الثالث في مسابقة رسم عالمية .. راسب في مسابقة كلية الفنون الجميلة

[vict0ry]

الثالث في مسابقة رسم عالمية .. راسب في مسابقة كلية الفنون الجميلة التطبيقية !!
تحقيقات

http://syria-news.com/pic/Misc/mousto/01.jpgكان ياما كان ..في حديث الزمان .. كان في غسان وغسان مصطو شاب سوري كمعظم السوريين ..يحمل في داخله بذرة إبداع.. منذ نعومة أظفاره عشق الرسم .. وحلم أن يكون فناناً كبيراً ..بحجم قلعة حلب ..أو جبل قاسيون ..


فاز بجوائز كثيرة ( وبالمراكز الأولى ).. منحته إياها منظمات الوطن ..الطلائع ..الشبيبة ..شارك في مسابقات عالمية .. أحرز جوائز .. آخرها المركز الثالث في مسابقة rainbow في هنغاريا ، يقول أنه عندما كان صغيراً كان يمسك كل ما يقع تحت يده من أقلام أخوته ..ليرسم على دفاترهم ..جدران المنزل ..السجاد ..يقول أنه كان يتنفس رسماً ..

لم يكن يدري أنه في يوم من الأيام أن أحلامه ستتكسر أمام جرة في غرفة خفيفة الإضاءة ..نعم ..إنه فحص كلية الفنون الجميلة التطبيقية بحلب .. خمسون فقط ..خمسون كانت علامته ..أنت ساقط في الامتحان .. لماذا ؟؟!!!

يسأل غسان نفسه ويسألنا .. لماذا ..أنت يا غسان لم تعرف كيف ترسم الجرة ..رغم كل الشهادات التي تحملها ..فرسم الجرة شيء كبير وخطير ..وما أدراك ما الجرة ..



بكى غسان ..ولكن ما ينفع الدمع .. فغسان ليس كأبي فراس ..عصي الدمع .. وبدأ غسان رحلته في البحث عما يعتقد أنه حقه .. هل هو فعلاً حقه .. ربما هو لا يعرف الأسس التي تبني عليها اللجنة نتائجها ..ولكنه يقول ببساطة .. أنها جرة ..ويطلب إعادة النظر فيها .. نقصد رسمة الجرة وليس الجرة .. لأننا جميعاً نجهل ماذا في داخل الجرة ؟؟ !!!!

آخر الأبواب التي طرقها كان باب الوزير ..بعد أن عجزت أبواب حلب المشهورة كلها عن مساعدته ..والجواب ( نعتذر عن تلبية الطلب لأن المسابقة أعلنت نتائجها أصولاً )..التوقيع : معاون الوزير .

لماذا أتيت إلى سيريا نيوز يا غسان .. غسان لا يعرف ..لماذا ..فهو موقن أن لا أمل .. لا أمل بماذا ؟! .. غسان أيضاً لا يعرف ..أو يعرف ولا يريد القول ..

غسان الآن يعيد البكالوريا ..ويتدرب على رسم الجرة .........

&

عبد الله عبد الوهاب - سيريانيوز




:hmmmm:

[ناانو]

شر البلية ما يضحك ..
خليه يعيد البكالوريا ... ويدخل شي محرز ويترك الفن هواية ..
لان الفن هون ما بطعمي خبز..

[السيدة ملعقة]

شر البلية ما يضحك ..
خليه يعيد البكالوريا ... ويدخل شي محرز ويترك الفن هواية ..
لان الفن هون ما بطعمي خبز..

متل ماقلت

شو بدو بالفن ووجع الراس

[M!ss Rabb!t]

هاي شغلتنا نحن العرب بس
فالحين بتدمير المواهب ووضع
العقبات أمام الإبداع...

الله المستعان..

[سيّاب]

معروف امتحان قبول الفنون الجميلة والمعهد العالي للفنون المسرحية بأن آخر ما ينظر اليه الموهبة،
فالواسطة أولا ثم أولا ثم أولا.

[nadoosheh]

أول ما قريت القصة حسيت أنو الموضوع بمسني لأنو كان حلم حياتي سجل بالفنون الجميلة ووقت نجحت بالبكلوريا كنت حاطتتها ببالي و مقوية قلبي بس بعد ما سمعت شي مية قصة متل قصة غسان و حسيت أنو الأمل كتير ضعيف......... سجلت حقوق و قلت لحالي متل قالو نانو و السيدة ملعقة خلي الفن هواية و الحقوق مستقبلها حلو و ما بتصح لمين ما كان هالأيام......
بعدين أنو الواحد يعيد البكالوريا بس لأنو رسب بفحص الفنون والله شغلة مالا طعمة يعني عالقليلة يعيد فحص الفنون ضروري يعل قلبو من أول و جديد بعد ما نجح و خلص من همّ كبير......
لهيك سجلت حقوق بس المشكلة اللي بنفسو يدخل بالفن و أجواء الفن و الرسم فجأة بيلاقي حالو عم يحل مسائل إجرام و كيفية عقاب المجرمين و بلاقي حالو وسط أجواء القتل و السرقة بحس حالو مدري كيف مدري شلون؟؟؟؟؟؟؟؟ كأنو قاعد بالمكان الغلط و هاد اللي صار فيني
كنت كل ماروح أنا و رفقاتي على مقصف الفنون هنن يفوتو مشان ياكلو و أنا حس أنو كلية الفنون هي المكان اللي لازم كون عم أدرس فيه لأبني على أساسها مستقبلي
القصة مو قصة مستقبلها منيح ولا لاء لأني ممكن أنجح بالحقوق و صير محامية بس ما رح بدّع فيها متل لو كنت مهندسة ديكور........
يعني حلو النجاح بالحياة بس الأحلى الإبداع في النجاح و الإبداع ما بيجي إلا لما يكون في حب و شغف للشغل اللي عم تشتغلو

أنا بقلو لغسان اسعى ورا حلمك وتحدى كل هالمصاعب و توكل على الله لأنو رب العالمين فوق الناس كلها و انشالله مابيضيعلك تعب