ليش هيك صاير معي ...

[ابو السوم]

أنا حمشي من طريق ...وحتمشي من طريق ...
ولو تقابلنا مرة ..صديق قابل صديق ..
حنتبسم عشان ..حنفتكر اللي كان ..وازاي كنا زمان ..اتنين متحيرين ..بيضيعوا السنين ...

ايه وين كنا ....عفوا شباب بس هي غنية لهاني شاكر وعمبسمعها ...

خلونا ندخل بالموضوع ...

لك ليش هيك عميصير فيني ؟؟؟

بفيق الصبح ...وبشرب فنجان القهوة ...وقبله كم تمرين صباحي ...وبلبس مشان انزل عجامعتي ...
وهون بيبلش الفيلم ...
بطلع لبرا البيت بلاقي العمال برا عم يشتغلوا ببيت الجيران ...بقول الله يعطيكون العافية وببتسم ...بيطلع فيني هيك الزلمة ...وبيقول :أهلين ..
وكأنه عم يحاكي حاله ...

بوقف ميكرو لأطلع فيه ...بطلع وبقول السلام عليكم ...بشتهي حدا يرد علي ...بقله للمعاون تفضل ..بيصفن فيني ..وبينتر الخمسه مني ...
بقول لحالي ماشي ....

بوصل للجامعه ...بدخل عالمحاضره ...بيدخل الدكتور ...صباح الخير دكتور ...بيطلع فينا الدكتور هيك (خاصة اذا كان اللي ببالي) ...خير؟؟من وين بدو يجي الخير ...سكوت انت وياه ابني ...كأنو نحنا طلاب صف أول حضانة ....

بنروح لنسأل دكتور عن شي شغلة ...بيطلع فينا وهو رافع رجليه وعميشرب شاي ...ماني فاضي هلاء ..تعوا بعدين يا سألوني بالمحاضره (خاصة اذا كان اللي ببالي)

بالمختصر ومشان ما طول عليكون ....

ليش اذا تعاملت مع الناس بلطف ولباقة بتلاقي الجفاوة والجفاصة ...
يعني لازم تكون وقح لحتى الناس تتعامل معك وتخاف منك؟؟؟

خاصة أنا ....

لك ليش حاسس انو كل العالم مابتطيقني ؟؟؟
أو مو هيك ...
كل العالم بتتعامل معي بفوقية واستصغار ....

ليش يااااااااااااااا

والله أنا بني آدم ....بشر أنا كتلة من المشاعر والأحاسيس ...

صحي ليش هيك ...

بداية موضوعي كانت انا حمشي من طريق ...

وهلاء لوين وصلنا ؟؟؟
وصلنا لعند ...

ياريتني
قابلتك قبل ماقابل حد
ياريت مشوار عمرنا يتمد
ياريتني عرفتك من زمان ...
ماكانش أمل في حياتي اتهد
ماكانش الدمع جرحلي الخد ..
ماكنتش حعرف احزان ...أحزان..أحزان...
ياريتني ....

[engafw]

حبيبي كل الناس هيك صايرة..................

بدك تقتنع بالواقع، يعني أنا لما بعامل الناس بلطف ولباقة بتلاقيهم ركبوني..........قصدي يعني صاروا يشوفوا حالهم..........

لك حتى إذا حدا غلط معي بقول له مو مشكلة.........فبيصير بيعيد الغلط.............

الحل الوحيد أنك أنت تبلش تعامل الناس بهادا الأسلوب........يعني أنا لما بطلع على الميكرو بتطلع بشفير الميكرو وبقول السلام عليكم..........إذا رد بقول له تفضل معلم........وإذا ما رد بنعره لأعطيه الخمس ليرات.................

أنا ما بسكت لحدا أبداً من شان ما يصير معي جلطة.........فمن شان هيك اللي بيعاملني بمنيح بحطه على راسي.........واللي بده يتكبر........صدقني بعمله قد القملة وبعدين بفركه;)

[nahol]

ابو السوم الملك :

يلي عمبيصير معك امر عادي بس سماع هالقصة وخود فكرة:

مرة واحد ماشي مع رفيقو بالطريق... قام قله رفيقه: ممكن نشتري الجريدة من هالكشك ؟ جاوبه رفيقه : طبعا..
وقفوا الأثنين ليشتروا الجريدة ... ودار هالحوار بين واحد منهم وبين بياع الجرايد:

- صباح الخير...
-اهلين(ببرادة)
-ممكن جريدة؟
- خود..(وهو عميتنتور فيه..)
-شكرا.
ومشيوا الأثنين بطريقهم قام شو قلو واحد للتاني : لعمى بيقلبو بياع هالجرايد شو ناشف كان معك وشو قليل زوق والله ما كون محلك لحتى كسرت راسو.. بس بدي افهم شغلة منك :بتقدر تقلي ليش كان عمبيعاملك بكل نشافة وانت كنت عمبتعاملو بكل لطف..؟؟؟
قام جاوبو لرفيقو وقلو :
لانو ما بسمحلو انا انو هو يقلي كيف لازم اتصرف انا...!!!


والمعنى عندك اخي ابو السوم....وسسسسلام


اخوك
النححححول

[Kitty]

أبو السوم و الله معك حق و نحول معو حق الحق بس في كم شغلة بدي قلك عليهن
هدول الناس اللي انت عم تسلم عليهم ما بتعرف شو ظروفهن يعني ما بتخيل أبدا واحد مرتاح بحياتو و طبيعي انو يرد بالشر .... الناس كلهن مناح و كلهن حبابين بس في ناس الهموم راكبتهن لدرجة انو ما بطيقو حالهن ...
تخيل حالك مكان شوفير الميكرو ... تخيل انو زلمة عندو خمس اولاد ساكن في بيت غرفة و صالة امه عايشة معو بالبيت و كل مايرجع ياكلو لقمة و يرتاح بتقلو مرتو ... و الله امك اليوم ساوت هيك ... و امك عملت هيك ... على فكرة المدارس رح تفتح و الاولاد بدهن صداري و شناتي وكتب و دفاتر و اقلام و محايات و برايات و مساطر ... و بلاوي زرقا و حمرا و خضرا و نسيت قلك اني رحت عند الداية ام صبحي و قالت لي انو السادس عالطريق ...الخ
بحياتي عندك ، هادا المسكين و متلو تلات أرباع شوفيرية الميكرو و العمال كيف بدو يسلم على الناس و هو دوبو مدبر أكله و أكل اولاده .الله يعينو يا شيخ و فوق الكومة بدك ترميلو الخمس ليرات ...
الدكتور بالجامعة اللي عم تحكي عنه بغض النظر عن ظروفه المادية التعيسة هو التاني ... جرب شي نهار توقف محلو و تعطي درس لطلاب جامعة إي معو حق و الله متل الحضانة ... لسا على ادق رقبة ... لسا الولد بالحضانة بتقلو سكوت بيسكت شوي .. بس طالب الجامعة بتم الدكتور يزور فيه و هو و رفيقته متل اللواح عم يتكركرو و لما يقلو اطلاع لبرا ... بأحسن الأحوال بقلو الطالب ..: شو كفرنا كنا عم نحكي عالدرس . و بيخبط الباب ورا .. بطحبشو طحبشة ... اي و الله انا بنقهر عنو تلات أيام
بقا روق و سلم على الناس كلها حتى لو ما سلمو عليك متل مابدك المهم انت عملت اللي بريحك ... و السلام حسنة و الحسنة من الله عز و جل و اللي بيعمل منيح مع الناس ما بيعملو لأنو عم يستنا الناس ليشكروا ... عم يعملو لانو لازم يعمل منيح لانو هو منيح ..






خلص الكلام عندي
يعني بعرف حالي بلت كتييييييييييييييييير بس بتمنى انو ادرت وصل الفكرة


و اس اس ... السلامو عليكو



و اليوم عندي فحص .... ادعو لييييييييييييييييييييييييييييييييي

[جورية]

اصدقائي الغاليننننننننننننننننننننننننن

الى ابو السسسسسسسسسسوم الطيب

يا ابو السوم و الله كلامك على العين و الراس بس
يا اخي اذا انت بدك تعامل الناس منيح منشان الناس نفسها
فانت غلطان كتير اخي ابو السوم
لازم تعامل الناس لربك و بس
يعن بتعمل يلي امرك فيه رب العالمين و بس
بتسلم السلام لله مو للعبد يا اخي ابو السوم
بتعمل منيح مع العالم تاخذ عليه ثواب و اجر
مو بتعمل منيح منشان تلاقي منيح من البشر
لاء يا اخي ابو السوم اعمل باصلك و بس
و يلي عجبه عجبه و يلي ما عجبه يصطفل
لازم كل عمل تعمله منشانك انت و بس
منشان الكل يعرفوا مين هو ابو السوم
منشان يعرفواانو انت مربى على الغالي كتير
منشان اذا حدا سال عليك يجاوبه انو هذا انسان عظيم
منشان اذا شي يوم احتجت لبني ادم تلاقي انسان متلك
لهيك ما تنتظر شي من العبد يا ابو السوم
اعمل باصلك و بس و الباقي رح تلاقي نتيجته
من رب العالمين و بسسسسسسسسسسسس
حط عينك بعين رب لعالمين و قول يا رب
و توكل عليه و كل شي رح يكون تمام
و كل شي بالادب و الذوق بصير و الله
لك حتى لو بدك تبهدل الزلمة فيك تبهدله بالزوق
لك اااااااااااااخ مو مين من كان عنده هل النعمة و اللله
و انا بحسد كل واحد عنده نعمة الصبر و الحلم و طوله البال
و الذكاء الخارق يلي بيسكت الغلطان بكلمة حلوة
و شفت منهم بحياتي و بتمنى من ربي كون منهم يوم من الايام
و من كلام يبيدل انو ما تكون ضعيف ابدا
رب العالمين اصلا ما بيحب العبد الضعيف بيحب العبد القوي
بس القوي باخلاقه و قيمه و مبادئه يلي علمه ايه الاسلام
و خليك متل ما انت ابو السوم الطيب
و عملك لربك و بس
و تحياتي الخالصة لك

[boushra]

يا أبو السوم ..

والله أصبت الوجع في نفوسنا....
و أنا بضم صوتي لkitty ولجورية .. وكلامهم مضبوط ميه بالميه
وأزيد .. هالحالة صارت متفشية ..من قلة الذوق والأدب
الناس لم تعد تعرف تبتسم .. لم تعد تعرف اللطافة
حتى التاجر الذي ندخل عليه .. لايصبر ولايبتسم مع أن مصلحته أن يبيع الزبون ويكسبه لمحله ..
وأي موظف تدخل عليه لايبتسم ويمشي الشغل إلا إذا نترته رشوة
ومع ذلك نقول .. السلام لله .. وكل واحد بيعمل بأصله ..
والناس مساكين ومشحرين ..
ولنشوف شو آخرتها ..
مع تحياتي لك بطول البال
ولاتفقد روحك المتفائلة


بشرى sh:happy

[ابو السوم]

لك عراسي ....

كل الشباب والبنات..
والوردات..الجوريات والعاديات من الياسمينات للريحانات ...

(جمع مؤنث سالم...ههههههههه كان عندي فحص قبل يومين ..عربي كمان)

ايه وين كنا ....

لك أنا مو قصدي عسواق السرفيس او عالدكتور أو العامل ...

قصدي بشكل عام اذا كنت مؤدب ومحترم ولطيف الناس بتنهشك نهش يازلمة ....

بعدين الرسول صلى الله عليو سلم قال:
تبسمك في وجه أخيك صدقة ...

يعني شو بيخسر الواحد اذا زرع البسمة على وجهة؟؟؟


على كل حال ....أنا هي طبيعتي ...مافيني غيرها ...وأحيانا بتبهدل من ورا طيبة قلبي الزايدة ....
مو مشان شي....
لأني حاولت وما حسنت ...
ايه شو بدي اعمل ....

وأحلى نحول ...لك والله انت يامعلم نورت المنتدى بوجودك ...

وكيتي الدهبيه ...لك وجورية غنيه عن التعريف ...وهي الغاليه بشرى كمان ...

لك ميت شكر لمشاركتكن معي ...
والله انا قلت لحالي ماحدا رح يرد علي ...
بس غلطان انا متل العادة ...


هلاء بالنسبة لطلاب الجامعه ...
بربكن بربكن بربكن ...بحياتكون شفتوا شي موظف بالامتحانات أو بشؤون الطلاب بيفرد وجهة ؟؟؟
لك نحنا والله بشر كمان ...
على كل حال :

ماتهدديش
بالانسحاب
من حياتي
والغياب
ماتهدديش
قلبي اللي حبك
بالاألم وبالعذاب
وان كنتي بحر
انا السحاااااااااب
وان كنتي حرف
انا الكتاب
وان كنتي قادرة ماترجعيش
ماترجعيش....

وعراسييييييييييييييييييي أحلى ناس