شو رأيكم بشغلة موظفة الاستقبال للبنات؟؟ [الأرشيف]

عرض الإصدار الكامل : شو رأيكم بشغلة موظفة الاستقبال للبنات؟؟

crossinganonym

18-10-2007, 00:37

مرحبا ................
كيفكم اليوم .............

خطر بالي خاطر عندما سألتني احدى الصديقات ليش البنت لما تشتغل
بالاستقبال الناس تعتقد انها يجب ان تكون تضحك لهذا وتمزح مع هذا
ولازم يمزج الشباب معها ويزيدوا عليها مع ان البعض من البنات يعملن
بكل احترام ولا يتركن مجال للقيل والقال ومع وجه بشوش باعتدال
لما نظرت المجتمع سيئة نحو موظفة الاستقبال دوما مع ان لها دور كباقي
افراد المجتمع هناك بعض الفتيات يكون يحملن الشهادات بس لسبب ما يضطر
البعض منهن للعمل في هذا المجال بشكل مؤقت لريثما ينتهون من الدراسات ولكسب بعض الخبرات ..او لكسب الرزق او لانو مجال شهادتهن صعب العمل فيه وخصوصا في بلد الغربة

بدي اعرف رأيكم بالموضوع ونظرتكم عن هذه الوظيفة ؟؟؟

مع تحياتي .................................................. .................................................. .......

nisreen a

18-10-2007, 01:34

بائعة الكستناء

18-10-2007, 08:24

عزيزتي رح احكي معك بصراحة ..
حكيك مزبوط 100% ، وفعلاً نظرة المجتمع سلبية لموظفة الاستقبال والسكرتيرة احيانا إزا كانت صبيةو في كمان مندوبة المبيعات ، وخصوصا بالغربة وهنن بعاد عن أهلن ، وهاد بسبب الواقع المؤسف اللي عنجد فرض هيك فكرة عالناس وعممها ، بس كمان بالمقابل أكيد مليانة الدنيا بنات شريفات وأد حالن وما بيسمحوا لمخلوق يتجاوز حدوده ، بقا بالنهاية بتعود الشغلة لشريك الحياة نفسه ، إزا تأكد من أخلاقها ، وقتا حكي الناس لا بقدم ولا بأخر ، لأنك ببساطة ، لو بتحطي حالك بأطرميز وبتسكري على حالك ، ما رح تخلصي من حكي العالم .. وبس الواعي والفهمان هو اللي بقدّر هالشغلات كلها ..
بس بقيت إنت ما خبرتينا عن رأيك .. بشكرك على موضوعك ..

وتحياتي ..

DODOSeri

18-10-2007, 08:35

مسائو ..

انا برأيي انو الشغله هي مافيها شي .. بس الشباب مابيصدقوا ايمتى يشوفو بنت

لحتى يورجوها ظرافتهم وهضامتهم واصنصتهم arada يعني عادي .. وين ماكانت عم تشتغل

رح تلاقي نفس هالشغلات هي ... مشان هيك عادي ...

استقبال .. وداع .. سكرتيره .. كرسونه ... صفافة سياره ... كلو مافيو شي ...

على سيره الاستقبال ... اذا حدا بدو يعمل مشروع غسيل سيارات يستفقدني لاني بحب

اغسل سيارات ... arada

مظبوط بس موظفة الاستقبال اكتر شي بتلاقي من هالنوعية لانو هيي اسمها موظفة استقبال فا رح يمر عليها اشكال انواع اكتر من غيرها بكتير ......................:akeeed:

نسرين اذا انا و انتي عملنا مغسلة حلوة العالم تشوفنا انا المدير و انتي اللي عم تغسلي

بدي حطلك شي اربعة مرافقةwaww مشان هالقصة يعني مننكسر بالمغسلة بحق المرافقة objection

crossinganonym

18-10-2007, 09:35

مرسي ..وبشكر ا على مروركم ....

بائعة الكستناء و a nisreen و DODOSeri

محمد زهير

18-10-2007, 09:41

اتكلي على الله واشتغلي شو ما بدك
المهم خليكي واثقه من حالك
وماحدا بيسترجي يحكي معك كلمه طالمه عندك حواجب مكن يقفلو على بعضن وقت الازم ..
وعندك ابتسامه كمان ممكن تظهر وقت الازم
اعرفي تحكمي فيهن
والله يوفقك ....

أنـس

18-10-2007, 11:28

عندك حواجب
sh:ohmy

اي عزيزتي ...
بتعرفي ليش هالمشكلة عنا ؟

لأنو الشعب بحياتو مو شايف شي ؟ لأنو الشعب ما بيلبقلو شي ...

بدهون واحد مترين بتلات متار ... مشان يعرفوا يتعاملوا ...

تعو احكيلكون هالقصة : (اللي كان بالروم مبارح يسكر ادانيه)

الوالد عندو ممرضة ... وهالممرضة كتير حبابة ... واهم شي أمينة ومرتبة ... ومنظمة ... وهادا أهم شي بيلزم ... ماضروري تكون ملكة جمال ... صح ؟

المهم مرة من المرات الوالد بيسمع ضجة بغرفة الانتظار ... بيطلع ليشوف شو القصة ...

بيطلع واحد من العربان (جماعة العكل ) عم يصرخ ... سألو شبك ؟ قاللو يادكتور يعني ليش ماعندك ممرضة أحلى من هيك ؟ بدنا ممرضة حلوة sh:ohmy

مرضان وبدو هيفا وهبي ... حقو ... شنو لأنو هو بدو وحدة يفتح احاديث ويطق حنك معها ...

عفكرة في البعض بيجيب هيك نموذج مشان تصير الجية لعندو مشانها ...

نسرين؟ ربي يسر؟sh:happy

صحي ... شكرا الك عزيزتي للموضوع ...

أنـس

18-10-2007, 11:33

crossinganonym

18-10-2007, 12:56

بشكر محمد زهير على الرد الحلو كتير

وانووس ..................................

عند جد كتير هيك بمجتمعاتنا بيصير..

ويمكن البنت تكون مغربه مع اهلها ومشان تقضي وقت بتشتغل

بمكان يمكن يكون قريب من بيتها وخصوصا البلد التي تعيش فيه يمكن المواصلات صعبة فيه
يعني بدها اخوها او ابوها او زوجها يوصلها .....

التوقيع crossinganonymarada

علموك القساوة وانت طبعك حنون
كيف تجرح عيوني وانت وسط العيون

serenity

18-10-2007, 18:31

مسائو ..

بس الشباب مابيصدقوا ايمتى يشوفو بنت
arada

ممممممم

تم التحفظ .... ولح ندعو الى ضبط النفس ...

على فكره مو نحنا يلي منمزح البنت هيه يلي بتدلل مشان يمزح معها يعني مرغم اخاك....

ونحنا من مبدأ احب لاخيك ما تحب لنفسك منمزح مع الموظفه...

بس السؤال انو يا شباب ليش ما بتمزحو مع الموظفه البشعه ...؟؟ sh:tounge

asayl

18-10-2007, 18:47

بصراحه كلامك صح ميه بالميه لأن الشباب بهل الأيام مدري كيف طبعاً ماعم وجه الحكي لكل الشباب لأ للي فيهن هي الصفه تعيت الحركشه بالبنت

بقى بهيك مواقف البنت بتبان على حقيقتها اذا كانت قد حالها أكيد رح تصدوا من أول مارح يبلش بالحكي
يعني بترجع لشخصيتها وتربايتها وثقتها بحالها وأكيد مافي مانع انها تخوض جميع المجالات اذا كانت قد حالها حتى لو اشتغلت زبال اذا كانت محترمه الكل رح يحترمها

صح حكي يما لأ

هاد رأئيي السخصي arada

تحياتي الك على موضوعك

أنووووس .............. ربي يسر sh:eye

أصوله

الوحـــــــــــــــــــيده

crossinganonym

18-10-2007, 18:55

والله معك حق اصولة شو ما اشتغلت البنت مومشكلة

المهم انو تكون قوية الشخصية ومحترمة ...بس عند جد ان طرحت الموضوع اصلا انا اختصاصي مختبرات طبية بس احدى الموظفات هنا سألتني ليش هنا يعتقدون انو البنت او موظفة الاستقبال

لازم تضحك لهذا وهذا على فكرة يمكن تكون الغلاظة من احد الدكاتره او الممرضين او الموظفين على حسب المركز الذي تعمل به .....................arada

إيـــاد

19-10-2007, 21:08

شو رأيك ترجعي تدوري على شي شغل مستور ومتل العالم والناس ؟؟

caser.net

19-10-2007, 22:48

شو رأيك ترجعي تدوري على شي شغل مستور ومتل العالم والناس ؟؟

أول شي أخي أبو إياد بظن هالشغل مو عيب على المرة وأنا من مشجعينو

ثاني شي لصاحبة الموضوع أنا بالنسبة لرأيي

ما في مشكلة لو المرأة اشتغلت سواء موظفة استقبال أو إذا درست تمريض تشتغل ممرضة بس في حال ما كانو بحاجة يفضل تضل قاعدة ببيتها

إيـــاد

20-10-2007, 02:08

العمل غير لائق لك يا اختي ..
الا اذا كنتي مضطرة كتير كتير وكان هالعمل مافي غيرو .. وكان ضرورة من ضروريات حياتك ...
والسبب ... حفاظا عليكي من الاخد والعطا مع اشكال والوان من الرجال
يا ترى ضمنانة كل شخص كيف ح يطلع فيكي .. وشو ح يحكي معك ؟ وشو ح يطلب منك ؟
ولو حتى كنتي قد حالك ... مو معناها تحطي حالك تحت الضغط وانتي مالك مضطرة

انا ضد عمل المرأة بهالمجال ... شبون الرجال ؟ ما عاد في رجال بيعرفوا يحكوا كلمتين مفيدين مختصرتين ويستقبلوا هالعالم ...
ما بدي احكي كتير.. ولكن يا اختي قبل ما تشتغلي اسألي حالك هالسؤال
ليش صاحب الشغل شغلني أنا بدل هداك الشب الي قدم المقابلة معي ...
واذا كانت الاجابة "لاني بنت" ... فبرأيي قبولك للعمل كارثة ...

وفقك الله

إيـــاد

clin d'oeil

20-10-2007, 08:06

shaitan قديش كانت الحياة حلوة لو ما فيها شبابshaitan

هذا أنا

20-10-2007, 10:18

اسمحيلي شارك برئي ..
هلئ انا بصراحة مو كتير من مشجعي الشغل للبنت إلا اذ كانت كتير محتاجة ..
ليش ما بشجع عمل البنت بأي عمل لأنو هي بمجرد الطلعة والفوتة كل يوم من البيت رح تصير هي أجرئ يعني جريئة اكتر يعني بتصير تحب تحكي مع كل الناس وما كتير رح يفرق معها الأخد والعطا طبعا مو الكل ..
أما شغلة موظفة الاستقبال بالذات هالشغلة صعبة شوي كتير لانو قد ما كانت قد حالها الاجواء المحيطة رح تزعجها وبالتالي يارح تترك الشغل يا رح تجاري الموقف بقى مو شغلة هالشغلة ..
يعني اذا كانت كتير مضطرة على وظيفة أنا برشح او بحس انو انسب شي انسة مدرسة طبعا غير لما تكون معها شهادة جامعية عليا وحابة تشتغل بشهادتها صحيح هي شغلة الأنسة متعبة بالتعامل مع الجيل الصاعد بس الفتاة بالاساس خلقت لتكون ربة منزل وتربي اطفالها فمو مشكلة اذا كانت انسة وخرجت اجيال من تحت ايديها واكيد رح تقدر وبدل ما العالم تنظرلها نظرة مو منيحة بالعكس الكل رح يقدرها ويحترمها ..

clin d'oeil

20-10-2007, 10:34

رح أرسم صورة الفتاة المثالية اللي بيحبوها الشباب
أو بالأحرى رسموها بباب الحارة
البنت الحبوبة المهضومة اللي بتفني حياتها ي سبيل زوجها
لازم تكون بعمرها مو طالعة من البيت ولا قايلة لشب مرحبا لأنو ما بعرف شو بيصير إذا قالتها يعني مثل ما بايس أمها غير تمها ما بيكفي لحتى يحس الشب بالملكية المطلقة لزوجته
لازم يكون البيت نضيف ومرتب ومهفهف
الولاد أحسن ترباية
ولما بيجي الزوج التعبان من الشغل يكون الغدا جاهز والابتسامة اللطيفة عالوجه ولازم كمان تكون رتبت حالها بين ما إجا
بعد الغدا لازم تأمنلو كل الأجواء الازمة لحتى ينام منيح
وعندها تدريس الولاد كمان
بهالوقت هوي بينام وبيرتاح وبعدها بيقوم لازم تكون الفواكه أو القهوة جاهزة والدنيا كتير رايقة بالبيت
يعني شي تمام
بعد ما يرتاح الزلمي من شغل النهار وارتاح وأكل هلأ صار لازم يرفه عن نفسو ولازم يشوف رفقاتو ويروحو يغيرو جو
بيترك البيت وما بيرجع لحتى تخلص السهرة أحسن كمان ما يقولو عنو رفقاتو مرتو مسيطرة عليه
يعني ممكن يرجعلها الساعة 3 الصبح مثلا مو مشكلة أو بعد كمان
بتكون هيي بهالوقت بالبيت محبوسة بين أربع حيطان عم تأدي واجبها المقدس تجاه بيتها وزوجها
بيجي وقتها تعبان من السهرة طبعا
لازم تكون ناطرتو ما بيصير تنام وهوي لسا ما رجع بلكي اعتاز شي
بتقلو بس يرجع الله يعطيك العافية كمان
وبينام
وما رح نحكي عن الواجبات الأخرى عيب

هي هيي الحياة تفاني
وبس بدها غرض لألها ((( وهاد شي كتير مهم))) لازم تطلب منو مصاري مشان تشتري ويا بيرضا يا ما بيرضا وهالشي كتير مهم لأن المرأة ما لازم تستقل ماديا أو أصلا يكونعندها قدرة على شراء فرشاية أسنان هيك بيحس الرجل بالسيطرة الكاملة على مرتو

أما واجبات الرجل يشتغل كم ساعة ويجي بعدها يرتاح كل النهار وما يحس بأي مسؤولية تجاه بيتو وولادو ولا أنون بشر ولازم يعبرهون
يعني تجوز بس بيضل عايش عيشة عزابي
وهي اللي ما بعرف شو بدي أوصفها حياتها وين؟؟؟؟
بيكفي هيك ولا بدكون شوية سيطرة لسا

DODOSeri

20-10-2007, 11:59

الشغل مو عييييييييييييييييييب

طالما هيي محترمة حالها و قد حالها الله يوفقها والشي اللي عم تتعرضلو ممكن تتعرضلو باي محل كان

الشغل مو عيبaha :akeeed:

antic

20-10-2007, 21:27

والله المشكلة يا شباب مو بالبنات ولا الشباب

المشكلة بالسياحة لأنو من المنطق أنو يكون في صبايا وشباب ع الأستقبال

بس عنا اذا كانت واقفة صبية مدري وين بيروح عقلن وبيصيرو بيحلمو أحلام وردية

أو اذا كان شب اما بيضحكوا عليه وبيقولوا انو طانت أو بيقولو مو حرام أنو شب يوقف هيك وقفة

مع أنو يا شباب شغلة الأستقبال ببلاد برا هية أهم جزء من التسويق بشكل عام وما في قواعد بتحكم اذا كان شب أو بنت
بس مو مشكة لسا الناس مو متعودة وإلا ما تتعود بالأخير.............

DODOSeri

21-10-2007, 15:15

ههههههههههههههههههه مظبوط اختي انتيك والله مظبوط شكرا على المداخلة

Mr. Man

21-10-2007, 15:40

shaitan قديش كانت الحياة حلوة لو ما فيها شبابshaitan
ءديش !!!!

DODOSeri

21-10-2007, 21:00

لو ما فيها شباب !!!!!!!!!!!! بيجوز كان احسن لإلنا قبل الكن :p

إيـــاد

21-10-2007, 21:32

يا لطيف شو معقدة !!

serenity

21-10-2007, 23:35

هلئ طلع الحق عالسياحه بالاخير .....

يحرء .. مع انو انا بحمل شبكه المجاري كامل المسؤوليه .. ههههههههههههههه

يحرء ....

ايييييه لك ريتو ما يبلى وايتخ هالشعب تبعنا .... شي روااااق

crossinganonym

23-10-2007, 10:00

بشكر كل من اعطى رأيه ....

بس حابة رد على قالوا شغلة الاستقبال يجب ان تكون للشب

مو صحيح لانو راتب هالشغلة مو كتير بالنسبة له وخصوصا انو الشب لازم يبني
مستقبله من اجل مصاريفه الزواج الاولاد ...الخ ...اما البنت بتشتغل من التسلية ممكن الحاجة ممكن لترى ما يدور حولها وتتطور ....

وبدي رد على الذي يقول لها اجلسي بالبيت ليش البنت تجلس ليش ما تطلع وترى العالم
ليش تجلس وتنتظر عريس الهنا ويمكنيجي ويمكن لاء .....خليها تعتد على حالها ...

مادام تعمل بكل احترام وادب .....

crossinganonym

23-10-2007, 10:06

ليش ما بشجع عمل البنت بأي عمل لأنو هي بمجرد الطلعة والفوتة كل يوم من البيت رح تصير هي أجرئ يعني جريئة اكتر يعني بتصير تحب تحكي مع كل الناس وما كتير رح يفرق معها الأخد والعطا طبعا مو الكل ..

انا لااوفق ان تكون اجرئ بمعنى جرأة الخفية والمياعة ..لن تكون جرئية بمعنى الجرأة ولكن
ستكون اقوى ....مادام عم تحكي بادب واحترام ....وهي التي تعطي الحد لمين ما كان
ولن تعطي للاخذ والعطا .......................سواءا كانت محجبة او غبر محجبة .......

حلوة يا بلدي

25-10-2007, 01:06

يسلموووووووو عزيزتي على موضوعك وسؤالك
واسمحيلي بإضافة رأيي
أنا بصراحة بصراحة ماكتير بحب فكرة الشغل للبنت
بس بنفس الوقت ما برفضها رفض تام
يعني كل بنت وعندها سببها لحتى تشتغل
وبغض النظر عن سبب كل بنت
أنا بشوف إنو البنت باحترامها للي حواليها واحترامها لشخصها الكريم
هية اللي بتفرض على كل الدنيا إنها تحترمها
يعني صح أنا مالي شب ، بس والله والله إذا مو دائما ففي أغلب الأحيان
إنو تصرف البنت وطريقتها هية اللي بتخلي الشاب يحترمها او يمزح ويتمادى معها
يعني اللي بتحترم حالها بتعرف تتصرف صح وما بتترك مجال لأي حدا إنو يغلط معها
وفي شغلة كمان ، أل شو اللي جابرك عالمر غير اللي أمر منووووو
يعني أحيانا بنضطر نكون بهيك مواقع من العمل لأنو ماعم نلاقي الأحسن

بس هوة شو اللي زرع فكرة الغلط بهيك شغلات بقلوب وعقول الناس ؟؟
بتتزكري عزيزتي لم كنا بالمعهد سوا ، كانت دراستنا بمجال التحاليل المخبرية
فالمهم كانت كتير تجي طلبات للمعهد ( مطلوب فنية مخبر حسنة المظهر للعمل بالمخبر الفلاني )
كانو يا حرام الشباب كتير ينزعجو ، إنو هنة أحوج للشغل من البنات وبالأخير بنشوف هيك طلبات
وطبعا شو السبب غالبا بطلب إنو الموظفة تكون بنت
للأسف غالبا بيطلبوا بنت تحديدا لحتى تكون واجهة وتجيبلهن زباين أكتر
وفي منهن كتير ياحرام بتفكر حالها شي شغلة وبتروووح مبسووووطة عالشغل ومالها عرفانة حالها إنها رايحة لتكون واجهة ومنظر لجلب أكبر عدد من الزباين ، أو حتى لو بتعرف يمكن ما بتفرق معها ؟؟!! ( مو الكل ، يعني لسا الدنيا بخييير وفيها بنات بياخدووو العقل بأخلاقهن وكل شي فيهن )
طبعا أنا قلت غالبا ، يعني أحيانا بكون الطلب بنات فقط ، لأنو صاحبة الشغل امرأة وبتحب يكون الوسط كلو إناث ، يعني لازم نترك مجال لحسن الظن ؟؟؟!!!

أسفة كتير لأني حكيت كتير ، بس صاير فينا بس بدنا مساحة لنتنفس ونحكي ونعبر عن رأينا

أبوالعز

25-10-2007, 04:17

والله الشغل مو عيب
بس هيك شغلة رح تعرضا لكتير مواقف محرجة
وأنا متأكد من هالشي
لهيك بلا هالشغلة أحسن

crossinganonym

26-10-2007, 13:58

مرحبا يا جماعة .................

يسلموا ايديك حلوة يا بلدي وذكرتيني بالذي مضى كيف كنا بالمعهد نشوف اعلانات
الشغل والاغلبية للبنات ...بس كان بعض المخابر الطبية يفضلوا ايضا الشباب ..وهيك
وانا استمتعت برأيك الحلو وما طولت ابدا علينا....وبتمنى دوما حبيبتي شوف رأيك دائما

على العموم الله يسر على كل البنات والشباب ...ويختار لنا الخير .....