هاي شباب و صبايا بدنا رأيكم

[x-girl]

هلا الكل بيعرف انو للبنت عالمها وللشب عالمه و احنا صرنا بعصر النت و الموبايل بس لسة الفجوة القديمة اللي من الماضي موجودة يعني:

هلا لما تكون البنت متعلمة و بتجاري العصر و تكون مثقفة بيخاف منها الرجل لا و بيعتبرها من اعداؤه لانه هو بدو يكون الكل بالكل و لما البنت تكون من النوع العكسي تماما صارت بنت فاشلة و الها اي هدف
ما بيرضى تكون احسن منه و ما بيعجبه العجب في حد يمكن يقلي ليش؟

[DODOSeri]

هههههههههههههههههههههههههههههه شو صاير معك ليش x- girl انا برايي اللي من هالنوع اللي عم تحكي عنو ( لا بيحترم ثقافة البنت ولا بيقدر سبب عدم معرفتها بكتير شغلات ) حلقيلو
لانو بحياتو مارح يقدرها او يحترمها حتى لو برهن عكس هالشي هاد ........ على فكرة توقيعك بيجنن

[الملك@@@@]

شكراً على الموضوع المفيد لأنك وضعتي يدك على الجرح الذي يعاني منه الكثير منا
في عصرنا هذا من الطبيعي ان يكون لكل واحد منّا عالمه الخاص
في عصرنا هذا أصبح الرجل والمرأة في مرتبة واحدة من العلم والثقافة
لا يوجد رجل يخشى امراة وأنما يخشون علم وثقافة المرأة
العلم لا يقتصر على الرجال وحدهم و أنما للمرأة لها الحق في امتلاك العلم و الثقافة التي يمتلكها الرجل فثقافة المراة اصبحت من ضرورات الحياة بالنسبة لها وعلى كل رجل أن يحترم آراء المراة ويحترم تقافتها وعلمها
فالمراة اصبحت تنافس الرجل في كثير من المجالات و هذا من حقها كما هو من حق الرجل أيضا
فالرجل لا يهتم لامر المرأة التي لا تمتلك ثقافة وانما يلفت انتباهه ثقافة المراة وتفهمها للأمور بشكل صحيح

[x-girl]

اول شي شكرا على المرور بس انا حبيت اخد ارائكم لانه صارت معي قصة جد ما بعرف ليش هيك صار :
انا عندي رفيقة مخطوبه لشب تنيناتهم بيشتغلو نفس الشي اجت للبنت فرصة تشتغل بمرتبة اعلى منه طبعا كان رده لخطيبها اما انا او شغلك حاولنا نحكي معه و نفهم ليش قاللنا انو ما بدو يحس انو بتقدر يوم من الايام تكون مسؤوله عنه و حاولنا ناخد اراء كتير شباب معاهم كان الهم نفس الرد مع العلم انه الكل متعلم
فانا كنت محتاجه قوة اقناع لهالمخ السميك

[الملك@@@@]

هااااي
والله المشكلة شوي صعبة لأنو الظاهر انو صاحبنـا مخو سميك
الحل
اذا رفيقتك بتحب هاد الشخص ورايدتو لازم تضحي وهو يتحمل النتائج
يعني الحب لازمو تضحية
بس لازم هيي تحدد شوبدها بالضبط يعني لازم يقعدوا ويتناقشوا
وتشوف شو اللي بيناسبها أكتر تساويه لأنو بالنهاية هي فرصة الشغل ما بتتعوض
والشريك المناسب للحياة ما بيتعوض اذا هي شايفة انو هالشخص مناسب ليكون شريك حياتها لازم اضحي بس مو لازم تضحي وتطلع بالاخر ايد من ورا وايد من قدام
انارائي بالموضوع التالي
لازم اتضحي بشغلها اذا هالشخص ليش بالشريك الماسب
لازم اتضحي بخطيبها اذا كان غير مناسب وتلتفت لشغلها
أمّا انها تربح شغلها وتربح خطيبها بوقت واحد هاد شي مستحيل مع شخص من هالنوع
لوكان تفكيروا حضاري كان بيصير غير هالشي بس بهالوضع هاد
اللي قلتو أنسب حل ولازم تعتمد على قدتها بالأقناع وتحكم عقلها قبل نفكيرها
الملك

[caser.net]

هذا خطيب رفيقتك بعض وليس الكل

بظن هيك بكفي

[serenity]

هيك شغلات تعود للعلاقه الترابطيه بس الرجال ومرتو.... وما بتوقع انو للعلم دخل بالموضوع

لان هاد احساس بيتولد عند الرجل ..

متل ما قال ابو الخل عند البعض مو الكل

[x-girl]

هاي
يا جماعة انتو فهمتوني خطأ انا كان قصدي انو في شريحة من المجتمع الشريحة المتعلمة يعني عايشة في التطور والخ بس مع هيك لسة التفكير القديم موجود و القصة كانت مثال على هيك و اللي قصدته انا من كل هالحكي انو كيف بنقدر ننكش مخاتهم وانا ما عم عمم ابدا بس الكل بعرف انو لكل قاعدة شواذها (يعني مو الكل هيك)

[القسور]

:

هلا لما تكون البنت متعلمة و بتجاري العصر و تكون مثقفة بيخاف منها الرجل لا و بيعتبرها من اعداؤه لانه هو بدو يكون الكل بالكل و لما البنت تكون من النوع العكسي تماما صارت بنت فاشلة و الها اي هدف
ما بيرضى تكون احسن منه و ما بيعجبه العجب في حد يمكن يقلي ليش؟
مرحبا
هاد الكلام غير منطقي يعني :
مو كل الشباب بيخافو من البنت المتعلمة أو بيقولو عن البنت الغير متعلمة فاشلة
ممكن تكون بنت غير متعلمة أحسن من 100 بنت متعلمة و ممكن العكس
و بتضل البنت بنص عقل
و بيقول المثل :
مرا بتفهم ع مليون زلمة بس مليون زلمة ما بيفهموا ع مرا
شي حلو والله
القسور أبو رعد

[clin d'oeil]

يعني مجتمعنا ومنعرفو
وبس
ما في شب بيرضى يرتبط ببنت بيحسها أحسن منو وخصوصا إذا هيي ورجتو هالشي وهون المصيبة لما بتصير بتحسسو أنو أقل منها
وقتها يا ستي بياخد هالردة الفعل وبيصير يا هوي يا الشغل ومو ضروري تكون حاسة على حالها شو عم تعمل
بس تأكدي إذا من أولها هيك فبالمستقبل مافي أمل منو هاد خلص حفظيه هيك
رح يضل معها طول العمر هيك مع أنو من الممكن أنو يكون مع غيرها غير هيك

[lovely_baby]

والله أنا برأيي انو البنت طول ماعم تعمل شي صح
وما بيغضب رب العالمين...

لازم تبقى ماشيه وما تحسب حساب لحدا sh:tounge

لأن والحمدلله شو ماعملت ها.... شوووووو ما عملت
الا في حدا عنده اعتراضsh:ohmy

وبعدين نحن عايشين بهاد المجتمع
وشي طبيعي انو يكون في هيك وفي هيك
مستحيل يكون رأي الكل متل بعض.......
وعلى قولة المتل ( لولا اختلاف الأذواق ما نفقت البضايع) :asefff:



sh:hi

[~^*lilas~^*]

يعني انا براي ماكل اصابيعك متل بعضها
واذا في هيك عالم هدول يعني عدم المؤاخذة معقدين