إييييه يا إيام المدرسة !!!!

[حشيشة]

هلأ بلا خجل ...


كلياتنا كنا (أو لساتنا) طلاب مدارس ...


و كل واحد منا عاش لحظات شيطنة وعفرتة ...


ومواقف بتفقع من الضحك ...


إن كان مع المدرسين .. أو بين الرفقات ...


وعلى مقالب بالمدرسين والمدرسات ..



(طبعا مع رسالة محبة وتقدير لكل مدرس حقيقي يقوم بواجبه دون تقصير .. )



هاتو بحتولنا هالذكريات ...



حشيشة ،،،sh:eye

[DARK.NIGHT]

مدرسة... شو..!!.. ذكريات.. ولي..!!
هادا يا سيدي.. أنا كنت بمدرسة الثقفي.. بدمشق..
إيه.. أيامات مستحيل أنو ننساها..
بس بصراحة.. كثير..
أنا لا أذكر صفي كثيراً..
فأغلب أوقاتي كنت أقضيها في الباحة..
و أنا ألعب كرة السلة مع الأصدقاء..
باستثناء.. حصة الرياضيات.. و أحياناً بعض المواد..
يا لطيف... لك شو بدي إحكيلك مقالب لإحكيلك..
كل حياتي الدراسي كانت نكتة كبيرة.. هه..
انتظر بعض المقالب في ردي التالي..

[حشيشة]

من زمان أخي دارك ....


هات أطربنا بما تجود به مقالبك ....



أنا عم إنتظر!!!



حشيشة،،،sh:eye

[basil_dgh]

ياسيدي موضوع حلو

أنا درست سنة وحدة بالشام
سنة الحادي عشر..
بتعرف هالسنة
بيكون الواحد مطبل مزمر

ياسيدي المهم قضيت سنة بالأخوة الخاصة...فرير مو هيك اسمها؟

سنة حلوة
سلبة بسلبة
مقالب
تقلعنا يا معلم
واستلمنا الملف
و وعقدنا الدنية هنيك..
اييييييييه ايام يامعلم

ومتل ماقال أخي دارك
يامن تلاقينا عم نلعب سلة
برا بهالباحة ياعم نضرب شي واحد قتلة حشك ولبك من باب المزحو القفلة
وكان في لعب حلوة
حولة مولة
ولعبة ال "تجحيش" هي لعبة تبع الحوادي عشر..
سلخ وضرب بالجواكيت!!!
شي بيكب وبيعمي!

انا كنت صف على شباك البوفيه
ونادي لأبو شاهين من فوق لفوق...أب شاهيـــــــــن
هات 2 مسبحة وهلاجوسة

أحلى شي كنت انا وأبو الروض صاحبي نوقف
وكل ولد صغير بدو يشتري ..كنا ناخد منو شقفة!!!
ولي عالفضايح... :D

الله يعطينا العافية

وبآخر الدوام كان دوري المدرسة بالقدم
كنت أنا المدافع يا معلم
وعينك ماتشوف الا النور
بهدلة من ماما لما ارجع
وينك لهللأ؟؟؟
:) أيام يا معلم
كنت أنا و 6 بالصف المشاغبين الأساسيين
بس نجحنا يامعلم:)
بو بالدفش بنوب!
:)


سلام عليكمsh:hi

[حشيشة]

أهلين بعمي أبو البيس والله ...


لقلك وحدة من النهفات يلي كانت تصير معنا أيام الحادي عشر..


يا سيدي أنا من جماعة يوسف العظمة...


كان عنا مدرس عربي بيحاول يكون شديد بس على الفاضي...


وكان الجو على الشكل التالي بالحصة تبعو...



(أصابيع البوبو يا خيار ..)


(يبرأ ييييييييييبرااااااااااااااااااااااأ)



(يالي عندو تخوتة يالي عندو طقومة يالي عندو خزاااااااااااااانااااااااااااااااات....)


(حاااااااااااااالييييييييييييييييييييهيييييييييب ....)



(تلاتة بمية .. تلاتة بمية ... تلاتة بمية والكيلو بخمساوتلاااااتييييييييين...)



وهيك يا معلم ....




طول الحصة ... مشان طلعنا كلياتنا .. شاطرين بالعربي...



ولما يرن جرس الفرصة ...


و يكون الإستاذ طالع من الصف ....


( تعا ودعو يا حوينتوووووووووووو... )







والخير لقدام ،،،

حشيشة sh:happy

[Nany]

اي شو هل ذكرى هي ولي شو عملنا عمايل

يالله ما احلى الطالب لما يكون مدعوم ومشاغب ومو باين عليه :D
يا سيدي مرة بايام الحادي عشر صار في تفتيش عنا بالصف اجو 3 مدربات فتوة يفتشوا بقا بتعرفو انتو البنات وشناطي البنات شو ممكن يكون فيها شي مجلات شي صور فنانين شي مراية شي مشط طبعا مو اكتر من هيك
المهم انا كان عنندي صور لفنان بحبو كتبر بدون ذكر اسماء ورفيقتي التانية عندها مجلة والتالتة مجلة قامت الموجهة التلنا طلعوا كلكن على اللوح عشان يفتشوا الشناطي قام وحدة من رفقاتي معروفة انها شاطرة وقوية مسكت المجلة عل هادي وطالعتها معها على اللوح وهنيك طلبت منا انو نفوتلا المجلة بالبدلة وطبعا الكل حسدها على الفكرة الجهنمية
اجت المدربة وصلت لعند مقعدي وهي بتعرف انو هاد مكاني وكانت كتير بتكرهني بس ما فيها تحكي اجت مسكت الدفتر وفتشتوا بقوة قام لزقت الصورة بالدفتر وما شافتها راجت على مقعد رفيقتي التانية ومسكت الشنطة وسحبها بقوة من الدرج قام نزلت المجلة يلي كانت فوق الشنطة لتحت المقعد وما شافتها اجا در رفيقتنا التالتة يلي اخدت المجلة معها لبرا فتشت المدربة الشنطاية قام طلعت المجلة بايدها وصارت تقول مين صاحبة هي الشنطة تنزل تاخدها من المدير قام رفيقتي اصفرت واخضرت وبعد ما راحوا الموجهات فورا شلحت الجاكيت حتى تعرف شو هاد يلي اخدتو معها وخبتو بالبدلة قام طلع دفتر الرسم استشبهت فيه واخدتو:D

على فكرة هيك دايما حظي انا

[osama_brd]

لك آه يا حشيشة شو عندك نهفات ....

يعني شو بدي قلك لقلك طيب اسمع مني هالكم شغلة ...

أنا كنت عم أدرس بسعودية فكان استاذ الإنجليزي من السودان وبالفعل السودانيين قلبهن طيب وما بحبوا يضروا حدا وهذا من الواقع الي لمسته المهم كان مرة في عندنا اختبار شهري يعني مذاكرة المهم أنا ما كنت كتير شاطر بس يعني ماشي حالي المهم رجعني الاستاذ وقعدني آخر محل بالصف وبسعودية كان لكل واحد مقعد خاص فيه يعني مو مقعد ثلاثي وكان المقعد عبارة عن طاولة لحالها وكرسي لحالو فبعد ما رجعني وعطانا الأسئلة في كم سؤال صعبين قمت قدمت طاولتي شوي وبعدين قدمت الكرسي وصرت كل مايدير الاستاذ وشو أعمل هالشغلى حتى صرت جنب أحد الطلاب قام أجا الأستاذ لعندي وقلي لك شو هاذا مو كنت آخر الصف .... فقلت له : ما بعرف كيف صرت هون .... فبصراحة أنا حسيت الأستاذ عم يضحك بس حاول يخفي ضحكته وقلي : يالله ارجع للخلف ولا عاد تعيدها .... ورجعني مرة تانية للوراء ....


مرة كنت بالصف الحادي عشر يعني مو صغير المهم رن جرس الحصة الخامسة وكنت بسعودية كمان المهم أنا فكرت أنه الحصة السادسة والأخيرة فحملت الشنطة تبعي وحملت حالي وطلعت من المدرسة وبعد ما قطعت مسافة طلعت بالساعة لقيتها لسا ما صارات 12.00 يعني نحنا كنا بنطلع شي 12.30 فرجعت بسرعة على المدرسة وخبيت الشنطة بين الزرع ورجعت على الصف فقلي الاستاذ : وين كنت وكان سعودي فقلت له .... كنت مريض وكنت عم أشرب ..... لكن شو بدي أحكي ... كنت صرت مضحكة .......



تحياتي

أسامةsh:hi

[zeus33]

يا زلمه ما في احلى من ايام المدرسة و مافي احلى من الضحك على الاساتذة للي مفكر حالو دنجوان زمانه وبيقعد يلطش البنات او بسمعهن حكي حلو
والاح لى من هيك بس ياكل الاستاذ المقلب كل الشعب بالمدرسة بتعاقب مشان شقفة استاذ
وتحياتي الى كل مقاتل من اجل الحصول على البكلوريا
سلااااااااااااام

[basil_dgh]

بتزكر اني حطيت مشاركة طويلة

وين طارت!!sh:ohmy

[ليـــمون]

ياسيدي مافي أروع من أيام الطفولة والدراسة ...

وأنا درست بمدارس السعودية وكتير صار مواقف منها بيضحك ومنها لأ .

بتذكر كنت خاف كتير من مدرس الرياضيات لما يسمعلنا جدول الضرب بالابتدائية ..لأنه اذا ما عرفت ..الشغلة فيها (قتلة) .

وبتذكر موقف (طريف ومو طريف) لواحد من أعز أصدقائي بالأبتدائية , كننا عم نلعب بملعب السلة مابتذكر شو كننا عم نلعب , بس اخونا فتح راس ابن خالتو بعلبة بيبسي ههههههه ..الي مو طريف هون ..أنه الصديق هاد أكل قتلة من وكيل المدرسة ...ولهلأ ياحرام بيتذكرها :) .


ايههههه ..أيام ما بتنتسى والله ..