حابب اعرف شو رأيكم بالحب من اول نظرة(بتأمن فيه) [الأرشيف]

sensesmixer

17-07-2007, 21:21

مرحباsh:happy
كيفكون؟sh:hi
واللهي حابب اعرف شو رايكم بالحب من اول نظرة
بس بالنسبة لألي انو ما بكون حب بل اعجاب لانو نابع من العينين لانك (عم بحاكي الشباب)يمكن تشوف شي صبية حلوة وامورة وتعجبك من اول ما تشوفها بس مو لدرجة الحب
بس يا ريت يا شباب ويا صبايا تشاركونا شو رأيكم بهالنوع من الحب

في شغلة انو اغلب الاجانب بأمنوا بالحب من اول نظرة بس محسوبكم مش مقتنع فيه
شكرا لالكم

love angel

17-07-2007, 23:34

بسم الله
السلام عليكم و رحمة الله و بركاتهsh:hi
الموضوع حلو .......... و انا بالنسبة الي عانيت اكثر من مرة من هالامر / الحب من اول نظرة / كما يسمى :hossss:
بس بعدين تربــيييييييييييييــيت و عرفت انو ما في شي اسمه / حب من اول نظرة / بل هو مجرد اعجااااااااااااااب ::(
...... بس حابب اعرف راي الصبايا بالشب اللي يعجب فيهن من اول نظرة ....... و شكرااااااا sh:eye

بائعة الكستناء

18-07-2007, 01:32

لأ مافي شي هيك اسمو بالواقع .. آسفة من هالكلمة بس هذا ما يسمى بالـ ( فزلكـــة ) ، أو ( حكي فاضي ):wleeee: ...

ولسؤالك أخ آنجل بجاوبك :
رأيها بكون متل رأي أي مواطن عربي :shlon: !!

تحياتي
بائعة الكستناء:cool:

لولو الصغيرة

18-07-2007, 04:56

أنا بقول ياهالصبيه اللي اعجب فيا رح تستخف بعقلو وتلحقلو كم كلمه مرتبات يااما رح تتكبر عليه وتلعب باعصابو على كيف كيفا..وبعدين انتو _ياشباب_وسوري منكن شو عرفكن شو رح يطلعلكن من هالبنت؟؟؟؟

وبرأي انا مابعتبرو حب ابدا لانو لو كان حب كان الشب كم بنت حبا في اليوم وقلبو شو رح يحب ليحب؟؟؟ والحب بعمرو مابكون هيك....

تحياتي للجميع

لولو

الهــارب

18-07-2007, 05:09

السلام عليكم
الحب من أول نظرة لا يستحق أن يحمل اسم الحب
وبرأيي الإيمان بالحب من أول نظرةعند الأجانب هو السبب في تفكك العلاقات الزوجيه عندهم
تحياتي لكاتب الموضوع ولجميع الأعضاء

*zen

19-07-2007, 14:23

طيب شو رايكن بالحب بعد شي 100 نظرة يعني اذا تنين ضلو عالنظرات شي سنة شو اسمو هاد جنان مثلاً

sensesmixer

19-07-2007, 17:11

هههههههههه
بعد شي 100 نظرة هوي اكيد اعجاب بس يمكن يكون جنان

أنـس

19-07-2007, 18:05

والله يا ستي اليوم كنا عم نحكي بهل الموضوع ...

وعرفنا رأي الشباب والصبايا ...

انا من وجهة نظري ...

مافي شي اسمو حب من نظرة أولى ... هاي أول شي ...

بعدين أكتر شي ممكن يكون هو عبار عن اعجاب ... ممكن انو ينمو اذا كانت الظروف مساعدتو ..

لأنو برأيي الحب ما بيجي لبعد المعاملة والرفقة الطويلة (التعامل الطويل ) ... انا هادا ايماني بالحب الناجح ...

serenity

21-07-2007, 02:18

ممممم

انا واعوذ بالله من كلمه انا كل ما اتطلع على بنت بحبها ...

فهالحاله اها شي نظريه عندك؟؟؟

sensesmixer

21-07-2007, 16:02

لك يا رجل معناتو باليوم الواحد حضرتك بتحب شي 50 بنت اقل شي

يا سيرينيتي هاد اسمو اعجاب او بأحسن حالاته بيكون انك بتتعلق بشي بنت بس ما بكون حب

الحب بيسير بعد التجربة يعني بعد ما تحكي مع هالبنت وتاخد وتعطي هيك يعني

زين الشام

21-07-2007, 21:23

حب من أول نظرة:shlon:

حاسس حالي قاعد بفلم هندي:D

المنتصر

21-07-2007, 21:37

قال صلى الله عليه و سلم ..
الأرواح جنود مجندة فما تعارف منها ائتلف و ما تناكر منها اختلف

مع الود

إيـــاد

22-07-2007, 00:35

الحب من أول نظرة موجود ... وعدم اعتراف البعض به لا يعني انه غير موجود ...أو أنه شيء سخيف ...
وأنا مستعد برهن على ذلك ...

وقت نسمع عن شخص عمل أمور منيحة .... بيجوز نسمع عنو كم جملة ... يقوم يعجبنا ... ووقت نشوفو ونتعرف عليه ... منقلو والله حبيتك قبل ما شوفك ... أو حبيتك من الي سمعتو عنك ...

ويا ترى أنو هي الحاسة الأقوى تأثيرا بالانسان ؟ السمع أم الرؤية ؟

بعدين وين راح علم الفراسة ؟؟ ووين راح افتراس الشخص الي بتشوفو وبتحكي معو كلمتين ؟

طبعا أول نظرة .. خلينا نعممها لنظرة مع محادثة صغيرة ... لأنو اذا نظرة للجسد بس .. ما حيكون حب (بريء) .. ولا شو رأيكن ؟

إيـــاد

ملكة الشوق

22-07-2007, 00:59

اكيد اوقات بيحصل الحب من اول نظرة لكن بيكون اعجاب فقط وعلى فكرة الموضوع جميل

sensesmixer

22-07-2007, 19:33

شكرا اخواني واخواتي عالردود

صمت الجروح

25-07-2007, 20:45

مرحبا
والله أنا بشوف أنو هاد أعجاب ومو حب لأني الحب بيجي بعد العشره

ابن جبل النار

25-07-2007, 21:50

هههههههه شووو حب ............وكمان من اول نظرة .........زاللهم عافينا

شو هالموديل الجديد هاد بتزكرني هالعبارة بانفلونزا الطيور ال حب ال

هادا الحب الي بتحكي عنو لما بكون عن المحب ارشيف مسبق عن المحبوب صورة ....كلام ...نقاشات ممكن بعدين بحب
اما ازا اعجاب من اول نظرة ممكن
شكرا يا برو عالموضوع

ابن جبل النار

25-07-2007, 21:51

هههههههه شووو حب ............وكمان من اول نظرة .........اللهم عافينا

شو هالموديل الجديد هاد بتزكرني هالعبارة (حب) بانفلونزا الطيور ال حب ال

هادا الحب الي بتحكي عنو لما بكون عن المحب ارشيف مسبق عن المحبوب صورة ....كلام ...نقاشات ممكن بعدين بحب
اما ازا اعجاب من اول نظرة ممكن
شكرا عالموضوع يا برو

haedi

26-07-2007, 02:24

هاي
أنا عندي الحب فقط من أول نظرة فغذا كانت نظرة اعجاب وارتيلح كان الشخص المنظور اليه هو الشخص المناسب
وبعدها منكشف البقية وأكيد رح يكون فيه عيوب متل ما فيني عيوب

هذي دمشق

26-07-2007, 09:10

هلأ كتير أيام بتنظر لبنت بتعجبك بس إذا حكيت معا وتعاملت معا قد تستمر معجب بها أو بتبطل
يعني الإعجاب الأولي مو دليل شي
بس كمان في بنات أول ما بتطلع عليهون ما بتحبون ومهما حاولوا يكونوا حبابين وظراف بتلاقيون غلاظ يعني النظرة الأولى لها كتير تأثير

soul of love

29-07-2007, 00:26

احنا لما نحكي حب بنكون نحكي عن كلمة كبيرة من تضحية اعجاب تسامح انصات وصمت .....
اكبر من نظرة او نظرتين يمكن يكون اعجاب حتى ما بيكون اعجاب بكل معنى الكلمة بس هوه بكون اعجاب بالشكل الخارجي لا اكتر ولا اقل ...
فانا ما بآمن باشي اسمو حب من اول نظرة بس ممكن الحب يكون سببه نظرة ومع الوئت بكبر الموضوع ليوصل لحد الحب ...
رأيي المتواضع

soul of love

29-07-2007, 00:54

ريمي123

29-07-2007, 02:34

والله يا جماعة أنا كل ما بشوف شب وبكرهو كتيييييييير من أول لقاء
بعد فترة بصير بحبو كتييييييير
والعكس صحيح
يمكن العطل مني لأني قالبة النظرية عالآخر
ما هيك

Her0

12-08-2007, 23:25

اعتقد ان اغلب الردود من رايي وانه لا يوجد شئ اسمه حب من اول نظرة ولكن في شئ اسمه نظرة اعجاب تتحول بعد مراحل لازم تمر بيها إلى حب ،، شكرا على الموضوع الجميل المقترح ده

التربوي المخلص

13-08-2007, 22:38

إذا كان أغلب الاجانب بآمنو بالحب من أول نظرة فأنا بشوف انو نحنا العرب لازم نآمن بالحب من أول نظرة لأنهم بيعرفو أكتر مننا