعني بكفي طيبة قلب اهلها :sa7mohekk .............. وخفة دمهم وانو لساتهم طيبين
شكراً اللك كتير

[DODOSeri]

على عيني الحماصنة حبيباتي انتوا والله وشكرا اخي سفر على هالموضوع الحلو

[سَفَر]

وانا بكل فخر بقول اني حمصية
يعني بكفي طيبة قلب اهلها :sa7mohekk

شكراً لمرورك ليلاس ع فكرة أنا مو حمصي بس مولود ومتربي بحمص
وفعلا بكفي طيبة قلب أهلها

[سَفَر]

شكرا ع المرور دودو

[DODOSeri]

شكرا اخي سفر انا كمان من اللادقية بس ساكن بحمص ,, يعني مواليد حمص يعني ريحتي حمص ,, بالفعل من اجمل المحافظات ,,, لس لهجتي شامية ما بعرف لي :p

[clin d'oeil]

مع أني كرهانة حمص هلأ بس مو مشان حمص
المهم بتعرف شو كنت قول أنا ورفيقتي أول ما نرجع على حمص
مافي أحلى من ريحة مصفاية حمص
الله يرحم هديك الإيام

[سَفَر]

مع أني كرهانة حمص هلأ بس مو مشان حمص
المهم بتعرف شو كنت قول أنا ورفيقتي أول ما نرجع على حمص
مافي أحلى من ريحة مصفاية حمص
الله يرحم هديك الإيام

الله لا يدوقك طعم الغربة aiii

المشكلة انو في كتير بلاد أجمل وأكثر تطوراً أكيد
بس انتي ربيتي هون هادا مكانك

آآآخ لو بقدر بطل حنين aha

شي خارج عن السيطرة

اسقا الله ذكرتيني بريحة المصفاية :hossss:

[asayl]

مازال الأغلبيه من اللأدئيه يعني متلي ليش مابتنزلو صور للأدئيه :hossss:

أكيد حمص حلوه وأنا شخصياً هالسنه رحت عليها بالصيف وجوها كان بيسطل قد مو حلو

على فكره صور حمص كتير حلوه وبالأخص تعيت الثلج بتجنن

بس بتضل للأدقيه أحلى لأن فيها بحر لك حتى مصايفها خيله arada

يالله شو مشتاقتلك أأأأأأأأأأأأأأأأأأه الله يمضي هالسنه على خير ونرجع ونشوفك أحلى وأحلى



تحياتي لكل الحمصيه واللوادقه ;)




أصـــــــــــــوله

[~^*lilas~^*]

اي بس يعني اللادقية بصير فيها رطوبة
هلا اللادقية بتجنن بس انا بشوف حمص احلى
يعني كل واحد بشوف مدينتو احلى لانو له فيها ذكريات وكل الاشياء اللي متعود عليها وبحبها

[سَفَر]

معك حق ليلاس مافي أحلى من مكان اللي ربيتي في يكون وين ما كان



وكمان أصولة معاكي حق لنفس السبب و من عيوني وهي كم صورة للادئية arada


http://www.baniascc.net/tourism/main/remark/images/mashketa/1.jpg



http://www.asnanaka.com/asar/18b_asar.jpg



http://qatifnet.jeeran.com/122.JPG



http://www.mesopotamia4374.com/adad9/46_bestanden/image002.jpg




http://www.syriatourism-invest.com/ext/img/investments/1108.jpg



http://www.al-hakawati.net/arabic/cities/images/city122b.gif




عن جد خيلة:asefff:

[asayl]

ليلاس قلت انو حمص حلوه وبحبها وأهلها مافي منن
وطيبين وعندي صديقه حمصيه كتير بحبها وبعزها وانتي كمان صديقه غاليه عندي
الله يوفقك بأمتحاناتك sh:eye


أما سَفَر لك يسلمووووووووو عنجد الصور خيله كل المناطق يلي مصورها رايحه عليها

ياي شو حلوين




تحياتي الك





أصـــــــــــــــــوله

[سَفَر]

أهلين أصولة ولو بدنا خدمة تحرزarada

للأمانة الصور مو أنا المصورهن وإنما هي مجمعة من عدة مواقع


بس للآن ماحدا شاركنا بصوروا ؟؟؟؟:yaturaa:

[Abo_Elkhell]

والله أحلى سفر .............كتير انبسطتت بموضوعك .

أنا من حومص العتية ,بس عايش بالشام طول عمري و متربي فيها ....... بس إلا ما يحن الواحد لبلدو الأصل ,مع اني ما بعرف حمص كتير .....ولما بطلعلها بحط فواتير موبايل بلاوي (بضل بستدل على العنوان على الموبايل مشان ما ضيع <بتعرفو انتو بحمص مو بالشام هههههه>) .

بصراحة أنا كنت بدي نزل موضوع ,هوو قريب-بعيد عن الشي يلي بدك ياه .

فيك تشوف هالموضوع هون جامع خالد ابن الوليد - حمص (http://www.shabablek.com/vb/showthread.php?t=52813) .

تحياتي للجميع .

[سَفَر]

مشكور أبو الخيل arada

اطّلعت على موضوعك .... تصوير احترافي صراحة

هل تستخدم كميرا احترافية ولو الجواب نعم ممكن أعرف نوعها


بالنسبة للحنين أنا بسميه هون بالغربه القاتل الصامت aha

الله يسهل وكل اللي برا يرجعو والله تعبنا aiii

[سَفَر]

http://uni4tech.com/upload/uploading/DSC07250.JPG


http://www.alachkar.com/syria/P1010027.JPG


http://www.alachkar.com/syria/P1010047.JPG


http://uni4tech.com/upload/uploading/DSC06249.JPG

[رنومي]

إنو الله يسرلك الرجعة لهون بس تكون محقق أحلامك إذا إلك 4 سنين فحتلاقي
شارع الحمرا مغيير كتير
وشارع الغوطة قاطعين فيه شجر الأكاسيا اللي عنا تحتو أحلى الذكريات
خصوصي وقت منكون طالعين من غرناطة بتعرفا
ما بتوقع ما يكون للشباب تحت هالشجرات ذكريات متلنا
ومشان ما تنصدم ريحة المصفاي صارت عادية قدام ريحة محطة المعالجة
وخصوصي عنا بالوعر ...
والدبلان صاروا كل العالم يدرجوا فيه كانوا ما حيلا ناس
بس الشي الما تغير أهلا وطيبة ألبن وخفة دمن ويوم الأربعاء
صار في بروشور اسموا أربعاء حمص (بيحكوا فيه بكم صفحة عن الكرامة مع انن خصروا للمرة التاني بس بيضل فريقنا ومنرفع راسنا فيه )
بس ترجع ابقى عطينا رأيك بالكافيتريات بالحمرا (لالونا كواترو ستاج ....)ولترجع بكونوا صاروا فوق المية
بس ما تغير نظرتك عن حمص

[سَفَر]

شكراً زنوميarada


انبسطت بردك كتير

أنا نزلت كم مرة إجازة ولكن كم يوم وفعلا متل ما عم تقولي

انصدمت لما شفت شارع الغوطة واللي ساووه فيهaiii

والصراحة فكرت حالي مخربط لحتا شفت مدرسة غرناطه
الله يكسر دياتون إنو ما لقو إلا أحلى شارع بحمص فعلاً كانت التدريجي فيهبتجنن وخصوصي ونحنا طالعين من ابن خلدون وكل واحد عم يستنا طلعتكن
ولما نخلص نمر على كريش ناخدلنا صدنويشة شيش مع لبن عيران أووووووه
كفتيريات الحمرا شفتن كانو الظاهر 3 بس ما حبيت عجقتن
وشو هاي محطه المعالجة وأيمت صارت

ع كلٍ شكراً كتير بتمنا نتواصل

[كاتيوشا]

هاي شباب اول شي بتشكرك سفر عالموضوع عنجد كتير حلو والصور بتجنن بس على فكرة صورة الدبلان كانو قبل ما يبلشو على حد تعبيرن((إعادة تأهيل حديقة الدبلان))عكل انا ناطرة اعاااااااادة التاهيل لاعرف كيف بدها تصير ...
رغم اني عايشة بحمص وصرلي مممممممم دقيقة لاتذكر شي 3 سنين محلك راوح بس لما فتحت هالموضوع جد اشتقتلا شكلي بدي قوم انزل مشوار اتفتل شوي ..
يعني اعتمادا على هالحكي موضوعك أحدث التأثير المطلوب ,,إثارة الحنين لدينا جميعا سواء المقيمين والمغتربين..
بتمنالك الرجوع بالسلامة..

[سَفَر]

يعني اعتمادا على هالحكي موضوعك أحدث التأثير المطلوب ,,إثارة الحنين لدينا جميعا سواء المقيمين والمغتربين..
بتمنالك الرجوع بالسلامة..


أنا مبسوط لأنو أحدث التأثير المطلوب arada
وكتييييييييير زعلان لأنو صرلك 3 سنين ما تفتلتي بحمص وانت فيها aiii

والله يسلمك وان شا الله تكتر شوي المنتزهات والمطاعم بحمص أحس ما هالعالم عم تروح بعيد لتلاقي شي مطعم متل الخلق aha

شكراً وسلميلي ع حُمص sh:hi

[رنومي]

بس عفكرة الحمرا كتير صاير حلو إذا نزلتلوا الساعة 3 الصبح
العجقة شوي بتقل وبتحس إنن عملوا شارع حلو
الكفتريات كتير عم يزيدوا بس ترا إذا بعدت عن الحمرا مثلاً
عنا بالوعر في الرويال , والرويال بالاس رائعين وعم يحسنوا بكفتريا دبدوب و
عالغوطة ما عم امرق غير وقت بكون راجعة من الجامعة ومنتحسر شوي
مشان الدبلان هدوا الجامع وقال بدن يعملوا أحسن وبدن يعملوا تحت محلات وفوق جامع تخيلوا
ومشان الحديقة ترا وقت بخلصوا إعادة تأهيلا بدا تطلع بتجنن وانشا الله ينكتبلنا عمر لنشوفا
وكأنك ما بتابع الكرامة اليوم في مباراة مع الحموية ( النواعير ) بس ما بتوقع انو حدي يتابعا
غير الفاضي لأنا ودية ... وما زالت حمص عم تتحسن
بدك أخبار عن الجامعة عنا ندوة العمارة أغلقت أمام الطلاب من خارج كلية العمارة
معك البطاقة بتفوت
عنا بالمدني السنة الماضي حسنولنا الندوة ودهنولنا كليتنا والحمد لله
الأداب ما زال التحسين والشغل والعمار قائم بها
العلوم ع حالا من زمان بتجنن
أهل الصيدلي صاروا بكلية الطب مع العلوم الصحية...
بدن ينقلوا المعاهد عالجامعة وكلية الزراعة بدن يعملوها من جهة النفق
إذا صار جديد بحمص منخبرك

[DODOSeri]

رنومي انتي من الوعر كمان ههههههه اهلا ويهلا بالكل ....
بس يا رنومي ريحة المصفاية ما بتجي على الوعر ... هوا الوعر نضيف .... ممكن بالصدفة حسب اتجاه الهوا بس هوا الوعر بيجنن .... يخليلي ياكي نحنا جماعة لوعر مو مصدقين هاه

اخي سفر ما بتسكن غير بالوعر هاه ........... بالفعل حمص من احلى المحافظات

[رنومي]

ما بعرف إذغ انتبهت أنا ما قلت ريحة المصفاي
لأني تركتا للإنشاءات ..
بس إنو ما بعرف يعني بس ريحة محطة المعالجة والحمأة
قوية كانت وقت كان فيا عطل بس هلق ما بقى في شي وأنا بوافقك إنو الوعر أنضف هوا
والقعدة المسا ع البرندا بتجنن super
وبنصح كل اللي بدن يعيشو بحمص يزوروا الوعر ...arada
وما عاش اللي بيحكي عن حمص أو الوعر أو الحماصنة ...............iblis
وسوري إذا طلع مني غلط .........:asefff: