الكذب ملح الحياة بس زاد مو؟

[clin d'oeil]

قد يكون الحظ العاثر فقط كما نسميه وقد يكون عدم قدرتنا على اختيار من نتعامل معهم
قد تكون الطيبة الزائدة إلى حد الغباء أو تفكيرنا بأن الدنيا ما زال فيها خير
النتيجة واحدة: يتم خداعنا بأبسط الطرق وتمر الكذبة بس الشاطر بيتعلم من كيسو
ولكن ((((هذا كلام))))
في كل مرة نقوم إثر السقطة ونقول أن الدنيا بخير ونتعامل من جديد مع الناس على أساس النية الصافية
إذا كل واحد عد كم مرة انكذب عليه وبالمعنى الكذبات التقيلة
مو رفيقك كان بدو يجي لعندك ونطرك أربع ساعات وما إجا وكنت محضرلو سفرة طويلة عريضة
وكم مرة انعادت عليك الكذبة نفسها؟
سؤال بس
إذا بتحب جاوب

[serenity]

هلئ بين الرفئات مافي كزب ...في انو تحميل منيه

متل .. لك وينك يازامه صرلي نص ساعه متبسمر بنص الطريق وعم انتظرك ...

فهون الزلمه التاني رح يحاول جاهدا انو يجي ابكر شوي مشان يسمعو نفس الديباجه...

هدول الرفقات ... بس في عالم يلي انت اصدك عليهون الكزب بدمهون ومفكرين حالون حربيئ
فهون الواحد لازم يتعلم الكزب مشان يكشفهون لانو كزاب ما بيكزب على كزاب

على وزن طحان ما بيغبر على خباز او بالعكس ....

[حسن]

إذا كل واحد عد كم مرة انكذب عليه وبالمعنى الكذبات التقيلة

اوووووووووووووووووووه بدهن آلة حاسبة هدول لينعدوا...

بس بتعرفي صديقتي ؟؟ برأيي هالكذبات اللي تعرضنالها اثناء حياتنا, وهالكفوف والمقالب اللي اكلناها, ماهي الا شهادات خبرة عم تنضاف لمعرفتنا والـ Cv تبعنا بهالحياة...

يعني رب ضارة نافعة ;)


تحية لموضوعك اللطيف..

[clin d'oeil]

في دروس منتمنى لو ما أخدناها
وخبرات أحسن لو ما أخدناها

[السيّاف]

مرحبا ......... إسمك صعب الصراحة ماعلينا

كم مرّة أنعادت الكذبة أو الموقف أو أو أ, ؟؟؟
المشكلة إنو لما بلشت وفكر وعد لقيت إنو فعلاً قد أكون
إنصبت من نفس المكان أكثر من مرة واحدة
خصوصاً عندما يكون المسدد شخص محترف جداً
وقادر على الشحاذة بطريقة رهيبة "شحادة المشاعر شحادة المصاري شحادة الرأفة شحادة الطويل"
ما بدي كون مثالي وقول إنها بتنضاف لل Cvهية الصراحة بتنضاف على سجل الخيبات اللي كل ما بتذكرها بشعر بخيبة أمل كبيرة مو بالأشخاص بنفسي أحياناً لأني ما تبت
على كل الأحوال
ماعلينا

[clin d'oeil]

خلص بلا هالاسم لأني أنا كرهانتو بس ما عم لاقي بديل إذا في عندك شي اقتراح يا ريت سياف
يمكن منرجع منوقع بنفس الفخ لأنو نحنا ما عم نتغير
يعني بصراحة ما منتعلم من أخطائنا يمكن لأنو ماشيين عمبدأ أنو مو كل العالم هيك فإلا ما نلتقى بشي واحد من العالم اللي هيك

نسرين

[clin d'oeil]

لفت اتنباهي كثرة الإحصائيات في الإعلانات
معجون أسنان ينصح به مدري قديش % من أطباء الأسنان
معجون أسنان تاني كمان ينصح فيه فوق 80% من أطباء الأسنان
سؤال: كيف زبطت؟؟؟
كذلك مستحضرات التجميل والشامبوات اللي بتعطي مظهر خيالي للشعر
شامبو يقضي على القشرة بغض النظر عن السبب اللي أصلا سبب القشرة
كريم يقضي على التجاعيد ب15 يوم فقط (ما بعرف لكن ليش عمليات التجميل)
وكللو ألو إحصائيات وكللو بيطلعو ممثلين وممثلات بينصحونا فيه.
كذب معلب مبهرج مدروس منيح كمان

[perfect]

المشكلة انو مابروح فيها الا يلي قلبن طيب وبفكر انو كل الناس نفس السستم وبالاخر بينصدم بهيك كزب بس الواحد بيتعلم من كيسو ...اما بالنسبة للاعلانات فهي الشغلة او الكزبة تعودنا عليها وهي من اساليب الترويج لتخلص من البضايع حتى انو اي حدا منا ممكن انو يمارسا حتى لدرجة انو نحنا منساعدن على هاد الكزب متل انو تقولي لرفيقتك انا بستعمل هالكريم وكتير منيح يعني نحنا النا دور بهالترويج او بالاحرى الكزبة ...تقبلي مروري

[cuty_lu]

.. اي شو القصة ما بدا..
بي كول على طول..
مناكل المقلب .. مننتكس يومين تلاتة.. ومنرجع طبيعي..

في فكرة بتقول.. منيح اني كشفت الكزبة هلأ مو بعدين ...شو مشان ؟؟!!:tasaaol:

هون بتكون اكلت الكزبة واكلتا مبسوط على شو؟؟ :yaturaa:

بس بجميع الاحول.. في كزبات. مفيدة متل ما صار ونحكى من قبل..
ومتل ما قال اخي حسن.. رب ضارة نافعة..

يعني لو عشنا وما اكلنا ولا كزبة.. او ولا مقلب.. ما رح نعرف انه في مقالب بالحياة..

وممكن نكون نحنا بقلب المقلب .. لهيك.. حلو تعرفي عالم.. كتير.. تاكلي مقالب كتير..
وتاخدي خبرة بالحياة.. شوي شوي تقدري فيها انك.. تكزبي الكزبة قبل ما تنزكب اوقات.. aiii

بئى يا نسرين يا عيني .. كل ما اكلتي مقلب.. تفائلي انه يكون مافي بعده.. شي مقلب بشبه..
لانك.. شبه كشفتي المقلب.. وشبه عمتكشفي الشخصيات يلي عمتتعاملي معا شو هي ..

(( بس في شي اخير .. بدي قوله.. اكره شي بموضوع الكزب.. والمقالب .. انه ممكن توصل(( وهي نتيجة بيوصلا الغالبية من رأي الشخصي )).. لمرحلة .. ما تثق بحدا حوليك.. وهون .. بتكون .. عشت المشكلة الحقيقة للكزب.. ))

نسرين والكل.. تقبلو مروري..
وشكرا عالموضوع الرائع..

[لميس]

انا قليل إنكذب عليا مش قليل اوي يعني < لحفظ ماء الوجه>
الكذب بلهجة أهل مدينتي إسمة لهوطه
وانا لهواطه كبيرة اوي اوى
غصب عني ببالغ في كلامي
لو اتصلت مره واحده وما حدا رد عليا بفضحهم واقول صرلي اسبووووووووع اسبووووووووع مو يومين او تلاته عم دق وما حد عم يرد عليا

والله انا مش كدابه يبس غصب عني بلهوط

[ابن جبل النار]

شكرا عالموضوع الكزب مش بس ملح الحياة هو الحياه بأكملها , اصلا احنا ما بنعيش بلا كزب يخرب بيتو متل الميه, بس كمان ما بننكر انو في كزب منيح للإصلاح بين المتخاصمين او لمنع مشاكل كتيرة بس كمان زودوها بالتجارة و السياسة والدين والتاريخ وحتى بين الازواج -قد يكون ايجابي-
بس الاخطر هو بناء علاقات اجتماعية على اساس الكزب من حب وغرام الى خطوبة بعدين زواج ازا وصلت للخطوبة اصلا
ويطول الكلام في هذا الحال بس بنقوول الله يصلح الجميع