مارأيك بإسلوب شركات الموبيل بقطع خطك ؟

[simooo]

متى ستصبح شركات الجوال الذائعة الصيت والتي تبهرنا بإعلاناتها بكلمات معسولة تهمنا صحتكم وتهمنا راحتكم وتهمنا وتهمنا ..............
ولكن الشيء الوحيد الذي لايهمهم هي جيبتنا وإحترامنا كزبائن

البارحة إتصلت شركة 94 مشكور لتبلغني أنه يجب عليك أن تقوم بدفع فاتورتك اليوم أو غدا على أبعد تقدير وإلا سنضطر أسفين لقطع الإتصال
مع العلم أنه لدي مدي صلاحية حتى 12 الشهر وأني قمت بشراء خطي بأيام عزووو
وعندما قلت للموظف أنه لايحق لكم قطع خطي لأنه لم يحن موعد التسديد بعد
قال وبكل برود أعصاب ولكن قد ترتب عليكم مبلغ 4500 ل.س وكأن الشركة سوف تفلس من ورائي أو أني سوف أسرقها وشمع الخيط
وبنفس برود الأعصاب ولكن قد تم فصل خطكم 4 مرات ........
فقلت له لكني أقوم بالتسديد في اليوم الذي يليه وبنفس الوقت تأخدون مئة ليرة لإعادة الخط ومافي شي ببلاش عندكم
وبنفس برود الأعصاب نحن تهمنا راحة زبائننا ونتمنى أن تدفع قبل الساعة الرابعة من يوم غد.
فقلت له لن أدفع قبل 12 الشهر بيوم واحد وإذا أردتم قطعه فماعندي مشكلة
بس بتمنى يجي يوم تصيرو تحترمونا كزبائن

هل سيأتي يوم تعاملنا شركة 94 كزبائن محترمين وتهمها مصالحنا حقا وليس فقط جيوبنا
وألا تعاملنا على أننا اللصوص الذي سيسرقونها إن تجاوزت الفاتورة 3000 ل.س
وشكرا

[caroleen]

ما اظن
راح تتعير المعامله

[يوراميوم]

اشتريت خطي بألف وخمسمائة ليرة وكانت الشركة في البداية تنذرني بأن أدفع ألف ليرة سلفة كي تبقي الخط يعمل وعندما دفعت زادت القيمة إلى 1500 ثم 2000 (أقصد القيمة الواجب دفعها وليس الفاتورة)

الارتفاع الذي جرى بهذه الحالة يبدو أنه تخوف الشركة من أن أرمي خطي وعندها سأكون تحدثت بالموبايل بما يساوي قيمة الخط.

هذا كله عادي ولكن ماحصل إحدى المرات في مركز خدمات سيريتل ومتعلق بالموضوع هو المضحك:

طلبت سيريتل سلفة على الخط بمقدار 2000 ليرة ولم أدفعها لأن الفاتورة كانت على الأبواب ، باقي لها 5 أيام وعند دفع الفاتورة (وقد بعثت قيمة الفاتورة مع صديقي كون المركز على طريقه) ودار الحوار التالي:
صديقي : أريد دفع فاتورة الرقم ....
موظف سيريتل: ولكن هذا الرقم عليه سلفة ؟
صديقي غاضباً: طيب أليست هذه السلفة من أصل الفاتورة ... أنا أريد دفع الفاتورة يا أخي
صفن الموظف قليلاً لكي يستوعب ملابسات الأمر ثم استأذن وذهب إلى من هم في الخلف ثم عاد ليأخذ القيمة.

[simooo]

ولكن إلى متى سنبقى هكذا
متى سيصبح هناك منافسة حتى تصبح هذه الشركات تحترم زبائنها

[الدجى]

حبيباتي ليش انتو ما ادريتوا انو هون عنا بالشام مافي تمييز
حتى انو شعارنا صار :وحدة المعاملة بين البشر وسائر البهائم يعني بالمشرمحي اذا كنت مدعوم فستعامل كانسان محترم والا (اتذكر وحدة المعاملة بين البشر وسائر البهائم ).......

شو انسيتو الاشتراكية :tasaaol:

[hashash005]

لأ ما نسينا
لأنو نحنا الحق علينا وقت دعينا لمقاطعة الاتصال ليوم واحد ما حدا رضي بالعكس صارت العالم كأنو نحنا عملنا شغلة مو حلوة وقفو شي يوم خطكون أو يومين
وشوفوا شو بيصير
والله الشركتين فايتين بالحيط انشاء الله بتجي شركة وبتخلصنا منن
لك حتى التغطية مو منيحة لهلأ
على أي مبدأ عم ياخدو الفاتورة

[hashash005]

خلو شعارنا قاطعو شركات الخليوي

[LOUST_SOUL]

انا لااريد الدفاع عن شركات الاتصال
ولكن كيف تتذمرون من شيئ عليكوم دفعه
يعني اذا حان وقت تسديد الفاتوره ولم تسدد في الوقت المحدد وعندما تقوم الشركه بقطع خطك تكون قد اخطأت بحقك
وعندما تكون زبون جديد ويطلبون منك مبلغ تامين فيكونون على غلط علما بان اي شخص الان اصبح بامكانه شراء موبايل والتكلم به وعند صدور الفاتوره انا مامعي مصاري ادفعلكون ليش خليتوني احكي بهل المبلغ وهي بتصير كتير معنا
وعلى العلم بانك اذا كنت زبون جديد ولاتريد التطنيش عن الفاتوره بامكانك دفع مبلغ تامين الذي تريده انت انشالله تدفع 10000 ليره وتحكي فيهون اذا انت بتحكي كتير وهي الشغله بس لفترة 6 اشهر بعدين الشركه مابتطلب منك دفع تامين
والسبب بان هناك قسم مختص لتصنيف الزبائن فاذا كنت من الزبائن الذي متوسط فواتيره 3000 ليره شهريا وفي شهر من الاشهر كنت في اول 10 ايام من الشهر وقد وصلت مكالماتك الى 3000 ليره فالشركه تبعث لك برساله تخبرك بدفع مبلغ 3000 ليره لانه اذا استنيناك لتسكر فاتورتك رح يطلع عليك 6000 او 8000 ليره وادفعون اذا كان معك
طبعا هادا الحكي مو لكل المشتركين اكيد بس الغالبيه العظمه لان جميعكون يعلم مدى غناء الشعب السوري والشباب على وجه الخصوص

وشكرا

[ABBUDY]

فعلا طريقة دونية بمعاملة الزبائن وبدون تجي لعنا شركة تالتة كمان ..ما كتاب ال Regulation مخصص للشركة التالتة مشان تتطلع عليه قبل ماتنزل عالسوق السورية ..المهم في نقطة سلبية ..بتنحط عالكمبيوترات الذهبية تبع الشركة وهي انو اذا الشخص بتتكرر أخطائه وذلك بتكرار عدم الدفع حتى انقطاع الخط ..بصير الو عندون نقاط سود ..يعني بصير Black list وبحططو حطاه لحتى يلتزم بالدفع ويصير خلق وعالم ...انا شايل وحدات ولا على بالي بعبي كل شهرين مرة

[أنين_الروح]

عوجة وبعمرها مارح تصير ...
من كم يوم سمعت خبر بيخص ( كيو تيل ) الشركة المخدمة للخطوط الخليوية في دولة قطر .. بيقول الخبر .. بسبب غامض .. انكسر إحتكار شركة كيو تيل في قطر وصار من الممكن دخول شركة منافسة ..
مع العلم أنو شركة كيو تيل من أكتر الشركات إحتراماً بالعالم .. بكل شي بيخص الزبائن .. بتتصل فيهم والحق معهم مو معك ومع هالشي بتكون معصب ومزعوج ... بيقولولك على راسنا واللي بدك ياه بيصير وخلال ثواني بس ...
الإختلاف واضح .. الإحتكار عنا ( بسورية ) مارح ينكسر ولأسباب كتير مافي داعي لذكرها .. وهيك رح تبقى هالشركات (المحترمة) عم تعمل اللي بدها ياه وتحكي كيف مابدا وتسرق كيف مابدا .. ماحدا رح يسألها بيوم من الأيام ليش وكيف وشلون ...
لاتتعبوا حالكم وتوجعوا راسكم بشي صار بدم هيك عالم وعشش بقلوبهم وحياتهم اليومية ..

[JUDY]

لك الناس وصلت لويــــــــــــــن ولسا قطع الفواتير مستمر !!
هون صار عنا خدمة - العائلة - familia service
يعني بينفتح حساب عند الشركة باسم عائلة فلان .. وبياخدو الخطوط بلاش باشتراك شهري حوالي 140 ليرة سوري والباقي طبعا حسب فاتورة كل واحد .. بس بين جميع المشاركين بهالحساب مجااااااااااانااااااا
يعني صرنا نحنا هون اكتر من 50 شخص من اللي حوالينا مشتركين باسم عائلة وحدة ومنحكي مع بعض ببلاااااش ..
مو بس نحكي ..صرنا نفترج عالمسلسل عن طريق التلفون ..
والأهم صرنا ننقل بالفحص ببلاش :D