عناصر التصوير الفوتوغرافي ...مع جيفارا...

[خليــل]

السلام عليكم
حبيت ضيف هالموضوع ولح حاول ساوي متل مرجع للاشخاص يلي حابين يتعملو مبادئ التصوير

وبتمنى من اي شخص عندو سؤال او استفسار بهالمجال انو ما يخجل ويطرحو هون وتذكروا انو كل ما كانت الاسئلة اكتر كل ما صار هالمرجع اكبر واوسع

[خليــل]

صور الديجيتال او الصور الرقمية

بتتألف الصور الرقيمة او صور الديجيتال من مئات الألاف او مئات الملايين من الاجزاء الصغيرة كتير كتير كتير يلي فينا نسميها عناصر الصورة او البيكسل Pixels او كمان فيكن تسموها متل ما بسميها انا ((الفسافيس)) ^________^ .
وصور الديجيتال بتشبه لوحات الفسيفساء بشكل كبير من حيث المبدئ ومن حيث العناصر المكونة للصورة متل ما كلنا بنعرف لوحة الفسيفساء بتتكون مع احجار صغيرة كتير وبالوان مختلفة ووقت بنجمع هالاحجار الزغيرة جنب بعضها البعض بينتج عنا صورة متكاملة مؤلفة من عناصر كتير زغيرة. بس الفرق بين الفسيفساء وصور الديجيتال هوة العناصر المكونة يعني يا حلوين ^__^

العناصر المكونة لصور الديجيتال هية عبارة عن بيسكلات او ((فسافيس)) وهالبيكسلات الزغيرة هية عبارة عن رموز مكتوبة بلغات خاصة بيفهمها الحاسوب وبيترجمها لالوان بنشوفها عالشاشة بواسطة نظم لونية متعددة منها الـــ RGB, CMY, HSB, Lab, CMYK, وان شا الله بمناسبة تانية بشرحلكن كيفية عمل هالنظم اللونية.

وبعد ترجمة هالابيكسلات الزغيرة بيتم جمعها جنب بعضها البعض لحتى تكون هالصور يلي بنشوفها ان كان هون عالانترنت وان كان مو هون عالانترنت ^__^

خلونا نجرب هالشغلة الزغيرة كل واحد ينقي صورة عجبتو من على هالانترنت ويكبس عليها بزر الفارة اليميني بقوم شو يا حزركن؟ بيطلعلو قائمة يختار خصائص او Properties ويشوف صفحة الخصائص بتلاقو فيها مكتوب Dimensions وجنبها ارقام مثلا 1000X 1000 او هيك شي يا ترى شو بيعني هاد الرقم؟؟

هاد الرقم يعني الصورة مؤلفة من الف بيكسل او فسفوسة بالطول والف بيكسل بالعرض نحنا شو بنرح بنعمل يا ترى؟؟ بنضرب هالرقمين ببعض الف ضرب الف يساوي 1000000 مليون يعني هالصورة مؤلفة من مليون بيكسل يعني مليون مربع يعني مليون فسفوسة زغيرة

اكيد لح تسألوا حالكن هالسؤال يا ترى اديش بيطلع قدو البيكسل وشو موديلو؟


http://members.lycos.co.uk/gevara2000/pix_f.jpg


شفتوا شو زغير :D :D


يتبع............

[قاسم]

مرحبا أخي خليل....

موضوع حلو جداً تشكر عليه....

بس وين الدرس التاني تبع أنظمة الألوان...sh:angry sh:angry

قاسم...