المساعد الشخصي الرقمي

عرض الإصدار الكامل : 5 رسائل مجانية لمشتركي سيرياتل كل شهر....وجديد098 او 093

sheree22
18-02-2005, 11:17
لكل مشتركي سيرياتل خبر حلو يمكنكم من الآن و صاعدا الأستفادة من خدمات موقع
سيرياتل عبر الأنترنت و هي
الأستعلام عن الفاتورة للمكالمات الجاريه او فاتورة الحالية مجانا
أرسال 5 رسائل قصيرة كل شهر ومجانا
حجب الرسائل الواردة لرقمك و هي غير مفعلة حتى الآن
مبروك........................ لمشتركي 093 092 و 098

وخبر كمان جديد تم تفعيل خط 098 من سيرياتل و هي مجموعة ارقام جديدة تضاف الى سلسلة ارقام 093

للأستفادة من الخدمات الجديدة يمكنكم زيارة موقع سيرياتل


http://www.syriatel.com/customer/customer.htm

أو

www.syriatel.com

و برافوا سيرياتل
Soul
18-02-2005, 11:40
و 94..

شو؟
nisreen a
18-02-2005, 14:37
مالون بالعاده يعملو شي مجاني :yaturaa: ,


غريب والله ... بس الا مايطلعوها من شغله تانيه لاتخافوا من هالناحيه ... ( وش نيتو سيئه )


بس اكتر شي عجبني الشغله يلي مو مفعله لسه ... انو حجب الرسايل الوارده هي


بتناسبني كتيررر ..... ;)



طيب لو رجعوا الاستعلام عن الفاتوره مجاني متل ماكان اول شي.. لما تتصل على 101 مو احسن

من النت بلكي عالم ماعندهم نت ...


شكرا sheree22 على المعلوماتت sh:eye
همبرغر
18-02-2005, 20:51
5 مجانا ...!!!!! (وش مستغرب ) ومن أيمتى والشمس بترقعنا ...

أكيد في وراها شي مصيبة متل العادة

همبرغر
شاي
18-02-2005, 21:21
و برافوا سيرياتل


يعني برافو سيرتيل عالخدمات العظيمة اللي أولها رسم اشتراك 600 ليرة سورية يعادل 15% من سعر الخط
كمان برافو سيرتيل عالشبكة (العظيمة) الي غطت كل أنحاء البلد ، طبعاً وما ننسى الجملة الشهيرة : خارج نطاق التغطية

برافو سيرتيل عالإعلانات اللي عبت البلد وشوهت منظر المدينة وعملت تلوث بصري كبير حتى أنو بعض المحلات اللي مساحتها لا تتجاوز 2*2 متر تعلوها لوحة إعلانية طولها أربعة أمتار

برافو سيرتيل عالخدمات اللي إجت مجانية مع المقاسم (كاشف الرقم - الاتصال بأرقام مجانية - الاستعلام عن الفاتورة - الاستعلام عن رصيد البطاقات ... ) واللي صارت مأجورة على إيديكن

برافو سيرتيل وشكراً عالخمس رسائل المجانية شهرياً (يعني 25 ليرة سورية مبلغ كتير عظيم ) ومبروك عليكن المليون مشترك الجدد القادمين
برافو سيرتيل على كلشي عملتي ورح تعملي لهالبلد والله يعين هالبلد

وطبعاً ما منسى زملائكن في( أريبا)
Anana
18-02-2005, 21:50
I agree with you
aboallol
18-02-2005, 22:47
يلا شعرة من ...... مكسب
Za3bour
18-02-2005, 22:52
يعني برافو سيرتيل عالخدمات العظيمة اللي أولها رسم اشتراك 600 ليرة سورية يعادل 15% من سعر الخط
كمان برافو سيرتيل عالشبكة (العظيمة) الي غطت كل أنحاء البلد ، طبعاً وما ننسى الجملة الشهيرة : خارج نطاق التغطية

برافو سيرتيل عالإعلانات اللي عبت البلد وشوهت منظر المدينة وعملت تلوث بصري كبير حتى أنو بعض المحلات اللي مساحتها لا تتجاوز 2*2 متر تعلوها لوحة إعلانية طولها أربعة أمتار

برافو سيرتيل عالخدمات اللي إجت مجانية مع المقاسم (كاشف الرقم - الاتصال بأرقام مجانية - الاستعلام عن الفاتورة - الاستعلام عن رصيد البطاقات ... ) واللي صارت مأجورة على إيديكن

برافو سيرتيل وشكراً عالخمس رسائل المجانية شهرياً (يعني 25 ليرة سورية مبلغ كتير عظيم ) ومبروك عليكن المليون مشترك الجدد القادمين
برافو سيرتيل على كلشي عملتي ورح تعملي لهالبلد والله يعين هالبلد

وطبعاً ما منسى زملائكن في( أريبا)

و الله انك فشيتلي خلقي اخي زاهر

سؤال للاخ او الاخت شيري انت بتشغل بسيرياتيل شي ؟ و ارجو الاجابة بصدق

شو برافو سيرياتل لانو سمحلوك تبعت رسائل بقيمة 25 ليرة سورية كل شهر ؟؟؟sh:ohmy لأ و شو مو من جهازك من الانترنت اي ما بعت خمس رسائل على سرعة السيرفر الرهيبة رح يكلفوا اكتر من 25 ليرة سورية بعدين في كتير مواقع فينك تبعت فيهم رسائل بس ببلاش مع انو سيرياتيل و 94 مانعين هالشي sh:ohmy

و الله شي بيحرق القلب انو عم يضحكوا على العالم و يللي بزعل اكتر انو في ناس انبسطت من هاشي مع احترامي للاخ شيري بس يعني 25 ليرة مستاهلة كلمة برافو ؟

بعدين متل ما قال الاخ زاهر شو مشان ال 650 ليرة ضرب مليون مشترك يعني شو مشان ال 650 مليون ليرة يللي عم يلهفوهم كل شهر من المشتركين

باميركا بيطلعلك مكالمات ببلاش كل الويك اند و بعد الساعة 8 او 9 و كمان بيطلعلك كتير رسائل ببلاش مو تخفيض خلبي بعد الساعة 1 الصبح sh:ohmy و كانو الناس لازم تكون فايقة و عم تلعي وش الصبح مشان يخفضولها ليرة وحدة من كل دقيقة

بعدين نحن يمكن البلد الوحيد بالعالم يللي بياخدوا منك مصاري مشان تشوف فاتورتك قديش ؟؟؟ و هلق صاروا بدهم يانا نفرح لما صار في موقع لهالشي اي مرحبا فرح

حاجة ضحك على العالم مشان الله

هيك موضوع لازم يروح لقسم المضحك المبكي لانو فعلا ببكي و بضحك بنفس الوقت

اما بخصوص 94 استنلوكم شي يوم او اتنين و رح تلاقو نفس الميزات ما صندوق البطيخ نفسو

انا اسف على صراحتي

سلام
nisreen a
18-02-2005, 22:59
Za3bour

انا اسف على صراحتي

سلام


للاسف طارق ... فعلا ... ما منتأسف الا على صراحتنا .....
sheree22
20-02-2005, 01:10
ههههههههههه
شكرا لكل من شارك لمروركم الكريم
أولا أنا شاب و ما بشتغل بسيرياتل و لا الي علاقة تجارية مع سيرياتل
بس يعني يعد هذا الموضوع سبق لسيرياتل مقارنة بأريبيا او تسعه اربعة


بس أتاري الكل شايلين بقلبهم تجاة الشركتين طيب خلاص شو رأيكن بخبر جديد
يمكن تلاقوه جيد؟؟؟؟؟؟؟؟؟؟؟؟؟؟؟؟؟؟؟؟؟؟؟

بعد حوالي 10 اشهر من اليوم ستبدأ شركة جديدة SwissCom من تركيب و تشغيل
مقاسم الهاتف الخليوي في سوريا كون الفترة التي كانت محددة لهما من عدم دخول شركات
منافسة لهما خلال المدة التي حددت ب 5 سنوات,و هذا الخبر لم يؤكد بعد من قبل المؤسسة
يلا خلاص روووووووووووووووقوا شوي هاي رح يصير في شركة ثالثة
التربوي المخلص
12-08-2007, 22:29
لما بيصير فيه شركة تالتة أكيد وبقد مو تلات شركات بشرك ة ( ومقصود القطع )
والله رح إلغي اشتراكي بسيريا تل وكمان أريبا حتى لوكانت الشركة التالتة أكتر غلاء من الشركتين السابقتين

وبقصد مو تلات شركات بشر ك ة

والله رح إلغي اشتراكي بسيريا تل واريبا
وحاجة مسخرة
شي بيقرف والله
عن جد قرفنا
واللي ما قرف ما فيه احساس
( معلش سامحوني )

يا شباب بدها شوية احترام لنفسنا والله
حاجة ضحك عالناس الغلبانة:: :eek: :eek: :eek: :eek: :eek: