عبدة الشيطان

[Metallica-NH]

كلنا منعرف أو سمعنا عن عبدة الشيطان
بس سؤالي انو صحيح مطربي أغاني ال Metal من عبدة الشطان؟ :yaturaa:

[vict0ry]

طبعاً أخي الكريم ما فيك تعمم بأن كل مغني المتل بيجوز بيغني هاد النوع بس .
عبدة شيطان بس حسب معلوماتي أن هي الأغاني مفضلة عند عبدة الشيطان لحتوائها على كلمات تمجد الشيطان .

[ختيار الكبه]

عبادة الشيطان غير مرتبطة بل الأغاني أو التمجيد للشيطان بل الأغاني ....
يوجد الكثير من الفرق الأوربية و الأمريكية تعبد الشيطان و أغاتيها تمجد الثورة و النضال و الوقوف في وجه الفقر و أغلب الأغاني عن الثورة .
ولكن لباسهم و طريقة غنائهم تجعلك تعتقد أنهم ولدو من أجل الشيطان

[Metallica-NH]

مشكورين يا شباب..............بس إذا في حدا عندو معلومات أكتر يضيفها
والله يعطيكم العافية :asefff:

[loze]

انا معاوماتي اللي سمعانة فيها انو بيقولوا انو شريط الميتاليكا اذا سمعتو بالمقلوب بيطلع فيه حكي تمجيد للشيطان يعني مثل صلوات للشيطان وبتكون هاد شكل سري لنشر الكلام عن الشيطان بين عبده .

ولهيك بعرف انو بعض الدول مانعة تداول هالنوع من الشرائط واللي ببيعها او بتسمع الها يقبض عليه.

هي معلوماتي اللي بحب اضيفها واللي بتذكر اني تابعتها في احدى البرامج وحتى يومها حطوا الشريط بالمقلوب وبالفعل طلع منو حكي بخوف.

[يوراميوم]

ميتاليكا من الفرق التي كان المبشرون يتوافدون على أبواب حفلاتهم ويقوموا بدعوة الداخلين "خافوا الله" ولكن ميتاليكا ليست من الفرق التي تدعوا لهذا ولا أظن أن الشريط الذي تتحدثين عنه لميتاليكا بل كان لأحد فرق مايسمى بالميتال الأسود.

أذكر أني في أحد المرات وردتني شكوى من أحد مستخدمي الكومبيوتر بخصوص أحد برامجه وعندما ذهبت لصيانته وجدت شاشة توقف على حاسبه عبارة عن لوحات لفريق بلاك ميتال اسمه Cradle Of Filth "مهد القذارة (الفحش)" وتحت صورة المغني كتبت شتيمة تطال السيد المسيح

-"شو هاد الليي حاطه؟"
-"هاد فريق ميتال .."
-"بعرف، ايف شو مكتوب تحت الصور اللي عم تطلع ... مكتوب هيك وهيك وهيك.."
-"معقول؟"

طلع الأفندي مو عرفان شو مكتوب

مشكلة البعض أنه يسمع ولا يعرف أو لا يعطي أذنه لما يقال.

المؤسف والمؤذي أن هذا الموظف كان يشتري الألبومات من مركز في أ[و رمانة مشهور ، وقد أخبرني أنه يجب أن يعرفك حتى يبيعك أو أن يتعرف عليك من قبل أحد زبائنه الموثوقين ليخرج مجموعة من تحت الطاولة بآخر ما توصل إليه هؤلاء المجانين القذرين من فحش.

من هذه الفرق السيئة التي يتم تداولها هنا في الشام :
Septic Flesh

Demo Burgr (ربما الكتابة خطأ)

Six Feet Under

Crown

Katatonia

Cradle Of filth

بالنهاية "إن كنت تدري فتلك مصيبة وإن كنت لا تدري فالمصيبة أعظم"

[STING]

من هذه الفرق السيئة التي يتم تداولها هنا في الشام :
Septic Flesh

Demo Burgr (ربما الكتابة خطأ)

Six Feet Under

Crown

Katatonia

Cradle Of filth

بالنهاية "إن كنت تدري فتلك مصيبة وإن كنت لا تدري فالمصيبة أعظم"

أخي رامي القائمة تطول أكثر من هذا و اذا أردت أخبرك بهذه القائمة و التي تباع بدرجة كبيرة في المحلات السورية و خاصةً في دمشق
.......
من الممكن تكون أن هذه الفرق يمجّد الشيطان و لكن هناك العديد من الفرق تمجّد الموت و الحياة الأخرى و الحكم على هيك شي لازم يكون بعد ما الواحد يعرف المغزى
الخلاصة :
شو بدو الواحد يسمع فهو حر و لكن على القليلة يفهم شو عم يسمع
يمكن في كتير فرق من المذكورين عندها معزوفات رائعة و أغاني بتطيّر العقل بس على القليلة لا ينجرف الواحد وراء الكلمات متل ما عم يصير بشريحة من الشباب المتخلّفين عقلياً بسوريا

[Metallica-NH]

كلامكم صحيح.......... يعني إذا كانت عالأسماء فعندي أسماء فرق كتييير.

بس القصة انو مو كل اصابعك متل بعض ...............
يعني مو كل فرق أو مطربين الميتال بيغنوا متل بعضهم، وحتى الفرقة نفسها أحياناً بيكون عندها أغاني بتمجد الشيطان والموت وأغاني تانية بتحكي عن الحياة والسعادة.

أصلاً إذا الشخص سمع أغاني بتمجد الشيطان مو معناها انو رح يعبد الشيطان(هاد إذا كان فهمان معنى الأغاني)

المهم الله يبعدهم عنا............

بتمنى منكم إذا سمعتوا معلومات جديدة تضيفوها والسلام عليكم.

[loze]

طيب شو مشان المعلومات اللي عطيتها انا؟ يعني انت سمعان عن هيك معلومات؟ مجرد سؤال لانو لاحظت انو ولا واحد تطرق للمعلومات اللي عطيتها يعني عم اسألك بما انو اسمك على اسم الموضوع فاكيد بيمون عندك معلومات اكيدة,لانو مثل ما ذكرت هاد المعلومات انا تابعتها من برنامج تلفزيوني.
وشكرا

[يوراميوم]

شاهدت هذا البرنامج وهي صحيحة ولكن ما شاهدته كان بالاسطوانات الكبيرة وليس بالأشرطة (الكاسيت)


العلاقة بين الميتال وعبادة الشيطان هو استخدام بعض الفرق هذا النمط من الأغاني لتقديم وعرض فكرهم وهذا لا يعني أن كل فرق وأغاني الميتال هي فرق سيئة، برغم الأثر النفسي السيء الذي تتركه موسيقى الميتال بالنهاية على محبيها ومستمعيها

[loze]

شكرا للرد اخ يوراميوم

[Metallica-NH]

للأسف ما عندي معلومات كافية بس على كل حال الأخ يوراميوم( وطبعاً مشكور )اتكفل بالموضوع.

وبالمناسبة: صحيح اسمي على اسم فرقة من أهم فرق الميتال بس هو مجرد لقب عجبني يعني مو على سبيل التشبه لا سمح الله. ;)

وعلى ذكر التشبه: يعني عنا بحلب صار في شكل جنوني للتشبه بمطربي الميتال مع احترامي للكل. يعني صاروا يقلدوهم
باللباس (أسود) - بالشعر (طويل) - باللحية(طويلة) - بالاكسسوارات(حلق،عقد جمجمة،......)- حتى بطريقة الكلام والمشي والضحك و.............

طيب يا أخي مو ضروري الشخص إذا سمع كم اغنية ميتال يصير (ميتالجي) _متل مابيقولوا الشباب_
و أنا مثال حي: بسمع أغاني ميتال وبترجم بعضها بس ما اتأثرت فيهم ولا بحب اكون واحد منهم أو متلهم والشي الوحيد اللي أخدتو من الميتال هو لقب Metallica .

وتحية خاصة مع الأسف ل (loze) :asefff:
وشكراً

[Metallica-NH]

بس بعتذر منكم إذا ما قدرت اتابع الموضوع بشكل دائم لأني عندي دراسة.
يعني يمكن اتأخر بالجواب إذا حدا سألني أي سؤال....
وبتمنى تتابعوا مناقشة الموضوع لأني استفدت كتير من المعلومات الجديدة اللي كتبتوها.
وشكراً

[Metal Man]

أول الشي السلام عليكم ورحمة الله و بركاته

انا بعتزر اني اجيت كتير متأخر عالموضوع و هو بصراحة موضوع مهم و متشعب شوي

الفكرة الأهم قبل ما نحكي بموضوع ميتال و شياطين و عفاريت أنو للأسف أغلب يلي بيسمعو أغاني أجنبي ما بيكونو بيعرفو شو عم يسمعو ( ان كان روك و لا سوفت و لا راب ولا هيب هوب .....إلى آخره )

أما بالنسبة لتعقيب أختنا يلي قالت انو اذا قلبنا الشريط بالمقلوب ( للتصحيح هو اسطوانة م شريط) فنسمع غير شي فهاد الكلام صحيح 100 % لفرقة وحدة بس كات تنشر مفاهيم خاطئة و تستغل جهل الشباب بهداك الوقت ( كانت فترة الستينات و السبعينات )

و نحنا هلق قضيتنا مو قضية جهل و بس , صار عنا مصيبة تانية ألا وهي موضوع التشبه الأعمى بالغرب و أفعاله و هاد شي مطروح من 1400 سنة بديننا الحنيف ( لو دخلوا جحر ظب لدخلتموه )

يا جماعة موضوع الميتال موضوع كتير كبير و على فكرة في أكتر من 70 نوع ميتال كنمط عزف و كتصنيف موسيقي منذكر منها مثالين أو 3 ( Death, doom, thrash, heavy metal, black metal, alternative soft rock)

و متل ما تفضلو اخواننا في كتير فرق بتحكي عن الموت و الحياة الأخرى و في كتير فرق بتحكي عن الحياة و خلاوتها و في فرق بتحكي عن الأخوة بالعالم و في فرق ميتال غنت للأطفال .

الفكرة انو الميتال هو نوع من أنواع الموسيقى متلو متل السوفت و البوب و لازم يلي بدو يسمعو يستسيعو مزبوط و اهم شي يفهمو

و اعزروني اذا طولت عليكون

أخوكون الشامي الأتيع :)

[SyMoonNet]

يعني اذا كانوا عبدة شياطين عبدة عفاريت ما بيهمني انا احب اغانيهم فقط
واشكالهم

[يوراميوم]

جعلني كلامك أفكر..
إلى أي درجة ممكن أن يتبنى أحدنا موسيقى عبدة الشيطان وطريقة لباسهم و حياتهم دون أن يتبنى عبادة الشيطان بحد ذاتها..

ألا ترى الجواب مضحكاً بعض الشيء: تحب موسيقاهم وطريقة لباسهم (وهذا ما يعني طريقة حياتهم) ولا يهمك نهجهم... يا عزيزي لم يبق شيء يميزك عنهم




ثم ما طرح هنا هو أن موسيقى الميتال شيء والميتال الموظف في عبادة الشيطان شيء آخر