مشكلة في جهازي ارجو المساعدة

[خليــل]

مرحبا

من فترة عشر ايام بدأت تواجهني مشكلة بجهازي وخصوصا وقت بكون عم اشتغل على برامج بتطلب ذاكرة كبيرة متل برامج الفيديو او البانوراما.

المشكلة انو وقت بكون عم اعمل شي عملية من هالعمليات فجأة بينطفى ضوء الماوس (السفلي الاحمر) وبعد عشر ثواني بينطفى الجهاز لحالو.

فكرت العطل الو علاقة بالويندوز وعملت فورمات ولكن المشكلة لساتها قائمة.

جهازي لابتوب
المعالج AMD Athlon 64
السرعة 2000
الرامات 512
كرت الشاشة nVIDIA 64m

تحية

[SAM-SY]

صحيح أنا ما بفهم بالكمبيوترات.
بس إن الشغلة جديدة، يعني ماكانت من قبل.
والشغلة إن متل ما حكيت ما إلها علاقة بالسوفتوير.
فمن المحتمل أنو يكون مروحة المعالج والله أعلم.
وسبب إنطفاء ضو الماوس فهو بما أنها يو اس بي، من الستنغز تبع اليو أس بي، من البور مانجمنت تبع اليو أس بي رووت هب،بالدفايس مانجمنت. أنو يسمح للبي سي أنو يوقف تغذية الهب في حال توفير الطاقة، والله أعلم.
بالمفيد المختصر شوف المروحة.
أنا ما عندي أي خبرة بالكمبيوترات، يعني يمكن يكون رأيي صحيح أو غلط، وعلى كل حال التجرنبة مابتضر.

[حسن]

مرحبا خليلو..

حبيب يا ريت تخبرني بالتحديد انو جهازك بيطفي ولا بيعمل ريستارت ؟؟

لانو اذا بيطفي عالخالص بعد ما يطفي ضو الماوس, فهاد أكيد نقص بالتغذية, يعني العطل بالـ power supply أما اذا كان بيعمل ريستارت فهون عنا احتمالات كتيرة بدها اسئلة وردود

ناطر ردك

[خليــل]

مرحبا

شكرا كتير يا شبيبة

بعد ما صرلي كم يوم مالل وعم سبسب عالجهاز وعلى شركة كومباك قررت اليوم افتح اللابتوب ويا قاتل يا مقتول. فتحتو وفتحت مجاري التهوية الموصولين عالمراوح والله لا يورجيكن شي بيعمي, شو بيخطر على بالكن غراض لقيت, شعر, اضافر, غبرى, دخان فرط. يعني كتر خيرو يلي متحمل وعم يشتغل لهلء.

يلي خلاني افتحو انو ترافق مع حالة الريستارت بالفترة الاخيرة صوت من المروحة وكانو ريديتير سيارة زيل.

المهم الجهاز لهلء ما عمل شي ولا طفى مع اني جربت كل المهام يلي كنت اعملها عليه فبعتقد المشكلة من المراوح لانو بعتقد ما كان في تهوية نهائياااا.

تحياتي وشكرا كتير


وبالنسبة لسؤالك فتى الشام, الكمبيوتر كان عم يعمل شت داون عالخالص

[ياسـر]

الحمد لله على سلامة الجهاز أبو الخل
ياسيدي مابعرف ليش هالجملة ذكرتني وقت كنت عزابي وأجى على بالي نضف الكيبورد :D

والله لا يورجيكن شي بيعمي, شو بيخطر على بالكن غراض لقيت, شعر, اضافر, غبرى, دخان فرط.

sh:hi

[يوراميوم]

كل مصممي الغرافيكس بيحبوا من المعالجات ال Amd واللي هي أكثر شي بيكرهوه جماعة الصيانة.

الحمد لله على سلامة كومبيوترك

[حسن]

كل مصممي الغرافيكس بيحبوا من المعالجات ال Amd واللي هي أكثر شي بيكرهوه جماعة الصيانة.

الحمد لله على سلامة كومبيوترك


لا تشكيلي ببكيلك يا ابو الريم..

ولي عالـ AMD وعيشتو

لاء وشو ؟؟ من وين مقتنعين جماعة الغرافيك انو أفضل من الانتل مالي عرفان !!

بيقارنولك أقوى معالج عند AMD مع معالج عادي من عند Intel وبيقولوا للعالم شوفوا الفرق !!!


تعو كمثال شوفوا معالجات الـ Extreme Edition تبع انتل اي مافي معالج عند AMD بيجاريهم..


الحمد عالسلامة خليل, بس انو شعر وغبرا ومدري شو مقبولة اما أضافر !!!!

يعدمني ياك قرفتني

[خليــل]

مرحبا

هلء انا وقت اشتريت جهازي ما كان كتير عندي فكرة عن المعالجات فسئلت عمو البياع تبع الكمبيوترات وقلي انو الاي ام دي 64 هو افضل معالج للغرافيك مع انو سعر الجهاز كان ارخص من غيرو يعني كان من مصلحتو يبيعني الانتل الاغلى. وبصراحة بعد الاستخدام لقيت انو الجهاز جبار و افضل من المعالج الانتل يلي كان عندي من زمان, يعني بتحسو بيغزل غزل.

بالنسبة للاضافر اخي فتى الشام, محسوبك بس تعصلج معو شغلة او يكون بدو ينام ونعسان وفي شغلة عالقة بيصير بيقرط اضفيرو وبالتالي بتنتقل هالاضافر لمروحة المعالج :D.

وبمى انو الشيء بالشيء يذكر اليوم كنا عم نحكي انا والجنرال حازموف وكاندي بارز بالروم الصوتية عالغبرة يلي طلعت. وشطحنا بالوصف وبالشغلات يلي كانت موجودة بالجهاز لحتى وصلنا لحنش كان لافف على المروحة واحافير سمكة مطبوعة على القرص الصلب وصورة تور وصيادين منقوشة بسفل المذر بورد.

:p