لساني ....والكلام البذيئ

[aboazab]

ياشباب ... مشكلة التلوث السمعي يلي محاصرتنا وين ماتحركنا مشكلة فينا نعتبرها من اعقد مشاكل عصرنا ...لانو هدا الموضوع مافيني انطلق بالحل فيو مني ومنك وحتى لو بلشنا فيه انا وانت مارح نوصل لنتيجة لانو الكلام البذيئ هو مشكلة جيل كامل .............
وين مابتروح ...وين ما بتمشي ... وين ما بتدخل ... بتصدمك فظاعة الكلمات وبديهية تداولها لدرجة انوبلشت بالتطاول على اعز ناس علينا يلي لولاهم ماكنا بهل الدنيا حتى وصلت ببالغ الاسف وبدون رادع لخالق البشر جل جلاله ..
والسؤال الي بيطرح نفسو ؟؟؟
اولا شو موقفك انت كواحد من ابناء هل الجيل لما بتمسك هيك كلمة ؟
تانيا شو الاسباب والظروف الي لوثت مسامعنا بدون ارادتنا .......؟؟؟
وشو الحل برايكم ؟؟؟؟؟

[aboazab]

مرحبا يا شباب .. أنا آسف إذا كان الموضوع لهالدرجة دمو تقيل عليكم لحتى ما حدا عيرو ..
أتمنى من المشرفين عن القسم حذفو مشان ما يضل تقيل عليكم ..
و شكرا :tasaaol:

[سيّاب]

حقيقة طرحت موضوع مهم فعلا، حول انتشار الألفاظ النابية بين الجميع وخصوصا الشباب.
وهي ظاهرة تستحق الدراسة للوصول الى اسباب انتشارها وتداولها وبالتالي علاجها. لا ادعي ان لدي القدرة على تفسيرها تماما ومعالجتها لكني سأتكلم عن نفسي.
فانا كنت بفترة ما اتلفظ ببعض الألفاظ النابية لكن بين الأصدقاء وليس على العام تعبيرا عن ضيقي من شيء ما. لكني بدأت انظر للموضوع من زاوية أخرى وهي انه لا يليق بي ابدا التحدث بهذه الألفاظ لأني بذلك لن أكون مختلفا عن اي شخص شوارعي، وكل دراستي وثقافتي ان كانت هناك ثقافة لم تعطيني ميزة في التعاطي الحضاري مع ما يدور حولي على من لا يملك هذه المؤهلات.
والشيء الآخر اني كنت انفر من سماع هذه المفردات وانتقد من يقولها وأرى انها سلوك معيب جدا وغير حضاري البتة.
لذا فقد احجمت عن التلفظ بهذه المفردات لن أقول نهائيا ولكني من النادر الآن اني اتلفظ بها.

قد يكون سبب انتشار هذه الظاهرة عدم الوعي انها سلوك غير حضاري والشيء الآخر اننا نفتقد الممارسة الحضارية في التعاطي مع الكثير من الأمور وهذا وجه من وجوه حالة الإنحطاط التي نعيشها.

[مهاجرة في عيونه]

أخي ابو عذاب بالحقيقة انو الموضوع فكرتو عن جد مهمة جداً جدأ وللأسف هذا الموضوع أرق منامي لأيام وايام
فانا عندما اكون احيانا أمشي بالشارع اسمع كلاماً فظيعاً تقشعر له الأبدان وأتمنى ان اخنق الشخص الذي يقوله والوم اكثر اهله لهذه التربيه اللا اخلاقية واللا دينية وللاسف احيانا لا يكو ن الاهل فقط هم السبب فاللأصدقاء هم من ضمن الاسباب والمدرسة في هذا الوقت السيئ الذي نعيشه ايضاً من ضمن الأسباب واشياء كثيرة بس عن جد موضوع مهم وبتمنى شوف رأي كل الأعضاء بهذه الظاهرة الغريبة لعلنا نجد حلولا لها ونبدأ بأولادنا اولاً حتى لا يتأثروا بها




مرحبا يا شباب .. أنا آسف إذا كان الموضوع لهالدرجة دمو تقيل عليكم لحتى ما حدا عيرو ..
أتمنى من المشرفين عن القسم حذفو مشان ما يضل تقيل عليكم ..
و شكرا :tasaaol:

بعدين اخي ابو عذابك:
لسا امبارحة نزلت الموضوع بدك تطول بالك علينا شوي المواضيع كتيرة ووقتنا للأسف ضيق وشكراً إلك مرة تانية

[SAM-SY]

الحمد لله أنا من الشباب يلي ما بيلفظ كلمات نابية، مع العلم إني بمزح كتير.
والحمد لله أنو حتى المكان يلي بكون فيه، بتقل فيه إلى حد كبير الكلمات النابية.
وحالياً عندنا بالشغل متل ما بيقول أستازنا أحمد، أكبر جملة عندنا هي: لرجل الجاجة :).
وعلى كل حال الشغلة مو كتير صعبة، يعني ما بدها أكتر من أنو الواحد يحترم نفسو أولاً ثم يحترم الآخرين، ذاتس إيزي.
أما بالنسبة يلي بيتلفظ كلام نابي، لازم لما تسمعو عم يحكي مع مين ماكان أيا كلمة سيئة، تحسسه بوضوح أنو عمل شي غلط وأنت انجعزت منه كتير، أو حتى خليه يحس أديش سيء الكلام يلي حكاه.
مع شرح بسيط لقذف المحصنات الغافلات، وعقوباته الشرعية في الدنيا والآخرة، وبيحصل خير إن شاء الله :).

بست ريجاردز

[Bona Fide]

بصراحة لفت انتباهي عنوان الموضوع ، و حبيت شارك فيه لانه للأسف لما بكون بالشام عم صيف بسمع مسبات وكلمات ما انزل الله بها من سلطان !!! والجريمة الاكبر ، انو بسمعها من جميع الأعمار ، ( شبر وفتر ومحيرّ ) يعني حتى الصغار اللي ما بيتجاوز عمرهن ال 8 سنين بقولوها عادي ، والمصيبة الأكبر من هيك ، انو آخر مرة نزلت فيها عالشام سمعت صبية عم بتسب رفيقتا وبصوت عالي وبلا خجل ولا حيا :shlon: ، وإزا بدك تسأل عالسبب ، أكيد بعود لبيئة البيت والعائلة ، إزا في رادع من الأساس ، ما بتنلفظ هيك كلمات سوقية .. والغلط أولا وأخيرا بعود للأهل لأنه احتمال كبير تكون هيك كلمات بذيئة ، عادية لأهل البيت ، أو بيعتبروها ( تحية البيت ):wleeee: .. والله يهديهن . والسلام ..

[JUDY]

الكلام البذئي .. أو بالعامية : المسبات .. هي طريقة من طرق تفريغ الضغط النفسي أو ال stress اللي عم يعيشو كل عالمنا بالشرق الأوسط .. طريقة للتعبير عن العنف اللي بيحيط حوالينا وين ما رحنا ..
يعني أبسط مثال : ببرامج الكاميرا الخفية عنا لسا ما بيروح دقيتين من الحوار بتبدأ العصبية بالظهور .. بعد دقيقة مسبات على أبو جنب هدا إذا ما انتهت بالقتلة ..يعني خلقنا على رووس مناخيرنا من الضغوط اللي عم نعيشها من جميع النواحي .. بينما بالكاميرا الخفية الأجنبية بكل برودة أعصاب وإبتسامات أو علامات تعجب بيتقبل المواطن المقلب ولو حتى بعد ساعة من دون ما ينهز .. لانو ما عنهم complex أو أي شي يخافو منو ..:sa7mohekk
وبالنتيجة الصغار بيتعلموها من الكبار .. وهكذا ..

[Not.Yet]

Judy كلامك صح 100%

وفعلا عندما اشاهد الكميرا الخفية الغربية الاحظ الفرق في ردة الفعل

ولكن هذا لايعني انني اذا كنت معصب من الاخبار او من الحياة عموما

ان افش خلقي باول بنت بشوفها بطريقي وهات يا مسبات وتلطيشات

وانا برايي الموضوع متعلق بالبيئة والمجتمع اولا ثم الظروف ثانيا

[CHeerFuL Youth]

ابو عذاب موضوعك جميل وواقعي ...ولي عودة بعد التفرغ

[هشام مرجان]

عندما تنعدم الاخلاق في البيت تنعدم في كل مكان

فماذا يمكننا ان نتوقع من شخص يرى ابوه اوامه لا يحترمون الناس

ويشاهدهم يوميا كيف يعاملون الجيران وحارس البناية والزبال

وشوفير التكسي واصدقائهم واقربائهم وكيف يستهزئون بكل شيئ امامه

حتى ببعضهم البعض وبابنهم نفسه بعد ذلك كله بالله عليكم كيف سيتصرف هذا الولد بالشارع

[em alroor]

موضوع مهم جدا ..
أنا أتفق مع معظم لالآراء التي وردت ..
و لكن صحيح أن الكاميرا الخفية الغربية تعكس برود أعصاب الغربيين بصورة ملفتة .. و لكن أحيانا أشعر أن هذه تكوينتهم ( باردين خلقة ..). ليس من الضروري أن يعبر الانسان عن عصبيته بالمسبات ..
و لكن بمتابعة بسيطة للأفلام أو المسلسلات الأجنبية . نجد أن الألفاظ النابية و النابية جدا مستخدمة جدا ( طبعا بتترجم كلها للعربي : تباً لك ..و اذهب الى الجحيم .. بس ما حدا بتخفى عليه فظاعة هالكلمات )
ما أريد قوله للتلفزيون الدور الكبير في نشر هذه الألفاظ في مجتمعاتنا . خاصة بين الأطفال .. لأنو ما شاء الله المسلسلات صايرة للاطفال .. كل الأولاد عم تابع مسلسلات و هادا غلط كبير من الأهل ..
يعني أنا بتذكر مرة أخي الصغير . شاف خالتي عم تاكل خس ..بكل براءة قلها : شو خالة صايرة خسيسة ..
طبعا أكل نصيبو ..
ولما سألوا من وين جايب هالكلمة قال هيك سمع بالمسلسل ..
وبالفعل صايرة هي الظاهرة كتير كتير منتشرة ..

مرة ماشية بالطريق .. ماشي تنين شباب صغار قبلي .و عم يحكوا . واحد قاطع التاني بالكلام ..و بشكل طبيعي التاني قلو : كول ...شوي .
يعني كأن عم يقول : سكوت شوي ..
و الأحلى انو صاحبنا ما انزعج من هالكلمة أبدا ..يعني عادي جدا !!!

و بالفعل متل ما قال أخونا الكهربجي الواحد فيه يفهّم الآخرين انو ما يستعملو هالكلمات بوجوده ..

aboazab شكرا على طرح الموضوع ..

[الناعمة]

موضوع مهم واتصبح شائعا بين الاولاد والشباب المراهقين
بس اذا كنا نريد الاصلاح فلنبدأ بالاسباب
متابعة معكم

[aboazab]

يا شباب شكرا إلكم جميعا على تفاعلكم مع الموضوع .. و شي بيرفع الراس إنو الواحد يكتب الموضوع و يفوت يلاقي الحوار على هالمستوى الراقي والمفيد ..


و أنا مع الرأي يلي انطرح إنو التربية أساس هالشي .. بس سؤالي هون إنو أنا شو ذنبي إسمع هالكلمات النابية لمجرد إنو القدر خلاني إمرؤ من هالمكان بهالزمان ..

[CHeerFuL Youth]

فعلا بلاحظ ناس كتير بتطلع منون كلمات سيئة وقت يكونو متضايقين ووقت الغضب وأحيانا الواحد بيمسك على كلمة مش منيحة وهو كمان مابدو يقولها لكن تجي لحظات فشة الخلق وبتطلع منو بدون مايشعر
لكن اللي بدي قولو لابد من كل واحد فينا إنو يوقف مع نفسو وقفة صادقة تجاه الكلمات البذيئة والغير حضارية الموجودة في قاموسه ويحذفها نهائياً ويحط ببالو إنو هو إنسان متعلم وحضاري ولابد أن يكون قدوة للي أصغر منو ...
واللسان هو ترجمان الشخص وهو الرابط الحقيقي بينو وبين العالم وإذا ماحافظ على ألفاظ هالترجمان يمكن أو أكيد رح يوقع بالمحظور ومارح يتوفق بحياتو ومع اللي حواليه ..
والشخص إزا تلفظ بألفاظ بذيئة فهو بالأخير يهين نفسه ويحقرها أمام الناس ويخسر أحبابو وأصحابو ويخلي العالم تبعد عنو..وقبل ماالواحد يتكلم لابد أن يعي شو هو بدو يقول ويوزنها بعقلو..

بقى لسانك حصانك إزا صنته صانك وإزا أهنته هانك..

قال الرسول صلى الله عليه وسلم : (( المسلم من سلم الناس من لسانه ويده ))

أما بالنسبة إليّ فأنا الحمدلله دائما بحاول أبتعد عن هالكلمات..

أما الحل هو :

لو كل إنسان متعلم ومثقف أبتعد عن مثل هذه الألفاظ لكان قدوة لغيره وللذين هم أصغر منه ولكن للأسف نلاحظ بأن أكثر الأشخاص اللي بتطلع منون هالألفاظ هم متعلمين ومعهن شهادات عالية كمان ..!!

واللي يشوف حدا يحكي هيك لابد ينبهه بالذات إذا كان قريب أو صديق

شكراً لك أخي أبو عذاب ...وحط ببالك أنو موضوعك كتير مهم وواقعي بس لاتستعجل بالردود

[jory_alsham]

شكرا ألك اخ أبو عذاب على موضوعك الهادف
يمكن يا جماعه الكلام البذيء صار لازمو إعادة النظر بطريقة التربيه
لانو اذا الواحد اتطلع على اي شخص عم يسب ويحكي هيك حكي لازم يدور على اصلو وفصلو
لانو في عالم بتجيب ولاد بس ما بتفضى تربيها بقا مين رح يربيلون هالولاد غير الشارع ورفقات السوء
مشان هيك لازم الواحد يربي ولادو منيح حتى ما يحكو هالحكي لانو هاد الحل الوحيد
اما انو الواحد يصلح مجتمع كامل ما بيقدر وخصوصي اذا واحد عم يصلح في 10 عم يخربو واولهن متل ما قالت ام الرور هوي التلفزيون
الفكره الحلوه متل ما ذكرتو انو الواحد يمنع انو يسمع هيك حكي من اللي حواليه وبركي هنن كمان شوي شوي بتروح هالكلمات من قاموسن
والله يصلحنا ويهدينا جميعا
سلام

[*بيسان*]

طهرْ لسانكَ ما استطعتَ ، وَ لا تكنْ خَبّاً يُقَرِّبُ لِلنُّفُوسِ ضَلاَلَهَا
إِنَّ الْوَقِيعَة َ لاَ تَعُودُ بِخِزْيَة ٍ أوْ سبة ٍ إلاَّ على منْ قالها

...

[em-alsoos]

والله الموضوع كتير مهم وأنا بضم صوتي لأصدقائي يلي قالوا أنو التربية هي الأساس لأنو لما بيربي الانسان ابنه صح بيصير بيقدر يميز الصح من الخطأ لكم للأسف بهالأيام مو بس العائلة يلي عم تربي لأنو عم يشترك بالتربية المسلسلات والتلفزيون والرفقات
يعني الأهل لازم كتير ديروا بالهم من هالشغلات خصوصي بالمرحلة الولى من حياة الطفل لما بيكون فيها مثل الاسفنجة بيمص كل شي وبيحب يقلد كل شي بيسمعه فبهي المرحلة لازم نوضحله الكلام الصح من يلي ما لازم يقوله,وطبعا هي مهمة مو سهلة أبدا بهالايام ,ولازم نعلمه كيف يختار أصدقاؤه لأنهم بيأثروا بالشخص أحيانا أكثر من أهله
الله يقدرنا نربي اولادنا صح مشان نقدر نتباهى فيهم