المساعد الشخصي الرقمي

عرض الإصدار الكامل : ماهو ستايلك في رمضان؟

cool lolo
13-09-2007, 12:37
السؤال الذي يتداوله طلاب الجامعات بين بعضهم ؟أو على ألأ قل طلاب جامعتي ويعلنون قبل رمضان انون مو صايمين

فللاسف منذ رمضان الفائت صادفت الكثير من طلاب وطالبات الجامعة لانه

هو شب كووووووول والصيام يتنافى و تركيبة شخصيته المكولة و اكيد التحدي بين الشباب مين مكوووول اكتر
والأهم الفتاة الكووول التي لم تصوم لانها الموضة الدارجة بين الصبايا هيك الدارج مو بايدها
وأن الموضوع مرتبط بستايل الشخص وماهو عليه فهو الشب الكووول والفتاة الأكول ومع ذلك هما لم ينسيا انهما مسلمين و الدين بالاخير بالقلب
وان كنت ممن يصومون فانت من الستايل التقليدي



بس أنا يلي شايفة الموضوع غريب لحالي أو هو غريب ؟ وأين الأمر بالمعروف والنهي عن المنكر الذي أمرنا به

فانا برايي أقل مايجب ان نفعله هو عدم مجاراتهم وانئلون انتو غلطانين مو نبتسملون :tasaaol: كما يفعل الغالبية
~^*lilas~^*
13-09-2007, 16:27
يعني كلامك الحقيقة صح 100/100
يعني اذا كنت صايمة فبيعتبروك انسانة متخلفة ومانك كوول متل ماقلت ومتخلفة ورجعية
وبعدين اذا هني الشباب والبنات الكووول عم يعتبروا اللي بصوم هيك
خليهم يصيروا كووووووووول ادام الله سبحانه وتعالى
يعني كمان انا براي مافيها شي لو قلتيلهم
يعني في حديث عن الرسول انا ما حافظتو بس بمعناه انو من راى منكراً فليغيره
يعني اللي بشوف شي مامنيح يغيروا اما بلسانه او بقلبه
يعني انا ماحافظة الحديث بس هيك معناه
وشكراً
nisreen a
13-09-2007, 17:08
مرحبا

الموضوع كتير مهم وحلو .,.

انا مع الستايل يلي بيشرب مي وبيكتر منها ...:hmmmm:
yahyato
13-09-2007, 21:42
السلام عليكم
انا مع زميلتي نسرين انا مع اللي بيشرب مي وخاصة انو طق الحنك اللي ما لو طعمة بعطش
ولا شوووووووووووووووووووووووووووو
jouly22
13-09-2007, 22:31
مرحبا
عفوا منك يلي كاتب الموضوع
يعني انا بستغرب من وين بتجيبو هالكلام احيانا بحس حالي عايشي بغير بلد
انا طالبة جامعة وساكنة بحمص وابدا ماصح يعني انا اول مرة بسمع انو في بنت او شب مانون صايمين لانو ماستايلون يكونو صايمين
بالعكس تماما حتى يلي فعلا ماصايم مابيقول انو ماصايم ادام رفقاتو يلي صايمين
وكل العالم عم تصوم ويلي قبل مايصومو بالسنتين الاخرتين صايرين عم يصومو
فمابعرف من وين طلعت قصة الستايل
وشكرا
سلامي
القسور
16-09-2007, 10:58
مرحبا لولو
الموضوع جيد و بيستحق النقاش
أنا بقول عن هاد النوع من الشباب فاقد للشخصية و عديم الثقة بالنفس
...........
jouly22مو ضروري أنو نسمع هالشي بين الشباب ولكن الفكرة صحيحة و كتير من الشباب بيفكروا بهالطريقة
القسور أبو رعد
G-u-nit
16-09-2007, 14:19
مرحبا
أنا مع الموضوع و في نفس الوقت أنا مع joly22 أحنا في رمضان مثل الرسول نأكل تمرات ثم الشوربا ثم نصلي و لبين ما نصلي يكون النساء حط الأكل ونرجع بناكل و لا تستغرب لأن هذي العادة قديمة و ما زالت تمارس و ما في أش أمو ستايل رمضان من هدا الحك المائلو معنى * لاتواخذني* أتمنى أن تكون وصلتك الفكرة الصح
وشكراً
القسور
17-09-2007, 08:57
G-u-nit إذاكنت انت أو أهلك بتتبعوا سنة رسول الله عليه الصلاة و السلام في غيرك كتير ما
بيتبعوها و في ناس ما بيعرفوها
وأنا بعرف شباب لما يروح أحدهم يقابل صاحبتو برمضان يفطر لمجرد أنو هيي ما بتصوم
وكل النهار ما بياكل أي شي بس بيدخن سيجارة قداما و بيشرب معها فنجان قهوة
القسور أبو رعد
pacha
17-09-2007, 11:11
ما بعرف يمكن وصلت التفاهة عند بعض الأشخاص لدرجة انهن يفصلوا الدين تفصيل و يصير شي ع الموضة و شي مو ع الموضة.
للأسف الشديد, هالكم يوم صاير في نسبة لا يستهان بها بين جيل الشباب لديهم تفكير غريب و عجيب. تفكير و طريقة حياة بعيدة كل البعد عن أدنى درجات الحس بالمسؤولية لدرجة أنو أنا بسأل حالي " كيف رح يكونوا هدول أهل و يربوا ولادهن؟"
أما بالنسبة لمبدأ " الدين بالقلب" و هو الستار يلي بيتستر وراه كتير من الناس يلي ما بيعملوا حتى الأساسيات, بس بحب ذكر أنو الصيام من أركان الإسلام, و ليس شيئ ثانوي في الدين.



و الله يستر
roza-sb
17-09-2007, 14:16
عنجد هلموضوع مومئبول ابدا
شو علاقة للدين ولصيام بلكول
يلي بيتصر ف بهل طريقة
ايمانو بيكون كتير ضعيف
الهــارب
20-09-2007, 06:34
الأخت cool lolo كلامك يشير إلى واقع ملموس لايمكن لأحد أن ينكره وأمامه نقول
حسبنا الله ونعم الوكيل
أما عني أنا نازل عالجامعة بالستايل التقليدي وأنا به فخور
تقبلي تحياتي
أخوك الهــارب
zooro
20-09-2007, 11:21
لازم ما نستغرب بهاليومين كل شي بالعكس و بيقولولك ( الجامعيين المتخلفين ) اللي لديهم هالأفكار المعتمة الضبابية أنو هالشي مواكبة للعصر و عاداتنا و ديننا منافي للحداثة و التطور !!!!!!!
G-u-nit
20-09-2007, 23:11
بصراحة كلام zooroصح كل شي بالعكس هالأيام و خصوصاً برمضان ما حد يستنا بس عشان مشاهدة المسلسلات و الحاجات المائلها أي معنى عند المجتمع و عادات و تقاليد المجتمع
asayl
21-09-2007, 02:02
لك يا جماعه انتو شوبكن يعني ليش مدايقين كتير شي منو كتير ما تستغربوا
دنيا أخر زمان

بس شو المانع انو ماتكونو كوووووول منشان رفقاتكن يعني هنن رح يدخلوكن على الجنه

أستغفر الله العظيم عنجد احتاروا شلون بدهن يلفتو الأنظار ناس أكتر من تافه :hmmmm:


(ربنا لا تؤاخذنا بما فعل السفهاء منا ):D



تحياتي






أصوله :wleeee:









الوحيده
antic
21-09-2007, 03:59
هالحكي أكتر من الصح...................


بس بتعرفوا وين الغلط الأكبر؟؟؟؟؟؟؟؟
أنا بقلكن
أنو يكون الواح صايم ويقوم يطبل ويزمر وما يضل حدا بالحارة وما يعرف أنو صايم
اما من قد ما بيقول أنا صايم أو كتر ما بيكون بارم وشو وقالب خلقتو

والله الصيام مو بكتر الحكي والعصبية...........