قرص الاقلاع باللاب توب؟

[Layalii]

مرحبا
اخ يوراميوم انا عضوة جديدة بالمنتدى ولفت نظري معرفتك بالكمبيوتر لهيك بكون شاكرة اذا بتساعدني بهاد الموضوع
بشكل عام كيف ممكن نعمل فورمات لقرص صلب فيه بارتشن واحد
علما انو جهازي لابتوب وما عندي فكره كيف ممكن انشاء قرص اقلاع باللابتوب وحابة اعمل فورمات للهارد قبل ما نزل ايا نظام
وشكرا كتير لكل شخص بيقدر يساعد

[يوراميوم]

أي قرص حاوي على نظام تشغيل Windows هو قرص قابل للاقلاع ومنه يمكن التهيئة وإعادة التنصيب

لايمكن إنشاء قرص إقلاع في Windows XP إلا باستخدام برنامج موجود على موقع microsoft وأنت لا تحتاجينه وذاك البرنامج يضع نظام الإقلاع على ستة أقراص مرنة.

بالنسبة لكيفية التهيئة:

عند وضع القرص الليزري الخاص بالتنصيب في السواقة وتركه لنتهي من تحميل ال Drivers الخاصة بالتعرف على مكونات الحاسب الأساسية، تظهر نافذة تطلب منا الاختيار بين الأمور الثلاثة:
1.الضغط على [Enter] لبدء عملية التنصيب
2.الضغط على الحرف [R] للدخول إلى ال Recovery Console وهي بيئة أوامر سطرية
3. الضغط على [F3] للخروج من الإقلاع

عليك باختيار البند الأول وبعدها الموافقة على اتفاقية الترخيص التي ستظهر بالضغط على F8 ، وفي الواجهة التالية إن كان لديك نظام أصلاً على الحاسب سيظهر ضمن النافذة التالية، وهي تخيرك بين إصلاح النظام الحالي أو اضغط على ESC للدخول لواجهة أداوت الأقراص لتحديد قرص ما لتنصيب النظام عليه، وبما أنه لديك بارتشن واحد (وهو من سيكون محدداً) يمكنك الضغط على حرف D لحذف الارتشن ومن ثم Enter لرسالة التحذير التي تريد تنبيهك لخطورة ماتفعلين ثم الضغط على حرف L للمتابعة فيظهر القرص الصلب على شكل unpatitioned space عندها إضغطي على C لإنشاء بارتشن سيقترح عليك حجمه حيث يمكنك أخذ القرص كاملاً كذلك أو تقطيعه لجزئين
بضغطك على Enter سيقوم بتكوين القرص ومن ثم عند تحديدك للقرص ب Enter أخرى سيقوم باقتراح التهيئة "فورمات" بأربع خيارات وهي اثنان للفرمتة السريعة لنظامي FAT و NTFS واثنين للفرمتة غير الشرطية لكلا النظامين

[Layalii]

يعني بفهم من هاد الكلام انو ايا سي دي بيحتوي نظام ويندوز ممكن من خلالو اعمل فورمات للديسك اثناء التنصيب هاد اذا بدي نزل نظام ويندوز من السوق بس انا متل ما قلتلك جهازي لابتوب وبيجي معو سيدي خاص فيه وما شفت انو من خلال هاد السيدي انا ممكن اعمل فورمات
لهيك سؤالي انو كيف ممكن اعمل فورمات للهارد ديسك علما انو هو ببارتشن واحد بطريقة غير طريقة سيدي نظام التشغيل


وشكرا كتير لاهتمامك

[يوراميوم]

الأمر أسهل ، حيث يأتي مع الللابتوب قرص recovery System يقوم بإعادة كتابة البارتشن من جديد وهذه العملية بجودة إعادة بناء نظام إنطلاقاً من الفرمتة

مع التحية

[Layalii]

يعني عملية اعادة كتابة البارتشن اللي بيعملها هاد السيدي بتشابه الفرمتة من ناحية التخلص من الفيروسات كمان في حال وجودها؟
وعم عذبك معي بس كيف ممكن اعمل فرمتة للهارد اذا كان ببارتشن واحد بغير سيدي النظام ؟ يعني اجباري يكون في هارد ديسك خارجي او شلون؟
ومشكور كتير كترت عليك غلبة

[LORD-MAN]

اذا السيدي الي جاي مع الجهاز ديفيدي اعرفي انو هاد السيدي هو recovery كامل للجهاز( اي ويندوز وتعاريف مع بعض) وهاد ممتاز اقلعي منو وهو بشتغل كل شي
اما اذا سيدي عادي 700 ميغا احتمال يكون التعاريف في هاي الحالة اشتري ويندوز اكسبي BoOtable اقلاع من الدوس وبعدين ونزلي الويندوز

[يوراميوم]

يعني عملية اعادة كتابة البارتشن اللي بيعملها هاد السيدي بتشابه الفرمتة من ناحية التخلص من الفيروسات كمان في حال وجودها؟
وعم عذبك معي بس كيف ممكن اعمل فرمتة للهارد اذا كان ببارتشن واحد بغير سيدي النظام ؟ يعني اجباري يكون في هارد ديسك خارجي او شلون؟
ومشكور كتير كترت عليك غلبة

العملية التي يقوم بها قرص ال Recovery تشابه الفرمتة وتشملها ويمكنك استخدامه في كل الأحوال التي تواجهين فيها مشاكل مع البرمجيات

[Layalii]

انا معك انو السيدي بيقوم بعملية الفرمتة بس سؤالي انو هي العمليه بجودة الفرمتة في حال وجود هارد ديسك خارجي؟ يعني بضمن بس اعملها انو ما عاد في ولا مشكلة بالبرمجيات ولا ايا فيروس؟
لان بصراحه لما عما استخدمها عم ارجع عاني من نفس المشاكل بالجهاز و منها انو فجاة وانا فاتحه صفحة الانترنت ما بشوف الصفحة غير نزلت لاسفل سطر فيها يعني مستحيل تبقى على نفس المكان المفتوحه فيه
كمان بعد الفرمتة عم يبقى تعريف الاتصال بالانترنت موجود علما انو بالبداية انا استخدمت سيدي للتعريف
فبرايك ممكن استخدم هارد ديسك خارجي للفرمتة وتنزيل نظام جديد بعد ما بنزل ملفات الاقلاع من موقع مايكروسوفت هيك بكون تاكدت انو ما في فيروسات بملفات النظام ؟ او انو ما ممكن هيك وبيكفي اني استخدم برنامج فيروسات غير النورتورن اللي جايي مع النظام ؟
والك كل الشكر يوراميوم

[يوراميوم]

الهارد ديسك الخارجي ليس أداة أساسية بتهيئة النظام وتضمينه نظام إقلاع أمر معقد جداً، إذا أردت أن تعيدي تنصيب النظام إنطلاقاً من التهيئة:
1. أحضري قرص Windows Xp ليزري، وقومي بخطوات تشكيل القرص والفرمتة أول بأول، ولا تصلي اي أقراص صلبة خارجية أو فلاش ديسك حتى انتهائك تماماً من تنصيب Windows وتنصيب برنامج مضاد فيروسات ومضاد سباي وير
2. بعدها أوصلي كل مالديك من أقراص خارجية وفلاشات ودعي النظام يفحصها.

هذا الرابط (http://www.sh3bwah.com/modules.php?name=Sections&op=viewarticle&artid=127) يحوي معلومات عن عملية التنصيب بشكل تفصيلي من قرص windows xp


وفي هذا الرابط (http://free.grisoft.com/doc/5390/us/frt/0) تتوفر روابط تحميل لبرنامج مضاد فيروسات ومضاد سبايوير مجانيين وهما جيدان

[المعري]

مرحبا اخ يورانيوم :
سؤال : كلما اعدت تسمية اي شئ كصورة او ام بي تري او ملف اكروبات ..
تظهر لي رسالة بانني لن استطع قراءة الملف .. ويتغير شكل الملف الى مجهول

مالسبب .. وشكرا لك

[أحدهم]

مرحبا اخ يورانيوم :
سؤال : كلما اعدت تسمية اي شئ كصورة او ام بي تري او ملف اكروبات ..
تظهر لي رسالة بانني لن استطع قراءة الملف .. ويتغير شكل الملف الى مجهول

مالسبب .. وشكرا لك
السلام عليكم
سجلت خصوصي لجاوبك
السبب بمشكلتك انك عم تغير اسم الملف وكمان اللاحقة اللي بآخرو (اللاحقة هي الأحرف الانكليزية التي بعد النقطة)
لذلك عليك ان تغير اسم الملف فقط ولا تقرب على النقطة والاحرف اللي بعدها
وأسهلك من هيك افتح جهاز الكومبيوتر
من الأعلى اختر أدوات ثم خيارات المجلد ثم عرض
رح تشوف عبارة إعدادات متقدمة وتحتها أول خيار هو (إخفاء ملحقات الملفات المعروفة)
فقط ضع اشارة صح في مربع هذا الخيار
ثم موافق
وتنتهي المشكلة ان شاء الله

وارجو من يوراميوم لا يواخذني على كترة الغلبة

[Layalii]

الهارد ديسك الخارجي ليس أداة أساسية بتهيئة النظام وتضمينه نظام إقلاع أمر معقد جداً،
يعني في حال تحميل الهارد ديسك ملفات الاقلاع على مبدا قرص الاقلاع الفلوبي اللي كان يستخدم قبل بويندوز 98 ما بتصير عملية التهيئة وتنزيل النظام مشابة للي كان يتم باستخدام فلوبي الاقلاع وبعدين سيدي النظام ؟ وشكرا كترت عليك غلبة :ma3qool:

[يوراميوم]

سيكون هذا مشابهاً لمن يمسك أذنه اليسرى بيده اليمنى ليقول "هذه أذني"

الزميلة ليالي:

قرص ليزري لوندوز Xp سيقوم بالمهمة على أكمل وجه

[Layalii]

شكرا كتييير يوراميوم كلك زوق

[يوراميوم]

وارجو من يوراميوم لا يواخذني على كترة الغلبة

على العكس أهلاً بك نرحب بأي سؤال وبكل من يقدم المساعدة بكل سرور

ليالي: أرجو ألا يضايقك جوابي الأخير ولكن المسألة باتت واضحة أليس كذلك؟ :sa7mohekk

[المعري]

شكرا كتير كتير لمشاركتك الاولى (لاحدهم)
واهلا وسهلا بك

[أحدهم]

العفو اخي المعري
واجبنا
وشاكر لك ترحيبك
وليوراميوم شاكر وساعة صدرك وترحيبك
واحنا بالخدمة

[Layalii]

لا بالعكس يوراميوم انت طولت بالك عليي
انا كل هدفي هو معرفة الطريقة الاضمن للتخلص من الفيروسات وانت جاوبتني
شكرا الك عن جديد