الي مابيعترف باصله .....ماله اصل

[Lady_Sham]

بعد سلامي وشوقي اقول.........

حبيت اكتب هالموضوع هون بهالقسم لانو موضوع كتير كتير بيقهرني

في بلاد الغربة الاجنبية بتقابل المنيح وبتقابل الردي
وبتقابل جميع اجناس البشر وجميع الاديان
وكلهم بنحترمهم وبنحترم ارائهم وتفكيرهم ولو مين ماكانو
بسسسسسسسسسسسسس
وقت كون بمكان بالجامعة وشوف شخص عم بينادولو MO, Michael, Su, Sam, May واعرف انو اسمائهم هم محمد ومنال وسامر وميادة و سميرة لك ليشششششششش مغيرين اسمكم؟
وصايرة من هالقصة كتير ومنهم :
مرة كنت عند عيادة دكتور ووحدة عم تحكي مع وحدة تانية والبنت ملامحها عربية ولكنتها الانكليزي مبينة انها عربية
فهديك عم تسالها جمالك كتير غريب وعندك لكنة من وبن انتي؟ قالتلها ايطالية!!!!!!!!!!!
قلت يمكن مابدها مين ماكان يعرفها راحت المرة وبقيت هالبنت انا بصراحة فار دمي منها
قلتلها من وين بايطالية؟ قال من مابعرف وين
قلتلها عندي صديقة بتشبهك بس هديك سورية وانا سورية كمان
قلتلها افتكرت من عنا والله
ام سكتت وتلبكت
قالتلي انا بابا من بلاد عربية (ما حاذكر اسمها مشان مايصير فيه تفرقة )قلتها ايه ؟ وامك قال من بلاد عربية تانية كمان بس كانت ساكنة بايطاليا !
نادولها للعيادة باسم فاطمة
وهي من بعض القصص الي بتمر عليي كل يوم بهالبلد
يلي متبري من اهلو ولي متبري من اسمو ولي متبري من انو عربي ولي متبري من دينو ليش؟؟؟؟؟؟؟؟؟ قال مشان يكون Coolsh:angry
مو شي بيعصب؟
طبعا ماعم قول الكل هيك اكيد لا فيالكتير الي على طول عم ينشرو الاسلام ويلي على طول مابيحكو غير عن اوطاننا الجميلة الطاهرة
ااااااااااه منهم ااااااااااااه
تحياتي لكمsh:hi

[ayham asd]

طيب يكمن هدول يكون عذرهن انو كتير

عميدايقو المسلمين و العرب ببلاد بره

هيك نحنا عمنسمع

[جورية]

اصدقائي الغاليننننننننننننننننننننننننننننننننننننن


اختي و حبيبتي الليدي شام
لك كلامك درررررررررررررررر و جواهر
و الله الحق معك يه بالمية
شي بيخجلو الله منهم
لك انا وقت يسالوني الاجانب اني من وين بكل فخر
بقلهم انا من سوريا الشششششششششام
و المصيبه ما بيعرفوها بيقولولي اسرائيل يعني؟
انا جن و بقلهم لاء و بحاول قربها كتير عليهم و لكن للاسف
مو كلهم بيمشي الحال معاهم يعني هلء تقريبا
و بعد الاحداث صاروا يعفوا شوي عن سعودية
و يعني عم قربها الهم من هونيك
المهم
انا بجن وقت بلاقي العربيات هون بيتامركواااااااااا
ولييييييييييييييييييييييييييييييييييييييييييييييي
بهستر عقلي و الله
لك انا فالقتهم بالشام و قد ما بحكي عليها و هنن
بيتدايقوا و بيقولولي ياي شو بتحبي بلدك على شو بالله؟
و طبعا بعد ما احكي واشرح و عبر بس للاسف ما حدا لحدا
لك و ليييييييييييييي عليهم تامركوا و مشي حالهم بسسس
انا بعجبك كتير و قدهم و زيارة احزي شو بقلهم
او الشي بقلهم يل ما بيعترف باصله ما اله اصل
تاني شي بقلهم هه حلو و الله
قوليل حضرتك يا فهيمة وقت صارت الاحداث شو ساويتي؟
و هون بتلاقيهم هربوا مني و بطلوا يحكوا
لانه انخزوا و ما عد يقدروا يحكوا
وهون بقلهم انا حبيبتي وقت بالعوكي من هون وين بدك تروحي؟؟؟
مو لبلدك؟؟؟؟؟؟؟؟
لك اذا انتي هلء ما بدك بلدك وقت الرخاء
و بلدك كمان ما بدها ياكي وقت الشدة
و حلو و الله

و منشان ايهم
بحياتهم العرب و لا المسلمين الشرفاءما حدا دايقهم
بس لي بيلعب على الحبلين و بيخترق القوانين
و يل بيحطلي خمسين محامي منشان يلعب على الحكومه
هو يلي بيناذا و بسسسسسسسسسسسسسسسس
العرب هون متلهم متل غيرهم تمام عم احكي عن العرب المتجنسين
اما العرب يلي داخلين فيزاااااا و متخبايين بامريكا
طبعا هذا مو حقهم و طبعاالسلطة الامريكية الها حق
بانوا يطلعهم او تطردهم
اما يلي نظامي و شغله نظاميو حياته نظامية ليش ليضايقوه؟
لانه علربي؟؟؟؟؟؟؟؟؟؟
هون كل واحد عنده حرية الدين و الجنسية يعني عادي
و كل واحد بيقلك انو السلطة الامريكية دايقته لانه شريف
او ضغري او محترم حاله و غيره ابقه قله
انت كذاب بعينك و قله يرفع دعوة و رح يكسبها بلا منازع
و تحياتي

[new sami]

أُختي العزيزة ليدي شام

أخي أيهم أفندي

وردتنا الغالية


أسعد الله أوقاتكم




ياأُخت ليدي شام كلامك درر وبمحله تمام
وياأيهم تساؤلك مشروع وعلينا نحن المغتربين توضيح الصورة
وياجورية كلامك سليم

اسمحوا لي أن أُبدي بعض الملاحظات:

1- نادر جداً جداً أن يتنكر مواطن سوري لجنسيته الأصلية(السورية)
2- وأيضاً من النادر أن يغير اسمه إلى اسم "هجين" إلاّ إذا كان مولوداً ومقيماً بصورة دائمة في الخارج
3-سأتحدث عن تجربتي الشخصية هنا في أُوروبا لأُثبت صحة كلام جورية عن مشاهداتها في ... أمريكا: لدي طفل اسمه أُسامه لم أخجل ولم أتردد يوماً بمناداته باسمه في الأماكن العامة (بعد أحداث 11/9/2001) لأسباب عديدة منها أنني ابن بلد حضاري عريق رغم أنف العالم أجمع، ولأن التاريخ العربي والإسلامي زاخر بشخصيات عظيمه تحمل اسم أُسامه وأنا لست بحاجة لرضى الغرب عن بلدي أو تاريخي حتى أكون فخوراً أو لاأكون. لهم علي أن أحترم قوانينهم طالما أنا مقيم في بلادهم. وغير ذلك فلينطحوا رؤوسهم بكافة جدران العالم.

نعم ياليدي شام يللي بينكر أصله ليس له أصل، بتعرفوا ليش؟

هنا في بلجيكا تسمي الصحف المحلية المتجنسين " بالبلجيك الجدد" حتى ولو كان الشخص المقصود يحمل الجنسية منذ 30 سنه.


أطلت عليكم فعدم المؤاخذة رجاء

أخوكم أبو أُسامه

[ayham asd]

شكرا الكن جميعا على توضيح الصورة اللي مازالت مبهمة بعض الشيئ

لانو عمنسمع و نشوف انو في كتير عالم عمتترك اميركا و ترجع على بلادها بعد الأحداث


لانو ما عميلاقو شغل بعد ما تقلعو من شغلهن:( :( :(

[Lady_Sham]

حبيبة قلبي جورية لك تؤبشيني ياحق لك انت مافي منك
عم تقارني حالك مع ناس متل هدون لك انت ست الكل روحي
وكلامك هو الي لازم على طول ينحكى وطبعااااااااااااااااااا النا الف فخر انو نكون سورين والحمدلله بنرفع راسنا وقت نقول I'm From Syria
والف الحمدلله على انو لسا الدنيا بخير
والاخ New Sami
اول الشي الهي يخليلك اسامة وتشوفه عريس وتشوف اخوه (اذا لسا ;) )
وتاني الشي والله كتير كتير اسعدتني بكلمتك انو الي ماعجبو ينطح راسو بحيطان العالم كلها

وايهم.......
يلي بدو يتقلع من شغلو او يلي عم بيدايقو لانو عربي :
اذا كان عندو اصل بيرجع بعيش ببلدو بكرامتوو, بس صدقني اذا واثق من نفسك وماشي ضغري ماحدى بدايقك لو شو ماكنت
بس اذا متل ماقالت جورية انو قاعد مخالف فمعناها يتحمل نتيجة كسر القوانين
تحياتيsh:hi

[ayham asd]

والله هيك معك حقك


ماعاد فينا نحكي غير انو الله يعزنا ببلدنا


والله يعمرك ياشام بأهلك و ناسك

[new sami]

أُختي الغالية ليدي شام

أصدقائي وأحبائي ممن يقرأون هذه الكلمات


أول وأهم نقطة يجب الانتباه إليها هي ضرورة ايمان المغترب بوطنه ودينه فايمانه هذا سلاح قوي جداً بيده في مواجهته لأي نوع من العقبات أو المضايقات في بلد الغربة. كيف؟ سأقول لكم :

ايماني ببلدي يجعلني أخوض بأي نقاش مع الأجانب بثقة بالنفس وبثبات وقوة دون تردد أو خجل على الاطلاق فالحضارة والأديان السماوية انطلقت من بلادنا وشمل نورها العالم، فإذا كان من أُوجه لهم حديثي جاهلون بذلك فهذه مشكلتهم، ولكن علي أنا أن أكون مسلحاً بما يكفي من المعلومات عن تاريخ بلادي حتى أُلقنهم درساً أُوقفهم به عند حدهم إذا ماخطر ببالهم التطاول.

ثانياً، علي أن أعرف الشارده والوارده عن البلد الذي أُقيم فيه حتى أتفادى الوقوع في مطبات أنا بغنى عنها، وحتى أعرف نقاط ضعفهم لأتسلح بها وأستخدمها سلاحاً فعالاً بوجههم إذا ماخطر ببال أحدهم المساس ببلادنا بكلمة "هيك أو هيك".

ياجماعة أنا أتكلم نتيجة تجاربي الشخصية وليس نظريات، وقد فاتني التذكير بضرورة اتقان لغة بلد الاغتراب اتقاناً تاماً لنعرف من خلال صحفهم ووسائل اعلامهم كيفية حديثهم عنا وبالتالي كيفية ردنا عليهم وصدقوني أن الفساد الموجود في أُوروبا وأمريكا شيء لايصدق ولكن تقدمهم العلمي ( أي المادي ) يعود إلى أداءهم لعملهم بإخلاص تام وهذا الإخلاص يعود إلى الخوف من الطرد من العمل في حال التقصير لأن من يخسر عمله لن يجد بديلاً عنه أبداً نتيجة ارتفاع معدلات البطالة إلى حدود تبكي الحجر.

قصدت من هذا التوضيح الإفادة
والله من وراء القصد

أُختي ليدي لك تحيات حارة من أُسامة وأُم أُسامة أيضاً
ومني شخصياً كل تقدير واحترام.

أبو أُسامة