كل عام وانتم بألف خير رمضان كريم ... تعالوا نتذكر رمضان بالشام كيف كان

[snow night]

مرحبا أعزائي أعضاء المنتدى شو رأيكم أنو نحاول نرجع نتذكر شلون بكون رمضان بالشام وكل واحد بيحكي عن شغلة كانت تلفت نظره ,,,
رح ابدى انا ورح احكي عن بياعين الناعم وشلون كانوا ينادوا على الناعم وشلون بضلوا ورا المقلاية تبعهن لبعد القدان وكانو يفطروا ناعم بس عفوا يمكن في ناس ما تعرف شو اناعم الناعم عبارة دقيق وسميد مطبوخ بطريق ما بس بينقلى قلى ويرش عليه بالنهاية دبس العنب الحلو وجرت العادة أنو يباع بأحياء الشام برمضان وبس حيث يتوضع باعة الناعم على أطراف الأحياء والطرقات والأسواق وبنصبوا المقلياة تبعهن وعلى قلي ورش دبس وعلى الكيس وبعدين لبطن الصائم بالصحة والهناء


http://ecards.fares.net/allcards/ramadhan/39.jpg

[osama_brd]

طيب أنا رح اذكر المسحر ....

وهو رجل يحمل طبلته ويقوم قبل أذان الفجر بمدة معينة بضرب هذه الطبلة وبوتيرة إيقاع معين ويقول ( يا صايم وحد الدايم ) ....

كان فعلاً منظر جميل جداً نتمنى أن يعود كما كان


أسامةsh:hi

[snow night]

يا صايم وحد الدايم وصايم ود الله هيك كان المسحر يصحينا وعلى الطبلة (تت ترتت تا ) صحيح أخي أسامة كان المسحر من الشغلات الساحرة برمضان كيف كان يصحينا ونعمل حالنا مو سمعانينوا حتى تقوم الأم وتحط السحور بعدين منشد حالنا ومنقوم على الأكل دغري وعلى فكرة أن كمان اسامة

[NOKIA22]

////////////////////////////
http://hrof.net/search/pages/Attach/341-rmadancopy.jpg

تحياتي لكم ســـــــــــــــــــــــلام sh:hi

[snow night]

شكرا وشكرا على خها الكارد الكتير حلو ومنيح انو نتذكر رب العالين عل طول انو غفور رحيم اد ما أخطئنا بضل يغفرلنا ذنوبنا

[Tamim_j]

أتا بحب أذكر برنامج كان بيطلع على الراديو بعد الأفطار وهو تحية الأفطار يلي كان من تقديم مروان شيخو
(رحمه الله) ويلي وعينا على الدنية على صوته

[snow night]

الشي يلي بد ي اتشكرك عليه هو غير مشاركتك الظريفة أنو كتير حلو منك أنو تذكر مروان شيخوا هاد الرجل الصالح يلي كان يطل علينا بأحديث الرسول عليه الصلاة والسلام واللي الواحد لازم يضل متذكرها بقلبوا وعقله
وانا بدوري بتذكر توفيق المنجد الله يرحمه شلون كان يشجو بصوته اروع المدائح على السحور




http://ecards.fares.net/allcards/ramadhan/41.jpg

[دينا]

السلام عليكم :
انشالله كل عام والجميع بالف خير ورمضان كريم على كل اعضاء المنتدى :p
انا الي بتذكره برمضان زمان انه لما كنا نصوم ونحن صغار يعني اول صيامنا كان يجي رمضان بالصيف و يأدن المغرب الساعة 8 يعني نموت من العطش والجوع :rolleyes:
اطيب شي العصير بكل انواعه
التمر هندي
البرتقال
قمر الدين
عرقسوس (بس هاد انا ما بحبه )
وبرمضان لازم يكون كل يوم فول وفتة مع الاكل يعني بشهر رمضان بنجيب فول وفتة عن السنة كلهاsh:eye
سلام
sh:hi sh:hi

[snow night]

حاياتك فيه ريحة الشام فيهن شي بضل مختلف يعني يلي حبيتي تقولي أنو بوز الجدي بضل شغال برمضان على مدار الساعة بوز الجدي مشان يلي ما بيعرف بياع الحمص والفول وهنن عائلة مشهورة بدمشق شغلة ها الشغلة أنا


نتذكر كمــــــــــــــان ......
بتذكر كمان المعروك يلي كنا نشتري برمضان وهو معروك بجوز الهند وبالعجوة والسمنة والسكر صمعة ما بتروح من تحت سناني (مصطلح شامي بحت) لما كن نبلش بالمعروك قبل الأكل يعني الفطور من أد مانكون مشتهينوا


http://www.khayma.net/betaqa/pictures/Moon.gif

[osama_brd]

أخي تميم ...

أشكرك بدوري على تذكر المرحوم مروان شيخو تذكر برنامجه الذي رافقنا منذ الصغر حتى فارقنا بجسده وظل بروحه وظل شقيقه عدنان شيخو يتابع مشوار البرنامج ( تحية الإفطار من بعده ) ....

أحب أن أذكر شيء آخر وهو الإمساكية التي أحرص منذ زمن بعيد على اقتاء واحدة في رمضان ولا أحس برمضان إلا بهذه الإمساكية ...


أسامةsh:hi

[KAYSAR]

الله يلعن الغربة يلي حرمتنا من كتير شغلات و كتير إشيى ما عادت ترجع بنفس النكهة يلي كانت فيها

من أكتر الشغلات يلي كانت تلفت نظري برمضان يا شباب و يا صبايا هوه الشوارع يلي بتلاقيها تصير مقفرة من الناس و ما فيها الدومري قبل ساعة من الأفطار :eek:

و من الشغلات الشخصية أنو كنا نتبسمر جنب الشباك قبل الفطور بشوي أنا و اخواتي أدن المغرب يا ولاد و لا لسى لأ لسى ما ادن و نتم هيك أنا و أخواتي و البابا لحديت ما يأذن :)
كل

عام

و أنتم

بخـــــــــــــــــير

[ARNOLD]

رمضان كريم sh:hi

[snow night]

ولا يهمك أخي kaysar الله كريم ومنعيد ايام رمضان بالشام وحياتنا مو ملك الغربة وهي ملكنا ولازم نحط العودة للوطن والعمل فيه وتطويره هدف لغربتنا ونعيد أيام رمضان القديمة



------------------------------------مدافع رمضان----------------------------
هاد الشي يلي حابب نتذكره سواشلون كانت المدافع هي اشار البدء بالأكل والهجوم على السفرة العامرة بشتى أنواع الأطعة الشامية الشهيرة







http://members.aol.com/midmdroots/pics/cannon.gif

[علاء الدين]

كل عام وإنتم بخير .

;)

[نار البحر]

الموضوع حلو كتير
بس انا رح اذكرلكم شغلة من رمضان وقت اللي كنا صغار
انا بذكر اول رمضان صمته كان بالصيف و النهار طويل كتير و كنت يمكن ابن عمر ست سنين
بس كيف هيك ابن ست سنين و صمت
اي لا تستعجلوا رح خبركم
هادا الصيام كان اسمه صيام دريجات الحمام
يعني درجة درجة
كانوا اهالينا يخلونا نصوم للضهر و نشرب بس شوية مي و مافي مشكلة اذا كان في وجبة صغيرة
و هيك متلها يمكن العصر
صحيح نسيت انو كمان كانوا يفطرونا
هههههههههه ايييييييييييييييييه على ايام الطفولة
و كمان بحب اذكرلكم ايام توديع رمضان وقت اللي بتصيير الجوامع بعد صلاة العشا بتقول هل الاناشيد الحلوة
هاذا عليك السلام يا شهرانا
هاذا عليك السلام
و كمان رح اذكرلكم شغلة كنا ما نستغني عنها و هي المعروك
او كعك رمضان
اييييييييييييييييييييه يا رمضان بسوريا
والله اخي سنو وايت فتحت الجرح
يالله بسيطة بتهون و بيفرجها الله
الى اللقاء و كل عام و انتم بخير
اخوكم جمال

[AMZAAZA]

كل عام و الكل بألف خير