سؤال للمختصين حول ميزات المحمول

[الدجى]

على العافية شباب انا بصراحة صرلي فترة ناوي اشتري
جهاز لاب توب وكنت محتار بالنوعية لكثرة الخيارات بعدين قررت جيب توشيبا سات لأنو ما عليه
مشاكل وبيلقى دعك وسعرو مقبول
بس المشكلة انو انحصر الخيار بين جهازين وانا هلأ كتير محتار ويا ريت تساعدوني
وتنصحوني :
الجهاز الأول :
Toshiba sat 100-192

cpu:core dou 2.0G
RAM:512 DDR2
SCREEN:TB 15.4WIDE
VGA:256 ATI
HARD:100G

الجهاز التاني :
TOSHIBA SAT 100-813

CPU:CORE2 DOU 2.0G
RAM:512 DDR2
SCREEN:TB 15.4 WIDE
VGA:INTEL
HARD:100G

أكيد سؤال الجميع شو شغلك على الجهاز:
انا زلمة بدرس NETWORK والجهاز شغلي عليه نت+تجارب+افلام+ممكن العب على الجهاز

هلأ سؤالي للمختصين:
بس رجاء انو تكون الاجابة عن خبرة وليس تخمين!!:asefff:

اي جهاز اّخذ وليش وبليز بدي أعرف كرت الشاشة الATI هل هو جيد ممكن شغل العاب ضخمة
و مثل شو الألعاب يلي ممكن يشغلها لأنو ما عندي اي تجربة سابقة معو
وكمــــان حابب اعرف كرت الشاشة الانتل عندو قدرة على تشغيل العاب ؟
وشو هالفرق بين ال :
CORE OR CORE2

شكرا للجميع يا ريت الشرح يكون وافي حتى الكل يستفاد منو ؟؟؟؟؟!!

[ABBUDY]

بخصوص كرت ال Ati فغمض عيونك وخود عن خبرتي أنا لأنو من يوم ماجبت كرت ال Ati والى اليوم بسأل عن كل شي جديد ..كرت أكثر من رائع ويستطيع تشغيل الألعاب الجديدة بما أنه 256

هلأ Core أو Core 2 بتصور الخيار التاني هو الأقوى لأنه يحتوي على معالجين من نواتين ..وانتظر ردود الشباب

[يوراميوم]

بالبداية مثل ماحكينا بالسابق كرت ال ATI رح يساعدك كثير بعرض ال DVD وكذلك الألعاب ، بالنسبة للألعاب الي فينه يشغلك ياها ، رح يشغلك الألعاب اللي مابتحتاج تقنيات خاصة مثل المعالجة الهاردويرية للظلال والضباب (يعني مثلاً بدك تنسى Metal Gear 2 و Silent hill 4)

بالنسبة للمعالجين والفرق بينهما هو الذاكرة L2 المضمنة بالمعالج في ال Core2 حجمها 4 ميغا وبالآخر ميغا2 وكذلك استهلاك الطاقة في المعالج Core 2 أعلى بقليل وبالنسبة لبقية المواصفات فهي متشابهة وهذا واضح من خلال العرضين المذكورين في الأعلى

[الدجى]

ABBUDY عمي عبودي شكلك واثق من الكرت منيح ومالي ايدك منو يعني على كل حال شكرا الك لأنك فدتني

ابو الريم الحبيب شو صار معك خلصت من صيانةالشبكة بالشركة ولا لسى يا سيدي الله يكون بعونك بس انت عم تقلي

انو كرت الشاشة ال ati ما بشغل العاب قوية يعني كلامك تعارض مع عبودي:yaturaa:

بعدين انا بسمع انو الati

لابئس فيه قوي اذا مو قوي قلي مشان جيب ال كور 2 واستغني عن كرت الشاشة

ولا انت قصدك عن كرت ال intel يلي ما بشغل الالعاب الضخمة مشكورين شباب:asefff:

[ABBUDY]

بالبداية مثل ماحكينا بالسابق كرت ال ATI رح يساعدك كثير بعرض ال DVD وكذلك الألعاب

ليكو حاكي هالحكي بلسانه بعدين أنا عن تجربة شخصية ..لمست أنو ال ATI من يوم ما طالعت الشركة ال nVidia بطاقة FX5200 وبلش الانهيار بهالشركة بينما ال ATI بدأت الصعود وعملت خط لحالا ..

غمّض عيونك وخود ATI ...شغلة كبيرة

[الدجى]

شكرا لأحلى شباب على مشاركتكم ونصايحكم وانا حبيت بس خبركن انو انا خلاص مشي حاالي

اخدت ال Toshiba sat A100-192 بس لسى بسعودية الجهاز و رفقي لح يبعتو انشاء الله الاربعاء

يعني الاربعاء السهرة للصبح وشو خبرني عن ألوان الشاشة المخصصة للمصممين وعلى قولو

حضارة على حلها:asefff:

والصوت يلي

على قولو فيق ابوه بس حاسسها سلبة:ta3ajjob:

سيدي انشاء الله التلاثاء يغيب بكرة ويجي الأربعاء دغري :p

صحيح ابو الريم انت وين هالغيبة والله يعني بكفيني مرحبا الصبح يا خوفي تكون متجوز وحدة تانية :hmmmm:

صحيح اسمعت انو اذا الواحد اشترى شي جديد العالم بنقطو وهي شغلة الحلوان طلعت كذبة

وفي عالم بتقول عنها سلبة قديمة من قدم الجاهلية يعني انا والحمدلله هلأ صحيت على هالقصة

يعني يا شباب خلونا ننسى شغلة الحلوان لأنو سلبة كبيرة

بس لا تنسوا النقوط sh:hi