لماذا تقال النكت عن أهل حمص و لماذا عيدهم يوم الأربعاء؟!!

[Eng.Mohammad]

تحية طيبه للجميع

أردت من خلال هذا الموضوع أن أبين للناس لماذا النكات تقال عن الحماصنة و لماذا يوم الأربعاء يعتبر عيدا لهم

و لكن قبل كل هذا أريد أن لايفهم أحد أني متضايف من مثل هذه النكات على العكس تماما و أنا قد كتبت نكت عن الحماصنة الذي أن منهم في هذا المنتدى



كان يقال عن الحماصنة منذ زمن بأنهم مجاذيب و مع مرور الزمن تحولت لمجاديب

و المجذوب هو حلو المعاشرة أي دمه خفيف و مهضوم و يتقبل المزاح من أي شخص

و الحماصنة معروفون بذكائهم و حسن تدبيرهم و لهذا الكلام معنى

يقال أن المغول حينما دخلو بلاد الشام قرر أهل حمص أن يدعو الجنون ليحمو أنفسهم فأخذو الطناجر و الحلل و قرعو عليها فعندما شاهد المغول هذا هرعو من خوفهم و لم يدخلو هذه المدينة و كان هذا اليوم هو يوم الأربعاء

هكذا يقال و سمعتها من أكثر من مصدر و الله أعلم

و هناك طرفة تقول بأن أهل حمص كانو يحاربو الأعداء و كان هذا في يوم الجمعة فلم يستطيعو أن يصلّو صلاة الجمعة فصلوها عند إنتهائهم من الحرب في يومالأربعاء :D


تحياتي

محمد

[جارةالوادي]

أحببت أن أؤكد المقولة التي أسمعها من كثيرين عن المغول والحماصنة ..

تحياتي لك أخ Eng.Mohammad ...

:D

sh:hi ..

وكل اربعاء وأهل حمص جميع بخير ...

sh:ohmy ..

ييييييييي اليوم .. ما الأربعاء ...

طلع الخميس ..

sh:hi

[Eng.Mohammad]

شكرا لتأكيدك للمقولة أختي جارة الوادي

رفعتي معنوياتي للسماsh:eye

بالمناسبة اسمك جميل و الصورة أجمل

تحياتي

محمد

[mahmud-d]

شكرا أخ محمد على التوضيح وفعلا أنا سمعت نفس الشيئ من أكثر من مصدر

على كل حال بالنسبة لي شخصيا فأنا أحب حمص وأهل حمص ودائما أزورها وشعبها ودود جدا ولطيف وحلو المعشر بدون مجاملة


واسمح لي أن أروي آخر نكتة سمعتها على الحماصنة:
قال في واحد حمصي جوزوه أهله
ثاني يوم بعد العرس (صبحية العرس)
قال لأمه: ماما ماما مشان الله خليها تنام عنا ليلة تانيةsh:hi sh:hi

تحياتي لك ولأكل أهل حمص محمودsh:hi

[mahmud-d]

آسف على الخطأ المطبعي الأخير

تحياتي لك ولأكل أهل حمص محمود

والصحيح:

تحياتي لك ولكل أهل حمص sh:hi

محمودsh:hi

[kHLDOUN]

ياسيدي فعلاً أنا ما شفت متل الحماصنة يعني عن جد لذيذين بشكل ....
وأنا حبيت شارك هون لأنو كان في عندي صديق حمصي درسنا سوا في السنة الثانية بكلية الحقوق بحلب واسمه أسامة حديدي وهو شخص جداً لذيذ يعني بنسيك الدنيا مرح بشكل وكان يحكيلنا نكت عن الحماصنة ويفقعنا من الضحك ....
ولكن للأسف ما عدت شفتوا من تلك الأيام وياريت إذا حدا بيعرفوا يعني يجبلي عنوانه أو رقم تلفونه لأنو مشتقلو كتير كتير ....
وهي نكتة حمصية :
سألوا واحد حمصي ليش دوماً الحماصنة لما بيحكوا بيضموا أول حرف من الكلمة
فقال : مو كلو ... مو كلو ( مع وضع ضمة على أول حرف ) .
وعلى راسي الحماصنة والله .

[عماد الدروبي]

بالاصالة عن نفسي وبالنيابة عن أهل حمص اعلمكم بأن تاخدوا راحتكم..
والانتباه الى ان النكات على الحماصنة قد تمنع ..
لأنه كما علمت انها.. قد تدخل بالسياسة..

سمعت أن أحد الدمشقيين قد أعتقل وسجن .. لماذا ::

أكتشف انه مربي حماصنة على السطح ..

[goldeneagle]

هههههههههههههههه
عن جد هيك هلأ؟؟؟؟
بس بتعرفو مرة انا كنت بحمص ، وتجرأت و سالت واحد منهم ... انتو بتزعلو اذا نحنا حكينا عليكن نكت.. آم كان جوابو غريب ...أو بالأحرى فلجني...
قلي ليش مين ألك انو انتو اللي بتطلعو علينا النكت ... هي النكت نحنا بنطلعها و بنبعتها لعندكم ...
أرأني جوابو فكشرت عن أنيابي الشامية والتلو ...
يعني بتطلع من واقع حياتكن ...:D :D
وفهمكن كفاية ؟؟!!!!!!!!!!!
مع احترامي لكل الحماصنة المزوئين...
صحيح بين قوسين ، سمعتو شي مرة كلمة حمصية بمعنىأحص ؟؟؟

[osama_brd]

من المعروف دائماً أن النكت في أي بلد تكون عن أهل منطقة معينة يشتهر أهلهاً بصفة المرح غالباً والذكاء في بعض الظروف ...
ومن يلاحظ أن أهل حمص يملكون الكثير من الذكاء والمرح وهذا مبت من خلال تعاملنا اليومي مع الكثيرين من أهل حمص ..
أما شغلة يوم الأربعاء فهي جديدة والله بس ممكنة ليش لاء ...

وهي نكتة قريتها بزماني بالمنتدى هون :

في واحدة باحثة من الشام راحت لحمص لتشوف شو قصة الحماصنة وتشغيل المخ يعني كل النكت عن الحماصنة فبركي بيكون في مشكلة عندهن ...
المهم راحت ودارت كل حمص وما لقيت شيء غير عادي يعني الناس كلهن طبيعيين وقررت أنها ترجع للشام وتكتب أنها لم تجد شيء في أهل حمص وقبل عودتها دخلت لمحل هريسة وطلبت 5 كيلو هريسة فقال لها البائع : لفلك ياهن وإلا تاكليهن هون :D ...

وعلى راسي الحماصنة

أسامةsh:hi

[Eng.Mohammad]

أهلين يا جماعة

انبسط اكتير لكلامكم و روحكم المرحة
شكلي حأعطيكم الجنسية الحمصية ولا شو رأيك أخي عماد؟;)

بالنسبة لنكتك أخي أسامة

فهادا بزمانو واحد مستشرق حب ايزور حمص قام لقى كلشي ممكن ايكون طبيعي الا شغلتين
الأولى مكاتب التكسي بيحطو اعلان نفتح ليلا نهاراً فقط
و التانية محل بيبيع تلج كاتب يوجد لدينا تلج بارد جداً :D

تحياتي

محمد

[lolyana]

السلام عليكم و رحمة الله و بركاته :

لكن ما دامكن عم تحكو عل الحماصني .....هاي نكتة عل ماشي :

في واحد شامي متلبك كتير لأنو
ما عرفان إذا مواعد وحدي عالساعة تنتين او
تنتين عالساعة وحدي

[goldeneagle]

لوليانا و انت السادئة هي النكتة لواحد محشش مو حمصي ... حرام كل هالأد


الحق معك لوليانا باينتي أنا المحشش... النكتة لواحد محشش مو شامي...:D :D :D

[lolyana]

:rolleyes:

[بشار المقيد]

بالفعل، أهالي حمص بالذات هم من يطلقون النكات على أنفسهم، أو بالأحرى ينسبون حدث النكتة إلى بطلهم: "الحمصي". و من الواضح تماما أن في ذلك إرضاء لشعورهم بالتميز و تقبلهم الذكي لطغيان شهرة الإفتتاحية المعروفة "قال في واحد حمصي..." أو "ليش الحمصي..."

أهالي حمص و من دون شك يتمتعون بسرعة البديهة و حضور الذهن و خفة الدم، و ما هي النكتة أصلا غير ذلك؟ النكتة هي رواية مسلية لها مقدمة و وسط و خاتمة، يختصرها لك الحمصي في دقيقة واحدة ثم يتركك في آخرها مغشيا أحيانا من الضحك. فأي موهية و مقدرة أدل من ذلك؟

صديقي الحمصي منذ أيام الجامعة كان قد حكى لناعن حادثة وقعت له شخصيا في حمص حيث أن شخصااتصل بهم هاتفيا و سأل "عفوا، مو بيت زيتون؟"، و لما راح ظن صديقي إلى أن هذا الشخص كان يحاول استدراجه إلى السخرية منه (و على فكرة في بيت زيتون بحمص) فقد رد عليه بتهكم: "لا والله، بيت مكدوس"، و مباشرة و من دون أدنى تردد رد عليه الشخص المجهول: "إي لا تواخذنا عمي، خربطنا بالأطرميز" و أغلق السماعة و ترك صديقنا في ذهول!

إنها طبيعة أهالي حمص، المرح و حب الحياة و السخرية من الواقع المرير في كثير من الأحيان.

بالمناسبة أنا ماني حمصي.

[damaskrose]

هلا و الله باهل حمص جيراناااااااااا
كيفكون وشو اخباركم

هي وحدة يعني نكتة
ليش نفقدوا القطط بحماه؟




















لانهم باهون لاهل حمص على انهم بيكاتشوا .....:D :D :D

[Eng.Mohammad]

شكرا لك أخي بشار لكلامك الجميل

و تحية عطرة لجميع السوريين من القامشلي و حلب الى بو كمال و درعا

هذه نكتة اهداء لكم:

ليش الحمصي لما بنام بحط تحت لمخدة خيارة؟؟؟؟














لأنو اذا حط بندورة ابتنفعس :D


تحياتي

محمد

[Sweet_Nany]

والله اول مرة بعرف السبب ..

يعطيك العافية..

عجبتني هي شيت البندورة ههههههههههه

:D :D :D :D :D

[Eng.Mohammad]

أهلين أختي ناني

أنا ما ابحب اسمع كلمة شيت عندي عقدة منها

لأنو عنّا بالجامعة كل ما ايقلنا الدكتور نزلت شيت sheet

امنعرف انو لازم انحلو كلو و فيو اصواب ماكن :( :(


تحياتي ;)

محمد

[tiger4u]

حبيت شارك هون بس لحتى حيي حمص وأهلها الرائعين الطيبين

أنا شخصيا برتاح كتير نفسيا لما كون بحمص وبحاول إنو زورها كل صيف وكلما سنحتلي الفرصة وظروف العمل

بس في شغلة مزعجة بحمص وبتدوخ وهي ريحة المصفاة ..sh:ohmy

شكرا أخي محمود عالموضوع وكل أربعاء وأنت بخير

sh:hi

[lolyana]

السلام عليكم و رحمة الله و بركاته :

أخي تايغر هاي ريحة المصفاة مفيدة

مشان إذا صار هجوم بالأسلحة الكيماوية ...ما بنتأثر

لأن عاملينلنا مناعة

[Eng.Mohammad]

أخي tiger العزيز

شكرل لكلامك لكن انا اسمي محمد مو محمود;)
غلط مطبعي

بالنسبة لريحة المصفاية فهو غلط فظيع من الذين اختارو الموقع

فالمصفاة مبنية غرب مدينة حمص أي بالاتجاه التي تأتي منها الرياح

فتدخل هذه الرائحة الى المدينة

شكلون طبقو المثل:

الباب يلي ابيجيك منو الريح حط مصفاية و استريح:D


تحياتي

محمد

[جارةالوادي]

أشكرك على اعجابك بتوقيعي واسمي ..

على فكرة حابة قولك شغلة : انه توقيعي تصميم واحد حمصي وكان يوم الأربعاء

وقت ما صممه ..:D ;) ..

المهم بالنسبة لرائحة المصفاة أخي تايجر يا ما احلاها.. قياسا برائحة

محطة التكرير للنفايات التي على طريق حماة ..

يعني رائحة المصفاة تعودنا عليها ..

بس بزمانه قال لي احد المهتمين بأمر محطة التكرير انهم قاموا بوضع اغطية

اسمنتية على احواض النفايات .. تخيلوااااااااااا..

غطوا احواض او مدافن النفايات كما يسموها ...

( من أجل أن يزداد البلاء ..)

الله يستر ..

الله يحمينا من بلاء نضعه بأنفسنا في بلادنا ...

:(

[Sweet_Nany]

ولا يهمك محمد

بيني وبينك ما بعرف كيف انكتبت بردي :o sh:questio sh:questio

[Eng.Mohammad]

تسلمي يا ناني :D

غلط مطبعي أكيد

و حقلك:

سمحتك سمحتك
سمحتك كتير
بقلبي الكبير sh:eye


تحياتي sh:hi

محمد