مشاكل تتعلق بخاصية Sleep بال windows

[نبع الماء]

في عندي مشكلة صغيرة و هي أنو وضع stand by عندي ما عم يشتغل
فلما عم حط على هالوضع بينطفئ الجهاز مع بقاء الضو الأخضر الصغير شغال
وعند ما برجع بدي شغل الجهاز
بيصير لازمو ريستارت من case يعني ما بيرجع بالشكل اللازم
ما بعرف ليش هيك عم يصير ممكن مساعدة ؟

[يوراميوم]

فينك تصحيه من زر Wake من لوحة المفاتيح أو من زر الطاقة وسيعود لحالته ... إن لم تستجيب معك هذه الأزرار، لازم تفحص الأمور التالية :

بإعدادات ال BIOS تأكد أن جميع إعدادت الطاقة بما فيها ACPI تعمل بشكل جيد والأفضل هو أنو تعيد ضبط إعدادات ال BIOS للإعدادات المثلى.

والأمر الثاني هو أنك لازم تتأكد أن تعاريف اللوحة الأم منزلة ومحدثة وتعمل بشكل جيد


طبعاً إن أحسست أن هناك خلل في هذه الإعدادات حتى بعد إعادة ضبط الإعدادات عليك بتحديث شيفرة البيوس وهو أمر دقيق ويحتاج شرحاً طويلاً سأوفره في حال عدم نجاح هذه الخطوة


بالإضافة لهذا الشي ممكن أنو علبة التغذية يكون ألها تأثير على هذا الموضوع على كل حال جرب وخبرنا

[نبع الماء]

فينك تصحيه من زر Wake من لوحة المفاتيح أو من زر الطاقة وسيعود لحالته ... إن لم تستجيب معك هذه الأزرار، لازم تفحص الأمور التالية :

أخي رامي مشكور كتير على الرد السريع
بالنسبة لأزرار لوحة المفاتيح فأنا الزرين wake و زر الطاقة غير موجودين على لوحة المفاتيح
لوحة المفاتيح عندي أسمها Chicony و هالزرين غير موجودين فيها


بإعدادات ال BIOS تأكد أن جميع إعدادت الطاقة بما فيها ACPI تعمل بشكل جيد والأفضل هو أنو تعيد ضبط إعدادات ال BIOS للإعدادات المثلى.

والأمر الثاني هو أنك لازم تتأكد أن تعاريف اللوحة الأم منزلة ومحدثة وتعمل بشكل جيد

طبعاً إن أحسست أن هناك خلل في هذه الإعدادات حتى بعد إعادة ضبط الإعدادات عليك بتحديث شيفرة البيوس وهو أمر دقيق ويحتاج شرحاً طويلاً سأوفره في حال عدم نجاح هذه الخطوة


بالإضافة لهذا الشي ممكن أنو علبة التغذية يكون ألها تأثير على هذا الموضوع على كل حال جرب وخبرنا


أما بالنسبة لأعدادات الـ Bios فهي على أعدادات المثلى لأنو ما غيرت فيها شي من قبل

أما عن تعريف اللوحة الأم تأكدت منو وكل شي تمام

تحملنا شوي ابو الريم بدنا نعذبك معنا :asefff: :o

ومشكور سلف

[يوراميوم]

ياريت إذا في حواليك علبة تغذية لحاسب آخر ياريت تجرب توصلها على حاسبك وتشوف إذا المشكلة ح تستمر

بعدين بنجرب آخر العلاج بالموضوع

[نبع الماء]

اول شي مشكور رامي شكر خاص وكبير على تجاوبك
بس طلعت هلء مشكلة تانية
المشكلة هلء انو لما بيكون الجهاز مطفي وبدي شغلو ما بيقلع معي
فبضطر شيل فيش الكهربا وأرجع حطو وارجع جرب من جديد شي تلات مرات او اربع مرات حتى يمشي حالو
مع العلم انو لما بشغلو بتشتغل المروحة طبيعي بس الجهاز ما بيقلع

تحياتي

[يوراميوم]

والله هلق تقريباً ثبت أنو علبة التغذية هي السبب والأفضل أنو تغيرها قريباً

[نبع الماء]

شكرا اخي رامي على الرد السريع
وانشالله بكرا راح بدلا

[hasan nab]

لدي سؤال لاهل الخبرة (وعلى راسهم يوراميوم) هل ينصحوني باصلاح اللابتوب في سوريا على اعتبار اني عائد بعد عدة ايام بشكل نهائي

مثلا لدي الباب تبع السيدي ماعم يسكر (يمكن اللسان اللاقط للباب مكسور ؟) وحين اخذت الجهاز لاحد اصحاب محلات الكومبيوتر حسيت انو عم يتعامل معو كانو سيارة سوزوكي ---يقلبو ويشحطو وبالاخير قال لي بدو فك القلب تبعو (شو يعني القلب )

كذلك هناك مشكلة انو حساسية الماوس المركبة ضمن اللابتوب خفت وخاصة الكليك اليسار واحيانا بتعلق----

لا اعرف قد يكون السؤال بغير مجال البرمجة ولا اعرف اذا كان ضمن مجالات اهتمامات الشبيبة هنا

وعذرا لصاحب الموضوع لاني احتليت المساحة (منحاسبك تبقى:d )

شكرا سلفا للجميع

[sn_vchatAdmin]

يفترض أخ حسان أن تضع شوية بيانات عن ماركة حاسبك ليكون الجواب اكيد ..
مع أني أعتقد ان مشكلتك في تنظيف داخل الجهاز كما حصل مع غيفارا منذ فترة فقط ..

[يوراميوم]

لدي سؤال لاهل الخبرة (وعلى راسهم يوراميوم) هل ينصحوني باصلاح اللابتوب في سوريا على اعتبار اني عائد بعد عدة ايام بشكل نهائي

مثلا لدي الباب تبع السيدي ماعم يسكر (يمكن اللسان اللاقط للباب مكسور ؟) وحين اخذت الجهاز لاحد اصحاب محلات الكومبيوتر حسيت انو عم يتعامل معو كانو سيارة سوزوكي ---يقلبو ويشحطو وبالاخير قال لي بدو فك القلب تبعو (شو يعني القلب )

كذلك هناك مشكلة انو حساسية الماوس المركبة ضمن اللابتوب خفت وخاصة الكليك اليسار واحيانا بتعلق----

لا اعرف قد يكون السؤال بغير مجال البرمجة ولا اعرف اذا كان ضمن مجالات اهتمامات الشبيبة هنا

وعذرا لصاحب الموضوع لاني احتليت المساحة (منحاسبك تبقى:d )

شكرا سلفا للجميع

المراكز التي تقوم بإصلاح اللابتوب في دمشق، تستغل نقطة قلة مراكز الصيانة وتطلب على هذا أجور عالية، ولكن أداؤها موثوق

بالنسبة لباب السواقة إذا حسيت بعد إغلاق الباب بأن هناك عدم ثبات به فأظن أن لا يوجد مركز يقوم بتعديل الجزء الميكانيي المسؤول عن الإغلاق بل يقوم بتبديل السواقة كاملة ، بكلا الحالتين لا حاجة لفك داخل الكومبيوتر وإنما يكون هناك عادة برغي غير ظاهر يتم فكه وسحب السواقة بشكل مفرد لفحصها.
بالنسبة لمؤشر حساسية الفأرة عادة مايكون هناك برنامج لضبط الحساسية وإن كانت المشكلة متأزمة يجب عليك تبديلها وهذا ممكن حسوب حسابك على شي 5 أو 6 آلاف ليرة





ياريت تذكر عمر حاسبك وماركته

[hasan nab]

ياسيدي هاد
COMPAQ
presario 2100
اشتريته من اربع سنين تقريبا ونوع المعالج موبايل وهذا قبل السنت رينو مباشرة طلع
هلق بالنسبة للباب مو قصة عدم ثبات ما عم يلقط بنوب يعني بيبقى مفتوح
بالنسبة لحساسية الماوس هو المشكلة الرئيسية بالكليك اليسار كبستها صايرة غايرة شوي ووقت بكبسها بتعلق وبتطلع ببطء
يا ريت اعرف اسماء مراكز موثوقة للتصليح والتقدير الاجمالي للكلفة (اذا كان ممكن هالشي ))بشان قارن مع هون
وطبعا الف الف شكر للاستجابة الفورية والله احسن من الوكالة تبع كومباك هون !!

[يوراميوم]

هلق هون مافي وكالة للكومباك بس فينك تحكي مع فيوتشر سويتش لأنو هدول الوحيدين اللي بتصلح لابتوبك وأنت قاعد عندن.

رقمهم :
2124049
2123694
2242224