وندوز فيستا أخيرا على جهازي

[TheProfessional]

قمت قبل 3 ايام بتحميل الوندوز الجديد

من أجمل الى أجمل
لا أنسى أول مرة رأيت فيها الاكس بي
وكيف اعجبني وادهلني

ومرة اخرى مع الفيستا

أجمل ما أعجبني به
سرعة تحميله
فبعد ان ينتهي تحميله تتفاجئ بأن ال 40 دقيقة كانت لتحميل 7 جيجا

الصور المؤثرات مدهشة

التعريفات ولا أحلى ما بتحتاج تعرف شي
كل شي بيتعرف لحالو

ولا الالعاب مطورينها وضايفين ألعاب جديدة أحلاها الشطرنج

طبعا احنا ما حكينا على السكيورتي العالية ولا السيرش الرائع

ولا طريقة عرض Flip 3d المميزة (طريقة التنقل بين الصفحات المفتوحة)
الوندوز مدعوم ب ميديا بلير 11 و انترنت اكسبلور 7 والعاب من شركة اي

ولسا لما تحملوه رح تشوفوا الروائع

ولما تنزل معه اوفيس 2007 بتكون كملت جهازك

وكثر شي ما عجبني هو انه شباب لك ما فتح معي :hmmmm:

[نبع الماء]

حلو والله اذا هيك
معناها بدي حملو أنا كمان
TheProfessional : شكراً الك على تعرفينا بالفيستا الجديد
بس بدنا يوراميوم يقلنا شو هي مسائوا قبل ما نبلش فيه

[nano_l]

من فترة الأخ يوراميوم شرحلي شوي عن الفيستا
سيئته الوحيده انو حجمه كبير وبس
يعني مميزاتو غلبت على سيئاتو

يسلمو

[ABBUDY]

اي طيب شو مشان تسجيل نسخة على موقع المايكروسوفت ..هل نسختك اصلية وللا ب 150 dvd مثلا

[ابن جبل النار]

الله يجعلو مبروك
وعقبال الاحدث فالاحدث
بس بدي اسألك عن الاكس بي الجهاز عندي صار بطيئ بشكل غير طبيعي صفحة الويب بدها 5 دقايق لتفتح
يخرب بيتو ما استحى هالجهاز لسا اول مبارحة فرمتو...........الحئني بحل

[يوراميوم]

مبروك الفيستا، هو بصراحة حمزة الفيستا بالشام موجود من شهر تقريباً ومبارح شفت النسخة العربية على رفوف المحلات هون

على كل حال المميزات اللي وصفتها رائعة بس في شغلة لازم ننبه الشباب عليها وهي أنو هذا النظام بيحتاج حاسب بموارد عظيمة ، يعني بده معالج يكون بنتيوم 2.8 دبل كاش على الأقل
ورام 1 غيغا وكرت شاشة لا تحكو بأقل من 128 ميغا مع تقنيات مثل true shader وغيرها مشان تشتغل الفليب ثري دي

بالإضافة لهذا الشيء

بالنسبة لكسر الحماية فطريقة كسر الحماية تعتمد على 4 خطوات تقريباً سأشرحها في موضوع كسر الحماية

ولكن قبل الانتقال إلى Vista أنصح الجميع بتحميل وتشغيل برنامج ال upgrade advisor الخاص بوندوز فيزتا لكي يحدد القطع التي لن تعمل على حاسبه وكذلك البرامج التي سيحتاج أن ينتقل بها لمستوى أعلى

وعلى سبيل المثال ومن تجربتي ، ستحتاجون لنسخة "نيرو" جديدة خاصة بالفيستا وكذلك اضطررت لتغيير نسخة ال VMWARE التي أعمل بها ومن البطاقات التي ستسبب مشاكل بعض بطاقات المودم وكذلك هناك الطابعات ذات الطرازات الأقدم من 3 سنين لن تجد لها تعريفاً مناسباً للفيستا في الوقت الحالي

هذا رابط تحميل برنامج upgrade advisor
http://go.microsoft.com/fwlink/?linkid=65926&clcid=0x409

بالنسبة للأوفيس 2007 لازم تتعرفوا عليه جيداً وتتأقلمو مع الواجهة الجديدة قبل ما تعتمدوه ، بكل الحلات ما بنصح بوندوز فيستا أو ب أوفيس 2007 لتبنيهم بالعمل قبل ما تأخذ أيدكم عليهم جيداً.
ممكن تبدأو بتجريبه بالبيت

أوفيس 2007 عملو نقلة نوعية بواجهة البرنامج بحيث دمجوا شريط القوائم مع شريط الأدوات بشريط تفاعلي، ومثلاً بالورد صار فينكن تحددوا جملة بالماوس وتوقفو مؤشر الماوس فوقها لحتى يطلع شريط تنسيق سريع بجانب مؤشر الماوس ومارح تحتاج أنو تحرك المؤشر باتجاه شريط القوائم أو الأدوات مثل ما هي الخال عليه الآن

[7sam]

أول شي مبروك حمزة الويندوز فيستا
أنا صراحة جربت النسخة التجريبية منها LongHorn من فترة طويلة وأرهقت لي جهازي كتير لهيك متردد بإني نزل النسخة الأخيرة منها.


أوفيس 2007 عملو نقلة نوعية بواجهة البرنامج بحيث دمجوا شريط القوائم مع شريط الأدوات بشريط تفاعلي، ومثلاً بالورد صار فينكن تحددوا جملة بالماوس وتوقفو مؤشر الماوس فوقها لحتى يطلع شريط تنسيق سريع بجانب مؤشر الماوس ومارح تحتاج أنو تحرك المؤشر باتجاه شريط القوائم أو الأدوات مثل ما هي الخال عليه الآن

بعد حوالي 10 سنوات أو يمكن أكثر تعامل مع أوفيس صار بدي دورة من جديد لحتى أقدر اتعامل مع الواجهة الجديدة. :D


شكرا على الـ Advisor

[vict0ry]

بعد حوالي 10 سنوات أو يمكن أكثر تعامل مع أوفيس صار بدي دورة من جديد لحتى أقدر اتعامل مع الواجهة الجديدة. :D


شكرا على الـ Advisor

صحيح أخي حسام حاسس حالي متل اول مرة بفتح ويندوز 3.11

كلشي جديد حتى الالوان خخخ

[JUDY]

انا كمان من شي اسبوعين نزّلتو عندي ..
ويندووز أكثر من رائع ..
لسا عم أتعلم شغلات فيا .. بس رااااااائع ..
يا ريت الكل يجربوه ..

[TheProfessional]

النسخ الي كانت موجودة قبل فترة لا تعمل على الاجهزة العادية
تحتاج الى معالج 64 بت

والنسخ الموجودة من ايام هي التي تعمل على الاجهزة العادية

اما بالنسبة لتسجيل فالهكرز وصلوا لطرق التسجيل

[shamy]

عجييييييييييييب هالفيستا

[السيدة ملعقة]

أحلى شيء فيه إنه بعرف كل شيء لحاله حسب ما قرأت

مبروك حمزة وعقبالي

[TheProfessional]

أحلى شيء فيه إنه بعرف كل شيء لحاله حسب ما قرأت

مبروك حمزة وعقبالي


تعرف على كل الاجهزة حتى الطابعة 4 في واحد لحاله
بس ما اتعرف على كاميرا الواب القديمة مع انه الاكس بي كان يتعرف عليها

[يوراميوم]

تتعامل ا،ظمة التشغيل عادة مع الكاميرا تعاملاً مختلفاً عن باقي القطع، فهي بالنهاية اجهزة طرفية أولاً وتستخدم ما يسمى بخدمة WIA الموجودة بوندوز

بالنسبة للطابعات ، للأسف هناك عدد كبير ممن جربوا النسخة لدي اشتكوا من كون طابعاتهم لا تملك تعريفاً لهذا النظام مما اضطرهم الامر لتجريب تعاريف Windows XP ولم ينجح الجميع رغم ذلك