صـــــورة مــــن الـوطــــــــــن...................

[خليــل]

صورة من الوطن

أشياء بسيطة وصغيرة
ما بيعرف قيمتها الانسان لحتى يتغرب ويطلع برات وطنو بتصير هالشغلات عبارة عن جسر بيوصل بينو وبين ذكرايات الوطن..

موضوع صورة من الوطن
هو مجموعة من الصور لح حاول من خلالها ابقاء الوطن وذكريات الوطن بداخل كل انسان مغترب…

بتمنى الجميع يشارك ..

[خليــل]

http://members.lycos.co.uk/gevara2000/n_1_1.jpg

اول مرة بدخل فيها على مسرحية كانت على هالمسرحية اعلانات بس يلي مستغرب منو كلمة ((المسرحية الهادفة)) ما عم تركب معي شو الشي الهادف يلي كان بالمسرحية؟؟ على شو معتمدين وقت كتبوا كلمة هادفة؟؟

[خليــل]

http://members.lycos.co.uk/gevara2000/n_1_2.jpg


لا تقلولي مالكن لعبانين تمجيع نعوات!!

اكيد بالسويد وبالنروجع ما بيعرفوها لهل اللعبة:D ولكن نحنا وقت كنا صغار كنا نعرفها وكانت لعبتنا المفضلة لعدة اسباب

_اول شي انو هاللعبة ما بدها ادوات او مضارب لحتى تنلعب

_وتاني شي انو اكتر شغلة متوفرة عنا هية النعوات

كل يوم جنازة ونعوة جديدة يا اخي شو بدكن بهالحكي شعبنا هوايتو يموت

بقا كنا ننقسم فريقين او تلاتة ونحدد وقت مثلا ساعة ولازم نرجع بعد ساعة وبس نرجع كنا نعد مين معو نعوات اكتر ويلي يربح نعطي كل النعوات يلي جمعناهن يقلبن على افاهن ويخرزن يساويهن دفتر للمدرسة

احيانا يكون اخر الشهر يا اما قبل العيد بيومين يكون وقتها حلو اللعب لانو في كتير نعوات بهالتوريخ ما بعرف ليش!!
يعني نبلش اللعبة ونرجع بعد ساعة كل واحد فينا معو نعوات بتفتح مكتبة مو بس دفتر!!!


احيانا كنا نقعد نتسلى نقرا اسماء اقارب المتوفيين وشو سبب موتهن ولهل بتزكر حوالي 95% من الناس كانو يتوفوا بالجلطة

ما بعرف شعبنا ليش بيحب يموت بالجلطة؟؟؟

ابصر......

[نار البحر]

فكرة الموضوع حلوة اخي جيفارا ساكون من المتابعين لهذا الموضوع

و ردا على اخر سؤال لالك انو ليش بحب يموت شعبنا بالجلطة

يا اخي ما بدها كتير تفكير لانو من كتر السعادة

تحياتي لك

[طائر الليل]

لك أخي جيفاراا نحنه لأنو أي مسرحيه منساويا لازم تكون هاتفه ولا غلط جيفارا

وكان عندك سؤال وحيد بهالموضع أنو 95% من شعبنا بموتو بالجلطه
متل ما أل نار البحر من كتررر السعاده والفرح
و شكرا كتير على موضوعك جيفارا حلو كتيررر

صحي جمال ما جيت على سوريا مشان المحشياتت

[جورية]

بسم الله الرحمن الرحيم
اصدقائي الغالييييييييييييين
السلام عليكم و رحمة الله و بركاته



لك والله حلوين هل الصور يا جيفارا
و بجد تذكرت شوارع الشام و طرقاتها................
بسسسسسسسسسسسسسسسسسسسسسسسسس
انا بحياتي و الله ما فتت سينما بالشام لانه بجد ما في سينما
محترمة هيك برايي بس يعني طبعا بظن انو سينما الشام شوي
راقية هيك بسمع عنها بس ما بعرف ان كانت محترمة او لاء
المهم
اول مرة بشوف انو هيك مسرحية هادفة بس بظن هافة لنفس الموضوع
يعني بيكفي ابو عنتر فيها فاكيد هادفة للموضوع القيم يلي بيحكي فيه
فعلى شو كانت المسرحية بتعرف قيمتها و هدفها...................
اما بالنسبة للنعوات.............................
ولييييييييييييييييييييييييييييييي
بجد هاده شي مفقود هون و انا وقت كنت بالشام بحب اقرا النعوات كتير
و احب شي بحب اعرف شلون مات و كيف و ليش و صدقني جيفارا
وقت بروح على تعزاية احب شي بحب اسمعوا و بالتفصيل اللممممللل
انو شلون مات او شلون ماتت....................
اما النعوة فانا بحب اقراها كتير و اغلظ شي بشوفواااااااااااااااا
انو عبارة عفوا لقد عاش sh:ohmy
ولييييييييييييييي شلون عاش بعد ما مات ما بعرف
كنت صدقها ببدايتها بس بعدين اعرفت انو لعبة و تاريك كنت تلعب حضرتك
بالنعوات اي تضرب شو غليظ بجد مو حلوة ما تعيدها;)
هات لنشوف شو رح تحطلنا صور تانيه
و الله الموفق

[خليــل]

http://members.lycos.co.uk/gevara2000/n_1_3.jpg

وقت كنت بالمدرسة بالمرحلة الإعدادية
كان عنا أستاذ كنا نحبوا ونحترموا كتير كان هالاستاذ من بيت ((قمر)) وكان يدرسنا اجتماعيات يعني تاريخ وجغرافيا بالإضافة لمادة القومية

بصراحة مادة القومية ما كنت حبها كتير لانو كانت معقدة شوي وما كان النا خلق ندرسها ولكن وقت درسني ياها الاستاذ قمر صرت اعشقها لانو كان يعطينا الدرس على شكل قصة ويحكيها بشكل ممتع وسلس

كان يحكيلنا عن معنى القومية وعن حب الوطن والدفاع عنو
كان يحكيلنا عن غلاوة تراب الوطن وعن شجر الزيتون والكينا
كان يحكيلنا عن معنى العروبة وعن الدفاع عن شرف العروبة
كان يحكيلنا عن الحضارة العربية وعن امجاد العرب واطباء وفلاسفة العرب
عن ابن رشد و ابن سينا والجاحظ

وبيوم من الايام اجا الاستاذ عالصف وقلنا انو بعد يومين عيد الشهداء وانو اليوم لح نخصص الحصة للحديث عن عيد الشهداء
بلش الاستاذ الدرس او القصة وصار يحكيلنا عن شهداء وابطال الاسلام حكالنا عن سيدنا حمزة حكالنا عن خالد بن الوليد وعن صلاح الدين الايوبي
حكالنا عن ابراهيم هنانو وعن يوسف العظمة وسلطان باشا الاطرش

وحكالنا عن ((ساحة الشهداء)) بس وقت قال ساحة الشهداء شفت دموع غريبة بعيونو كان عندو رغبة انو يطالعها ويبكي ولكن حبسها قدامنا

حكالنا عن عشرات الشهداء يلي تم اعدامهم بهالساحة حكالنا عن هالشهداء يلي دفعوا اروحهن فدى للوطن وقبلوا يموتوا لحتى يرفعوا اسم الوطن

حكالنا عن دماء الثوار يلي غسلت بيوم من الايام ارض هالساحة

بعد ما خلصنا دراسة بكم سنة وبعد ما طلعت من المدرسة كنت ماشي مرة بساحة الشهداء مركز مدينة دمشق ويلي بيسموها ((ساحة المرجة)) ففاجأني شب عم يقلي استراحة حبيب!! ولحقها بجملة (في عنا شي حلو)

اول شي ما دارتلي جملتو ولكن بعد ما فكرت فيها وفهمتا تذكرت دمعة الاستاذ قمر وبظن اني فكرت بنفس الشي يلي كان عم يفكر فيه الاستاذ وقت حكالنا عن ساحة الشهداء ونزلوا دموعوا.


يا هل ترى وجود ((الاستراحات)) بساحة الشهداء هو شكل من اشكال تكريم الشهادة والشهداء!!

يا هل ترى معقول ما عد قدرنا نفرق بين دماء الشهداء وبين دماء الروسيات والبولونيات!!!!

يا هل ترى معقول تتحول ساحة الشهداء لساحة البغاء!!!!!!!!!!!!!


........

[dark viros]

يكفيك ان تقول هل من المعقول ان تتحول ساحة الشهداء الى ساحة المرجة والكل رح يفهم ولو كنت بالسودان

[خليــل]

http://members.lycos.co.uk/gevara2000/n_1_4.jpg
((هذه الصور للمصور خالد الحريري))


حدا بيعرف مين مجد طابا؟

من حوالي سنة ونص او سنتين كنت عم اتفرج عالتلفزيون على احد البرامج وذكر مقدم البرنامج اسممجد طابا

احيانا بيكون الانسان مشغول بشي ومشغل التلفزيون وعم يسمعو سمع بدون ما يتفرج ومع هالاصوات وهالاغاني يلي عم يسمعها بيمر احيانا بعض الاسماء من اسماء مطربين لاسماء سياسيين ولكن ما بيعير هالاسماء اي اهتمام لانها كل يوم عم تتكرر وصارت من الروتين العربي الممل

وقت لفظ مقدم البرنامج اسم ((مجد طابا)) حسيت انو هالاسم في وراه شي شدني الاسم بصراحة وجبرني تابع البرنامج لانو تشوقت اعرف مين مجد طابا؟

حكا مقدم البرنامج عن الصراع العربي الاسرائيلي
حكا عن سيطرة امريكا على العالم العربي
حكا عن جبن الحكام العرب وعن وعن ………………… هدول العنات يلي ما بيخلصوا


وختم حديثو بكم جملة بصراحة عجبوني وخلوني حس بفخر كبير لاني عربي سوري قال:

مجد طابا عملت الشي يلي ما قدر اكبر قائد عربي واطول شنب عربي يعملو.
مجد طابا طردت دبلوماسي امريكي من مطعمها لانو بيمثل الحكومة الامريكية.
مجد طابا شنت حرب على امريكا وكانت هية المنتصرة.
مجد طابا رجعتلنا كرامتنا المفقودة.....


وقت بتمشى احيانا بالبلاد العربية بلاقي الحيطان مطروشة طرش بصور القادة العرب ما بعرف يعني مجد طابا مو احق انو تنحط صورها بكل مطعم وبكل محل وينعملى تماثيل وساحات عامة ومدارس باسمها؟؟؟

عالاقل هية عملت شي

هني شو عملو؟؟

ما بعرف شو عملو!!!

عملوا شي؟

ابصر…

[ScorpionX]

مرحبا ..

بحب اشكرك أخ غيفارا على هالافكار الحلوة .. والصور المميزة كتير كتير ..
وكأول مشاركة الي بها الموقع الحلو ببعتلكم هالصورة
التقطها من شباك البيت بالشام - المزة الشتوية الماضية 2003

http://scorpionx.jeeran.com/images/snow.jpg

بتمنى الصورة تكون عند حسن ظنكن
شكراً ...

[نار البحر]

سؤال للتاكيد : اليست مجد طابة هي صاحبة مطعم بحلب طردت منه شخصية امريكية

[خليــل]

السلام عليكم

اهلا فيك اخي سكوربيون شكرا لمشاركتك

اخي نار البحر نعم مجد طابا صاحبة مطعم بسوريا بدمشق او بحلب ما عد اذكر ولكن يلي بذكرو انو هي الانسانة الوحيدة بتاريخ العرب الحديث يلي قدرت ترفع السلاح دفاعا عن ما تبقى من شرفنا العربي ولو حتى كان هالسلاح مجرد كلام ولكن كلام بمحلو ومفعولو كان اقوى من مفعول كل الدبابات والسلاح الكيميائي والبيولوجي يلي حاويينو العرب

تحية مرة تانية للبطلة مجد طابا...........

[caser.net]

ممممممممممممم

موضوع روووووعة أخي جيفارا

فعلا لازم نحنا نتذكر هديك الأيام

خاصة لما كنا نشغل هالطرطيرات بحرستا ولا دوما لما ننزل عند ابن عمي لهنيك

كنا معجزين الدنيا هاد غير دق الجراس

وغير كمان اللعبة اللي قلت عليها تبع شق النعوات:p

ومرة من المرات لاحكيلك شوساويت مرة أنا وصحابي

كنا متزاولين من أنسة كانت تدرسنا محاسبة

هالأنسة ماسكة هالدفتر العلامات وعاملتو عقوبة

أي واحد بيعمل شي مشغلة صغير ولا كبيرة بتحطلو صفر بالشفهي

امنا تزاولنا منها شو ي ثانية كانت رح ترسبنا

امنا تفقنا آخر السنة على أنو .... وعملنا التالي

رحنا شلة اشترينا صفط بيض وكيليين بندور وجبناهم

ورحنا على ادام بيتها وقلها الكريم خود

على الاقزاز على البرندات ادام الباب ما خلينا مكان من البيت يعتب علينا

لكا هيك اللي بدو يأذي للكاسر بأى اللي بيأذيني يدير بالو من شي بيضة ولا بندوراية:p

شكرا على الموضوع مرة ثانيةsh:hi

[خليــل]

وقت كنت بالمدرسة





كنت حب مادة العلوم الطبيعية كتير

كانت تحكي عن الحيوانات وحياتهن عن الضفادع والسمك والتشريح


ومرة من المرات كان عنا علوم وكان الدرس عن الحيوانات القديمة وكيف انقرضت حكالنا الاستاذ عن الديناصورات وعن بعض الاسماك والسلاحف

حكالنا انو سبب الانقراض كان خلل بأنظمة حياة هالحيوانات او خلل بالبيئة المحيطة ان كان طعام او هواء هالعوامل كلها ادت لضعف عند هالاحياء وكانت نهاية الضعف هو الانقراض

بس كمان حكالنا عن سبب انقراض الديناصورات انو كان سبب مفاجئ وهو ارتطام كوكب بالارض



مبارح كنت عم اشرب كاسة قهوة كبيرة معباية هيل وعم اشرب اركيلة تمباك وعم اتفرج على هالانترنت وقعت عيني على هالصورة وبصراحة تذكرت درس العلوم الطبيعية تبع الانقراض


مع انكن شايفين الصورة

بس لح اشرحها


الصورة هي عبارة عن تلت شهداء من الثوار السوريين بزمن الاحتلال مشنوقين لانهن عم يدافعو عن تراب وطنهن وعن شرف امتهن


خطر ببالي سؤال معقول يكونو هالتلت ثوار هني اخر تلاتى من السلاسة العربية؟؟
معقول نكون انقرضنا؟؟
معقول بعد مليون سنة يصير اسم القرن العشرين ((حقبة انقراض العرب))

ما بعرف ابصر....
http://members.lycos.co.uk/gevara2000/tho_12344.jpg

[MAYA_GUASHA]

وعليك عيني يا دمشق فمنك ينهمر الصباح
يا شام يا بوابة التاريخ تحرسك الرماح

السيف الدمشقي : النصب الذي تتميز به ساحة الأمويين في دمشق
يقع في الزاوية الجنوبية الشرقية للساحة وسط بحيرة .
تم تجديد واجهة السيف الدمشقي حيث تمثل الواجهة الزجاجية
لوحة للفنان إحسان عينتابي .
وهذه صورة للسيف الدمشقي بالواجهة الجديدة .
http://members.lycos.co.uk/gevara2000/SORD2.jpg

وصورة أخرى كما يبدو ليلاً مع الإنارة .

http://members.lycos.co.uk/gevara2000/SORD3.jpg

[aNnOs]

سلمت ايديك أخي جيفارا على هذا الموضوع الأكثر من رائع ,,,

أكتر شي حرق لي قلبي ساحة الشهداء :( لك آآآآآآآآآآآآآآه بس بدي افهم انو وين المسؤوولين ؟؟؟ ما بقي حدا عندو شوية وطنية ... شوية شرف ؟؟؟؟

لا حول و لا قوة الا بالله ,,,

[خليــل]

فوبيا الشو اسمو



وقت بسمع حرف الصاد او الياء او الالف بتصيبني متل حالة تقيئ وشعور بالتوحش ورغبة بالانتقام رحت لعند عدة اطباء بيحملو عدة اختصاصات ولكن للاسف ما حدا عرف شو مرضي

صابني اليأس ومرت الايام والسنين وانا حامل نفس المرض ومافي حل عند حدا

كرهت نفسي وكرهت يلي حوليي وانعزلت عن الناس لاني انسان مريض

وبعد عدة سنوات سمعت عن طبيب شعبي قالولي عنو انو شاطر ودواءو شافي


رحت لعند هالطبيب وطمني قلي انو مارة على راسو الاف الحالات متل حالتي


لانو طلع معي مرض منتشر بالوطن العربي وبالشرق الأوسط ولكن بشكل مخفي هالمرض في الو طريقتين للانتقال الطريقة الاولى او السبب الاول هو العدوى عبر التلفزيون والسبب التاني وراثي


ابي وجدي حملوا نفس المرض من قبلي يعني المرض وراثي كان للاسف وصعب الشفاء منو لانو على حسب ما قالولي انو هالمرض بيتغلغل بكل خلية من خلايا المخ


بصراحة ما عد اتزكر اسم المرض ولكن في ببداية اسمو كلمة ((فوبيا)) بس مالي متذكر الكمالة


هادا المرض في منو اشكال والوان

فوبيا الطيران

فوبيا الاماكن المرتفعة

فوبيا الماء

فوبيا النسوان!!


ولكن الفوبيا يلي معي كانت غريبة شوي

وصفلي الطبيب الشعبي دوا قلي ممكن يساعدك


كانت الوصفة غريبة وبصراحة ما اقتنعت بانها مفيدة ولكن الغريق بيتعلق بقشة

قلي نزيل على اسواق الشام سوق سوق وراقب ضحكات الناس حاول تنقل هالضحكات لجواتك


قلي ممكن ضحكات الناس تطالعك من هالحالة وتخلصك من الفوبيا


رحت اول يوم على سوق الحمدية حاولت راقب ضحكات الناس

تاني يوم رحت على سوق البالة

وتالت يوم عالصالحية وعالحمرا وعالشعلان


ما خليت سوق يعتب عليي ما زرتو

ولكن لهلء معي الفوبيا


لانو طلعوا كل يلي بالسوق طالعين لحتى يراقبو ضحكات الناس مشان يخلصوا من الفوبيا طلعنا كلنا بهالوى سوا


انتو شو رأيكن كيف ممكن نخلص من هالفوبيا؟؟


ابصر.

يرجى انتظار تحميل الصورة
http://members.lycos.co.uk/gevara2000/007_b.jpeg