مشكلة في إيميلي

[ابن حلب الشهباء]

السلام عليكم

عندي مشكلة أكيد مو بيسيطة ....

اليوم عم أتفقد إيميلي كالعادة ولما دخلت على ( الرسائل الواردة ) ماشفت ولا أي رسالة ... ::(

ما بعرف شو السبب ... فحدا عندو شي حل يعرف شلون بدنا نرجع الإيميلات إلى خلص عوضنا على الله

.
.
.

::(

[يوراميوم]

يرجى أخي أبو جمال ذكر نظام البريد الذي تستخدمه وأي تفصيل مفيد آخر

[ابن حلب الشهباء]

الهوت ميل أخي رامي ...

وانا عندي إيميل تاني تفقدتوا ... كل شي طبيعي ونظامي ... والإيميل التاني على الهوت ميل كمان

.
.
.

[Fatosha]

بما أنو عم تسألوا وتسألوا .... منسأل :p

أيملات الهوتميل عم تصلني بالعبري مدري بلغة الواق الواق

وبس حط إعادة إرسال بتطلع الرسالة بالعربي

علماً أنو هي المشكلة ما ألها غير بس شهرين :tasaaol:

[ياسمين]

توشة شغلتك بسيطة
بتكبسي بالزر اليمين على الرسالة وهي مفتوحة
وبتختاري من القائمة ترميز
أو (Encoding )
بعدين بتختاري اللغة العربية ويندوز
وبتنحل المشكلة
إلا إذا في شي أكتر من هيك
فهاد اختصاص أبو سارة


ياسمين الشام

[يوراميوم]

بالنسبة لمشكلة فتوشة هي سهلة ف رح نبدأ بها:

- ندخل إلى لوحة التحكم ومنها إلى خيارات إقليمية وإعدادات اللغة

- في الصفحة الثالثة من هذه الواجهة نضبط إعدادات النصوص المشفرة بغير لغة ال unicode ومن أجل هذا يجب أن نطابق بينها وبين اللغة الخاصة بنا لهذا قومي بالآتي

- أضبطي من القائمة المنسدلة لغة ال non-unicode على العربية (سوريا) وكذلك في الصفحة الأولى ضعي قائمة المكان location على سوريا والخيارات الإقليمية الخاصة بسوريا

[يوراميوم]

أبو جمال :

حساب هوتميل آخر يفتح على بريدك وتظهر به الرسائل بشكل طبيعي ، طيب حسابك هو Hotmail Live إذا كان كذلك حاول أن تحرك الخط الفاصل بين قائمة الرسائل وبين عرض الرسائل في الأسفل فمشاكل العرض في نظام Live لا زالت كثيرة وأنا أعاني منها أحياناً ويحصل لي ماذكرت من إختفاء للرسائل فكنت أحرك الشريط الفاصل أحياناً وأحياناً اخرى أنقر على أيقونة inbox أكثر من مرة


هذا الكلام كله في حال كنت قد حولت حسابك البريدي إلى live أما إن كان لازال Hotmail بشكله القديم فأظن أن البريد تم محيه بشكل متعمد ربما من قبل أحد الذين يملكون كلمة السر لديك.

[ابن حلب الشهباء]

أخي الغالي أشكرك على الرد ... انا الهوت ميل عندي قديم مو لايف على العموم الله يسامح يللي كان السبب ... يعني احدى الحللين إما بعتولي فايروس على الايميل ... يا إما حدا معو الباسوورد ومسحلي كل الايميلات .... وصار لازم أغير الباسوورد

.
.

أختي Fatosha : شوفي هالموضوع ... نفس المشكلة يللي عم تعانيها

هـــــــنـــــــــا (http://www.shabablek.com/vb/showthread.php?t=46854)

[Fatosha]

يسلمو كتير كتير ...... كوميات ع المساعدة .....

بس يورانيوم إعدادات اللغة تأكد منها وطلعت زابطة ,, الحل يلي حاطو بالرابط يلي حطو الأخ أبو جمال زبط .....

وكمان حل عطر ياسمين ......


دخلك يورانيوم عندي شي ستة تلاف سؤال ... كفو؟؟؟؟؟؟؟؟

يلا هلأ بس واحد ..

في عندي عدد من صفحات النت .. حابة حطهن ع سيدي واحتفظ فيهن ..

بس المشكلة أنو النيرو لما بحددلوا ياهن بيقبلهن .. بس لما بضغط على النسخ بيمشي تكة وبسرعة وبيوقف وما بينسخهن ..

فشو القصة ما بعرف

طول عمري مغلبتكن .. شكراً سلف:p

[يوراميوم]

حولي كل صفحات الانترنت لملف مضغوط وسميه اسم بسيط وبعدين حولي الملف المضغوط للنيرو، المشكلة أن نظام CDFS الخاص بترتيب وجدولة الملفات بالأقراص الليزرية له معايير معينة تختلف عن FAT32 أو NTFS المسؤول عن جدولة وتوصيف نفس الملفات في القرص الصلب.

أريد التحدث عن الحل الموجود بصفحات الرابط المذكور في الأعلى

الحل يعتمد على حذف الملف المسؤول عن تشفير اللغة الأوروبية الغربية (مثل الانكليزية والفرنسية و الاسبانية.. الخ) Western European بصراحة هذا ليس حلاً والسبب لأننا وبمجرد وجود أي نص يأتينا باللغة الإنكليزية بنظام تشفير non-unicode ستعود لغة الواقواق من جديد ولكن برموز غريبة

المشكلة بوضوح وصراحة أن ملف تشفير Western eupropeanيأتي في رأس القائمة يليه العربية، فلماذا نحذفه في الوقت الذي نستطيع به تغيير الترتيب؟

فتوشة ، سألي قد مابدك وأنا جاهز

لايمكننا الاستعاضة عن مداواة حرق بإصبع بقطع اليد بشكل كامل

[Fatosha]

الله يخلينا ياك يا أخي رامي .. ويكتر من أمثالك

أي المهم ... هلأ قبل ما نصل للنيرو .. جربت أقلبهن لمجلد مضغوط بس المشكلة أنو عم يقلي أنو في بالملف الفلاني أحرف ما فيه يقرأها مع أنو كل الملفات متل بعضها .. فشي منهن عم يقبلو وشي لأ.....

يورانيوم ... بتمنى ضل على كلامك بمساعدتي... لأنو بخاف تكب حالك مني:hossss: ..

[يوراميوم]

الله يخلينا ياك يا أخي رامي .. ويكتر من أمثالك

أي المهم ... هلأ قبل ما نصل للنيرو .. جربت أقلبهن لمجلد مضغوط بس المشكلة أنو عم يقلي أنو في بالملف الفلاني أحرف ما فيه يقرأها مع أنو كل الملفات متل بعضها .. فشي منهن عم يقبلو وشي لأ.....

يورانيوم ... بتمنى ضل على كلامك بمساعدتي... لأنو بخاف تكب حالك مني:hossss: ..

مثل ما قلتلك بخصوص الأسماء الطويلة للملفات واللي كمان بتحوي قوائم properties مرفقة فيها نظام CDFS مابياخدها مشان هيك نحنا أمام عدة خيارات

بإمكانك لحل المسألة أنك تضغطي على winrar أو تزيلي اللاحقة تبع الملف المضغوط قبل النسخ
وترجعيها بعد كل عملية نسخ للقرص الصلب

هلق في 3 أنظمة للنسخ للسيدي اللي أنت عم تستخدميه واللي هو افتراضي اسمه ISO 9660 وصاحبنا ما بيرضى غير أنو يكون اسم الملف 8 أحرف واللاحقة 3 والنوع الثاني Joliet بياخد اسم الملف لحد 64 حرف ، هلق فينك تستخدمي نظام UDF للنسخ وهذا رح يقلك نسخي ولا يهمك أن بنصح فيه بس مشكلته بتوافقيته مع بعض الأنظمة على كل حال جربي ومارح تندمي

سألي قد مابدك لساتني عند كلامي ... مابتلاقي أطول من بالي

[Fatosha]

يورانيوم ... بدك الصراحة ......














ما فهمت شي:hossss: ..

تكة تكة الله يرضى عليك لأنو أنت ما شا الله مبرمج هالقد قدك.. وأنا دوبني عم فك الحرف:D ...

ياريت تكتبلي الخطوات وبكون ممنونتك ..

رح قلك شو الحالة بالضبط ... عندي مجلد فيك تقول بقلبو شي ألف صفحة وبدي احفظهن على سيدي ..

اكتبلي الخطوات 1 2 3 .....

ما قلتلك رح جننك ..:shlon:

[يوراميوم]

الحل 1:

1. ننقر بالزر الأيمن علىالمجلد ونختار إرسال إلى (Send To) ومن ثم نختار من القائمة الفرعية مجلد مضغوط (Compressed Folder)
2. نفتح لوحة التحكم (Control Panel) ونختار منها خيارات المجلد (Folder Options) وفي الصفحة الخاصة بالعرض (View) نزيل إشارة الصح من جانب "إخفاء الملحقات للملفات معروفة النوع" (Hide extensions for known file types) فتصبح جميع الملفات لديك يظهر باسمها لاحقة يعني مثلاً ملف الوورد بيطلع بنهاية اسمه .doc والمضغوط .zip
هلق ننقر على الملف المضغوط بالزر الأيمن ونختار إعادة تسمية ونزيل .zip من نهاية الاسم ونضغط Enter فيطلب منا الظام التأكيد فنختار yes عندها ستختفي أيقونة الملف وستظهر أيقونة لملف مجهول النوع
هنا الملف أصبح جاهزا ً للنسخ وفي أي لحظة تريدين استخدامه، فقط أنسخيه من القرص الليزري إلى سطح المكتب مثلاً وقومي بعمل إعادة تسمية لتضعي من جديد .zip

الحل الثاني:

1. نفتح نيرو فتظهر واجهة Smart Start
2. ومن مجموعة Data نختار Make UDF CD
3. نحدد المجلد المرغوب ونقوم بنسخه

[Fatosha]

بالنسبة للحل الأول .. الحمد لله زبط :p .. بس بتعرف شو كان عم يصير معي؟
كان في ملفات باسمائها في اشارة استفهام ... وانا عم فكر انو عم يقلي الكمبيوتر بالرسالة يلي عم يحطها أنو مستغرب .. ماخطر بالي منوب أنو عم يأشرلي على إشارة الاستفهام..

هلأ هاد الحل منيح بس ما حسيتو يفي بالغرض إذا بدي أعطي سيدي لحدا تاني مثلا..

بالنسبة للحل التاني ... فتحت النيرو ما لقيت بمجموعة الـ Data الخيار Make UDF CD


والخيارات الموجودة هي Make Data CD
Make Data DvD
Make Audio and Data Cd
وبس .. أنا بالأول كنت جربت الـ make Data CD وما تزبط .. متل ما قلتلك من قبل
علماً أنو نسخة البرنامج يلي عندي هي 7

شكراً سلف :p

[يوراميوم]

http://i136.photobucket.com/albums/q175/uramium/Capture-2.jpg

شوفي أول خيار على اليمين من الأعلى

[lolyana]

السلام عليكم :

هلأ اولا بعتذر اني لم اقرأ الردود بل مررت عليها سريعاً

تانياً ما حبيت افتح موضوع جديد لمشكلتي اللي بتمن حدا يساعدني فيها اذا بيعرف كيف يتنحل ,
لأنو مابدي كتر مواضيع المشاكل

وهي انو في زر بكيبوردي ما عم يشتغل ( حرف ) لا عربي و لا انكليزي

هلأ قبل مرة معد يشتغل ال space بس بعدين رجع يشتغل , كيف , مابعرف ؟

و شكراً سلفاً لكل اللي ممكن يساعدني او يقترح حل لمشكلتي

[يوراميوم]

لوليانا :

ماذكرته هو علامات انتهاء عمر الكيبورد وعادة مايقرب نهايتها سكب السوائل عليها والاستخدام القاسي لها، يمكنك تجربة الآتي
جربي نزع الزر من مكانه باستخدام أداة صلبة ومنثم وبقطعة جافة قومي بمسح مكان الزر ، هذا الل ينفع في حالة الكيبوردات اللمسية ، أما في حالة الكيبوردات التي تعتمد على أقراص الكربون فعليك وبمساعدة شخص خبير فك اللوحة وإعادة قرص الكربون لمكانه كما يمكنك استبدال زر الحرف بزر من لوحة الأرقام في حالة الكيبوردات من النوع الأول

ويبقى الحل الأسهل هو بشراء لوحة جديدة

[Fatosha]

والله مو عرفانة كيف بدي اتشكرك يا رامي

لقيتها .. بس ما شفتها أول شي لأنو انا بالأصل عندي النسخة 5 من البرنامج فلما قلتلي على الطريقة بحبشت ولقيت النسخة الجديدة ونزلتها .. فدورت بالداتا وما كبست كتير بالبرنامج تاري في زر تحتاني لازم اكبسو يلي عليه زلمتين ,, بس ما استفدنا شي لأنو الكمبيوتر عم يعلق ليش ما بعرف .. لأ بعرف لأنو على حفة قبرو ... خخخخ .. الله يرحمو ويرحمنا

بس مو مشكلة يورانيوم خلص باستعمل الطريقة الأولى .. لأنو أنا داء خلقي عنك ..::(

السؤال التالت والأخير ..... طول بالك عليي الله يخليك ....


بدي اربط ايميل الهوت ميل وايميل الياهو على آوت لوك ..... عم حط البريد الصادر والوارد تبع الياهو بس لما يتلقى الرسائل عم يقلي في غلط ...

في ناس قالولي لازم حط دوت كندا أو فرنسا بدال دوت كوم لأنو الدوت كوم بدها اشتراك ... بس ما فهمت شو هو يلي بدي بدلوه ....

وكمان يسلمو ..... الواحد ما بيتعلم إلأ من أغلاطو وبمساعدة يورانيوم الله يخلينا ياه

[lolyana]

السلام عليكم :

شكراً لك أخي رامي

..........

[يوراميوم]

أهلاً وسهلاً أختي لوليانا

فتوشة :

http://www.shabablek.com/vb/showpost.php?p=390030&postcount=7

هذا برنامج صغير وبخليكي تنزلي بريد الياهو المجاني على Outlook و Outlook Express

[Fatosha]

:tongueee: :tongueee: :tongueee: :tongueee: :tongueee:

شكرا من هلأ لبكرة

عنجد عنجد بيجنن ...... بنصح الكل يجربوه ...

دخلك بيمشي حالو مع الهوتميل كمان؟