لماذا تركت العمل!؟

[7sam]

هل تعرف هذا السؤال؟
إن كان جوابك لا، فلتقرأ:

عند التقدم إلى عمل جديد، ستقوم الشركة الجديدة بطلب مقابلة معك، سيقوم المُقَابِل بسؤالك السؤال السحري:
لماذا تركت العمل السابق؟

وهنا ترتسم فوق الكثيرين إشارة استفهام كبيرة وإشارة تعجب كبيرة.
ما الهدف من هذا السؤال؟
الهدف هو معرفة الكثير عن شخصيتك، ومن هنا يستنتج إن كان ينبغي توظيفك أم لا.
فهو يستطيع من هذا السؤال معرفة:
1- إذا ما كنت موظفاً مطيعاً للقوانين أو أنك متمرد.
2- هل تستطيع التأقلم بسهولة أم لا.
3- هل أنت إنسان وصولي أو إنسان طموح.
4- هل أنت مهمل لعملك.
5- هل تقوم بتضييع الوقت في عملك، أو أنك تعمل بضمير.
والكثير غير ذلك …
لذلك إليك بعض النصائح:
1- قم بتحضير الإجابات مسبقاً قبل الذهاب إلى المقابلة
2- لا تتردد بالإجابة لتبدو وكأنك تحضر الأجوبة
3- أجب بلباقة وابتسامة خفيفة
4- احذر الأجوبة التالية، حتى لو كان معك حق:
a. والله تخانقت معهم
b. المدير ما كان يستوعب
c. ما حدا بيقدر الشي يلي كنت عم اشتغله
d. ما بيستاهلوا موظف متلي
e. بدي مكتب أكبر.
5- حاول إيجاد أجوبة منطقية ويظهر فيها تواضعك.

وفي النهاية استمر بابتسامة خفيفة، ولا تظهر أي ارتباك.
وبعونه تعالى ستكون مقبولاً.
ولن تتردد بعد اليوم إذا سألك أحدهم: لماذا تركت العمل؟؟!!

وشكراً

[يوراميوم]

لماذا تركت أول عمل عملت به (مدرس كومبيوتر في معهد بركن الدين)

سئلت هذا السؤال من رب عملي الحالي وأجبته ببساطة:

مدير المعهد كان يعطيني عن كل طالب أدرسه في دورة ما 25% من رسم تسجيل الطالب فقط وكنت أقبل لكوني انا أيضاً أتم دراستي في تلك الفترة ولم يكن لأحد أن يشغلني قبلاً

شكراً للموضوع الهام

[نوسـة]

حلو الموضوع .. بس لو كانت الحقيقة مثلاً ..

أنو جو أو بيئة العمل كانت مليئة بالمؤامرات و طق البراغي و الولدنة بين الموظفين ..

و لا لأنو مجموعة شركات هي عبارة عن غرفتين و نص و قبو و فيهم 9 موظفين ..

و لا لأنو المدير بيقول " نحنا عيلة واحدة" و منشان هيك في استغلال ..

و لا لأنو ما فيك تكتسب خبرة من حدا أو تتعاون لأنو الكل أعداء و خايف على كرسيه و رضى المدير ..

يمكن الأحسن أنو قول اني ما اشتغلت أساسا و يتربى بعزو حمادة عزو .. و اللي ببيت أهلها على مهلها ..

بس بجد حلو الموضوع لأنو أحيانا بيكون سؤال جدا مربك و يطول شرحه ..

[vict0ry]

ذكرتني حسام بيوم الخميس طلعت أعمل مقابله بأحد الشركات وفعلياً أنا رحت على قدر ما تعرضت لضغوط أني روح بما أنو رايح واسطة و تفاجئت لما سألني لش بدك تترك شغلك ؟
صفنت و ضحكت وجاوبته أني مبسوط كتير بشغلي بس أجيت نتيجة ضغوظ و للتعرف عليه بس

:)

وهو ضحك كتير بعدها مدي ليش

[GODFATHER]

لماذا تركت العمل السابق؟

سؤالك دفعني اني فكر مستقبلياً

شو السبب اللي راح يخليني اترك عملي الحالي ؟! .. كيف ومتى

.

[أحلام]

هالسؤال يتطلب اجابة مدروسة جدا ومحبوكة
وخاصة اذا كان الشخص تارك اكتر من عمل سابق وبلش المقابل
بالسؤال بالتفصيل عن كل عمل وسبب تركه ::(

بس السؤال الدارج اكتر بهالايام ويلي صار مطروح بأكتر من مقابلة
لشغل جديد انو شو جنسيتك ؟؟؟ مع انه مكتوب بيكون بالسيفي :akeeed:
وهون حسام بظن لازم الابتسامة تعرض اكتر لانو متى ما قلت انه فلسطيني
يبدأ المقابل بالتمكمك ومحاولة اختصار المقابلة قدر الإمكان
لتعلم تلقائياً انه لن يتم قبولك ..........والباقي ما داعي اكتبه arada

[ياسـر]

الصراحة ما تعرضت من قبل لهيك سؤال لأني لسا ماغيرت عملي lool وان شاء الله ما بغيروا الا لعمل خاص فيي بس ...
بس سؤالك مهم اخي حسام لازم الواحد يحسبله حساب ويكون مجهز الجواب المناسب .

تحياتي ...

[Spartan]

حسام :
بيصير الواحد يجاوب :
مو عاجبني مستقبل الشغل اللي عم بشتغله وعم حاول انتقل لشي أحسن

شو رأيك ؟

[7sam]

لماذا تركت أول عمل عملت به (مدرس كومبيوتر في معهد بركن الدين)

سئلت هذا السؤال من رب عملي الحالي وأجبته ببساطة:

مدير المعهد كان يعطيني عن كل طالب أدرسه في دورة ما 25% من رسم تسجيل الطالب فقط وكنت أقبل لكوني انا أيضاً أتم دراستي في تلك الفترة ولم يكن لأحد أن يشغلني قبلاً

شكراً للموضوع الهام
هذا الرد معقول جداً ومنطقي جداً
شكراً لمرورك عزيزي يوراميوم
حلو الموضوع .. بس لو كانت الحقيقة مثلاً ..
إذا أتينا للحق هنالك أكثر من 90% من الأعمال لا تخلو من المشاكل التي تحدثتي عنها.
ولكن يجب اعتبار البروتوكولات والرسميات في حالتنا هذه
شكراً لمرورك وتعليقك الطريف

صفنت و ضحكت وجاوبته أني مبسوط كتير بشغلي بس أجيت نتيجة ضغوظ و للتعرف عليه بس

:)

وهو ضحك كتير بعدها مدي ليش
طبعاً وجود العمل لا يمنع من اكتساب المعارف والخبرات ... لا أحد يدري ما يخبئ له الغد
شكراً للمرور ولفت النظر لهذه الحالة
سؤالك دفعني اني فكر مستقبلياً

شو السبب اللي راح يخليني اترك عملي الحالي ؟! .. كيف ومتى

.
طوّل بالك أخ أبو هاجر
لا تفكر بشكل سلبي sh:hi

بس السؤال الدارج اكتر بهالايام ويلي صار مطروح بأكتر من مقابلة
لشغل جديد انو شو جنسيتك ؟؟؟ مع انه مكتوب بيكون بالسيفي :akeeed:
وهون حسام بظن لازم الابتسامة تعرض اكتر لانو متى ما قلت انه فلسطيني
يبدأ المقابل بالتمكمك ومحاولة اختصار المقابلة قدر الإمكان
لتعلم تلقائياً انه لن يتم قبولك ..........والباقي ما داعي اكتبه arada
أخت أحلام أود شكرك لإثارة نقطة قوية في هذا الموضوع، وهي موضوع التفريق وإن شاء الله سأقوم بوضع موضوع خاص يتحدث عن هذه الظاهرة عند اكتمال المعلومات اللازمة
الصراحة ما تعرضت من قبل لهيك سؤال لأني لسا ماغيرت عملي lool وان شاء الله ما بغيروا الا لعمل خاص فيي بس ...
بس سؤالك مهم اخي حسام لازم الواحد يحسبله حساب ويكون مجهز الجواب المناسب .

تحياتي ...
إن شاء الله أخ ياسر تيسر لك أمورك وتبدأ عملك الخاص في مدينتك
شكراً لمرورك أتمنى لك التوفيق

بيصير الواحد يجاوب :
مو عاجبني مستقبل الشغل اللي عم بشتغله وعم حاول انتقل لشي أحسن

شو رأيك ؟
هذا الجواب أكثر الأجوبة عقلانية في حال تم بطريقة لبقة مثل أن نقول:
رأيت في شركتكم مستقبلاً أفضل
أو رأيت في العمل الذي تقدمونه لي مستقبلاً أفضل
شكراً للسؤال

بالنهاية احذر من وصف عملك القديم بصفات سلبية

[Seogyeon]

على فكرة هادا السؤال كتير سطحي ومابنسأل غير من قبل الشركات السورية، نوع من ممارسه الضغط.

مقياس الخبرة بالشركات الأجنبية هي الشركات التي انتسبت إلها وشو أخدت خبرة منها وهل هي على مستوى دولي يعني إلها تعاملات مع السوق العالمية، فعليا الموظف لازم يقضي بالشركة مدة ثلاث سنوات لاأكثر ولا أقل لأنو بعد 3 سنين الشخص مابقى يتعلم شي جديد وغير هيك إنو بتأطر بهادا النظام مابقى بتطور والشركات بسوريا مكانك راوح نظامها على زمان جدي، المعروف إنك لما بتغير رح تكتسب خبرة أكتر.

لما كنت بسوريا عملت مقابلة مع شركة يونانيه، ماسألوني أبدا عن سبب تركي للعمل. كان تركيزهم شو بقدر قدم للشركة وشو متوقعة آخد منها. وحتى لما قدمت لشركة أجنبية بالخليج فيها من كافة الجنسيات ماسألوني عن سبب تركي للعمل في كل شركة عملت فيها لأنو بيخلو ببالهم الاعتبارات ماديه يللي بيبحث عنها الموظف إضافة إلى الخبرة، لذلك هادا السؤال مابينسأل.

الأمر من هيك بسوريا مافي شي اسموا مدير الموارد البشرية متخصص، ليعمل معك المقابلة وحتى المدير العام صاحب الشركة بكون تاجر أو ابن تاجر طلع درس برا شي كم سنة بس لما رجع كب كل شي ورا ورجع يتعامل معك بعقلية ابن السوق وبيعمل معك المقابلة وبحاول يدور على نقاط الضعف بالـ CV منشان يكسر الراتب يللي رح تطلبو...وبيصير يساومك على الراتب كأنو عم بيساوم على كيس بندورة أو بطاطا...حاله يا جماعة حاله تعبانه. وبينسى تماما أن هذه السنوات من الخبرة والتدريب بيتطلب هادا Package . معلومكم كورسات تقوية اللغة الانكليزية وتعلم لغة جديدة والتدريب على التعاملات البنكيه على حساب الموظف مافي شركة بتقدم التدريب.

أكتر شغلة كانت تزعجني هوي هادا السؤالaiii فدخلت مره على مقابله أول سؤال إنسألته بعد ما عقدت على كرسي الاعتراف هو ليش تركتي شغلك القديم، فرديت عليه بسؤال إنت ليش الموظف أو الموظفة يللي كان عندك ترك الشغل؟؟؟؟!!!!! أو خليني كون واضحة أكتر ليش بتغير كتير موظفينiblis ؟؟واعتذرت على المقابلة وغادرت.

يعني شو بقدم أو بأخر هادا السؤال يعني الشخص المتقدم للمقابله ممكن يقدم أي حجة واهية.

على فكرة ياجماعة إذا بحكيلكم على النوادر يللي صارت معي بالمقابلات وأنا عم دور على شغل صدقوني بألف عليها كتاب اسمو يوميات باحث عن عمل yaiii وفي شي بيضحك كتير وشي ببكي، والأحلى من هيك لما بتنقبل بتفوت على الشركة وبتبلش تكتشف لحالك المهام بدون مساعد وشو رح تشتغل وفجأه بتلاقي حالك عم تشتغل شي مو شغلك؟؟ وإذا كان في مين يسلمك بيحجب عنك المعلومات!!!

ولي بكره بس ليخلص عقدي وأرجع على بلدي آكله هم دور على شغل؟؟؟؟:yaturaa:


تحياتيarada
سينيو

[7sam]

سينيو (أعتقد أن اللغة كورية؟)

طبعاً نحن نتحدث عن الشركات السورية، ولا نتحدث عن غيرها. فإذا أردنا وضع جدول مقارنة بين العمل في الشركات السورية وغيرها لوجدنا أن ما تقوم به 80% من الشركات السورية هو بيع بطاطا.
أذكر في زماني أنني تقدمت لمقابلة عمل فكان هذا السؤال هو من أوائل الأسئلة التي طرحت علي.

شكراً للمشاركة

[Nany]

اليوم كنت عم اعمل مقابلة لوحدة قام سألتها كل الاسئلة يلي بتفيدني ولازم اعرفها عنها من خبرات وعمر ومهارات
قبل ما خلص خطرت على بالي فكرة shaitan سألتها ليش بدك تتركي شغلك

قالتلي لانو الراتب قليل
بصراحة اقتنعت وزعلت عليها::( :hmmmm: :ta3ajjob:

[7sam]

شو زعلتي عليها؟ aha
مو منيح التعاطف sh:hi

[Abo_Elkhell]

شكراً كتير أخ حسام على موضوعك ........ إجى بوقتو هلأ بالنسبة الي .


لاحكيلك شوي (بحب الحكي بدك تطول بالك عليي شوي) .

أنا كنت اشتغل بمزود خدمة انترنت خاص ,سمعتو جيدة بالبلد ,كانت شغلتي مسؤول مراقبة جودة ,مشرف مسائي ,مسؤول قسم الموارد البشرية (جزئياً ,وعن قسم واحد بالشركة بس) ..

المهم ... تركت شغلي لأسباب كتير سخيفة ,منها (التزمت الديني الزائد بالشركة ,يلي بيصل انو المدير العام ومالك هالمزود هاد ,يشوف زميلتين الي بالعمل ,واقفين على باب مكتبي وعم يحكو معي .. ليطلب من مديري المباشر صرفي من العمل) ,ومنها (سخافة مديري المباشر ,وأنانيتو ,وتصرفاتو الولادية ,بالإضافة لتحويلو لعلاقة العمل من علاقة بين موظف ومديرو ,لعلاقة شخصية ..... بمعنى فات معصب باكل بهدلة ,فات مبسوط بنعزم على العشا !!!!) ... لوقت ما وثلت لمرحلة ,طفشت فيا كيف ما بعرف .

النهفة ,اني لما تركت ,تقيدت بكل الشروط يلي كانت حاططتا الشركة حتى اترك ,قدمت تقرير مفصل بانتاجية كل موظف .... وكان الشغل من أحسنو ... (يعني فيك تقول اني عملت بمبدأ,يا رايح كتر منايح) .

بعد ما تركت باسبوع ,تقدمت على شغل بمزود خدمة انترنت آخر (جديد) وكانت المقابلة على أحسنا .... بس بعد بفترة ,عرفت اني انرفضت بالمزود الجديد بسبب ,انو هالمزود اتصل بشغلي القديم ,وسألون عني ,قام لاقى الرد التالي :(تم طردو من العمل ,بسبب علاقاتو مع البنات !!):

فتخيلو يا رعاكم الله !!!!

سؤال بسيط ,بما انو انفتح هالموضوع وانفتح ..... شو فيي اعمل حتى ما تتكرر هالمهزلة مرة تانية ؟ لأنو عندي مقابلة قريبة كمان بشركة كبيرة .... شو ساوي ؟

كمان سؤال : لما بدي روح على مقابلة الشغل الجديد ,شو قول ؟ بمعنى اني شو قلون عن سبب تركي للعمل ؟

وشكراً كتير للجميع .

خالد .

[7sam]

صديقي أبو الخل
من أفضل الطرق لمعالجة هذا الموضوع هو الصراحة، يعني يفضل أولاً تنسى أنك معصب ومتضايق من السبب يلي خلاك تترك الشغل (مبين عليك أنك متضايق كتير ومعصب)، وتشرح للشخص يلي بدك تقابله (بطريقة رايقة وحضارية) شو يلي صار.
لأنه ما في طريقة تمنع الشخص من الاتصال بالشركة السابقة.

أو في حل تاني أنك تلاقي حدا صديقك من الإداريين بالشركة السابقة، وتحط اسمه بالسي في أنه هو شخص reference لحتى تتصل فيه الشركة الجديدة.

وبتمنى لك التوفيق

[Abo_Elkhell]

من أفضل الطرق لمعالجة هذا الموضوع هو الصراحة، يعني يفضل أولاً تنسى أنك معصب ومتضايق من السبب يلي خلاك تترك الشغل (مبين عليك أنك متضايق كتير ومعصب)، وتشرح للشخص يلي بدك تقابله (بطريقة رايقة وحضارية) شو يلي صار.
لأنه ما في طريقة تمنع الشخص من الاتصال بالشركة السابقة.


أكيد صحيح انو مافي أي طريقة تمنع أي شركة من الاتصال بالشركة السباقة والسؤال ,بالعكس هاد حقهون الطبيعي .....
وبصراحة فعلاً أنا كتير مدايق من الموضوع ,لأنو كتير بشع الشي يلي صار وضرني بسمعتي بشركة الي فيها كتير زملاء عمل سابقين ,أو رفقات ,والكلام يلي ارفضت بسببو من الشركة والأكتر ازعاجاً انو غير صحيح باللإطلاق ...... (مو ليكون في بنات متل الخلق بالشركة sh:tounge ) .


أو في حل تاني أنك تلاقي حدا صديقك من الإداريين بالشركة السابقة، وتحط اسمه بالسي في أنه هو شخص reference لحتى تتصل فيه الشركة الجديدة.


وهاد يلي كنت عم فكر فيه ,بس كنت خايف اني اكتب مثلاً اسم مسؤول قسم معين (مثلاً مدير القسم التقني يلي هوو رفيقي كتير كتير) ,بس هيئتي رح ساوي هيك ووكل أمري لرب العالمين .

شكراً كتير أخ حسام على مساعدتك ...

وأنا كمان بتمنالك كل الخير والتوفيق .

خالد .

[juventus]

تحياتي حساااام

بحكم إني بموقع إداري بالشركة فأنا كنت دائما" المسؤول عن مقابلة الأشخاص المتقدمين بطلبات توظيف .........

بالنسبة لمجال شغلي فهو شركة تصنيع يعني العمود الفقري فيها بيعتمد على الفنيين من تصنيع وتنفيذ وتركيب .... لهيك هالموضوع هاد بيهمني فيه أكتر شي الخبرة لهيك السؤال الأول والأهم ليش تركت شركتك السابقة (( يلي هيي بنفس مجال عملنا حصرا" ))
ومن خلال الإجابة بقدر أحكم عالشخص تماما" بمساعدة مجموعة أسألة أخرى إلها علاقة بطبيعة شغلنا ......

من حوالي الشهر ونص صار مع أحد المصممين يلي عنا حادثة مرورية اضطر على إثرها يدخل المشفى لكم يوم ومن بعدها طلع اجازة اضطرارية ..........
وقتها كنا بحاجة لمصمم على وجه السرعة فحطينا إعلان بإحد الجرائد الرسمية ....
كل يلي قابلتهم عندهم خبرة بمجالنا وشغالين بشركات منافسة إلنا طبعا" غير الأشخاص يلي بدون شغل ..........
أغلب المتقدمين بس تسألهم السؤال إنو ليش بدك تترك شركتك ... كان الجواب الأوحد لأجل الراتب ...... وأنا بالنسبة لشركتنا الراتب يلي راصدينو ما بيفرق عن غير شركات وحتى أقل من بعضهم ............

بس يلي صار إنو أحد المصممين ( باكستاني الجنسية )لما سألتو هالسؤال
ما جاب سيرة الراتب وخبرني إنو منو مرتاح بالشركة يلي فيها لأنو ما فيها مصداقية بالعمل وفيها تأخير بالرواتب وحابب يعمل بشركة إلها سمعة ومعروفة أكتر وأكبر من يلي فيها ...

فعلا" إجابتو دفعتني حطوا بالمرتبة الأولى بين الكل ولما تم تجريبو أثبت موجودية وخلاني عينو بعد أسبوع فقط من المقابلة .............

وللعلم فقط تم تعيينو براتب اقل من الراتب يلي بيتقاضاه بشركتو السابقة بمعدل بسيط

لهيك بالنسبة إلي الشخص يلي عم يبحث عن التقدم في مجال عملو قبل ما يسأل عن الراتب بحطوا من أولوياتي لأنو بيكون عندو يقين التقدم في العمل = راتب مناسب ولو بعد حين

[7sam]

لهيك بالنسبة إلي الشخص يلي عم يبحث عن التقدم في مجال عملو قبل ما يسأل عن الراتب بحطوا من أولوياتي لأنو بيكون عندو يقين التقدم في العمل = راتب مناسب ولو بعد حين
جميلة جداً هالفكرة وصحيحة 100% ... شكراً الك عزيزي لطرحها