المساعد الشخصي الرقمي

عرض الإصدار الكامل : موضوع هام لكل العشاق..أرجو المشاركة بالردود

بائع الأسى
10-08-2007, 16:28
ياجماعة بدي آخد رأيكن بشغلة... هلأ اذا في شب وصبية بيحبو بعض، وبعد فترة من الفترات الشب ترك البنت وقال بدي اخطب بنت تانية او العكس، يعني البنت قالت بدي اتركك وآخد شب تاني خطبني، يا ترى بعدين اذا الشب أو البنت ما مشي حالو بالخطبة الأولانيه، ياترى هل بتقبل انت كشب أو انتي كبنت ترجعو لبعض أو بتقول لأ؟ سؤال جدي بدي رأيكن فيه، مع العلم انو الشب ترك البنت بارادتو، والبنت تركت الشب بارادتها يعني بدون أسبب حقيقة!!!!:hmmmm:
soul of love
10-08-2007, 17:27
هوه صح يمكن كل واحد منهم ترك التاني بارادته بس ما بتوقع انو كل منهم رمى كل شي ورا ضهروا ومشي ونسى الضحكات اللي جمعتهم والايام اللي حبو بعضن فيها ,لا تنسى كانو يحبو بعض ..
يمكن كان لارادتهم دور بالموضوع بس على الاكيد غلبت بعض الظروف هذه الارادة ...
فلو انحطيت انا بها الموقف برجع بس لازم يكون في شروط لانو الموضوع مو سهل ابدا على تنين حبو بعضن لانو انا حبيت شخص ولازم اضحي شوي عشان نئدر نحكي انو انا حبيت هاد الشخص ونئدر نحكي عن العلاقة اللي جمعتنا حب ...
برأيي الموضوع بدو جرأة بس تكون نابعة من الحب ..
انا حبيت ازن انا لازم اضحي ...
شكرا على الموضوع ..
abuamerg
10-08-2007, 17:46
أكيد لا ء ..... لاء
ليش تركوا بعض بالأصل
ومستحيل ترجع العلاقة متل ماكانت ابل ما ينخطب أحدهم وتفشل القصة

أبو عامر:ma3qool:
haedi
10-08-2007, 17:52
أكيد لا أقبل
لأنه اللي باعني مر مستعد يبيعني لأتفه الأمور
وبعده حتى لو ارجعنا اكيد ما رح ينصلح اللي انكسر طول العمر لذلك الرجعة صعبة فالبعد أفضل
عابر الزمن
10-08-2007, 17:55
احد الاطراف ترك الثاني من دون اي سبب او اي ذنب ارتكبو الطرف الاخر .
لمجرد انو وجد شخص اخر بيتميز عنو .ممكن من الناحية المادية او الثقافية او اجمل ..
هون ممكن نوصف الطرف هدا بعديم الوفاء يعني بطبعو الغدر ..
والغدار ممكن يعيدا اكتر من مرة ولأنو عديم الوفاء (الكلب اشرف منو )..لهل السبب اكيد وبكل تأكيد( لأأأأأأأأأ)sh:angry
بائع الأسى
11-08-2007, 22:07
وانا مع الرأي اللي بيقول اللي انكسر صعب يتصلح
RORO ALDALO3A
31-08-2007, 05:03
الجواب أكيد لا
لا يمكن أنه ارجع لشخص يوما ما كان ممكن يصير لغيري
cool lolo
31-08-2007, 07:31
اي .ممكن.مستحيل sh:questio
dove
31-08-2007, 08:42
لا......
لأنو يلي بيبيع مرة .....بيبيع مليون مرة....وبالرخيص...
dreams maker
31-08-2007, 12:44
تعتقدون أن الحبيب يملك امر نفسه . هو حالتان فقط اما انهما يحبان بعضهما حقا و في هذه الحالة لن يستطيعا ان يفترقا ولن تكون تلك التجربة الا ضربة ستقوي حبهما و تجعلهما يفكران المرة القادمة مليون مرة قبل ان يقدما على تصرف طائش اخر... و اما انهما يتوهمان الحب فقط و في هذه الحالة كل شيء ممكن ..... للاسف القليل فقط من يعرف الحب
lolia
31-08-2007, 14:25
والله انا برأيي انو اللي قاعد بالنار مو متل اللي عم يشم ريحة الحريق
وكل واحد وقت بيصير بهيك موقف يمكن يتغير رأيو
صح؟؟
ruruuuuuuuuu
31-08-2007, 14:59
لا طبعا ما برجع والواحد اهم شي بحياتو كرامتو اصلا اذا هو بيحبني عن جد ما بيعمل هيك واذا عمل هيك بيكون ئليل أصل وما بيحبني وماني مضطرة ارتبط بواحد بحبو وهو لأ وممكن يعيد هالشي بالايام الجاية بئى يلي ببيعك بيعووووووووووووووو
dreams maker
31-08-2007, 15:34
لكن القصة تقول ان كلاهما ترك الاخر و ليس فقط الفتى
بائع الأسى
31-08-2007, 23:02
شكرا للجميع ع المشاركات الحلوة.
ومتل ما قالو:
اللي باعك بيعووووووو
واللي بيخون مرة عندو استعداد يخون ألف مرة..
واللي باعك بمصاري بيعو بئشرة بصلة
alfohrr
31-08-2007, 23:40
تقلب ماشئت من الهوى ماالحب الا للحبيب الاول. والله ياجماعة مابرجع لو شوماكان بعرف اني بهيك يقلع قلبي من محلو بس ولو الكرامة فوق كلشي واللي باعك بيعو
asayl
01-09-2007, 01:37
هلأ في كتير مخطوبين وبيتركو بعض وبعد فتره بيرجعو لبعضهن مرة تانيه
وبيرجعوا أحسن من أول كمان بس طبعا هيدي مو قاعده عامه ممكن نطبقها على الكل وكمان
أنا ضد يلي بيقول يلي انكسر مابيتصلح

لأن ممكن يكون التنين غلطو بحق بعض ولما راجعو نفسن عرفوا الغلط يلي عملو وصلحوا ورجعو متل السمن على العسل


تحياتي


أصوله







الوحيده
بائع الأسى
06-09-2007, 08:47
شكرا الك اصوله، بس كمان بدي ئلك انو لما بتصير مشكلة بيناتون وبيتركو بعض بعدين بيرجعو بدو يجي يوم من الايام و واحد من التنين بدو يذكر التاني انو غلط ( يعني يهتو فيها ع الطالعه والنازلة) لأنو الجرح بالقلب لا يمكن ينتسى) وهادا الشي صاير كتير لأنو بلحظة الغضب كل شي ممكن وهادا أحد الاسباب الاساسية اللي بتخليني قول انو اللي انكسر صعب يتصلح، بس طبعا بدو تكون المشكلة كتير كبيرة مو حيالله
بنت_الامارات
06-09-2007, 09:30
لالالالا والف لا مستحييل لانه مثل ماقالو الا قبلي الا يبيع مره يبيع الف مره ومستحييل اقبل اني اكون انا المرجع بعد خطبه فاشله ليش تسلايه هي الا بيحب مستحيييل يقبل زوجه غير حبيبته وهذا ناااااااااااااااااااااااااااادر فها الزمان
sweat angel
06-09-2007, 10:34
اكيد لا و الف لا

لو في حب من الاول ما بيفكر بيغيرها
mustafa_jaber
06-09-2007, 11:36
هو أكيد لأ &ولكن البحب لآزم يضحي ويمكن الي ترك ندم ورجع بكل صدق وعرف أنها الحب الأول والأخير وصدقني ماحدا بتعلم إلا من كيسو