محاولات بالتصوير ..... زعبورية

[Za3bour]

مرحبا

الحقيقة انا بشوف انو قسم التصوير مظلوم شوي و لازم كل واحد فينا يحط شو الصور يللي عندو حتى لو فكرو انهن مو حلوين لانو هيك بياخد الراي و النصيحة من غيرو

رح بلش حط شوي من صوري شوي شوي و رح بلش بصور من فيلادلفيا يللي مشهورة انها كانت اول عاصمة لاميركا و فيها اتوقع الدستور و تم اعلان الاستقلال

انا كنت بفيلادلفيا بشباط بزيارة لرفيقي يللي عايش هونيك

هي الصورتين لسنجاب شفتو بالحديقة

http://ee.domaindlx.com/za3bour/photos/phili/4.jpg
http://ee.domaindlx.com/za3bour/photos/phili/5.jpg

و هي المبنى يللي اتوقع في الاستقلال

http://ee.domaindlx.com/za3bour/photos/phili/6.jpg
http://ee.domaindlx.com/za3bour/photos/phili/8.jpg


و هي جورج واشنطن (أبو الاستقلال)

http://ee.domaindlx.com/za3bour/photos/phili/7.jpg

و هي اتنين كانو عم يتمشو

http://ee.domaindlx.com/za3bour/photos/phili/9.jpg

و هي محفل ماسوني (يللي عاليمين و بجنبه كنيسة)

http://ee.domaindlx.com/za3bour/photos/phili/13.jpg

المرة الجاية انشالله رح حط صور من بوسطن

سلام

[IMMIGRANT BIRD]

زعبورررررررررررررررررررررررر
الله يسامحك هيك بتكون بفيلاديلفيا ومابتزور اخوك سام
بتمنى المرة التانية لزيارتك انك تعلمنا بوجودك مشان نقوم بواجبك
سلامي

[Za3bour]

له يا زلمة و الله ما بعرف انك بفيلادلفيا :( و لو بعرف اكيد كنا تقابلنا
يلا خيرها بغيرها انا انشالله يمكن انزل مره تانية

امانة اذا اجيت عسياتل توحل sh:hi المدينة كتير حلوة و اكيد رح تتبسط

انت بس قول انك جايي و ما تهكل هم شي

سلام

[nour111]

اي شو هل صور شي بياخد العقل تاري انت فنان و مالنا عرفانين بس ياريت لو شوفهن يعني ما طلع عندي ولا صورةsh:tounge

[Chetah]

wonderful but i couldn't see any of the pics, plus i tried to type in Arabic but i couldn't any one got a clue??? my system do support Arabic but the website didn't allow me to....

[Za3bour]

غريب انا الصور طالعين عندي sh:ohmy

الاخ Chetah

What do you mean you can't type in arabic ? you have to install arabic support if you don't have it already and to see arabic text go to View-->Encoding-->Arabic (Windows) and you should be able to see the arabic text

سلام

[Moon light]

حلوين الصور يسلمو ايديك زعبور

بس اكتر شي عجبني السنجاب امور كتير

يعطيك العافية وعم نستنى الباقي

[MSB4ever]

اخي زعبور وين الصور ماطلعو :(
يمكن الـ Daily access limit exceeded
شكــsh:hiـرا

[Za3bour]

متاسف كتير

يعني حظي مو طبيعي لانو الموقع يللي مخزن عندو الصور خطر على بالو اليوم يعمل صيانة فاضطريت اني حطهم عموقع تاني

يسلمو Moon Light و انا كمان حبيت هالصورة

سلام

[الهره]

... Za3bour ...


يسلمو Za3bour بس انا مو طالع عندي شي ؟؟؟؟
بس باينتووون حلوييين sh:eye

الهره

[Za3bour]

هالمرة الصور اكيد طالعين فلحقوا حالكن قبل ما يفوت السيرفر بالحيط sh:ohmy

سلام

[الهره]

لووووووول .. ايه يسلمو زعبور ..
بس مو قلتلك باينتوون حلويين شفت ما خايبني احساسي ...
الله يعطيك العافيه ...


الهره

[خليــل]

السلام عليكم

تحياتي اخي زعبور وشكرا على موضوعك
الصور بشكل عام حلوين

اكتر صورتين عجبوني هني الصورة الاولى صورة السنجاب والصورة الرابعة صورة البرج يلي مغطى باغصان الشجر

صورة السنجاب الاولى يلي عجبني فيها
توازن الوان الخليفة مع الوان الشجرة
الاغصان يلي بالخلفية OUT OF FOCUS وهالشي عاطي جمال للخلفية

والشغلات يلي حابب علق عليها
انو العنصر الاساسي بالصورة يلي هو السنجاب جاية بالمنتصف تماما ولكن على اي حال الوانو رايحة مع الوان الشجرة يعني مو مشكل اي ازعاج للعين

وشغلة تانية الغصن الاخضر يلي قدام الشجرة حسيتو مزعج شوي

اضفت بعض التعديلات على الصورة بتمنى تعجبك

عملت كروبينغ لجزء بسيط من يسار الصورة يعني المنطقة يلي خلف السنجاب لانو برأيي انو المساحة كانت كبيرة وميتة شوي NEGATIVE SPACE

وحاولت قد مافيني امحي الغصن الاخضر

http://members.lycos.co.uk/gevara2000/za3_123.jpg


تحياتي وشكرا على هالموضوع

[Za3bour]

العزيز جيفارا

اهلين و الله يسلمك

الحقيقة تعليقاتك مظبوطة

انا الحقيقة ما بجب غير بالصور كتير عالفوتوشوب و اصلان ما بعرف اشتغل علي لذلك بحط الصور متل ما هن بس يا ريتك قلتلي قبل ما تعدل مشان حقوق الملكية

عم امزح طبعا

جد مشكور على تعليقاتك sh:scared

[خليــل]

السلام عليكم


اخي زعبور تحياتي
بس حابب وضحلك نقطة بسيطة

البعض بيفكر انو التعديل على الفوتوشوب بيخفف من قيمة الصورة وانا بصراحة ما بوافق هالرأي ابدا

لانو ازا نظرنا للتصوير الفوتوغرافي الكلاسيكي يعني معالجة الصور بالالات اليدوية متل مكبرات الصور والفلاتر المستخدمة بطباعة الصور والاحماض والمواد المظهرة لح نلاقي انو المصورين الفوتوغرافيين ممكن يطبعو 30 صورة ويضلو يعدلوا عليهن لحتى تطلع معهن النسخة الاخيرة من الصورة ممكن يزيدو الاضاءة ببعض المساحات من الصورة ممكن يحزفو مساحات من النيغتيف الاصلي وهالشي يشبه تماما التعديل على الفوتوشوب ولكن بطريقة معقدة اكتر وبتاخد وقت اطول واولا واخرا بتضل عين الفنان هي يلي بتضيف اللمسة الاخيرة عالصورة

يعني فينا نعتبر الفوتوشوب متل غرف طباعة الصور او الدارك روم (DARK ROOM) ولكن دارك روم صغيرة وممكن استخدامها بسهولة

[Za3bour]

أخي جيفارا

انت قلتها" أنا ما بوافق هالرأي" و انا بصراحة بوافقه يعني بعرف كذا مصور ما بعدلوا صورهن ابدا عالكمبيوتر و هن جماعة محترفين فما بالك انا سلامتك هاوي و بظن بتعلم اكتر اذا صححت اغلاطي عن طريق الكاميرا مو الفوتوشوب

على كل وصلت فكرتك و انا بحترمها

سلام

[Za3bour]

كم صورة جداد

بيت بيل جيتس (مؤسس مايكروسوفت)


http://za3bour.jeeran.com/images/m1.jpg
http://za3bour.jeeran.com/images/m9.jpg
http://za3bour.jeeran.com/images/m7.jpg

بيل جيتس عايش بماداينا و هي من أغلى المناطق هون بسياتل (البيوت بملايين الدولارات)

الصور ماخودين من القارب (بالحقيقة شختورة) تبع رفيقي

انشالله يعجبوكن

سلام

[Eng.Mohammad]

شكر كتر اخي زعبور على هل صور الحلوين هدول

بس ليش هيك شكل بيتو لبيل جيتس؟!!
شكلو متل بيوت لحواش sh:ohmy

هلاء هي أغلى منطقة؟
لك بالله زعبو مو الإنشاءات أحلى؟ sh:eye



تحياتي
محمد

[Za3bour]

هو معك حق البيت شكله غريب بس العجايب في من جوا

عكل اذا عجبك حقو 67 مليون دولار بس (يا بلاش) و فينك تشتري بالتقسيط

هي صورتين جداد من نفس المنطقة

http://za3bour.jeeran.com/images/m6.JPG
http://za3bour.jeeran.com/images/m3.JPG


سلام

[lolyana]

زعبور الصور فعلاً حلوين

هالحي بيستاهل يكون راقي و غالي

يعني يمكن اذا انا سكنت بهيك حي يمكن يطلع معي افظع من المايكروسوفت

بيكفي الجماعة ما بحاجة يعملو بيسين ....و يحطولو كلور ...و يغيرو المي كل حين و مين

يعني بكير ايمتا ما بدن بيعملو غطسة بهالمي الرايقة و المنعشة كما تبدو

الله يطعمنا

[Za3bour]

اخت lolyana

شكرا عتعليقك

و الله انا بوافقك كمان انو الواحد بيطلع معو كتير شغلات بهيك سكنة بس المي ما بينسبج فيها لانو باردة لذلك الكل عندو مسابح و معظمها مغلقة

بس المي فعلا رايقة

ساليني انا :(

و هي صورتين هدية

http://za3bour.jeeran.com/images/m4.jpg

لاحظي المصعد

http://za3bour.jeeran.com/images/m5.jpg

بيت مخبى

سلام

[Greater]

مو مشكلة

عقبال ما نشوفك شخصي أخي زعبور...

شرفنا على كاليفورنيا،
بالكاتان بنطلع بحجتك على لاس فيغاس.
كمان أخي سام اهلا وسهلا فيك وبكل المتشريين أمثالنا في أنحاء العالم...

أحلى شي صورة السنجاب.

[Greater]

قوي تعديلك أخي جيفارا...


تعديل قوي جدا على صورة السنجاب ...

زعبور أخي جيفارا كان ناترلوا تحشيشة قبل ما يعمل التعديل على صورة السنجاب...

ملك انت أخي جيفارا....
يالله شدوا الهمة وجيبوا سام أفندي وتعوا صوروا عندي هون ...
أهلا وسهلا بالشباب كولياتون كولياتون

[Za3bour]

اخي جريتر

خلص منجي و لا يهمك sh:scared انت بس حضر الفتات و المشاوي و الاراجيل للشباب (انا ما بارجل) و شدة للصبح

و انا بجبلك عشرين شب من هون

يا سيدي عالصيف انشالله اكيد رح اجي

و انت كمان لازم تحول لهون عم نستناك

سلام

[nour111]

و الله تاري مبك شي بيطلع معك يعني صح دهان بس ماشي حالك ما اشبك شي
اي شو هل حلو هاد كلو
عنجد صور كتير حلوين و اكتر صورة حبيتها
http://za3bour.jeeran.com/images/m6.JPG

اكتر شي عجبني بالصور لي بماداينا انو الشجر فيها متروك على طبيعتو
يعني كل الشجر لي بشوفو هون بشعر انو بلاستك او مصطنع من كتر ما بقصو فيه و بزبطوه كانو عم يعملو تمثال بينما الشجر بالصور لي حاططها كتير طبيعين بتشوف فيهن الشجر اليابس و الشجر ل معفشك و هاد احلا شي
sh:hi

[Za3bour]

إي شو هاد

مع انو مالك بالعادة بس يسلمو عالكلمات الحلوة و معك حق الصورة حلوة عطبيعتها و كمان اليخت المبين حلو و لو انو مبين صغير هون بس هوه بالحقيقة كبير

و هي هدية خص نص لالك sh:scared انشالله تعجبك و شوفيلي لون المي ما احلاه

http://za3bour.jeeran.com/images/m8.jpg

سلام

[nour111]

و الله انو حلوة كتير الصورة و احلى شي فيها الشجرة البعيدة المزهرة

[Za3bour]

هي صورة لجسر طافي مو معلق (الهاي واي 520 ) High Way 520
انشالله تعجبكم

شكرا نور sh:hi

http://ee.domaindlx.com/za3bour/photos/phili/m2.JPG

سلام

[emessa]

صور رائعة بالفعل الله يعطيكم العافية

اسمحوا لي بالمشاركة معكم


http://www.arab7.com/up/file/10825567455.jpg
لقد اجريت بعض التعديلات عليها من حيث اظهار البيوت والشجر بشكل افضل
وتحسين صورة المياه .

[Za3bour]

يا سيدي الله يعطيك العافية sh:hi


انا مبسوط انوا الناس عم نعدل على صوري مع اني متل ما قلت قبل هلق ما بحب التعديل بعد تحميض الفيلم

مشكور على كلن و شكرا لمشاركتك

سلام

[nour111]

سمحولي شارك معكن بهل صور من long beach city college
http://img47.photobucket.com/albums/v145/nour111/DSC00040.jpg

http://img47.photobucket.com/albums/v145/nour111/DSC00041.jpg
http://img47.photobucket.com/albums/v145/nour111/DSC00043.jpg



http://img47.photobucket.com/albums/v145/nour111/DSC00039.jpg

http://img47.photobucket.com/albums/v145/nour111/DSC00038.jpg

[Za3bour]

شو قصتك يا نور لسى بتحطي صور بمعرض سوس و بتحطي صور بموضوعي ما بدك تبطلي هالعادة الغليظة :D

يسلمو عالصور حلوين و انا عجبتني تاني صورة بس يا ريتك ما حطيتي المقعد بالصورة و الارنب كمان حلو بس يبدو كان خايف منك sh:ohmy

سلام

[nour111]

اي خلص اخي سوس ما اعترضت انت شو دخلك :eek:

و هاد الموضوع تبع الصور المعفشكين تبعك ما عاد حطلك فيه شي انا قلت حرام يعني مشان اعملك دعاية و لما الناس تدخل مشان تشوف صوري بقومو بطريقهم بشوفوا صورك لانو شفقت عليك sh:tounge س خلص ما عاد في قلب طيب من يوم رايح هلاء بفتح معرض خاص فيني للوحات و الصور و ما بدي منيتك ولا هل معرض المعت تبعك

[Za3bour]

الحمدلله يللي اقتنعت تحلي عني انا و سوس و تفتحي البسطة قصدي المعرض الخاص فيكي sh:scared

بعدين فوق ما مدحنالك بالصور sh:ohmy

سلام

[tiger4u]

أخي زعبور الله يعطيك العافية على الصور

بس ممكن سؤال بالتصوير ..

ما هو نوع الكاميرا التي تستعملها وما هي ميزاتها ..

سبب السؤال أنني في صدد اقتناء كاميرا متطورة وأحب أن آخذ رأي أصحاب الخبرة

أخوك

تايغر

[Za3bour]

شكرا اخي تايغر

الكاميرا هي كانون Canon Elan 8E اما العدسة فهي سيجما Segma ASP 28-300mm او
Canon 28-90mm اما بخصوص الميزات فهي كتيرة كتير و اذا حابب ببعتلك ياها بايميل

انا الصراحة ما بحب الديجيتال و بفضل الكاميرات ال SLR 35mm رغم انو مريح كتير و انشالله فيني ساعدك باختيار كاميرا مناسبة لالك حسب احتياجاتك بس الصراحة لازم اعرف قديش ميزانيتك لانو الكاميرات البروفيشنال بيمتدو من 200 دولار لعدة الاف من الدولارات

سلام

[myimad]

سيد زعبور أرسل لي فيزا زيارة لعندك من شان أشوف الصور شخصي
عنواني بتعرفوا

[Za3bour]

تكرم عينك اخي عماد بس الفيزا عليك و التيكت عليي sh:hi

[عاشقة كاظم]

زعبور


كتير حلوين عن جد

واللي شدني أكتر شئ الصورة الأولى الشجره عنجد شئ كتير حلووو

يسلموووو هالأيدين يارب

وعم ننتظر صور جديده


كمان نور الصور كتير حلوين عن جد كتير حلوو
كمان اللي شدني أكتر شئ بالأولى والتانيه جذوع الشجر حلوو كتيرررررر
يسلموووو نور




,,,,

[Za3bour]

شكرا الك اخت عاشقة كاظم هادا بس من ذوقك و لطفك و ان شاء الله في صور قادمة

سلام

[Za3bour]

......